مين اللى كانت نايل موتورز السبب فى اخياره بروتون واشترى

[tarek hashem]

هوبا
يا جماعه احنا مدخلين حتى الان لعز تقريبا مليون جنيه من فضلكم ادخلوا عايزين نجيب الرقم الحقيقى لانه لازم يكون لنايل موتورز نسبه ده المفروض تبقى موزع ليه نسبه ومن النسبه ديه الاداره تعمل بيها خدمات للاعضاء
او اى صيغه المهم نكمل ونحاول نعمم التجربه ديه على باقى الاقسام فى المنتدى
مليون جنيه يا عز ومستوى الخدمه كده حسبى الله ونعم الوكيل

[tarek hashem]

على فكره يا جماعه عدد لمشاهدت 153 وعدد اللى اشتروا 12
يعنى تقريبا 8 %
نسبه فوق الرائعه
يا جماعه ده منتدى تحفه وجامد قوى
اللهم لا حسد

[eng_mido]

rabena khala nile motors sabab eny akhtar gen2 w rabena yg3al ekhtyaratna sa7 w ybarek lena f 3arabetatna

[hamado]

meee toooo :)

انا بردوا استفد كتيييييير من نايل موتورز و كانت اهم سبب لشرائي بروتون بعد استخارة ربنا سبحانه و تعالى و انا لسة ماستلمتهاش على العموم يعني... الف شكر ليكو و في تقدم دائم ان شاء الله

[AhmedGen2]

نايل موتورز كان سبب أساسى طبعا ً

[tarek hashem]

مليون وربع حتى الان
يا ترى كام موزع لبروتون باع بمليون وربع
ولسه ولسه

[elmadawy]

هو انت يا أخ طارق مش كان أسمك مجدي ولا انا مش فاكر ولا ايه المعلومه ديه صح ولا غلط

[azab1985]

أنا واحد من الناس إلى كان المنتدى دة سبب فى إنى أشتيرى persona و هى بجد عربية روعة

[mino]

انا دخلت المنتدي بالصدفة اصلا و كنت بشوف اراء الناس في الشيفورليه الافيو و بقارنها بالنيواكسنت
ما كنتش اعرف الجين 2 اصلا

[formoza]

انا كنت حابب العربيه اصلا و اول مشاركه اقرئها كانت لتوت باشا و اعد يقنع فيا لحد ماجبتها, هو مكلمنيش بس انا اريت كلامه و اطمنت من نحيتها

[tarek hashem]

مش مجدى يا باشا كان meg اختصار لمشروع رساله ماجيستير بتاعتى
make energy by gravity
اما باقى المسمى فكان
db 109
dynamic Beta
وال 109 ده التردد الحثى لنقطه الرنين عند الحاله الحرجه للجاذبيه

اعتقد كده مدلول الرمز بان وبقى واضح زى الفل
المهم لما تداخلت معاكم جدا طلب من الاداره عرض اسمى عادى
وشكرا على السؤال

[hadota_masreya]

يا جماعه لازم أدين بالفضل لله سبحانه و تعالى أولا ثم لمنتدى نايل موتورز
أنا زي أي حد من فتره عايز اشترى عربية و محتار مابين الموديلات العادية (فيرنا - لانوس - نيو أكسنت - افيو) اللى هى مابين 70 - 85 و كانت الجين تو عاجبانى الصراحه لكن ماكانش عندى أي معلومات عنها خالص - لا اعرف حد اشتراها و لا اعرف حد بيبيعها
و فى يوم كنت على النت و خاصة جوجل و جتبت جين 2 بالعربى و طلعلى من ضمن النتائج موضوع فى نايل موتورز- انا افتكرت انه موضوع واحد كاتبه و خلاص لكن الصراحه ذهلت لما لقيت منتدى كامل عن الجين 2
و عنها يا ريس و ابتديت اخش و ادور و اعرف و الصراحه على رأي حد من زمايلنا هنا فى المنتدى حسيت بعد فتره انى فاهم العربية زي أي حد راكبها على الرغم من انى ماشفتش العربية من الداخل نهائى

الصراحه نايل موتورز ليه فضل كبير عليه بعد المولى سبحانه و تعالى فى انى اخد قرارى بالجين تو اللى اتحول لاسباب قهرية للبيرسونا (و مش ندمان و الحمد لله) و بجد انا بارسل كل تحياتى و احترامى لجميع أعضاء نايل موتورز اللى عمرهم مايبخلوا على أي حد بأي معلومه و يارب أقدر أشارك بالخبرات اللى بكتسبها فى الرد على الاستفسارات و أحفز ناس تانية محتاره بانهم يختاروا العربية الصح

ربنا يبارك فيكوا و في جين توهاتكوا و بيرسوناتكوا و ويراتكوا و واجاهاتكوا
اللهم اعطنا خيرها و اكفنا شرها يا رب العالمين
آآآآآآآآآآآآآآآآآآآآآآآآآآآآآآآمين

[a_quetta]

الاسلام عليكم

فى البدايه كل سنه وانتو طيبين وعام سعيد للجميع

انا من الناس الى منتدى نايل كان السبب فى إقناعى بالعربيه

المهم انى استلمت بروتون جن2 2009 وبعد 12 ساعه اخدت خبطه جامده من اليمين وقبل ما تترخص وفى النهايه دايخ على أسعارها وقطع الغيار ومفيش حاجه فى التوكيل او حتى بره التوكيل


وشايف ان العربيه جميله جدا بس خدمه ما بعد البيع والتوكيل مش تمام

يا ريت لو حد يفدنى فى اى حد عنده قطع الغيار دى وأسعرها

1-فانوس أسود
2-رفرف يمين
3-مقص يمين

وأكون شاكر كتير للمساعده من أعضاء المنتدى زى ما كانو السبب فى إقناعى بيها

وكل سنه وانتة بخير

[hadota_masreya]

a_quetta باشا

شوف أولاد منصور فى الجيزة فى شارع المحطة

رقمهم الأرضى
37740354
موبايل:
0124893100

و ربنا ييسرلك و يسرلنا الحال يارب

[ahmadSayed]

هوبا
يا جماعه احنا مدخلين حتى الان لعز تقريبا مليون جنيه من فضلكم ادخلوا عايزين نجيب الرقم الحقيقى لانه لازم يكون لنايل موتورز نسبه ده المفروض تبقى موزع ليه نسبه ومن النسبه ديه الاداره تعمل بيها خدمات للاعضاء
او اى صيغه المهم نكمل ونحاول نعمم التجربه ديه على باقى الاقسام فى المنتدى
مليون جنيه يا عز ومستوى الخدمه كده حسبى الله ونعم الوكيل

طارق ياشا مش المهم النسبه والفلوس المهم ان التوكيل ده او غيره يعرفوا انهم بيتعاملو مع ناس بتفهم وتعرف الوحش من الحلو بدل كلام الجرايد اللى بيهلل لاى عربيه بتنزل جديد, ان فى مصدر موثوق وتقيمات حقيقيه بدل التقيمات مدفوعة الاجر اللى بتنزل فى حبة جرايد , وبدل ما الناس تقعد تدور على تقيمات فى مواقع اجنبى نايل موتورز بيقوم بالواجب

المهم يعرفوا نايل موتورز دخلهم كام وكمان يعرفوا انهم لو عكوا هيخسروه كام.