اخواني ممن تابعوا موضوعي عن السيارة الإنفينيتي الجربانة -عفوا المط قصدي
و بعد أن تتالت الأراء و وبعد البحث وجدت أن الفكرة مش قصة شنيعة ولا اختراع لولبي صعب التنفيذ....
اضغط على الصورة لمشاهدة الموضوع (انفينيتي مرشوشة اسود مط)
و بعدين قلت لنفسي : طب ما بلاش كلام و فتي و جرب بنفسك
و ما كدبتش خبر نزلت النهاردة الصبح و لفيت لفة بسيطة و توصلت للدهان المط (الورنيش المط) وهو ميدو على فكرة مش مستورد ولا حاجة وتمنه 19 بندق مصري للتر .
و توجهت للبيت و بدأت أبحث في الجراج عن أي حاجة صاج أو فيبر ممكن اجرب عليها لحد مالاقيت اكصدام اللانسر القديم
و بدأت أجهز العدة و جبت مسدس الرش (عندي واحد علشان باستعمله لأني غاوي رسم ونحت) و طبعا فكيت الكومبريسور من العيادة
و جبت جرايد وصنفرة ناعمة و كنست الجراج و كله تمام
أولا صنفرت جزء من الإكصدام كويس و نظفته و طهرته بثينر
وقفلته بالجرايد و اللزق كما بالصورة
وبعدين بدأت أخفف اللون الأسود يالثينر و أعبى خزنة المسدس
وبأت عملية الرش للون الأسود بشكل فني متمكن من كتر الوقفه مع الصنايعية أيام الفضى (بس أنا فاضي اليومين دول )
و تركته ليجف بتاع ساعة كده في الحر و الشمس :ack2: الجميلة
و بعدين جاء دور الورنيش المط بعد تخفيفه و تحميله في خزنة المسدس
ورشه بطريقة الطبقات (5 طبقات) و مراعاة ترك كل طبقة لتجف قبل رش الطبقة التالية
وبعد تمام الجفاف ازلت الجرايد و ظهرت النتيجه
التعليق :
الفكرة بسيطة و رخيصة نسبيا بس عايزة حد بيفهم قوي علشان يعملها في سيارة كاملة
طبعا عزل الأتربة عامل أساسي
السطح الناتج رائع الشكل (جربان صحيح) بس شيك :coolgleamA:
النقطة المهمة بقى :
بيلم تراب بغباااااااااااااااااااااء مش قادر أوصفلكم
و اتمنى أكون أفدتكم
أحمد البوهيجي
3 شارع رشه الهوا
تليفون :09007770
المفضلات