كيف تؤذي ضابط المرور المفتري

[l0new0lf]

المهم معرفناش موضوع صاحبك خلص على ايه
ana tel3et 3enaya 3ashan akteb elkelmteen dool
:D

[khalid_adel]

الف شكر يا استاذ محمد عبدالشافي
وفعلا تجربة مفيده وانا استفدت منها ان مش اي حد يطلعلي من تحت الارض يقولي انا ظابط ولا مباحث واصدقه وياجماعه لو لقيتو كمين ابقو اتأكد من البوكس اللي واقف انه يكون نمره شرطه او تكون الدوريه واقفه فعلا
وجزاك الله كل خير

[Tamer-Ezzat]

معلش طب انتم دخلتم فى حوارات جانبية
عندى سؤال :
انا حاطط كرتونة ولا شننطة ولا شوال فيه بيض فى العربية هو ماله ..
هو القانون الجديد علق على دى كمان ...

[Hussein_Ramdan]

فعلا اليومين دول وخصوصا بعد الفضيحة بتاعيت قناة الجزيرة الى عملتها بخصوص الفيديوهات التعذيب
فعلا فى شدة جاااامدة جداااا على الظباط جامدة جدااا
بس بردو ياشباب مش عايزين نظلم ظابط الشرطة عشان دة بردو اخونا وبننا وواحد منا
لية مش بنتكلم عن ظابط الشرطة لما ممكن يعرض روحو للخطر وهو بيلف بليل فى دورية ونو بتعامل معا افسد فئة فى مصر
ولية مش بنقول ان لو خناقة كبيرة وضرب نار وكل الناس بتجرى ظابط الشرطة الى بيخوش وبيعرض روحو للخطر
ياشباب ظابط الشرطة مظلوم جدااا
على ما سمعت وليس متاكد ان الراتب بتاعو مش بيعدى ال 1200 الملازم اول
لازم نديهم حقهم بردو الناس دى بتتعب

[samehafez]

بصراحة لو عاوز تطلع عين الظابط سهلة ... والنصائح اللي الشباب قالوها كتير .....
يس احنا بنتعامل معاهم بعدوانية ........
و ده اللي بيخلي الموقف يسخن وتحس ان فيه تطاول من الظابط عليك ...
انا مش قصدي ان هما ملايكة لا انا قصدي ان الناس لما ظابط يوقفها بيبقوا متحفزين و متوترين
و بالتالي بيحصل الكلاش .
بس طول ما انت في السليم ( حزامك مربوط , شنطة اسعافك معاك , مثلثك في شنطتك ,طفايتك علي حجرك ,قاعد مؤدب في العربية لا اكل و لا شرب و لا تدخين ) محدش هيقدر يكلمك

و لو حد وقفك ابتسم .... و انت بتكلمة ...دي صدقة يا اخي و حتي لو هتاخد المخالفة تبقي فزت بالحسنة

[dr_click]

لية مش بنتكلم عن ظابط الشرطة لما ممكن يعرض روحو للخطر وهو بيلف بليل فى دورية ونو بتعامل معا افسد فئة فى مصر
ولية مش بنقول ان لو خناقة كبيرة وضرب نار وكل الناس بتجرى ظابط الشرطة الى بيخوش وبيعرض روحو للخطر

Nice joke
Anyone has seen something like this?

[Defender]

لية مش بنتكلم عن ظابط الشرطة لما ممكن يعرض روحو للخطر وهو بيلف بليل فى دورية ونو بتعامل معا افسد فئة فى مصر
ولية مش بنقول ان لو خناقة كبيرة وضرب نار وكل الناس بتجرى ظابط الشرطة الى بيخوش وبيعرض روحو للخطر
ياشباب ظابط الشرطة مظلوم جدااا
على ما سمعت وليس متاكد ان الراتب بتاعو مش بيعدى ال 1200 الملازم اول
لازم نديهم حقهم بردو الناس دى بتتعب

