Gen2 vs New Accent

[mnegypt]

انا محتار بين الجبن 2 و الأكسنت 1.6 الجديدة
الأكسنت تكنولوجية متطورة و 112 حصان

و الجين 2 فيها أوبشنز كتير مش موجودة في أي سيارة بالسعر دة و 110 حصان
أه رأيكم؟

[fahd_628]

راى الشخصى جين 2

[Falcon]

Gen 2 men 3'er kalam

[Hesham A.Megid]

In my opinion, the Accent is muuuch better in terms of build quality and materials used in the interior. While the Gen 2 is better in terms of packaging and features offered as standard.
If I were in your feet I would buy the Accent because I already have 3 Hyundais, w kfaya keda 3ala Ghabbour ba2a :D

[fahd_628]

If I were in your feet

معلش

هية مش بتتقال If i were in your shoes ولا الأتنين ولا انا الى غلطان

والله انا مش قصدى حاجة محدش يزعل منى انا بس بأكد المعلومة عندى

و بكرر تانى والله مش قصدى حاجة

[Sharky]

جين 2

[hisho1979]

GEN 2

[sokasoon]

• جين 2 طبعااااااااااااااااا

[goodwave]

هية مش بتتقال If i were in your shoes ولا الأتنين ولا انا الى غلطان

لا إنت صح وبتتقال كمان "if i were in your boots :D

[Hossam_Hassan]

gen 2 بالتأكيد

[goodwave]

معلش ردي الاول كان بعيد عن الموضوع شوية

بص يا عم ودة كلام ممكن يزعل ناس مني ولكن اقول رائي لوجة الله لاني اتعشم ان اجد من ينصحني في يوم ما.

إمبارح بس لو كنت شوفت موضوعك قبل الساعة 4 مساءا كنت قلتلك GEN2 و إنت مغمض :!: ولكن إمبارح الساعة 4 كنت على موعد مع مسؤل مبيعات ال GEN2 عندنا في إسكندرية علشان اتفرج عليها علشان بفكر اشتريها. وكانت المفاجأة..............

1- السيارة المعروضة كانت sport package وهي تزيد عن العادية في الاسبويلر والعتب والكساحة وكن الزيادة دي تكلفك 4000 جنية :shock: ........ ايوة ويبقى تمن المانيوال الكاملة 1600 سي سي سبورت باكج 87900 :shock: :shock: :shock:

2- السيارة جميلة بالنسبة للتصميم الخارجي والوسع الداخلي معقول جدا ل 5 افراد متوسطي الحجم.

3- الشنطة واسعة.

4- التقفيل الداخلي للابواب والتابلوة والكراسي فقير جدا جدا واكاد اقارنة بالادا او الشاهين....... الخامات بلاستيكية تتسم بالرقة وعدم المتانة ولا اعتقد انها ممكن تعمر اكتر من سنتين في حال الاستخدام اليومي المتكرر وليس الخفيف.

5- حاجة غريبة إن الكبوت بيفتح من ناحية اليمين للراكب إلي جنب السائق لية؟؟؟؟؟؟

6- الموتور شكلة محترم وتقفيلة محترم لكن عادي والفينيش لبعض الاجزاء مش ولا بد.

7-الجنوط جميلة ولكن شكل جديد غير الاولاني إللي بدوائر.

8-مفاجئة اخرى....... بينزل منها فرش اسود فقط ودة شكلة عادي جدا ومش ظريف.

9- الدهان بتاع المقابضعق ووش الكاسيت ومقبض عصاية الغيار "الاوكسدي" شكلة مش قد كدة وأعتقد مع الرطوبة والشمس والعرق مش حيعمر! وخير دليل العربيات المعروضة في CAR100100.com ولو بصيتو عليها حتلاقوا دهان عصاية الغيار ممسوح وشكلة وحش جدا مع إنها مكملتش سنتين.

10- الصاج متين ومعالج ضد الصدأ ولكن في إعتقادي كل السيارات الجديدة على هذا المنوال.

