طريقة تركيب AUX Cable لل Gen2

[atefghazaly]

- اولا : الكابل مش حتلاقيه غير فى توكيل كلاريون و طبعا التوكيل بيستغل الموضع ده و بيبيع الكابل اغلى من قيمته بكتير اوى,
تمن الكابل: 75 جنيه
تليفون التوكيل فى مصر الجديده 26379396 - 26379392
و فى فرع تانى فى المهندسين
وده شكل الكابل
[http://www3.0zz0.com/2010/04/11/08/841977392.jpg




- ثانيا : طريقة فك ال cd player اسيبكم مع الصور

http://www3.0zz0.com/2010/04/11/08/918920750.jpg

http://www3.0zz0.com/2010/04/11/08/905190150.jpg

http://www3.0zz0.com/2010/04/11/08/342623914.jpg

http://www3.0zz0.com/2010/04/11/08/205172928.jpg

حاجه اخيره للمعاه موبيل HTC وعايز يوصل الموبيل بالوصله ده ...
لازم تشترى audio converter من التوكيل
اسم الوكيل : جوفى ترونيكس
تلفون: 37492558
السعر 140 جنيه

[MuhammedSoliman]

والله أنت فنان يا أخ عاطف أنا دايخ على الكبل ده
تحياتي لك يا جميل

gen2 lover

[alfa]

تسلم ايديك يا معلم ومتشكرين جدا على المعلومات والصور الحلوة ده
بس الوصللة الجديدة ده بعد التركيب وبعد ما ترجع كل حاجة مكانها انت طلعتها من فين ؟؟؟؟
ياريت تصورها لينا هيا كمان لو مافيهاش عزاب ليك .
متشكرين مرة تانية

[Eslam_A]

شكرا علي هذا الموضوع الرائع وعلي مجهودك وتعبك
وجزاك الله خيرا

[atefghazaly]

شكرا يا جماعه على الردود الجميله ده...
بالنسبه للمكان اللى بيخرج منه الكابل ...




نزل الكابل من فتحة السي دى و دخل ايدك من تحت حتئدر تمسك الكابل و شده...
انا عارف ان شكلها مش كويس اوى بس صوتها نقى جدا ...
وعلى فكره انا طولت الكبل بوصله تانيه ممكن تجبها من اى كهربائى و حتلاقيها رخيصه.. بس نصيحه هاتها جاهزه من راديوشاك ماسلان بتفرق .. موجده فى راديوشاك ب 49 جنيه. طولها متر و نص و ده شكلها

[ecybrarian]

انت راجل 100 100..دي كمان توصيلة الميجان..التوصيلة دي standard. انا بقالي شهر بادور عليها ولفيت مصر كلها ما عدا توكيل كلاريون المهندسين ..كنت رايح بكره

[MuhammedSoliman]

عاطف باشا عملت اللى عاليك وزياده شكر تاني ليك انا من اسكندرية اول ما نزل القاهره هروح علي طول بس احنا عندنا توكيل كلاريون فى اسكندرية هروح اسأل لو مالقتش هجيبه من القاهرة
تحياتي
gen2 lover

[MohabSaeed]

بجد حقيقى موضوع فوق الممتاز تسلم ايدك . تخيل ان مافيش على النت اى موضوع بيشرح تركيب وصله ال AUX لل جين2 ابدا , الموضوع ده يعتبر انفراد .

غير ان اجمل حاجه انك تعميل الحاجه بايدك لانه بتكون خايف على حاجتك و بتعملها بحرص , و بتتبسط جدا بعد ماتخلص الشغل بنجاح و بتوفر عليك التعامل مع الصنايعيه و قرفهم .
تسلم ايدك بجد شرح هايل و موضوع ممتاز ينضم لباقه المواضيع المميزه عن الجين 2 فى قسم بروتون .

* حابب اضيف ان لو حد عنده مزاج عالى و رايق ممكن يعمل الموضوع ده من غير وصله التوكيل ام 75 جنيه , وصله عاديه من الى ب 2 جنيه و نقطع الطرف الاخر و تلات ترمنات صغيرين " مش عارف ترمنات بالحجم ده بتتباع فيه " بس ممكن العتبه حتلاقى فيها او النخيلى او راديو طلعت .
و الصوره موضحه اماكن التوصيل " التلات ترمنات الى على اليمين " ... هى بس حتحتاج تجربه السلك انهى سلك بيشغل السماعه اليمين و انهى الشمال .