احلي كلام انا سمعته ما فيكذا ضابط مات في حوادث عاديع علشان بيحمونا
اخرها الضابط اللي مات لما عالم زباله خطفوة بنت طلع وراهم مات فيها ضابط وعسكري واصابه عشكري تاني

وكمان اي ضابط علي لطريق لازم يكون متحفز لاي حاجه واعصابهم بتكون مشدودة
لانه عارف انه ممكن يقابل اي حاجه ويمكن يكون سهران وقاعد كذا دوريه ومش طايق حد يقعد يحكي ليه الروايه والحكايه علشان يشوف اللي بعدة

[chihab18]

من الناحيه الواقعيه لاتوجد مثل تلك الاجراءات في الواقع وانما يخضع ضابط الشرطه للتحقيق طبقا لقانون الشرطه وبضوابط معينه تحفظ هيبته وكرامته .
اما ما ذكر من اجراءات فهي غير موجوده اساسا داخل وزارة الداخليه الا اذا كانت من نسج خيال المؤلف

[Dr. Elsaadani]

يا جماعة الحل الوحيد للشكوى ضد الضباط خاصة هو شخص واحد بس اللى هو مفتش الداخلية فى محافظتك ومكتبه فى مديرية الامن

[Hussein_Ramdan]

Nice joke
Anyone has seen something like this?

دى مش مزحة ولاة بهرج دى حقيقة يمكن عشان انتا مالكش احتكاك معا الضابط على الجانب الانسانى منكرش ان فى ظابط ممكن يستهبل لكن مش كلو

[D . a .\ AYMAN]

معلومة صغيرة :
اسهل شخص يمكن تؤذيه و حتى لو كان مظلوم .... هو ظابط الشرطة .... اي شكوي بتتقدم فية بتأثر عليه في ملفه وترقياته خاصة لما يوصل لرتب كبيرة ومناصب قيادية .... اي هفوة او شكوي او شبهه في ملفة بتأذيه بشدة .....و سجن المزرعة فيه عدد لا تتخيلوه ... من ظباط الشرطة المسجونين ..... ايون ظباط شرطه ( طبعا كانو ظباط شرطة )

+100000000000000

الكلام ده مظبوط تماما

فعلا اليومين دول وخصوصا بعد الفضيحة بتاعيت قناة الجزيرة الى عملتها بخصوص الفيديوهات التعذيب
فعلا فى شدة جاااامدة جداااا على الظباط جامدة جدااا
بس بردو ياشباب مش عايزين نظلم ظابط الشرطة عشان دة بردو اخونا وبننا وواحد منا
لية مش بنتكلم عن ظابط الشرطة لما ممكن يعرض روحو للخطر وهو بيلف بليل فى دورية ونو بتعامل معا افسد فئة فى مصر
ولية مش بنقول ان لو خناقة كبيرة وضرب نار وكل الناس بتجرى ظابط الشرطة الى بيخوش وبيعرض روحو للخطر
ياشباب ظابط الشرطة مظلوم جدااا
على ما سمعت وليس متاكد ان الراتب بتاعو مش بيعدى ال 1200 الملازم اول
لازم نديهم حقهم بردو الناس دى بتتعب

والكلام ده كمان بس للأسف الكويسين مش بيبانوا انا ليه من أصحابى ضباط شرطة من أكتر الناس الكويسة اللى ممكن تقابلوها

وعلى فكرة الملازم الأول مرتبه مابيعديش الألف جنيه أو أقل على حد ماعرف
هوة كان من كام سنة 600 وحاجة ماعرفش زاد ولا لأ

[تامر.محمد]

بعد الثورة ... اتمنى اننا نعمل على ان الدنيا توصل لأن مافيش مسئول يقدر يظلم حد تاني

و ان الكلام ده يتحقق و يبقى حقيقي و معروف لكل الناس

[adelkareem]

