المواصفة القياسية المصرية للمثلث العاكس

[ahmed_su]

المواصفة القياسية المصرية للمثلث العاكس 9/28/2008 11:14:00 PM




القاهرة-محرر مصراوي- أصدرت الهيئة المصرية العامة للمواصفات والجودة يوم الأحد المواصفة القياسية الجديدة للمثلث العاكس كوسيلة تحذير من المركبات العاطلة أو المتوقفة ..وذلك فى إطار التنسيق والتعاون بين وزارتى الصناعة والداخلية لإصدار مواصفات قياسية توفر الأمن والسلامة للمواطنين.

وحددت المواصفة أن لايقل طول كل ضلع من الاضلاع الثلاثة للمثلث عن 43 سم وان لايزيد عن 56 سم وان لايقل عرض كل ضلغ عن 5 سم وان لايزيد عن 5ر7 سم ..كما يجب وجود مادة عاكسة حمراء بعرض 2 إلى 5ر4 سم وشريط داخلى برتقالى بعرض 3 إلى 3ر3 سم وان تكون جميع حواف الجزء المثلث مستديرة أو مشطوفة لعدم احداث اصابات عند الاستخدام.

كما وضعت المواصفة اشتراطات خاصة بالمادة العاكسة تتحدد من خلال اختبارات محددة واردة بالمواصفة كما نصت على اشتراطات خاصة بانعكاسية الالوان وكذلك ان تحقق المادة العاكسة شدة اضاءة محددة يتم قياسها كما يجب ان يحقق المثلث الاستقرار وعدم الانقلاب عند وضعه على الارض.

ونصت المواصفة على ضرورة تدوين اسم الصانع كما يجب ان يتضمن المثلث المصرح بمحمله على رمز (علامه) تعبر عن تطابق المثلث مع المواصفة القياسية المصرية ويجب تثبيت هذه العلامة او طباعتها بشكل لايمكن محوه.

من جانبه.. قال الدكتور محمود عيسى رئيس هيئة المواصفات والجودة إن هذه المواصفة تم اصدارها بالتعاون بين الهيئة والادارة العامة للمرور ..كما شارك في وضعها كلية الهندسة جامعة عين شمس قسم السيارات وهيئات وطنية وتعليمية أخرى.

وأوضح أن الهدف من المثلث العاكس هو تقليل الاصابات والحوادث التى تنجم عن التصادم بين مركبة متحركة وأخرى واقفة أو متعطلة.

المصدر: وكالة أنباء الشرق الاوسط.

[ahmed_su]

ونصت المواصفة على ضرورة تدوين اسم الصانع كما يجب ان يتضمن المثلث المصرح بمحمله على رمز (علامه) تعبر عن تطابق المثلث مع المواصفة القياسية المصرية ويجب تثبيت هذه العلامة او طباعتها بشكل لايمكن محوه.

يعنى كده كل اللى اشترو مثلثات لازم يغيروها بالموصفة المصرية والمثبتة كمان على المثلث ؟؟؟!!!!

[MohabSaeed]

يعنى فاضل شهر على المهله الى قالو عليها و الناس مش عارفه تشترى حقيبه الاسعافات و المثلث منين ؟؟؟؟؟؟

كالعاده وضعو الفرمان و رمو الناس فى البحر .

[Karim_Monir]

انا اشتريت مثلث عقل
وغالبا ده داخل المواصفات المصرية لانه بيحتوي على كل ده تقريبا

سبحان الله بلد غريبه فى كل شئ

حرام اللى بيحصل ده يخلوا الناس تخاف وتشترى وحضراتهم لسه مش عارفين همه عايزين ايه اصلا

لما يستقروا الباشوات اصحاب الفرمانات على حاجه نهائيه نبقى نشترى

حاجه تطهق وتخلى الواحد يكره نفسه انه اتولد فى البلد دى

[ahmed_su]

انا اشتريت مثلث عقل
وغالبا ده داخل المواصفات المصرية لانه بيحتوي على كل ده تقريبا

طيب يجى بتاع المرور يقولك ورينى المثلث ويطلع من غير المواصفة المثبتة عليه ..... ويقولك مخالف ياحلو ..... ظبتنى :drool5:

مصطفي بيك ..حمدالله على السلامة و السعر ده بدون ماتحدد كمية ولا بالكمية ؟؟؟
لأننا لو وصلنا لمية مثلث ممكن ننزل شوية يعني لو حد شاطر ممكن يكون في أواخر العشرينات مثلا


_______________________________

المهم كمان


...................المواصفات العيارية....................مواصفات المثلث الصيني

طول الضلع :..........43-56...................................43

عرض المادة العاكسة: 2-4,5 ..................................4

عرض الضلع :........ 5-7,5..................................8

الاستقرارعلى الارض: 100 100

شده عكس الضوء : هانقيسها فين دي بس هو عكسه قوي و محترم

المشكلة ان المثلثات كلها ماعليهاش علامة المواصفات دي ..

و المهلة خلاص تقريبا

[Eng.Osama.Afifi]

يعني إيه مكتوب عليه مطابق للمواصفات المصرية ؟؟

أنا عندي جاي مع العربية مثلث عاكس ياباني ... أكيد يعني مش كتبين !!

أنا حاسس إن هما شوية شوية حيكتبوا " وتشتريه من عند الراجل إللي أول حرف من إسمه فلان الفلاني "

ده تهريج والله

ومش شاري ورينا بقى حيعملوا إيه !!

[mahamedaraby]

طيب ليه مقولش امكان توزيعه هما ليه بيصعبوا على الناس العمليه

هى الناس ناقصه

[Ahmed Samy]

احنا اتفقنا هانشتري مثلث مطابق تقريبا للمواصفات

و هانبدأ في الموضوع ده

موضوع مخصص لطلبات المثلث العاكس