ياريت لو حد يعمل الفكره ديه و يضرب احتكار وكيل كلاريون للوصله ديه .

[Boody8882]

تسلم إيدك يا باشا , بجد إنت فدت ناس كتير بموضوعك
تستحق الشكر على تعبك

[mohamed el hussien]

هايل تسلم ايديك يا باشا
موضوع جميل
بش فعلا زي ما قال مهاب انا عملتها بالشكل دة
بس دي كانت اول مرة اغرف اصلا الكاسيت بيتفتح ازاي
وفعلا انا شوفت الراجل وهو بيعملهالي السنة اللي فاتت
ب 35 جنية ولحم السلكين
بس فعلا طريقة فك الكاسيت دي صحيحة 100 في 100
لاني فكيتة كدة برضة
سهل اووي بس اصعب مسمار اللي عند التكييف
ولوحد عايز يعرف مكان الراجل دة هو في مدينة نصر
في شارغ موازي لمصطفي النحاس وانت رايح علي الطيران
الناس بيقولوا علية شارع الكنيسة
وبتاع الكاسيت جنب مؤمن علطول اللي في الشارع
بس نصيحة مني بلاش تسترخص وتعمل كدة لأن الصوت
كان ساعات بيكون مش حلو اووي

ونصيحة اخري بلاش تتطول السلك حيكون شكلو وحش اووي


ومش
لازم تتطلع السلك من تحت رجليك ممكن من تحت اللي جنبك
ودة بيكون احسن ليك واريح

[m_marmoush]

شكرا جزيلا ليك و ياريت الأداره تثبت الموضوع ده لأنه يعتبر أنفراد

[atefghazaly]

متشكر يا جماعه على اهتمامكم بالموضوع ده.... على فكره انا طلع عينى على ما عرفت ال سي دى ده بيتفك ازاى عشان كده حتلاقى ال جزء الى تحت السي دى مخربش. بس بعد ما اتفك لقيت ان كل حاجه بعد كده سهله و قلت اصور و انا بركب عشات لقيت ناس بردو بتسأل عن الموضو ده فلى المنتدى .. وكمان ان السى دى ده audio بس يعنى مش مفيد ... و على فكره انا لقيت frame بيركب بدل السي دى عشان تقدر تركب MP3 او DVD ... وانا بدور عليه فى مصر بس مش لاقيه يا ريت لو حد يعرف مكان ليه فى مصر و ده شكله

http://cgi.ebay.com.my/ws/eBayISAPI.dll?ViewItem&item=270231517525

[alfa]

متشكرين مرة تانية للرد السريع بتاعك ومتشكرين على مجهودك ونتمنى عليك يكون فيه مواضيع تانية حلوة زي ده.

[alfa]

ازيك يا اخ عاطف
بعد ما شفت موضوعك نزلت شفت التسجيل يالي عندي بالعربية وشغلتو بس ماعطتنيش على الشاشة بتاعها كلمة Aux وحاولت اني اكبس بالزراير كلها ومالقتش نتيجة !
السؤال الاول بما انك عندك اهتمام وعندك فن بالمواضيع ده ماشاء الله ايه السبب انو ماعنديش الحاجة ديه ؟ طيب ممكن لان عربيتي موديل 2007 مافيهاش مأخد الاوكس ده ؟
تاني سؤال : في زرارين ما عرفتش هم ليه اصلا , ياريت تقولي هو ايه عملهم بالزبط
اول زرار مكتوب عليه Lo
تاني زرار مكتوب عليه Ast
ومتشكر جدا ليك

[atefghazaly]

ازيك يا alfa باشا ..المفرود تدوس على زرار MODE مره حيكتبلك CD و ملره تانيه حيكتبلك FM و مره كمان حيكتبلك AUX ... على فكره انا عربيتى زيك 2007 ... بالنسبه لى LO ده عشان حساسية البحث الزاتى للراديو on/off لو on حيقف لوحده لما يلاقى اى محطه FM ... بالنسبه AST ده بيسجل اقوى 5 محطات فى الارسال اوتوماتيك فى الميمورى من 1 الى 5