11-سألت الراجل بتاع المبيعات عن قطع الغيار وتوافرها قالي إنهم بيستوردوا منها 300 عربية كل شهر ومعاهم طلبية قطع غيار. وكمان قالي إن عز العرب هو وكيلها في الشرق الاوسط :!:

تقيممي العام "الشخصي"

- صرفت نظر عنها نظرا لغلو السعر مقارنة بالتقفيل المتواضع.
- بنفس السعر اجيب ميتسوبيشي لانسر ولو كانت 1300 سي سي
- عداد البنزين والباركنج سنسورز وال ABSوالريموت والكاسيت سي دي والتكييف وكل دة جميل بس معتقدش إنة حيكون معمر في حالة الاستخدام اليومي زي حالاتي.
- على النت بيقولو العربية مصممة لتعمر لحد 10 سنوات او 250 الف كيلو قبل ما يتعملها اول عمرة وانا اشك في ذلك.
- شركة مسلمة 100% ومكوناتها محلية 100% شئ اعتز وافتخر بة ولكن السعر مغالى فية ولو كان السعر معتدل او مثل سعر الصيني المحترم مثل Chery A11 لكنت اول من غشتراها.

نصيحة للاخوة روحو شوفوا العربيات واركبوها زي ما انا عملت قبل ما تفاضلوها وتبدوا اراكم زي ما كنت انا حعمل مع الاخ إللي بيسأل.

واخيرا إجابة سؤال الحلقة :lol: أختار الاكسنت إذا لم يكن هناك مجال لأي إخيار اخر.

[fahd_628]

تكلفك 4000 جنية

هية غليت ولا اية !؟؟

هية مش كانت ب 2000 جنية بس ؟

5- حاجة غريبة إن الكبوت بيفتح من ناحية اليمين للراكب إلي جنب السائق لية؟؟؟؟؟؟

علشان العربية بينزل منها بمقود على اليمين

و مش مشكلة يعنى عويصة :D

8-مفاجئة اخرى....... بينزل منها فرش اسود فقط ودة شكلة عادي جدا ومش ظريف.

:shock: هوة مش كان بيج ؟؟؟؟؟؟؟؟ كان جامد جدا والله

10- الصاج متين ومعالج ضد الصدأ ولكن في إعتقادي كل السيارات الجديدة على هذا المنوال.

الصاج بتاعها فعلا اقوى من عربيات كتير و اقوى من الأكسنت

- على النت بيقولو العربية مصممة لتعمر لحد 10 سنوات او 250 الف كيلو قبل ما يتعملها اول عمرة وانا اشك في ذلك.

لية بس يا باشا دة فية عربيات بتعمل 300 و 350 الف من غير عمرات كل واحد و حسب استخداماتة يعنى لو شد و حرق و كدة يمكن يقعد 250 الف كيلو و لكن لو مثلا ماشى بالراحة ممكن تعدى عادى :D

9- الدهان بتاع المقابضعق ووش الكاسيت ومقبض عصاية الغيار "الاوكسدي" شكلة مش قد كدة وأعتقد مع الرطوبة والشمس والعرق مش حيعمر! وخير دليل العربيات المعروضة في CAR100100.com ولو بصيتو عليها حتلاقوا دهان عصاية الغيار ممسوح وشكلة وحش جدا مع إنها مكملتش سنتين.

بصراحة مش عارف الموضوع دة و ممكن الأخوة الى معاهم العربية هنا يفيدونا فى النقطة دية

[fahd_628]

انا النهاردة كنت فى الشو رووم بتاع عز العرب انا و اصحابى و كنا بنتفرج على الجين 2 علشان نشوف حكاية الفرش دة

و لقيت انهم غيرو التابلوة و بقى كله اسود و Grey و الفرش بقى اسود

بس انا كنت معجب اكتر بالفرش و التابلوة البيج كان احلى بس دية مسألة ازواق انا واحد صاحبى قالى كدة احسن

بس بصراحة مش وحشة جميلة برضة :)

[Abu Aly]

شركة مسلمة 100%

؟؟ ! .. معقول الواحد يختار عربيه بس عشان ديانة البلد المنتجه ؟؟! .. اذا كان على كده يبقى حرام المصريين سواء مسلمين او افباط يشتروا عربيات يابانى او كورى او صينى مثلا عشان ديانتها اصلا غير سماويه !: ديانه شنتويه فى اليابان -
بوذيه فى كوريا - كونفوشيوسيه فى الصين !!

