عيوب الزيرو الجديد...(عندك اى عيب لاحظتة أرجوك بلغنا بية هنا )

[CryptonX]

فيات باليو / سيينا 3
بونتو كلاسيك / جراند بونتو
------------------

ممنوع منع بات استخدام بنزين 90 .

انا كنب في سيارتي ( باليو 3 ) بستخدم شوية كدة ... و شوية 92 ... ..

ماكملتش 20 الف كم و غيرت الطلمبة كاملة ( طلمبة البنزين ) و كان تمنها 890 جنيه مصري من غير الضريبة في التوكيل .

و لقيت 3 اشخاص اشتكوا من نفس العيب في بونتو و جراند بونتو .
و سالتهم و كانو فعلا بيستخدمو بنزين 90 .

ثانيا لتجنب قصر عمر الطلمبة - ابدا واياك تسيب التانك يفضى علي الاخر .. يعني قبل ماينور بشوية يفضل انك تمول .

--- دي العيب المشترك الوحيد الي لقتيه في سيارات فيات الجديدة ----

[جندى مجند]

ماكملتش 20 الف كم و غيرت الطلمبة كاملة ( طلمبة البنزين ) و كان تمنها 890 جنيه مصري من غير الضريبة في التوكيل .

و لقيت 3 اشخاص اشتكوا من نفس العيب في بونتو و جراند بونتو .
و سالتهم و كانو فعلا بيستخدمو بنزين 90 .

بس يا كريبتون أعتقد مفيش علاقة بين أوكتين البنزين و الطلمبة ... الأوكتين تأثيره بيبان فقط أثناء الاحتراق داخل المحرك ... ممكن تكون الطلمبة باظت بسبب مثلاً ان التنك كان البنزين فيه قليل جداً فكانت نسبة الشوائب الصلبة اللى داخلة الطلمبة عالية فباظت

[Karim_Monir]

الله ينور يا باشمهندس عمرو
وفعلا هاممني جدا ان الناس تعرف اللي هايقول معلومة لشخص لمجر انه سمعها او راي في عربية وهو مش عاجبة منظرها او بالعكس مقتنع بيها بس لما يجي يشتري هايغير راية بلاش يقولوة
لان مبلغ 34 الف جنية خسار في عربية مبلغ يوجع قوي
ربنا يعوض علية فعلا
وبلاش نفتي ونقول من غير ما نعرف ولا نقرا
ممكن مايكونش عندنا العربية فعلا
بس عايزين نساعد
ندور على النت وعلى المنتديات الاجنبية اللي اشترو العربية وجربوها وكتبو تقيماتها
والمؤسسات اللي بتختبر العربية بحيادية
قبل ما نجدي معلومة غلط

[hazem_khidr]

الله عليك يا عمور
خد يا سيدي عندك بقي
تويوتا ياريس 2008
العيوب
1.الاكصدامات ضعيفه و عندي اكصدام اتكسر من حاجه هايفه اوي
2.وضعيه القياده غير مريحه للمسافات الطويله
3.العفشه بتاعها بتحتاج تربيط كل فتره.
....................
دا اللي انا لاحظته من خلال 5 شهور استخدام و 10 الاف كيلو استعمال .

[atamim]

السلام عليكم و رحمه الله و بركاته

انا عندى فرنا 2008 لما استلمتها كان عليها 30 كيلو تراب

بعد التنظيف لقيت الكبوت و الشنطة مش متركبين عدل فية فرق واضح للى يدقق

و درج التابلوة حاسس انه معووج شوية يعنى مش على مقاس الفتحة بتاعته حاسس انه اصغر من كل الجناب حاسس بفراغ حولينه

غير كدة لسة مظهر ليش حاجات غير بحس ان الماتور على طول سخن لما بنزل الجراج و اجى اغطى العربية بحس بية سخن زيادة عن اللزوم كأن المروحة مبتشتغلش فمش عارف دا طبيعى ولا لقى(مع ان مؤشر الحرارة فى النص) شكلى حقف فى الشمس و افضل مدور العربية و فاتح الكبوت اشوف المروحة حتشتغل امتى

[shady_elkady]

افيوا 2008 تقفيل مصرى

مشكلة فى علبة الدركسيون و ور حت غيرتها فى الضمان

[SEATLOVER]

الله عليك يا عمور
خد يا سيدي عندك بقي
تويوتا ياريس 2008
.

