هل تم تجريح عربيتك عن قصد؟طبعا ..تفتكر ليه؟ قول رايك

[sakrouz]

انا مش عارف ده حقد ولا غيرة ولا ايه؟من كام يوم كنت راكن فى الهرم ونزلت بعد ساعة لقيت شاب فى العشيرين حلو كده ومعاه بنت زيو كده برضو والبيه كاتب اسمه على العربية من الشنطة بمطوة صغيرة والاخت بتصوره بالموبيل يعنى اكنه صاحب العربية انا جريت عليه وحلفت انى لازم اوديه القسم الناس اتلمت وخلاص ياعم ربنا ستر ده واد غلبان وفجأءة واحد تلع من وسط الناس وقال ايه يعنى شويت خربشة فى العربية وهو انتا عايز تمشى بعربيتك الغالية فى شارع ليك لوحدك ( انتى اكيد اكيد اكيد فى مصر )

[Goodle]

يطلق على هذا النوع الفن اسم "الفن المسماري" .. نسبة للمسمار اللي الواد "بصلة" بيمسكه وهو بيكحت في أم الصاج..
ويظن المؤرخون أنا الفن المسماري نشأ فيذ عصر الكتابة المسمارية في بلاد النهرين وإبان ابتكار العجلات الحربية في مصر القديمة :) :)

[جمال]

دى بقه قمة الغتاتة

:D:D:D:D:D

نسيت اقلك , اصله كان مدرس حساب
والله بقت حاجة تنرفز , عربيتى الجديدة بقت كلها حكات و لوحات مسمارية و هى واقفة , امبارح انو العيال بيلعبو كورة جنبها و مشيتهم و لكن لاحياة لمن تنادى و انا ماشى بعد مامشتهم سامع طقطقة الكبوت و السقف من الكورة , مش عارف اعمل ايه

والله بقت حاجه مش معقوله فعلان وحاجه تقرف انا حاسس انى مش معايا عربيه حاسس انى بقيت معايا واحده متجوزها وسيبها فى الشارع كل يوم خربشه وخبط وياريت هى بيحصل فيها كده وهى ماشيه لا كل ده وهى واقفه كنت عاوز اجيب لانسر مش جايب هى البلد دى حللها الادا ال 110 فعلان اهى فيها تكيف وكويسه وبنت حلال ومش هجيب غيرها رغم انى حاسس انى معايا مرسيدس من حقد الناس ليه مش عارف دى لادا ياناس حتى من القرايب برده تلاقى الحقد وبقت حاجه اخر قرف فعلان وحرام الى بيتعمل فى الناس ده وانت ماشى الى يقولك خلى بابا وماما ميزعلوش لو خبطهالك وخليهم يصلحوهالك رغم انى انا الى جيبها ولسه بقسط فيها وكنت بحوش القرش على القرش من لما كنت بشتغل وانا فى الثانوى وادينى دلوقتى سايب الشوغل وحتى مش عارف اجيب الاقساط منين وليه الحقد ده الله اعلم بس فعلان منهم لله الى بيبوظو حاجه الناس بقصد وربنا يحرقهم كلهم يارب وانا مش مسامح اى حد العربيه بقت لوحه اعلانات من اقزر اللوحات مطموسه بس لو بصيت كويس هتلاقى الاعلانات عليها كتير الى كاتب اسمه والى مخربش وخلاص والى بيرسم وحاجه قرف

المشكلة يا اخي اننا شعب لا يريد ان يعترف ان ممكن يكون شخص افضل منه يعني لو معاك عربيه اللي ممعهوش هيقول ده ام حرامي او ماما شاريها له لكن لايمكن يفكر و يقول انك انسان مجتهد اشتريتها بمجهودك احنا دائما شعب بدل من ان يحل مشاكله يذم الاخرين يعني بدل ما يعمل بجهد اكبر عشان يجيب عربية يريح نفسه و ضميره بان يقول عليك انت حرامي او انا معديش ماما تجبلي عربيه ذي الننوس ده و يروح البيت سعيد بحياته و بالتجريح اللي عمله في عربيتك لان تستاهل

[blackeagle]

يطلق على هذا النوع الفن اسم "الفن المسماري" .. نسبة للمسمار اللي الواد "بصلة" بيمسكه وهو بيكحت في أم الصاج..
ويظن المؤرخون أنا الفن المسماري نشأ فيذ عصر الكتابة المسمارية في بلاد النهرين وإبان ابتكار العجلات الحربية في مصر القديمة :) :)