ثانيا : فى معلومه شايعه فى مصر وغير صحيحه و هى ان ماليزيا دولة مسلمة .. و لو كنت سافرت ماليزيا او حتى رحت سفارة ماليزيا تطلب نشرة سياحية بها معلومات عن ماليزيا حتعرف ان عدد المسلمين حوالى 50.2 % من عدد السكان يعنى
فقط نصف عدد السكان و الباقى اعراق مختلفة اهمها الصينين ( 24.5 % ) و الهنود ( 8 %) و الباقى عرقيات مختلفة ! و على فكرة الصينيون - اعجبنا ذلك او لم يعجبنا - هناك هم عماد الاقتصاد و الصناعة و الماليين المسلمين اكتر فى قطاع الخدمات ..
هذه معلومات اكيدة يمكن التأكد منها من سفارتهم نفسها .. و ممكن جدا بل غالبا سيكون اصحاب الشركة من الصينيين مثلا !!! :mrgreen: :mrgreen: :mrgreen: .. و على ماليزيا من اكتر الدول تسامح و ااعتدال و انسجام
بين كل مواطنيها بصرف النظر عن العرق او الديانه ..

انا مسلم لكن عن نفسى لو معايا فلوس كفاية حاختار افضل عربية سواء كانت من بلد اسلامى او مسيحى او بوذى ..
كل من يعمل عملا جيدا بصرف النظر عن ديانته يستحق الاحترام .. سوف اقاطع بس شراء عربية اسرائيلى مش علشان يهود لكن علشان احتلالهم ارض عربيه و سلوكهم العدوانى .. غير كده احمد زى جورج زى كوهين زى كيم او كاماكوكو !! ... و دمتم .

[goodwave]

؟؟ ! .. معقول الواحد يختار عربيه بس عشان ديانة البلد المنتجه ؟؟!

هو الناس النهاردة مالها؟؟؟ ولا دة بقى العرف السائد فينا؟ إن إحنا نقرا الجزأ اللي عاوزينة ولما الرد ييجي في دماغنا نرد على طوووووول........ طيب يا أخي ما تقرا الموضوع بالكامل قبل ما تكتب ردك او مداخلتك او تسجل إعتراضك!

1- الليكتب وحضرتك إقتبست منه قال "شركة" مسلمة وليس "دولة" مسلمة
2-إتكتب إن الانسان بيفخر بإذدهار وتطور صناعة يرأسها ويمتلك رأس مالها مسلمين بغض النظر عن ديانة او نوع العاملين بها.
3- 50.2 مسلمين تبقى دولة مسلمة لان الديانة الغالبة مسلمة وديانة البلد إسلامية. يعني زي مصر كدة إسمها دولة إسلامية وبتشارك في المؤتمرات الاسلامية بس بيعيش فيها ويعمل المسيحي واليهودي والبوذي والسيخي .....إلخ إلخ.
4-بالرغم من إعتزازنا إن العربية من شركة مسلمة لا يمنع أننا إنتقدناها وإنتقدنا تقفيلها وغلو سعرها تماما كما اثنينا على تصميمها الخارجي. وأنا واحد من الناس قلت مش حشتريها لغلو سعرها وقلة جودة التقفيل ورشحت الميتسوبيشي.

فنقرا الموضوع بالكامل ونتريث حتى تكون مشاركتنا موضوعية ويستفيد منها الجميع........... ودمتم