مشكلة فى السحب تانى و الكهرباء و ابتجيت اتخنق من الغربية

[abdelrahmanhamdy]

لما اكون راكب العربية لوحدى بتبقى كويسة......لو حد ركب معايا تتخنق و ماتسحبش و لمبة البطارية تنور خفيف كل لما اهدى و اجى ادوس بنزين تانى.....لو اتنين ركبوا معايا الموضوع ده يزيد اكتر.....لو تلاتة ركبوا معايا يعنى بقينا اربعة فى العربية بتبقى منظر اوبل بس من برة انما فى المشى ولا كأنك راكب سوزوكى ماروتى
فى حل للموضوع ده ولا كدة العربية عجزت و عملت اللى عليها خلاص فى الحياة
بعد ما اوصل من مشوار و اركن....اجى ادورها تانى بتغيب اوى فى الدوارة

[EslaM_NagY]

متابع للإهتمام وزعلان

[Hesham256]

ده أيه ده هي بحس بيك انك معاك ناس و لا أيه!!!! هو الوزن بيفرق بس مظنش هيخنق عربية لمجرد واحد أو أتنين ركبو !!!!!
أنا عندي أسترا 2004 سعات في الحر و العربية سخنة بتعمل زي كده ادوس جامد بس هي و لا كأن في بنزين اصلا مبتستجبش!!!
انا كمان هستني الخبراء يردو عشان عندي نفس مشكلتك كده مع العلم اني ببقي لوحدي!!!

[Ahmad Allawy]

هو انا بصراحة مش عارف...
بس خلينا نفكر بالراحة كده بصوت عالي..

هل لما لمبة البطارية بتنور كده و انت بتدوس بنزين الار بي ام بيكون طبيعي ولا بيكون اوطي من اللازم..؟؟
انا في رأيي ان المشكلة في التغذية.. بمعني طلمبة البنزين.. البوجيهات وسلوك البوجيهات.. و البوبينه..
شيك علي الحاجات دي..
و موضوع الوزن لما بيزيد اكيد بيبقي محتاج جهد اعلي من الموتور عشان يحرك الوزن ده..

ده مجرد رأي شخصي ضئيل و نسبة الخطأ فيه عالية.. و في انتظار رأي حد من الناس الخبرة..

[tananybasha]

نوع العربية عشان نقدر نعرف و موديلها

[rabbat5]

صوت العادم الخارج من الشكمان طبيعي و لا فى ترتيلة

[tananybasha]

الفلاتر و الكهرباء

[abdelrahmanhamdy]

هو انا بصراحة مش عارف...
بس خلينا نفكر بالراحة كده بصوت عالي..

هل لما لمبة البطارية بتنور كده و انت بتدوس بنزين الار بي ام بيكون طبيعي ولا بيكون اوطي من اللازم..؟؟
انا في رأيي ان المشكلة في التغذية.. بمعني طلمبة البنزين.. البوجيهات وسلوك البوجيهات.. و البوبينه..
شيك علي الحاجات دي..
و موضوع الوزن لما بيزيد اكيد بيبقي محتاج جهد اعلي من الموتور عشان يحرك الوزن ده..

ده مجرد رأي شخصي ضئيل و نسبة الخطأ فيه عالية.. و في انتظار رأي حد من الناس الخبرة..

وحشتونى و الله يا جماعة كلكم
اسف على التاخير كنت مسافر ( من غير العربية طبعا )
ان شاء الله انا نازل النهاردة اشيك على الحاجات اللى علاوى قالها مع الاحتفاظ بالالقاب و هتابعكم بالنتيجة
عاوز اقولك ياعلاوى ان الدينامو كمان اصول يتبص عليه.... وانا حاسس انه بايظ اصلا شكلى هغيره بس مش عارف يطلع بكام ده.....ياللا سلام مؤقت

[Elnahrawi]

السلام عليكم

بالنسبة للسحب فحاقولك على حاجتين تعملهم :

1- غير فلتر البنزين ولازم الفلتر الجديد يكون أصلي مش تركب فلتر لانوس للفيكترا !

2- في جوه تانك البنزين مصفاه بلاستيك ، عبارة عن بلاستيك محيط بشبكة مسامتها رفيعة جدا جدا ، الأفضل إنك تنضفها مش تغيرها لأن غالبا مش حتلاقي الأصلي بتاعها ، والتنضيف يكون بالماء والصابون (بيرل) .

أما عن النتيجة بعد ما تعمل الحاجتين دول :

أولا : سحب العربية حيتغير تماماً ....... حتلاقي معاك عربية تحفة في السحب.