والله انا عاجز عن شكر مؤرخ نايل موتوز عن توضيحه للبداية التاريخيه للفن المسماري و ارجو منه ان يذكر لنا اسامي بعض رواد الفن المساري (زي الواد بصلة)من من لهم بصمات و علامات واضحة علي صاج السيارات في مصر القديمة و الحديثة و ارجو من المشرفين تثبيت هذة المشاركة حتي تعرف الاجيال القادمة اصل هذا الفن و متجيش دولة اجنبية تنسبه ليها

[Goodle]

والله انا عاجز عن شكر مؤرخ نايل موتوز عن توضيحه للبداية التاريخيه للفن المسماري و ارجو منه ان يذكر لنا اسامي بعض رواد الفن المساري (زي الواد بصلة)من من لهم بصمات و علامات واضحة علي صاج السيارات في مصر القديمة و الحديثة و ارجو من المشرفين تثبيت هذة المشاركة حتي تعرف الاجيال القادمة اصل هذا الفن و متجيش دولة اجنبية تنسبه ليها

أخجلتم تواضعنا يا باشا.. هو في الحقيقة مؤرخ نايل موتورز مجرد لقب من ألقاب شخص المتواضع.. هاهاهاه :)

وبالنسبة لأصول الفن المسماري فهي ما حدش يقدر ينسبها لنفسه لأن الأصول دي "متمسمرة" في الوجدان المصري.. وزي ما انت عارف... التعليم في الصغر.. كالكحت في الصاج..

فليسمح لي قرائي الأعزاء بإفراد الفقرة التالية لنبذة عن تاريخ هذا الفن:
كنا قد شرحنا أحد رواد هذا الفن الذي لم يندثر... وجدير بالذكر أن مدرسة "الواد بصلة" تعد واحدة من المدارس للفن المسماري. وأساس هذه الحركة الفنية مسمار (يتراوح عادة مابين 3 ملم و8 ملم... عشان يملك يمسكه حلو).. ويتراوح عمر الفنان الناشئ ما بين الثمان سنوات والإثنى عش سنة (مطينين على دماغه هو واللي علمه الفن ده)

ولا تتقيد أسس مدرسة "الواد بصله" بموديل معين للسيارة لتكون لوحته الجديدة، بقدر ما تميل لاختيار شارع معين أو منطقة سكنية بأكملها لتكون ساحة للوحاته الصاجية (أو ما درج نقاد هذا الفن على تسميتها بالصاجيات (حاجة زي الجداريات كده..بس على الصاج).

ومن ضمن المدارس الأخرى لهذا الفن الأصيل، مدرسة "البوب الشنكوت"
ولهذا حديث آخر.. في الحلقة القادمة..

تابعوا الشرح في الموضوع التالي

http://www.nilemotors.net/Nile/showthread.php?t=29892

[mohamed_88sk]

جامد أوي المدرسة دي

مدرسة "البوب الشنكوت"

متهيألي دي بعد مدرسة (الواد زقلط ) اللي التاريخ قد نساها مع أن زقلط من أول وأنبغ التلاميذ الذين تتلمذوا على يد العظيم بصلة وهو -زقلط- سبب رئيسي في إرساخ الفن المسماري بدق المسامير في روح كل فنان ناشئ فأرجو الأهتمام بتلك المدرسة نظرا لدورها الرائد والعظيم في توسيع أنتشار ذلك الفن المبدع

[Goodle]

جامد أوي المدرسة دي
متهيألي دي بعد مدرسة (الواد زقلط ) اللي التاريخ قد نساها مع أن زقلط من أول وأنبغ التلاميذ الذين تتلمذوا على يد العظيم بصلة وهو -زقلط- سبب رئيسي في إرساخ الفن المسماري بدق المسامير في روح كل فنان ناشئ فأرجو الأهتمام بتلك المدرسة نظرا لدورها الرائد والعظيم في توسيع أنتشار ذلك الفن المبدع

إحنا تحت أمرك يا أبو حميد
تابعنا ومايطلبه المتجرحون :) :) :)

[mohamed_88sk]

إحنا تحت أمرك يا أبو حميد
تابعنا ومايطلبه المتجرحون :) :) :)

إن شاء الله و في الأنتظار ...

[tutankhamoun]

المشكلة يا اخي اننا شعب لا يريد ان يعترف ان ممكن يكون شخص افضل منه يعني لو معاك عربيه اللي ممعهوش هيقول ده ام حرامي او ماما شاريها له لكن لايمكن يفكر و يقول انك انسان مجتهد اشتريتها بمجهودك احنا دائما شعب بدل من ان يحل مشاكله يذم الاخرين يعني بدل ما يعمل بجهد اكبر عشان يجيب عربية يريح نفسه و ضميره بان يقول عليك انت حرامي او انا معديش ماما تجبلي عربيه ذي الننوس ده و يروح البيت سعيد بحياته و بالتجريح اللي عمله في عربيتك لان تستاهل

هو ده الحقد ...........