ميتسوبيشي كولت 2007 زيرو - تصفية لدى الوكيل 85000 ج

[M.Moustafa]

يا جماعة انا اول مرة اقرى الموضوع وليا تعليق واحد، انا معايا ميجان 2006 جايبها معايا من السعودية وكنت طول ما انا هناك بحطلها بنزين 95 ومكتوب على التانك اني استعمل 95 او اعلى وفضلت قبل ما البنزين يغلى احطلها 95 لكن بعد ما البنزين غلي قررت ابدا احط 92 فضلت شوية في الاول تسقف بعد كده التسقيفة دي راحت. مع العلم انه نفس الموتور المستخدم في الميجان اللي في مصر بدون اي تغيير. فانا اعتقد ان موضوع البنزين المستخدم بيفرق حسب العربية هتتصدر لفين

[omaroof]

ودى اول مره اقراء الموضوع ده وليا رأى قد لا يعجب الكثيرين لكنه رأى انا متأكد منه ومقتنع بيه 100%
اولا اسعار السيارات فى مصر حاجه وحشه جدا واى عربيه بتجبها من مصر بتكون غاليه عن العربيات المماثله لها على الاقل 20 او 30 الف
ده غير انها ممكن تفرق فى التقفيل لو التقفيل مصرى ودى لوحدها مشكله يعنى ماينفعش اشترى عربيه ب100 الف والاقى التابلوه بيزيق او فيها مشكله من اى نوع لانها المفروض تكون فى احسن حال
الموزعين فى مصر مابيعملوش اوفر حقيقى يعنى الخصومات بتبقى ضحك على الناس
ماينفعش فى اى مكان فى الدنيا يتباع سياره موديل سنتين قبل ويبقى الخصم 5 او 10 الاف جنيه فقط لان المفروض الخصم ده على سعر العربيه موديل سنه قبل والتخفيض يكون على سعرها القديم بمعنى
اللانسر 2007 كانت ب80 الف لو اتعملها اوفر فى نصف او اواخر 2008 لازم يكون سعرها 70 الف موش اكتر لكن اللى بيحصل ان سعرها كان 80 الف وبعد الاقبال عليها الوكيل بيفضل يطلع بالسعر الى ان يصل 90 او 100 الف على نفس المودل والامكانيات وده المفروض مايحصلش
اما موضوع البنزين فده لوحده مشكله ولازم نهتم بتغيير فلتر البنزين لان بجانب الاسعار البنزين كله شوائب وده لوحده بيأثر على السحب
وشكرا للجميع وااسف على الاطاله

[مصراوي جدا]

ماينفعش فى اى مكان فى الدنيا يتباع سياره موديل سنتين قبل ويبقى الخصم 5 او 10 الاف جنيه فقط لان المفروض الخصم ده على سعر العربيه موديل سنه قبل والتخفيض يكون على سعرها القديم

العربية نزلت في يناير2007 في معرض فورميلا الأهرام بـ 119 ألف جنيه يبقى لما تتباع الآن بـ 82500 ج يعني بخصم 36500 جنيه وده معناه بالتأكيد خسارة للتصفية

شكرا لك

[darsh55555]

سؤال رخم: طب اللي عايز العربية تقسيط يعمل ايه؟ ..... يسقف :)
وكمان سؤال ساذج:......هو البنزين ال 95 بكام؟
آخر سؤال: لما العربية تفضل 3 سنولت مركونة بدون استعمال أو صيانة تبقى حالتها ايه؟

ماتفتكرونيش بهزر...أنا معجب جدا بالعربية دي من أول ما نزلت
وبتكلم بجدية والله فياريت تساعدوني

[مصراوي جدا]

موضوع التقسيط ده مش عارف ايه المشكلة فيه
هل البنوك بترفض تقسيط عربية زيرو علشان مش موديل السنة طيب ليه ما هي زيرو ومن الوكيل

بخصوص بنزين 95 قبل ما نقول بكام حضرتك اسأل ملاك العربية كلهم بيحطوا بنزين 92 عادي جدا (ما عدا الأستاذ احمد OldVic)

بخصوص سؤال ركنة العربية هتأثر عليها ولا لأ
سؤال مهم وفي محله
بس احب ائكد لحضرتك اولا ان العربية بيتراجع على كل حاجه فيها قبل تسليمها للعميل وثانيا ان العربية لها ضمان 3 سنوات او 60 ألف كيلو متر من تاريخ الشراء

[OldVic]

رد سريع لاني خارج المنزل لا مشكله في التقسيط أو التأمين عن تجربة شخصية.

