عاوز تعرف مفروض عربيتك تاخد قد ايه بنزين

[kemks]

- عاوز تعرف عربيتك مفروض تاخد قد ايه بنزين كل 100 كيلو عشان تعرف هيا بتاكل بنزين ولا لا و تصلح العيب اللي فيها.

- عاوز تعرف مفروض تحط بنزين كام من نسبة إنضغاط المحرك (Engine compression ratio) لو ممعكش المانويل بتاع العربيه.

- عاوز تعرف اهم Technical data بتاعه عربيتك.

كل اللي تقدر تعمله تبعتلي

*ماركه العربيه
*اسم الموديل و سنه الصنع
*مانويل ولا اتوماتيك
*السعه اللتريه للمحرك (كام سي سي)
*Engine code لو تقدر تقولي عليه

علي العموم المعلومات دي هحصل عليها من برنامج autodata و بعض المواقع علي الانترنت بس للافاده للاعضاء عشان لو حد عاوز يدور علي المعلومات دي اكترها من البرنامج المذكور اعلاه

في عربيات ممكن مقدرش اجاوب علي بعض المعلومات عنها كل العربيات لغايه موديل 2007 انشاء الله


-----------------------------------
بعض المعلومات ان شاء الله هتفيدك لو العربيه بتسحب منك بنزين (منقولـــــــــــــــــــــــــــــــه)
بس انا حطتها هنا في الموضوع عشان يبقي موضوع شامل

اولا
نسبه الانضغاط في المحرك

تعريف نسبة الانضغاط:
نسبة الإنضغاط هي حاصل قسمة حجم الإسطوانة بالكامل (الحجم المحصور بين الحد السفلى الذي يصل له المكبس وحافة غطاء الاسطوانة(وش السلندر)) مقسوماً على حجم غرفة الإحتراق (المحصورة بين آخر نقطة يصل إليها المكبس وحافة غطاء الاسطوانة (وش السلندر))

كل محرك له نسبه انضغاط و تتراوح من 7 الي 12 و قد تصل الي 15 و دا بيختلف من عربيه لاخري
و النسب كالتالي
بنزين 80 لمحرك ذو نسبةإنضغاط 8
بنزين 90 لمحرك ذو نسبة إنضغاط 9
بنزين 92 لمحرك ذو نسبة إنضغاط 10
بنزين95لمحرك ذو نسبة إنضغاط 11


ماذا يحدث لو وضعت بنزين ذو رقم أوكتاني أقل من الموصى به لسيارتي أو أقل من المناسب لنسبة إنضغاط محرك سيارتي ؟؟
الجواب : يحدث الآتي:
1- لا تحصل على العزم وعدد الأحصنة المبين في الكتالوج بل أقل منه
2- صوت المحرك يرتفع ومن الممكن أن لا تحس بالفرق بنفسك لكن صوت المحرك سيرتفع بالتأكيد ولو بنسبة ضئيلة
3- قد يحدث في المحرك ظاهرة التصفيق والميكانيكي يقولك الموتور بيسقف وهذا صوت مثل الصوت الذي تسمعه لو أنت ماشي على الرابع على سرعة 20 كلم/ساعة وفجأة دست بنزين جامد تسمع صوت تكتكه هو ده التصفيق اللي يزيد عندك
وهذا التصفيق ليس صوت تصادمات كما يبدو ولكنه صوت اهتزاز وتذبذب شديد للمحرك وخاصة عمود الكرنك والمكابس وقد يصل في بعض الأحيان إلى كسر عمود الكرنك (حالة نادرة)
4- التصفيق الكتير يقصر عمر المحرك على المدى الطويل
5- زيادة في إستهلاك النزين لأن التصفيق والموجات الناتجة تزيد من فواقد القدرة داخل المحرك

و لكن لو وضعت رقم اوكتيني اعلي من المطلوب قد يعطيك اداء اعلي للسياره و قد لا يعطيك لو اعطاك اداء اعلي خليك عليه و لكن لو اعطاك نفس القدره ارجع للرقم الاكتيني الخاص بعربيتك


ولكن يوجد حل جيد لطالبي التوفير والإقتصاد في مصاريف بنزين سياراتهم:
والذين يريدون وضع بنزين أوكتان 80 مثلا في سيارة ذات نسبة إنضغاط عالية
الحل أنك تؤخر توقيت الشرارة (تخفض كهربة السيارة) وتجربها حتى تجد أن التصفيق (التسقيف) تلاشى
وهذا الحل مجرب تجربة شخصية مع المواتير الكربراتير فقط.