الله عليك انت يا حازووم
لما تقول على حاجة ولو بسيطة كدة فى عربيتك
قمة المصداقية و الله

[hazem_khidr]

الله عليك انت يا حازووم
لما تقول على حاجة ولو بسيطة كدة فى عربيتك
قمة المصداقية و الله

و الله يا عمرو باشا من غير تحيز اللي بلاحظه بقوله
لاني عارف انها مش احسن عربيه في العالم في الاحسن منها
و مافيش عربيه كلمه حتي لو مرسيدس فئه اس قمه التكنولوجيا لان اكيد فيها عيوب
و الكمال لله وحده.
عيب كمان نسيته
الكليبسات بتاع الكارتيرات ضعيفه و بتتفك بلسره و انا عملتها مسامير علشان اريح دماغي

[أبو عبدالرحمن]

الحقيقة موضوع غاية في الجمال،،،،اسمحلي أشكر حضرتك،،،لأن الموضوع ده هيوفر كتيير جدا من البحث في المنتدى وهيبقى قدام الناس كلها ومتجمع فأكيد هيبقى فيه مصداقية ،،وفعلا للأسف دلوقتي العربيات مابقتش مضمونة رغم ارتفاع أسعارها ،،،،،
جزاك الله خيرا

[nmahrous]

Espranza A516

العفشة سيئة للغاية

تسريب زيت موتور

[merosss]

الموضوع دى جميل اوى انا معايا نوبيرا 2008 زيروا الدركسيون فى سنة شمال مش مضبوط فى النص

[Noha.M]

كيا سيراتو 2008 اوتوماتيك

العربية كويسة فى كل حاجة بس الفرامل النهادرة كانت هتعملها معايا و انا لاحظت ان فراملها مش أد كدة شوية .. اكيد مش زى اللانوس طبعاااااااااا لكن من النوع اللى هو لازم تجيب اخرها عشان تقول معاك ..مش زى البونتو مثلا و السيتي بضغطة بسيطة العربية تقف معاك

بس يظهر عيب الفرامل دة فى الكورى كله

الحاجة اللى مضايقانى كمان الباور بتاع العربية مش مريحينى عشان بتاع السيتي كان electronic فكان ناعم لكن بتاع السيراتو هيدروليك عادى .. مش بقول انه وحش لأ كويس لكن السيتي احسن فى الحتة دى

[El Prince]

كيا سيراتو 2008 اوتوماتيك

العربية كويسة فى كل حاجة بس الفرامل النهادرة كانت هتعملها معايا و انا لاحظت ان فراملها مش أد كدة شوية .. اكيد مش زى اللانوس طبعاااااااااا لكن من النوع اللى هو لازم تجيب اخرها عشان تقول معاك ..مش زى البونتو مثلا و السيتي بضغطة بسيطة العربية تقف معاك

بس يظهر عيب الفرامل دة فى الكورى كله

الحاجة اللى مضايقانى كمان الباور بتاع العربية مش مريحينى عشان بتاع السيتي كان electronic فكان ناعم لكن بتاع السيراتو هيدروليك عادى .. مش بقول انه وحش لأ كويس لكن السيتي احسن فى الحتة دى

واضح ان العربية السيتى محترمة جداً
بما ان السيراتو معاكى بقالها فترة و السيتى برده كانت معاكى مدة
يا ريت تعمليلنا مقارنة بينهم و ... اهو بيقولك أسأل مجرب و لا تسأل طبيب

[معاذ الشرباصى]

انا معايا سريون 2008, ال 1500

العربية فيها خبط فى علبة الدركسيون, من ساعة لما اشترتها

انا كنت مأجل انى اكتب على الموضوع لحد اما اعرف ايه الحل فى التوكيل, بحيث اكتب المشكلة و ازاى اتحلت

لكن بما ان الحل اتأخر زيادة عن اللزوم, فقلت انبه الناس

على كلامهم فى التوكيل, فى خلال اسبوعين هيجى رد من دايهاتسو اليابان, انهم يبدأوا يعملوا تعديل فى علبة الدركسيون مش تغيير لها, و الموضوع ده يستلزم ان العربية تبات هناك

يعنى اللى ناوى على سريون يبقى عارف ان فيها الموضوع ده, عند يا اما يستنى لغاية اما يتحل, يا اما يشوف عربية تانية لو مستعجل

هبقى اتابع معاكم هنا اخر الاخبار

[aliabutaleb]

يعنى اللى ناوى على سريون يبقى عارف ان فيها الموضوع ده, عند يا اما يستنى لغاية اما يتحل, يا اما يشوف عربية تانية لو مستعجل

يا إما حاجة تالتة
إنه يدعي إنه يكون من الـ 90% اللي معاهم العربية ومطلعش فيها العيب ده