suzuki alto

[asaadjr]

مساء الخير يا شباب

انا بفكر اجيب سوزوكى التو
ايه رايكم فيها من حيث
سحبها
مشاكل الفتيس
اسعار قطع الغيار وتوفرها
الخدمة فى التوكيل
ومقارنتها بحاجة تانى صغيرة زى دايو - ماتيز أو هيونداى اتوس

شكرا

[mandolin162000]

رجاء الرد يا جماعه لان الالتو 2008 عجباني موت و بفكر اشتريها زيرو

[Sameh Aziz]

بص يا باشا انا نسمعتش حاجة عن الالتو بس هي اكيد افضل من الماروتي
لان في منها 1100سي سي تكييف و كماليات

بس انا كان عندي ماتيز 2002 و للاسف بعتها و ندمان عليها (زي هاني شاكر)
عربية لن تعوض
سحب و تكييف و مفيش بنزين كنت بسافر بيها كل حته شرم و الغردقة و اسكندرية و من غير ما اريح
1/4 ساعة حتي في مشوار الغردقة
و اسمع ان الاتوس الجديدة ممتازة ممتازة
اتكل علي الله العربيات الصغيرة نعمة في كل حاجة

[عبد الرحمن اسامه]

جميلة جدا

انا معايا السوزوكى الالتو الشكل القديم بيسموها ماروتى زن موديل ٢٠٠٧ العربية تحفة بصراحة، فتيس ناعم و عقشة ناعمة جدا و ثبات غير متوقع فى عربية صغيرة زى دى، بس عيبها الوحيد انها كاربياتير فبتعد تسخن ربع ساعة كل يوم الصبح، معرفش الالتو الجديدة كاربياتير بردو ولا لاء.

[MrRami]

سوزكي زن .. في منها دلوقتي زيرو

[عبد الرحمن اسامه]

مش عارف، انا جبتها من سمير ريان اتصل بى و هو يقول لك، لو كده بص عليها، انا شايف ان هيا زى التانيا بالزبت انا كمان حاسس ان شكلها اشيك و ارخص بفرق ٧٥٠٠ الالتو ب٥٥٠٠٠ و الزن ب٤٧٥٠٠ فيها تكيف و سنتر و باور.

[midoelnido]

على فكرة انا سالت على قطع غيار الالتو طلعت غالية
الفانوس الامامى 650 جنيه
الفانوس الخلفى 450 جنيه
وقطع الغيار ليست جميعها متوفرة لدى الوكيل

[mone_eg]

ياريت يا جماعة تفيدوني في هذا الموضوع
لان في ناس كتير بتفكر تجيبها بعد التغير الكبير الذي حدث في شكل العربية

نرجوووو المساعدة من أهل الخبرة

[midoelnido]

بص ياسيدى انا لما اتاكد عرفت ان قطع غيارها فى التوكيل بس علشان هى 2008
لسه قطع الغيار منزلتش المحلات فلما سالت فى المحلات عن قطع الغيار الغير اصلية
لموديلات 2007 عرفت ان الاسعار للموديلات القديمة كانت معقولة
فانوس اشارة 40 جنيه
فانوس امامى 160 جنيه
فانوس خلفى 140 جنيه
شبكة امامية 145 جنيه
بس للاسف محدش عارف حاجة عن اسعار قطع غيار 2008 الا التوكيل وده اللى انا قلت على الاسعار بتاعته قبل كده
على فكرة انا من اسكندرية وممكن يكون فى القاهرة قطع الغيار متوفرة .. مفيش حد يقدر يدينا معلومات ....
ومش عارف قطع الغيار فى المحلات لما تنزل حتكون فى نفس الرنج ولا ايه النظام

[Abdm]

أنا أرشحللك الماروتى خاصة وانها نفس السعة اللترية 800 الا لو أنت ناوى تجيب الالتو 1100 فدى حاجة تانية خالص ولكن أنا فى المجمل بأيد وأشجع الماروتى لعدة أسباب :
أولا : توافر قطع الغيار أسهل بكتير من الالتو وكمان أرخص
ثانيا : سعر البيع فى السوق أرخص بكتير من الالتو
ثالثا : كاربراتير وليست انجكشن . الكاربراتير ممكن يصلح وصيانتة سهلة والميكانيكية بيفهمو فيها أكتر .

[midoelnido]

شكرا جزيلا بس ممكن اسال ايهما افضل الالتو ام لادا لان الثنين فى نفس السعر تقريبا

[Khalid_Mostafa]

بشكل عام و عن تجربه فأن الأنجيكشن بغض النظر عن توفيره للوقود و ادائه الأفضل فأن مشاكله اقل بكتير من الكربراتير ..لما الكربراتير بيديك ظهره بتشوف الويل
ومادام حتشتري زيرو يبقي الحق بالتجنولوجي الجديدة و سيبك من موضوع الكربراتير ده .ومش لازم تجيب عربية 1600 سي سي ..جيب 1100 سي سي معقوله جداً و في رأيي انسب حاجه لمصر
انا كان معايا ماتيز 99 وكانت بصراحة جميله جداً بس كان فيها 3 مشاكل
-مفيش شنطه
-الموتور لو اتنين او تلاته ركبين مفيش مشكله ولكن اكتر من كده منصحكش وطبعاً التكييف حيكون مأثر علي العربية ولو انه تأثير محدود (800 سي سي برضه و كتر خيرها) فلو انتا شاب ولوحدك و بتاع يبقي الماتيز الأختيار الأمثل بشرط الحاله
-حجرة الموتور ضيقة جداً مما يتعذر صيانتها بسهولة و يفر منها الميكانيكيا لدرجة اني كنت احياناً بصلحها بنفسي

اما بقي لو عايز حاجه جديده يبقي عندك التو - اونو - بيكانتو - سبارك - اتوس
-الأونو : 1300 سي سي وهي دي الحاجه العدله الوحيده فيها فيما عدا ذلك وحش و يشمل ذلك سعرها
-التو : انا شايفها مش بطاله ولكنها صغيرة نسبياً عن بقية الفئة إلي جانب اني شايف سوزوكي في العربيات الصغيره بتبقي عفشتها وحشه قوي (السويفت القديم كمان نفس الكلام)
- سبارك : انا شخصياً مش عاجبني شكلها من بره و من جوه وع ذلك في ناس بتشكر فيها ولكنها لم تعالج مشاكل الماتيز إلا في موضوع السعة اللترية للموتور
-بيكانتو : حلوه اوي ولاكن سعرها مبالغ فيه جداً بالإضافة الي صغر الشنطه بتاعتها (نفس عيب الماتيز)
- الأتوس الجديده : حلوه جداً في كل حاجه وسعرها معقول و لكن يؤخذ عليها الصالون مش بشياكة بقية الفئة بتاعتها لأنه لم يتم تطويره منذ 2000 ومع ذلك انا عاجبني الصالون بشكله الحالي وشايف انه عملي جداً

[midoelnido]

بس انا بتكلم على الالتو 800 عاملة 42000 جنية او اللادا المصرى عاملة 45000 جنبة سنتر وكاسيت وهوه ده المبلغ المتوافر معى ومش حينفع اقسط علشان عندى التزامات تانية ومش بحب المستعمل علشان الصنايعيه فى مصر 100100 زى ماانت عارف

[Khalid_Mostafa]

خد الألتو في رأيي

[midoelnido]

على العموم انا بقارن بس بين الاثنين اجيب ايه لحسن انا لسه جديد فى السواقة
بس عندى عقدة كبيرة من المستعمل ولا يمكن افكر فيه