ياجماعة مش عارف ح تصدقوا ولا لأ لان الموضوع بتاعى مر عليه 12 سنة
كنت بأستخرج رخصة قيادة لأول مرة واتمرنت على القيادة لمدة 5 شهور بسيارتى الخاصة أيامها فيات 127 ولأنها صغيرة الحجم وبعد المدة دى كنت لازم أكون عفريت سواقة وعلى فكرة فى الأيام دى كان فيه شدة جامدة على استخراج التراخيص بسبب كثرة الحوادث وكان حظى الحلو ان معظم المتقدمين ستات يعنى شيش بيش سواقة وكنت الوحيد اللى نجحت فى المجموعة دى لكن حظى الوحش خبطنى فى أكبر حائط كوسة عرفه التاريخ لان طبعا حضراتكم عارفين يعنى ايه واحدة ست أو بنت متمكيجة و متبرفنة ولابسة محزق بالنسبة لضباط الشرطة فى العهد السابق طبعا الراجل ب 100 ست لكن لو حضرت الست يبقى طوز فى رجالة الدنيا كلها
مش هأطول عليكم لانى فى الأخر لقيت البيه الضابط رئيس الوحدة بينادى أسماء الستات اللى امتحنوا علشان ياخدوا الرخص بتاعتهم مع ان الشاطرة فيهم وقعت 3 أقماع فقط وكمان ما عرفتش تركن و العبد لله كان الوحيد اللى نجح ولم ينادى اسمى ولما سألته قاللى معلهش تعال بعد 3 أيام وأنا هأعمل لك رخصة!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!
رديت عليه بالرفض وقلت انت مش هتنعم علية بالرخصة دى حقى ومش هأسمحلك تمنعنى حقى فرد بامتعاض طيب تيجى بعد 3 شهور تعيد الاختبار رديت عليه انا مش شغال عندك علشان تأمرنى ولا وقتى ملكك علشان تتحكم فيه وهأخد الرخصة النهاردة يعنى هأخدها النهاردة.... رد تانى وقاللى مفيش ليك رخص وأعلى مافى خيلك اركبه
أنا زعلت فعلا من الموقف لكن بعد مافكرت خرجت بره المرور لقيت جنب المرور مبنى الادارة العامة لمرور القاهرة بمدينة نصر قلت أدخل ويا صابت يا خابت المهم دخلت سألت عن قسم للشكاوى دلونى على التفتيش وهناك كتبت مذكرة زى الفل فى الباشا الكبير صاحب وحدة المرور وخرج معايا ضابط بنفس رتبته بس شتان الفارق بين الاثنين والله كان فى منتهى الاحترام ودخلنا وحدة المرور " المسافة بين الادارة والوحدة مشى 30 متر" وطلب الدوسيه بتاعى من المهندس الفنى فوجد كل علاماتى ناجح ناجح ناجح ثم واجه الباشا اياه بالمذكرة اللى أنا كتبتها فلم يجد لنفسه عذر الا الاعتذار الشديد لما بدر منه واعترف بخطأه وتم اصدار الترخيص رغم أنفه ولولا الحاح الرجل المؤدب لأصررت على موقفى ولأخذت المذكرة مسلكا آخر لكنى رضخت لرغبة الراجل المحترم الذى أبر قسمى و أعاد الى حقى من بيت جنابه الحاكم بأمرها
فلا بد لكل منا أن يستمسك بحقه ولو كان في عين أفندينا ولا يخشى الا الله
سألوا فرعون ايه فرعنك...........قال مالقيتش حد يلمنى
ياطير ياعالى فى السما طوز فيك
ماتفتكرشى ربنا مصطفيك
دايما بتاكل دود وللطين تعود
تمص فيه ياحلو ويمص فيك......................................عجبى
عينى رأت مولود على كتف أمه
يصرخ تهنن فيه.... يصرخ تضمه
يصرخ تقول يابنى ماتنطق كلام
دا اللى مايتكلمش يا كتر همه..................................عجبى