بالطبع فإن هذا الحل سيقلل من كفائة السيارة وسحبها بنسبة بسيطة لكن مقبولة في سبيل التوفير
حيث أن الفقد في الإستفادة من البنزين الناتج عن تأخير توقيت الشرارة سيكون أقل من فرق السعر بين نوعي البنزين

(مع الكربراتير فقط لان الانجيكشن يقوم بحسابته اتوماتيك داخل الكمبيوتر الخاص بالسياره الا لو ذهبت لمركز متخصص ليعدل لك البرنامج بتاع السياره و لكن هذا غير مضمون)

-----------------------------------------------------

بعض أسباب زيادة إستهلاك البنزين=Fuel consumption reasons

بالنسبة لزيادة الإستهلاك له أسباب كثيرة أهمها:
1 - مشكلة في الكاربيراتير (نضافة أو خلوصات البيكات أو نسبة الهواء والبنزين غير مضبوطة أو فلتر الهواء مسدود أو.... )
2 - مشكلة في دائرة توزيع الشرارة (بوجيهات وأسلاكها وإبلاتين وموبينة وكوندنسر)
3 - مشكلة في ضبط الزوايا والإتزان والترصيص
4 - مشكلة في دائرة التبريد (سخونة زيادة أو برودة زيادة)
5 - مشكلة في الزيوت وفلاترها (نقص أو بحاجة لتغيير)
6 - مشكلة في مجموعة الدبرياج
7 - عدم ضبط ضغط الإطارات
8 - عدم ملائمة نوع البنزين للموتور ( 80 أو 90 أو 92 أو ..)
9 - عدم ضبط تقسيمة الصمامات مع الكرنك بدقه
10- عدم ضبط خلوص الصمامات (التاكيهات)
11- موتور حالته سيئة (الشنابر فوتت)
12- أسلوب قيادة عنيف (رياضي أو شبابي أو أمريكاني أو منفعل)
13- قيادة في أماكن مزدحمه وكثرة التوقف (لو الإشارة أو الوقفة هتطول إطفي السيارة)
14- تحميل السيارة (كلما زاد الوزن المحمل زاد الإستهلاك)
15- القيادة على سرعات عالية فوق ال 100 كلم\س أو سرعات منخفضة عن 80 تقريباً لفترات طويلة
16- مشكلة في الشكمان تؤدي في بعض الأحيان لزيادة الإستهلاك (مثقوب أو مسدود)
17- بالنسبة للسيارات ذات الحقن الإلكتروني قد يكون هناك حساس (سنسور) عطلان (سنسور العادم أو الهواء أو غيره حسب نوع السيارة)
18 - بعض السيارات الحديثة البرنامج الخاص بها (السوفت وير) بحاجة إلى إعادة تركيب (reset)
19 - مشكلة في الجنوط (معوجة أو ملوحة)

الموضوعين السابقين منقولين و لكم جزيل الشكر و كانت للعضو (احمد 1981) و له جزيل الشكر

ارجو اني قمت بالافاده و ارجو من الاداره تثبيت الموضوع اذا كان يستحق لافاده الاعضاء و شكرا لكم

[osama]

ماركه العربيه دايو
*اسم الموديل و سنه الصنع نوبيرا - 2001
*مانويل ولا اتوماتيك اتوماتيك
*السعه اللتريه للمحرك (كام سي سي) 1600

وشكراً مقدماً

[atamim]

