هل موتور اللوجان موتور قوي؟

[Ahmed A Rahman]

هل تفتكر ان اللوجان اللي موتورها 8 صبابات يقدر يطلع عزم كويس يعتمد عليه في الجري والسحب.
اصل ال 128 8 صبابات وكل حاجة جديدة دلوقتي بتبقى على الاقل 12 او 16 والي اعرفه ان كل ما الصبابات يكتر عددها كل ما استهلاك البنزين يقل.

وبعدين ايه حكاية انها تسعين حصان بس مع ان النيو اكسنت 112 وبرضه 1600

اللي يعرف يقولي لحسن انا حتجنن خايف اشتريها واشغل التكييف الاقي الموتور وقف

[hesham_tawfiq]

هل تفتكر ان اللوجان اللي موتورها 8 صبابات يقدر يطلع عزم كويس يعتمد عليه في الجري والسحب.
اصل ال 128 8 صبابات وكل حاجة جديدة دلوقتي بتبقى على الاقل 12 او 16 والي اعرفه ان كل ما الصبابات يكتر عددها كل ما استهلاك البنزين يقل.

وبعدين ايه حكاية انها تسعين حصان بس مع ان النيو اكسنت 112 وبرضه 1600

اللي يعرف يقولي لحسن انا حتجنن خايف اشتريها واشغل التكييف الاقي الموتور وقف

ياراجل حرام عليك
تقارن 128 برينو !!!!
وبعدين تكييف ايه اللى لما تشغله الماتور يقف ؟ ازاى يعنى !!!

[Amr_Moh]

هل تفتكر ان اللوجان اللي موتورها 8 صبابات يقدر يطلع عزم كويس يعتمد عليه في الجري والسحب.
اصل ال 128 8 صبابات وكل حاجة جديدة دلوقتي بتبقى على الاقل 12 او 16 والي اعرفه ان كل ما الصبابات يكتر عددها كل ما استهلاك البنزين يقل.

وبعدين ايه حكاية انها تسعين حصان بس مع ان النيو اكسنت 112 وبرضه 1600

اللي يعرف يقولي لحسن انا حتجنن خايف اشتريها واشغل التكييف الاقي الموتور وقف

موتور اللوجان نفس مطور الميجان ١ لحد سنة ٢٠٠١

منصحكش تقارن الأوروبي بالأسيوي مش عشة الأسيوي مضروب- عشان بستعملو أسلوب تاني في حساب قوات المحرك
net/gross output

أخر حاجة إن الهورس باور مش كل حاجة.. العربية ده معمولة فالأساس تكون إقتصادية مش عربية سباء

[Ahmed A Rahman]

ياراجل حرام عليك
تقارن 128 برينو !!!!
وبعدين تكييف ايه اللى لما تشغله الماتور يقف ؟ ازاى يعنى !!!

والله انا آسف انا مقصدش اصلي معايا 128 وعايز اعلى بقى على المستوى ده.
انا بسوق عربية والدي على طول وهي لانسر بومة 1300
وانا كمان مليان شوية فبحب التكييف يبقى ساقع
لكن في اللانسر لو وقفت العربية دقيقة عشان انزل اشتري اي حاجة
برجع الاقي العربية فرن يعني التكييف يادوب قادر عليها وكمان السحب بيقل جدا جدا

ودي اللي بيقولوا عليها تكييف ياباني ثلاجة !!!
فمش عايز العربية اللي احط فيها تحويشة عمري لما اشغل التكييف الاقي نفسي ماشي بعربية زي اختها القديمة
واسف مرة ثانية اني غلطت في الرينو انا بس عايز حد يقيم لي التكييف كويس

[hesham_tawfiq]

ياباشا متقلقش هى تكييفها كويس جدا بس اعتقد ان اى عربيه واى تكييف فى جو مصر فالصيف هيعمل زى منتا بتوصف.

[elnopy]

ياراجل حرام عليك انا معايا لانسر 1300 واوتوماتيك وبشغل التكييف عادي جدا يبقي اللي موتورها 1600 التكييف هيأثر فيها

[bishoy02010]

موتور متوسط :) بنفع جوة البلد :) مش للجرى :)

[Ahmed A Rahman]

