هوينداي : لن نسوق Genesis في اوروبا !!! والسبب ...... لكزس

[Ahmed Anwer]

في خطوة من هوينداي


قررت عدم تسويق الهوينداي الجديدة جينسيس للأوربيين


والسبب يعود الى فشل لكزس في حصد نجاحها في اوروبا


حيث تم بيع 40,636 سيارة لكزس فقط في اوروبا عام 2007


ولهذا تعلمت هوينداي خطأ لكزس وقررت عدم اتخاذ نفس الطريق


خشية خسارة تسويقها على المدى البعييييد


وتعد هذه خطوة مهمة من هوينداي لتجنب الخسائر في المستقبل

المصدر ،،

http://www.egmcartech.com/2008/03/31/hyundai-learns-from-lexus-failure-no-genesis-for-the-europeans/

[Nile_Storm]

الناس دي بتفكر صح جدا

[hazem_khidr]

بس دا مش سبب في رايي انهم ما ينزلوهاش اوربا !!!!!!!!
بصراحه سبب غريب جدا.
بس العربيه شكلها جميل جدا

[PRO-DRIVE]

السبب الاصلي انهم قالوا يعني لكزس متباعتش حتتباع هيونداي يعني :) ؟

[Nile_Storm]

اللي نفسي اعرفه ليه شايلين علامه هيونداي من ادام

[analyzer]

هيونداى طالعه بشكل كبير جدا
على الرغم من عيوب الوكيل فى مصر الا انها كشركه فى رئى الشخصى محترمه واسهمها طالعه بسرعه عاليه جدا بالمقارنه بالاخرين

[شاهين - بنز]

أصل في أوربا العربيات إللي بتيجي من بره أوربا بتبقى ضرايبها مرتفعة يعني مسلا في بريطانيا السوناتا بعد الضرائب في سعر الباسات تأريبا

[Ahmed Anwer]

بس دا مش سبب في رايي انهم ما ينزلوهاش اوربا !!!!!!!!
بصراحه سبب غريب جدا.
بس العربيه شكلها جميل جدا

أنا من رأيك

مينزلوها و خلاص و هيا و رزقها

لو شفت صور النسخة الكونسبت أجمل بكتير



بصراحة النسخة التجارية شكلها عادي جدا ،،،

بس هوا انجاز لهيونداي اول سيارة V8 دفع خلفي ،،

السبب الاصلي انهم قالوا يعني لكزس متباعتش حتتباع هيونداي يعني :) ؟

طبعا

انتا عايز ،، الأوربيين الراقيين يسيبوا بنز و بي إم و الفاروميو و اودي ،،

و يركبوا لكزس و انفتنتي و اكيورا

يييييييععععععع

اللي نفسي اعرفه ليه شايلين علامه هيونداي من ادام

يقال و الله أعلم ،،

تمهيد لماركة فاخرة مستقلة عن هيونداي ،،

زي لكزس و تويوتا

أصل في أوربا العربيات إللي بتيجي من بره أوربا بتبقى ضرايبها مرتفعة يعني مسلا في بريطانيا السوناتا بعد الضرائب في سعر الباسات تأريبا

الحكاية دي اتناقشت فيها مع الأخوة ،،

ببساطة لو المشكلة في الجمارك كان اليابانيين بنو مصانع في اوروبا و هما ليهم بالفعل مصانع في اوروبا

و هيونداي ليها مصنع كبير في التشيك و مصنع في تركيا

السبب في رأيي تمسك و اعتزاز الأوربيين بماركاتهم المحلية ،،

و ان ليهم ثقافة و طابع مختلف في العربيات و ماركاتهم بتلبيها ،،

مش مشكلة جمارك و سعر ،،

[CryptonX]

السبب الاصلي انهم قالوا يعني لكزس متباعتش حتتباع هيونداي يعني :) ؟

ده غير ان الاوربيين بيكرهوا السيارات الكبيرة اصلا .. و كل السيارات الهاتشباك بتنجح اكتر من السيدان في اوروبا

وعلي فكرة في تجربة مبداية لصحفي سيارات علي ال Autoblog لل Genesis و كرها و قال انها مازالت سيارة هيونداي كوري ...

[أبو عبدالله]

ده غير ان الاوربيين بيكرهوا السيارات الكبيرة اصلا .. و كل السيارات الهاتشباك بتنجح اكتر من السيدان في اوروبا

وعلي فكرة في تجربة مبداية لصحفي سيارات علي ال Autoblog لل Genesis و كرها و قال انها مازالت سيارة هيونداي كوري ...

يا كريم لو سمحت تحطلنا اللنك بتاع البلوج ده علشان نشوفه

وبعدين هما لازم يشيلو العلامة من عليها علشان متبقاش العار ولا الطار يا هريدي

[hazem_khidr]

وبعدين هما لازم يشيلو العلامة من عليها علشان متبقاش العار ولا الطار يا هريدي

يا محمد باشا ماهي تويوتا عملت كده مع لكزس اول ما نزلت
علشان الناس واخده فكره عن تويوتا انها عربيات شعبيه و رخيصه و مفيش استعداد انهم يركبو عربيه تويوتا بالمبلغ دا.
و دا من اسباب فشل الفيرون من فولكس فاجن لان المستهلك الاوربي واخد فكره ان فولكس فاجن (سياره الشعب بالالمانيه) عربيات اقتصاديه .
و برضه العامل النفسي دا اللي جعل مبيعات 911 من بورش منخفضه لفتره طويله لان الناس مش متقبله انها تدفع 100 الف دولا في 911 و يلاقو ناس راكبين بورش بوكستر ب 50 الف دولا بس و بنفس الشكل تقريبا

[CryptonX]

يا كريم لو سمحت تحطلنا اللنك بتاع البلوج ده علشان نشوفه

وبعدين هما لازم يشيلو العلامة من عليها علشان متبقاش العار ولا الطار يا هريدي

http://www.autoblog.com/2008/03/13/video-one-cranky-south-korean-gets-to-drive-the-hyundai-genesis/

و علي فكرة ده مش من متحيز امريكي او ياباني ده من صحفي من جنوب كوريا نفسها . ياريت تشوف الفيديو كمان

و بعدين هيونداي امريكا ردوا ..و قالوا ان الGensis بتاعة كوريا غير بتاعة امريكا و يا ما لسة حنشوف .

الGensis حتنافس فعلا .. بس مش اللكزس .. خـــــــــالص ..

حتنافس سيارات تويوتا الكبيرة ( الكامري و الافالون و ... ) انما صعب جدا تنافس لكزس .