*ماركه العربيه :هيونداى
*اسم الموديل و سنه الصنع :فرنا 2008
*مانويل ولا اتوماتيك:مانويل
*السعه اللتريه للمحرك (كام سي سي):1600
*Engine code لو تقدر تقولي عليه :DOHC

[Mohamed.Fawzy]

*ماركه العربيه : دايو
*اسم الموديل و سنه الصنع : لانوس 2008
*مانويل ولا اتوماتيك : مانيوال
*السعه اللتريه للمحرك (كام سي سي) : 1500
*Engine code : مش عارف بس هو محرك SOHC

[osamaelbaz]

هيونداى ماتريكس 2008
مانيوال
engn cod 10
1600 cc

[kemks]

ماركه العربيه دايو
*اسم الموديل و سنه الصنع نوبيرا - 2001
*مانويل ولا اتوماتيك اتوماتيك
*السعه اللتريه للمحرك (كام سي سي) 1600

وشكراً مقدماً

اولا هيا نسبه انضغاط المحرك 9.5 يعني بين بنزين 90 و 92 يعني يفضل الاعلي


Technical data اريد ارفاقها لكن بيقول الحجم غير مسموح

10.6 لتر كل 100 كيلو جوا البلد
7.1 لتر كل 100 كيلو علي الطريق

ارجو مراجعه الموضوع فوق لو النسبه اعلي و مراجعه الاسباب
و اسف علي ان المرفق لم استطيع رفعه لك و ارجو حل من الاداره و شكرا لك

[kemks]

*ماركه العربيه :هيونداى
*اسم الموديل و سنه الصنع :فرنا 2008
*مانويل ولا اتوماتيك:مانويل
*السعه اللتريه للمحرك (كام سي سي):1600
*Engine code لو تقدر تقولي عليه :DOHC

اسف علي دا بس الفيرنا دي غير مدرجه بالمواقع الاجنبيه سوف اقوم بالبحث عنها و اعطائك الرد إن شاء الله قريبا جدا

[H.ibrahim]

ماركة العربية : لادا
اسم الموديل و سنة الصنع : 2105 سنة 1994
مانيوال ولا اتوماتيك : مانيوال
السعة اللترية للمحرك : 1200 cc

[tamim]

لادا 2110
السنة 2007
مانيوال 1600cc

[kemks]

*ماركه العربيه : دايو
*اسم الموديل و سنه الصنع : لانوس 2008
*مانويل ولا اتوماتيك : مانيوال
*السعه اللتريه للمحرك (كام سي سي) : 1500
*Engine code : مش عارف بس هو محرك SOHC

نسبه الانضغاط 9.5 يعني البنزين بين 90 و 92

البنزين 6.9 كل 100 كيلو علي الطريق السريع

اسف علي عدم احضار باقي المعلومات حيث ان البرنامج عندي اخر العربيات فيه حتي عام 2006-2007 و لكن سوف اقوم بتحديثه قريبا

[Goodle]

ا
و اسف علي ان المرفق لم استطيع رفعه لك و ارجو حل من الاداره و شكرا لك

تقدر حضرتك تبعت له على الإيميل المرفق كبير الحجم

[mazagnge]

ماركة العربية : ميتسوبيشي
اسم الموديل و سنة الصنع : لانسر سنة 1999
مانيوال ولا اتوماتيك : مانيوال
السعة اللترية للمحرك : 1300 cc
-----------------------
شكرا ً مقدماً على تعبك .... و كثير فكرة حلوة و مفيدة :)

[kemks]

هيونداى ماتريكس 2008
مانيوال
engn cod 10
1600 cc

نسبه الانضغاط 10 بنزين 92

9.1 كل 100 كيلو داخل المدينه
6.3 كل 100 كيلو علي الطريق

[mada121977]

لانسر 2007 مانيوال 1300 سى سى

[Qamar]

ألف شكر على الفكرة الرائعة دي. و بالمرة أتعبك معايا و اهو كلو بثوابه و هنيالك يا فاعل الخير و يا بخت مين نفع و استنفع و ....احم لا مؤاخذة
شاهين مانيوال 1300 موديل 1996