يا جماعة بالراحة عليا هو انا غلطت في ايه
انا دكتور ساكن في الرحاب في القاهرة الجديدة
فغصب عني ساعات بضطر البس كرافتات في عز الحر
وبعدين شغلي في المعادي
فكل مشاويري على الدائري اللي عامل زي ما يكون بؤرة اشعة الشمس مفيش شجره واحدة
وزي ما قلت انا مليان شوية عشان كده التكييف حيكون اهم نقطة بالنسبة لي
ولا بحب اجري ولا احرق ولا حاجه
طبعا انا فاهم ان مفيش عربية حتشغل تكييفها حتقف طبعا
انا كان قصدي انها حيقل سحبها جدا
وبخصوص اللانسر سرعتها فعلا بتقل مع التكييف على الدائري جدا
انا بحس بيها عشان طريقي كله سريع
بلاقي حمل على الغيارات وصوت الموتور عالي
وبعدين حكاية التكييف دي نسبية يعني والدي مثلا عمره ما بيشغله اصلا عشان بيبرد
وعشان مطولش عليكو
هل فيه على اي موقع بيحسب قوة تكييف انواع العربيات يعني ربع حصان او نص حصان
ولا الواحد يروح يحط على ظهرها تكييف يونيون اير ويريح نفسه

[mohameduoser]

براحة على الراجل هو بيسال و العاوز يجاوب

[triton]

والله انا آسف انا مقصدش اصلي معايا 128 وعايز اعلى بقى على المستوى ده.
انا بسوق عربية والدي على طول وهي لانسر بومة 1300
وانا كمان مليان شوية فبحب التكييف يبقى ساقع
لكن في اللانسر لو وقفت العربية دقيقة عشان انزل اشتري اي حاجة
برجع الاقي العربية فرن يعني التكييف يادوب قادر عليها وكمان السحب بيقل جدا جدا

ودي اللي بيقولوا عليها تكييف ياباني ثلاجة !!!
فمش عايز العربية اللي احط فيها تحويشة عمري لما اشغل التكييف الاقي نفسي ماشي بعربية زي اختها القديمة
واسف مرة ثانية اني غلطت في الرينو انا بس عايز حد يقيم لي التكييف كويس

حقك طبعا والمنتدي ده معمول عشان كده ..... عشان يساعد الناس و بكل اخلاص انهم يختاروا كويس و ربنا جعلهم سبب اني اختار الميجان حبيبه قلبي من جوا الشهير ب بسنت

[hesham_tawfiq]

بص ياباشا
العربيه ممتازه جدا كسيدان عائليه انما مش بتاعة شد وحرق والكلام دا
مع التكييف بمشى على 130 وبصعوبه جدا لو عرفت ازود عن كده
من غير تكييف بتشد معاك كويس جدا بس خد بالك الثبات بيتأثر بسبب ان العربيه عاليه عن الارض
على فكره انا لما رديت اول مره مكنش قصدى انك تفهمنى انى زعلان او بتريئ عليك ابدا والله انا بس من عشمى شلت التكليف يادكتور :-) واحنا الاتنين معانا 128 :-)
ولو فيه اى استفسار انا تحت امر حضرتك

[mohamedtahaab]

فى الحقيقة انا اول مرة ادخل منتدي واجد فيه كل هذا الاحترام بين افراده 00000000 بارك الله فيكم جميعا

[Ahmed A Rahman]

على فكره انا لما رديت اول مره مكنش قصدى انك تفهمنى انى زعلان او بتريئ عليك ابدا والله انا بس من عشمى شلت التكليف يادكتور :-) واحنا الاتنين معانا 128 :-)
ولو فيه اى استفسار انا تحت امر حضرتك

ربنا يكرمك يا رب
انا مفتكرتش كده اصلا العكس انا استفدت فعلا من معلوماتك
وبعدين مفيش تكليف بيننا فعلا :k32:
انا كنت بحطك بص في الصورة عشان تعرف انا قصدي ايه
واسف اني اتاخرت في الرد على حضرتك لكن الشغل بقى انت عارف خصوصا اني لسه دكتور صغير.
عشان كده كنت عايز عربية احط فيها التحويشة كلها فكنت بستفسر عنها

بس انت ايه رايك
انا لو حجزت دلوقتي حستلم في شهر تسعة زي التوكيل ما قال لي
تفتكر احجزها ولا استنى لشهر 9 جايز تكون نزلت وبقت بضاعة حاضرة الواحد يخلص على طول؟؟؟

[hesham_tawfiq]

اعتقد دى راجعه لحضرتك
هل هتقدر تستنى 6 شهور ولا لا
لو تقدر بيتهيألى تستنى افضل ومحدش عارف السوق هيحصل فيه ايه ولو أن دا سلاح ذو حدين يعنى ممكن بدل ماترخص تغلا.لوعاوز رايى الشخصى اصبر شهر وهتلائيها عند التجار تسليم فورى بس هتدفع بتاع 3 الاف جنيه زياده .
وكمان علشان ما تأمنش لل 128فالصيف لحسن دى ربتنى من اول وجديد لحد مابعتها :-)
وعموما فرصه سعيده انى اتعرفت بشخصيه محترمه زيك وربنا يديم المعروف