[darsh55555]

موضوع التقسيط ده مش عارف ايه المشكلة فيه
هل البنوك بترفض تقسيط عربية زيرو علشان مش موديل السنة طيب ليه ما هي زيرو ومن الوكيل

بخصوص بنزين 95 قبل ما نقول بكام حضرتك اسأل ملاك العربية كلهم بيحطوا بنزين 92 عادي جدا (ما عدا الأستاذ احمد OldVic)

بخصوص سؤال ركنة العربية هتأثر عليها ولا لأ
سؤال مهم وفي محله
بس احب ائكد لحضرتك اولا ان العربية بيتراجع على كل حاجه فيها قبل تسليمها للعميل وثانيا ان العربية لها ضمان 3 سنوات او 60 ألف كيلو متر من تاريخ الشراء

شكرا جزيلا يا باشمهندس على الرد
ان شاء الله أكلم الوكيل واستفسر برضه منه
ولو احتجت حاجة هارجع لك
حضرتك بقى اللي طمعتني

[darsh55555]

رد سريع لاني خارج المنزل لا مشكله في التقسيط أو التأمين عن تجربة شخصية.

شكرا يا استاذ أحمد ولما حضرتك ترجع بالسلامة نكمل كلام
كل سنة وانت طيب

[hprima]

العرض جميل جدا
وانا حقول الكلام دة لاى صديق عايز عربيه جديده

[nano_1980]

السلام عليكم ورحمة الله

انا عندي كولت منذ 8/2007
الصراحة العربية جامدة جدا والتسارع بتعاعها جامد قوي واسعة من جوا جدا وبقطع بيها عربيات كتير جداااااااااااااااااااااا
مشكلتها بالنسبة لي حاجتين
قطع غيار غالية قوي و اللي برة التوكيل مضروب وما ينفعش ببصلة
تاني حاجة لما بتقعد ناس كتير ورة 2 او 3 العربية بتنام في الارض وتتحك في اي طوبة
غير كدة العربية اتزانها ممتاز تكيفها نص نص سرعتها حلوة
انا بحط بنزين 92 من ساعة ماجبتها ساعات بتكركر لكن في المجمل عادية
ملحوظة
ظهرت عندي مشكلة في النقل الخلفي وتم تغيير طقم الفتيس بحوالي 3200 لكن يتبع الضمان
الزجاج الامامي بتاع العربية اكسر لوحدة كانت العربية في الشمس وجية عليها شوية مية طق لوحدة ولما سالت في التوكيل قالك مفيش ضمان علي الزجاج مع العلم ان ولدي معاة تيوتا كورولا 2002 ولما راح التوكيل في حوالي 2004 بنفس المشكلة غيروا الزجاج في الضمان
الكرسي الامامي بعد شراء العربية بحوالي 4 شهور رايح اعملة جلد لقيت الكرسي الحديد بتاعة قاطع الكورسي وطالع برة ولما روحت التوكيل قالي مفيش ضمان علي القطع الداخلية رغم ان العيب كان في الكرسي وروحت عند واحد بتاع فرشة واستعدلي العيب اللي في الكرسي وصلح القماش رغم اني المفروض كان الكرسي يتغير لكنهم رفضوا في التوكيل.
ولكن رغم ذلك انا بحب العربية دة جداااااااااا
ارجو اني اكون ساعدتكم شوية

[midooo2002]

Is this car still available, and what is its price now, also will model 2009 be sold in Egypt.

Thanks in advance.

[مصراوي جدا]

Is this car still available
ربما يكون ما زال هناك واحدة او اتنين في معرض التوكيل او لدى احد الموزعين ممكن تتصل بمعرض الوكيل 19830 للاستعلام

, and what is its price now
82500 جنيه

, also will model 2009 be sold in Egypt
للأسف لأ ..لأن التوكيل لو جابها لن يقل سعرها عن 110 ألف وربما اكتر وبالتالي هتقابل نفس مشكلة 2007 عند بداية نزولها