نرجو المساعده بشده - فورد جراند ماركيز

[AboMaro]

واحد صاحبي من الكويت جهه بعربيه فورد جراند ماركيز موديل 2000
المهم التكييف فصل هنا ف مصر - دي اول حاجه
الحاجه التنيه - ان العفشة الهيدروليك فيها مشكله بالخلف ( فيه ناحيه وطيت وناحيه عاديه ) وطبعا العربيه بتعوم ف المشي خصوصا السفر
.
.
احنا من الزقازيق و نازلين القاهرة مخصوص لتصليح العربيه
ارجو ممن يستطيع مساعدتنا ان ينصحنا :
واحد كويس للتكيف لان مفيش حد ف الزقازيق عرف يصلحه
و ان تدلونا على اي مركز او شخص متخصص ف العفشه الهيدروليك
وشكرا للجميع

[Ahmed Hassan]

واحد صاحبي من الكويت جهه بعربيه فورد جراند ماركيز موديل 2000
المهم التكييف فصل هنا ف مصر - دي اول حاجه
الحاجه التنيه - ان العفشة الهيدروليك فيها مشكله بالخلف ( فيه ناحيه وطيت وناحيه عاديه ) وطبعا العربيه بتعوم ف المشي خصوصا السفر
.
.
احنا من الزقازيق و نازلين القاهرة مخصوص لتصليح العربيه
ارجو ممن يستطيع مساعدتنا ان ينصحنا :
واحد كويس للتكيف لان مفيش حد ف الزقازيق عرف يصلحه
و ان تدلونا على اي مركز او شخص متخصص ف العفشه الهيدروليك
وشكرا للجميع

لو الموضوعين حصلوا مع بعض... يبقى احتمال كبير يكون الكنترول يونت ليع علاقه بالموضوع. لو تستناني للضهر.. ممكن اسألك و ارد عليك. تليفوني 0126755762 كلمني لو تحب

[AboMaro]

استاذ احمد انا عاجز عن الشكر لرد حضرتك
و احب اوضح لسيادتك
اللي حصل مع التكييف ان العربيه كانت شغاله بس واقفه و نزلنا منها و جينا نركب لاقيناه شغال بس بيجيب سخن بس
واللي حصل مع العفشه الهيدروليك الخلفيه
ان طول الطريق من الكويت لهنا كانت محمله و منخفضه من ورا جدا و لما وصلت ونزلت حمولتها عليت تاني
وبعدين ركنت يوم ونص لاقينا ناحيه وطيت و ناحيه عاليه زي ما هي - ده حصل وهي راكنه محدش بيركبها و لا يشغلها
وشكرا لسيادتك جدا
و طبعا احنا في اقرب فرصه هنكلم حضرتك ويكون لينا الشرف

[Ahmed Hassan]

اخي العزيز... انا لسه مكلم صديقي صاحب مركز الصيانه هنا في بورسعيد. هوه نصح انك تروح الأول لكهربائي و تتأكد ان العيب مش كهربه بدل ما اجيبك مشوار لبورسعيد على الفاضي. لو محدش عرف يصلحها في الزقازيق... انزل على الحرفين في القاهره.. و هناك اسأل اكيد فيه حد متخصص امريكي.

اسف كان نفسي اساعدك

[AboMaro]

ولا يهمك الف شكر يا استاذ احمد

[holmiz]

السلام عليكم
بالنسبة للتكييف كان حصل معايا نفس الموضوع مع عربيتنا الميركوري جراند ماركيز برده و بتاع التكيفات لقى ان فيشة الكمبروسر وقعت، فركبها و اشتغل التكييف كويس ، و لو ماكنش يبقى ان شاء الله هتلاقي ان فيه فيوز ضرب ، دور عليه و غيره.

بالنسبة للعفشة اللي ورا ، هي العربيه دي متشاله على إرب هواء مش سوست زاي باقي العربيات ، فممكن تلاقي اربه منهم اتقطعت من كتر الضغط بدال العربيه لسه ماترفعتش لغية الوقتي و دي هتجيبها من الكويت او السعودية ارخص من هنا بكتير هتبقى بحوالي 500 جنيه مصري واي ميكانيكي كويس هيفك دي و يركب دي

اخوك مصطفى