مقابلة اوبل.

[Mustafa_Farouk]

عائلة اوبل المحترمين، احنا عايزين كلنا نتقابل مع بعض على أرض الواقع.
خلينا هنا نقترح الاماكن والوقت عشان نخلي موضع أوبلاوي عرفنا نفسك، يفضل لتعريف بباقي العائله إن شاء الله.

إقتراحي نتقابل إن شاء الله يوم السبت ٥/٧/٢٠٠٨ أو الاحد ممكن الساعة ٤ العصر. أو ممكن يكون الاحد القادم ٢٩/٦/٢٠٠٨.

المكان يكون مثلاً الربوة، الأزهر بارك أو أي مكان في سيتي ستارز.

يا ريت الكل يقترح عشان نلحق نشوف بعض كلنا إن شاء الله :) .

[modux]

السلا م عليكم


مصطفي باشا
لاحظ ان معظمنا عنده شغل و انا مثلا بخلص علي 6 بليل

اعتقد ان ممكن السبت بس بليل علي 8 - 9 او الجمعة علي بليل بردو

و يفضل مكان بتكييف D:

سيتي ستارز كويس


اقترحوووووووووووا يا ابلاويه

[Ahmad Allawy]

انا معنديش اي مشاكل بالنسبة للمكان
حسب رأي الاغلبية..
بس يفضل اليوم يبقي الجمعه..ولو السبت يبقي بدري شوية عشان بانام بدري

[amir_ezzat]

انا معاكوا اى يوم فى الفتره من 1/7/2008 الى 10/7/2008 صبح باليل اى وقت بس ياريت نحدد قبل يوم 1/7/2208 علشان انا فى الاجازه مش بصص على النت خالص
يالا بسرعه يا رجاله الاوبل خاليكوا اسرع من عربيتكوا

[Opel_Rekord]

انا كمان بقول انه يستحسن يبقى يوم جمعه عشان يبقى الكل فاضى

وبالنسبه للمكان رأى ان سيى ستارز هايبقى زحمه اوى خصوصا الجمعه

وانا بقترح انه يبقى الربوه

(مع انى ماروحتهاش قبل كده ) :)


بس ماعلينا نجرب



يلا يارجاله عاوزين نحدد يوم

[Ahmad Allawy]

لحد دلوقتي..
الربوة الجمعه الجاية.. بعد العصر كده..
ايه رأيكم..؟؟

[ENG\AHMED]

عايزين مكان يبقى مفتوح علشان الاوبلات كمان تتعرف :):)
الجمعة اللى جاية مش هينفع بالنسبالى مش ضامن ظروفى

[Ahmad Allawy]

الربوة مكان مفتوح و فيه مكان واسع للركن و الاوبلات تتعرف و تقعد مع بعض تحت كمان.. :)

[Mustafa_Farouk]

أنا عندي حوار كدة، حسافر الاقصر وحرجع الجمعة إن شاء الله الساعة ٩ بليل. يعني لو ينفع نخليها يوم السبت الساعة ٧ أو ٨ مساء أو نفس المعاد بس يكون يوم الجمعة بحث أنزل من الطيارة عليكوا. دة لو محدش عند إعتراض.

[HNaga]

الجمعة ده موافق كام فى الشهر؟