صدقونى انخفاض السيفيك ميزه و ليس عيبا

[aif]

Yes I am in saudi Arabia

ايوه كدة يبقي الموضوع منطقي ....
الكامري ما حدش بيتكلم عنها اصلا في مصر .... هنا التويوتا ... يعني كورولا ... وممكن ياريس
لكن انا لاحظت فعلا ان الكامري في السعودية كتير بشكل ملفت للنظر ... اكتر من 128 في مصر ... سنة 1980 :)

[HISHAM80]

ايوه كدة يبقي الموضوع منطقي ....
الكامري ما حدش بيتكلم عنها اصلا في مصر .... هنا التويوتا ... يعني كورولا ... وممكن ياريس
لكن انا لاحظت فعلا ان الكامري في السعودية كتير بشكل ملفت للنظر ... اكتر من 128 في مصر ... سنة 1980 :)

yes the camry here used for taxi and limosine services but Honda Accord is much better especially in the dashboard design I had honda here since one month as I ranted from agent here .the stability like dream I reached 200 KM you feel like it is 50 km
may next month I will rent camry and make comparison between both btu I will keep the Accord for two months at least as I love it

[محمد قاسم]

ألف مبرووووك عالسيفيك و حمدلله عالسلامه

[Karim_Monir]

السلام عليكم
اول مشاركه لى بالمنتدى الرائع
باختصار انا مالك لكورولا 2007 و انقلبت بيا على طريق شرم الشيخ-القاهره
و مستعد اوريكو الصور بصراحه الكورولا مهزله بعد 120 كم بسبب ارتفاعها و عدم اتزانها و كانك على الهوا
زميلى انقلبت به السياره على نفس الطريق كورولا 2007 ايضا و كان سب الانقلاب هو سرعة الرياح مع انه كان ماشى بسرعة 100
بصراحه الكورولا مهزله بكل المقاييس
انا حجزت السيفيك 2008 و مبسوط جدا من انخفاضها على الارض

اخ مرجم هيا مش الكرولا بتاعتك كانت كحلي تقريبا

عموما انت ممكن تتكلم عن ثبات السيفك ومقدرش اتكلم معاك بس ده ثبات من اللي بيوجع الضهر واخويا هشام الفقي شاف انطباعي اول ما ركبت وماكنتش قادر اسند ضهر من احساس العربية العالي بالمطبات

الكرولا ما ينفعش العربية دي يتحطلها جنوط 14 وR70
كانك جبت عداء ولبستة شبشب وعايزة يكسر رقم قياسي جديد
ده كلام
انا العربية دي اقل واجب فيها 15 ان ماكنش 16 عشان يظبط العربية ونحط مساعدين وسوست زي بتوع السيفك واوريلك ثبات عمرك ما حلمت بيه
لكن هيا المساعدين بتوعها نسبة الزيت فيها عالية قوي عشان كدة طراي وكمان السوست بتاعتها طرية قوي مع صغير حجم الجنط كل ده بيخلي العربية مش ثابتة على السرعات
لكن بقي انا اول ما جبت العربية وقبل ما اتم 3 الالاف نزلت شلت الكاوتش التويو وجبت بريدجستون 15 سرعات وسوبر سايلانت وطقم جنوك اسبور تايواني محترم من ارابكوم وكنت هاجيب 16 بس المشاكل اللي في ضهر يخلتني اتراجع وتعالي جرب عربيتي في اي وقت وهيا 2007 ولو حسيتها عايمة معاك لغاية 15 ليك حق
وانا ركبت العربية دي بجنوك 16 ثبات غير عادي مع سوستيتن كوني سبور نزلو ارتفاع العربية بوصة كاملة
ده الكلام بقي
لكن ماقرنش عربية سبوووور وعفشتها سبور زي سيفك والترا بعربية عفشتها مريحة وناعمة ونقول بقي دي بتعوم
يبقي انا اقول علي السيفك دي بتدب

[M_HaFeZ]

أولا : الحمد لله علي سلامتك و فداك العربية .... امهم أنت سليم بس
ثانيا : أنا بحترم الكرولا وسط البلد .. يعني مريحة في سواقتها ... بتجري كتسارع يعني كويسة .... كدة يعني .... انما أني أركبها و أسافر بيها و سرعات .... لأ أبدا ملهاش في السكة دي ... أصلا في ( معهد تكنولوجي العاشر من رمضان ) ولاد خالتي هناك .... المهم أنهم عندهم قسم السيارات ممتاز جدا و بيطلعوا ممتازين ما شاء الله ... المهم أنهم بيدرسوا علي الكرولا أن تصميمها من ناحية الثبات و مقاوة الهواء أنه تصميم غلط و أن الهوا بيدخل من حتت كتصميم بيفقد العربية تماسكها خالص ....

انا شايف معاك ان الكورولا مريحه جواها اوى وواسعه وتحس بالنعومه بس مجربتهاش فى سفر
بس اعتقد يعنى ان التصميم الجديد وخصوصا من اللى شايفه ان قاعده العجلات بقت اكبر فاظن ان الموضوع ده اتعالج وان مكانش يبقى الناس فى تويوتا من الاول يقولوا العربيه دى مش للسفر
وياريت لو حد عنده فكره عن الكورولا الجديده ومشاكل الثبات

[laithy]

أنا يا جماعة لسه جايب تويوتا كويتي 2008 من أسبوع بالظبط
بتفرق عن السعودي في فتحة السقف و الجنوط ال:)16
و لسه مسافرتش بيها خالص عشان عندي امتحانات حاليا و مش عارف أروح أي حتة
و كنت عاوز أسألك يا أخ كريم اذا كانت الكوولا الجديدة بالجنوط ال 16 ممكن تبقى مش ثابتة برضه؟؟؟
خصوصا اني بجري جامد و دلوقتي سمعت ناس بتقول مش ثابتة على 100 و 120
أنا كان معايا نوبيرا قبلها و ماكنتش بمشي أقل من 140 و مكنش عاجبني الثبات
يا ريت حد يقوللي هل هأفضل أعاني من مشكلة قلة الثبات ولا ايه؟؟؟:(

[HISHAM80]

you got the new shape the stability problem was in 2007 the old shape

[علاء فتح الله]

طيب والمطبات؟؟؟

ياجماعه مع احترامي

الثبات كويس مااختلفناش .. بس الارتفاع كمان مهم جداااااااااا عشان المطبات الجميلة اللي الحكومة مبعتراها بكرم حاتمي في كل شوارع مصرنا الحبيبة ..

حكة العربية بالمطب تحس انها جات في بطنك انت مش في العربية! وتقعد تتنرفز وتبرطم بكلام مالوش أي فايده غير انه يرفع ضغطك ، وبرضه عالفاضي .. ولاحد بيسمع ولاحد بيستجيب لآهات المواطنين المحكوكين!!