ثانياً : حرق البنزين ، يعني حتوفر كتير في البنزين ، وأنا متأكد إن عربيتك حالياً بتاكل بنزين

جرب وقولي ..

[tamertamer]

المشكلة دية بتبقا من احدى هذة الاسبباب
1- البوجيهات عمرها الفتراضى خلاص
2- فلتر البنزين نتيجة البنزين السيىء
3- الدنمو شحنو وحش مبيشحنش كويس خالص
4- الايرماس بيودع

[abdelrahmanhamdy]

السلام عليكم

بالنسبة للسحب فحاقولك على حاجتين تعملهم :

1- غير فلتر البنزين ولازم الفلتر الجديد يكون أصلي مش تركب فلتر لانوس للفيكترا !

2- في جوه تانك البنزين مصفاه بلاستيك ، عبارة عن بلاستيك محيط بشبكة مسامتها رفيعة جدا جدا ، الأفضل إنك تنضفها مش تغيرها لأن غالبا مش حتلاقي الأصلي بتاعها ، والتنضيف يكون بالماء والصابون (بيرل) .

أما عن النتيجة بعد ما تعمل الحاجتين دول :

أولا : سحب العربية حيتغير تماماً ....... حتلاقي معاك عربية تحفة في السحب.

ثانياً : حرق البنزين ، يعني حتوفر كتير في البنزين ، وأنا متأكد إن عربيتك حالياً بتاكل بنزين

جرب وقولي ..

متشكر اوى يا جماعة على المتابعة و فعلا العربية بتاكل بنزين بغباء و انا هغير فلتر البنزين

[abdelrahmanhamdy]

السلام عليكم

بالنسبة للسحب فحاقولك على حاجتين تعملهم :

1- غير فلتر البنزين ولازم الفلتر الجديد يكون أصلي مش تركب فلتر لانوس للفيكترا !

2- في جوه تانك البنزين مصفاه بلاستيك ، عبارة عن بلاستيك محيط بشبكة مسامتها رفيعة جدا جدا ، الأفضل إنك تنضفها مش تغيرها لأن غالبا مش حتلاقي الأصلي بتاعها ، والتنضيف يكون بالماء والصابون (بيرل) .

أما عن النتيجة بعد ما تعمل الحاجتين دول :

أولا : سحب العربية حيتغير تماماً ....... حتلاقي معاك عربية تحفة في السحب.

ثانياً : حرق البنزين ، يعني حتوفر كتير في البنزين ، وأنا متأكد إن عربيتك حالياً بتاكل بنزين

جرب وقولي ..

متشكر اوى يا جماعة على المتابعة و فلتر البنزين هغيره

[abdelrahmanhamdy]

السلام عليكم

بالنسبة للسحب فحاقولك على حاجتين تعملهم :

1- غير فلتر البنزين ولازم الفلتر الجديد يكون أصلي مش تركب فلتر لانوس للفيكترا !

2- في جوه تانك البنزين مصفاه بلاستيك ، عبارة عن بلاستيك محيط بشبكة مسامتها رفيعة جدا جدا ، الأفضل إنك تنضفها مش تغيرها لأن غالبا مش حتلاقي الأصلي بتاعها ، والتنضيف يكون بالماء والصابون (بيرل) .

أما عن النتيجة بعد ما تعمل الحاجتين دول :

أولا : سحب العربية حيتغير تماماً ....... حتلاقي معاك عربية تحفة في السحب.

ثانياً : حرق البنزين ، يعني حتوفر كتير في البنزين ، وأنا متأكد إن عربيتك حالياً بتاكل بنزين

جرب وقولي ..

عاوز اشكركم على المتابعة و فلتر البنزين هغيره النهاردة

[abdelrahmanhamdy]

المشكلة دية بتبقا من احدى هذة الاسبباب
1- البوجيهات عمرها الفتراضى خلاص
2- فلتر البنزين نتيجة البنزين السيىء
3- الدنمو شحنو وحش مبيشحنش كويس خالص
4- الايرماس بيودع

عاوز اشكرك على المتابعة ....فلتر البنزين هغيره النهاردة و البوجيهات مغيرها من شهرين و الايرماس مغيره من اسبوع....بس عاوزك تفيدنى فى الدينامو اعمل فيه ايه بيتصلح ولا يتغير خلص و لو غيرته اجيبه استيراد ولا جديد

[tananybasha]

هى فيكترا ايه و لا بى و مغير الير ماس بكام و منين جديد و لا استيراد