محتار بين اللوجان و اللانوس

[ضيف]

لو كان السؤال ده من 10 سنين كانت الناس قالت دايو ايه وكورى ايه
لاكن بعد 10 سنين فى الطرق المصريه اثبت الكورى كفائته
ولو انته بدور على حاجه مضمونه ومتجربه وسعر صيانته مقول دون النظر لشكل السياره القديم
يبقى عليك بلانوس وانته لو دخلت منتدى رينو هتلاقى اصحاب الميجان بيصوتو وهى عربيه اعلى
لان الرينو مش نجحه اوى فى مصر وقارن فى الشارع وانته واقف لمده 5 دقائق هتشوف فرق الانتشار
وده رايى الشخصى

من فضلك وضع الرابط اللي فيه اصحاب الميجان اللي بيصوتوا لتعم الفائدة

[tofy_urban]

بص ياباشا موضوع الإنتشار ده متخدوش مقياس اوي لان اللوجان بالنسبة للفترة اللي نزلت فيها انتشرت بصورة اسرع من الدايو الدايو فضلت كام سنة لحد مانتشرت لكن لوجان بينزل منها 750 سيارة شهريا وكلهم متباعين لحد شهر 12 الجاي ده لو هاتحجز في التوكيل و ثانيا موضوع بياعة و الكلام ده مش مهم اوي لان موضوع البيع ده نصيب و فكرة الانتشار بردو انا محبش اركب عربية موجودة في كل مكان ده ناقص انها تشتغل دليفري بدل الموتسيكلات و لو عايز تعرف عن اللوجان اكتر ادخل منتدي الرينو و شوف مكتوب عنها ايه كل تفاصيلها مكتوبة بالتفصيل و روح شوفها في المعرض و خد رأي الناس اللي اشتروها و شوف قالوا عنها ايه في المنتدي بتاع رينو العربية حققت نجاح مذهل في فترة بسيطة و اخيراً علشان مطولش عليك موضوع التقفيل المغربي ده خده ثقة ده احسن من اللانوس و الفيرنا 100 مرة مش علشان العامل المغربي احسن من المصري لكن علشان اللي بيقفل اللوجان هي رينو المغرب لكن اللي بيقفل فيرنا هو غبور مش هيونداي مثلا و نفس الكلام اللي بيقفل لانوس منصور مش دايو لان مبقاش في دايو اصلا و ده رأي النهائي اشتري لوجان و استخير ربنا قبل ماتجيبها و روح اركبها و اتفرج عليها ,,

[Amr_Moh]

لو كان السؤال ده من 10 سنين كانت الناس قالت دايو ايه وكورى ايه
لاكن بعد 10 سنين فى الطرق المصريه اثبت الكورى كفائته
ولو انته بدور على حاجه مضمونه ومتجربه وسعر صيانته مقول دون النظر لشكل السياره القديم
يبقى عليك بلانوس وانته لو دخلت منتدى رينو هتلاقى اصحاب الميجان بيصوتو وهى عربيه اعلى
لان الرينو مش نجحه اوى فى مصر وقارن فى الشارع وانته واقف لمده 5 دقائق هتشوف فرق الانتشار
وده رايى الشخصى

مشركتك مش في محلها يا هندسة .. إنت عايز تقنع الراجل بلانوس بأي طريقة حتى لو الطريقة انك هتقنعو انها أفضل من الميجان مش بس اللوجان!!!!!!!!!! شيء لا يصدقه عقل

[Amr_Moh]

الوجان أفضل
عربية موديل أحدث
موتور أقوة-- وللعلم الجيل القادم من لوجان بمواتير ١٦ فلف زي النزلت بلفعل فال-٧ راكب
توكيل ضمانه زي الجنيه الدهب..
توقع بنتشار العربية للجودتها مقابل سعرها
من أصل رماني فتوقع تنوع في أسعار واشكال و أنوع قطاع العيار بمقابل مناسب
سواء صناعة رماني أو فرنساوي حسب امكانياتك


أما لانوس فهي مرشحة فقط لو امكانياتك لاتسمح بصيانة عربية جديدة من أصل أوروبي

وبرضو كلامي مش معناه إن الدايو وحشة بجميع المقاييس .. بس حان وقت التغيير

[Amr_Moh]

صور اللوجان ٢٠١٠ سيدان وهاتشباك، البتنزل مصر

[M.almaghraby]

عربية جميلة

فعلا الانتشار مش شرط لضمان جودة العربية

[waleedrahmy]

عربية جميلة

فعلا الانتشار مش شرط لضمان جودة العربية

أمال الانتشار دليل أيه؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[M.almaghraby]

دليل انها عربية كويسة....بس مش احسن عربية فالسوق يعني

و بعدين انا قولت مش شرط!!!! يعني الجين 2 مش منتشرة زي الاوبترا مثلا لكني افضلها عنها بكتير

اللوجان ممتازة لكن مش لازم تبقا عربية الشعب عشان تبقا ناجحة

[Samir Elshahawy]

معلش أسمحوا لي أسأل : سعر اللوجان وصل لكام دلوقتي ؟

[Samir Elshahawy]

الي صاحب الموضوع..

كل ماتريد معرفته عن اللوجان موجود في اللينك ده :

http://www.nilemotors.net/Nile/showthread.php?t=25682

و طبعا أنت هنا في قسم الدايو تقدر تشوف كل مايخص اللانوس
و القرار لك سيدي الفاضل

[Amr_Moh]

معلش أسمحوا لي أسأل : سعر اللوجان وصل لكام دلوقتي ؟

ده أخر الأسعار ٢٠١٠



لوجان 1.6 M/T 2010 62900
لوجان 1.6 F/O M/T 2010 66900
لوجان 1.6 M/T MCV 5 Seats 2009 86900
لوجان 1.6 M/T MCV 7 Seats 2010 92900
لوجان 1.6 F/O M/T MCV 7 Seats 2010 99900
لوجان 1.6 Basic 2010 55900
لوجان 1.6 M/T H/B 2010 66900
لوجان 1.6 F/O M/T H/B 2010 70900
لوجان 1.6 A/T MCV 7 Seats 2010 102900
لوجان 1.6 F/O A/T MCV 7 Seats 2010 109900--

[Samir Elshahawy]

ألف شكر ياباشا

[ahmad--ezzat]

هاتلك سيينا 2009 ..احسن من الاتنين

[ahmedhilmy]

اللي تعرفه احسن من اللي متعرفوش

[M.almaghraby]

هاتلك سيينا 2009 ..احسن من الاتنين

بس يا احمد باشا للاسف الي بتنزل 2009 صيني شكل البترا...

ال2008 كانت تحفة بجد

و بصراحة فعلا هيا احسن من التنين