اخيرا القول الفصل من ظباط مرور فى كمين " الستاير الكبس مش ممنوعة "

[madawbs]

مساء الخير او صباح الخير حسب ظروفك الشخصية

من كام يوم اتقفشت مخالفة فيميه فى كمين فى اول شارع القصر العينى (عادى واخدين على كدة) المهم باكلم الظباط الى فى الكمين (كانو 3 رائد ومقدم ونقيب يعنى رتب مش صغيرة ماتاخدش على كلامها ومش كبيرة ماتعرفش تكلمها ) طبعا بعد دفع ال 50 جنيه ملصقات واللذى منه قعدت ادردش معاهم باقولهم ان الشمس حامية والتكييف مش قادر عليها ومحتاج مساعدة فلازم حاجة تحجز الشمس شوية والـ Vkool غالى والبديل بتاعه 3m برضه غالى نعمل ايه ؟؟ الرائد الى فيهم بصلى باستغراب شديد وقاللى طيب ماتركب ستاير كبس قلتله بفرحة والنبى هى مش ممنوعة ... قاللى مين الى قاللك كدة مادام بتتشال وتتحط ومادام حاططها بالنهار فى الشمس مش بالليل تبقى مش ممنوعة (هنا انا كنت هازعرد) وبرضه علشان ابقى فى السيف سايد قلتله الكلام ده على مسئوليتك لو لجنة قفشتنى مش هادفع حاجه وهاقولهم ان انت الى قلتلى وهاطلبك للشهادة قاللى ماحدش هايكلمك لان الى باقولهولك ده قانونى !!!

والى بيأكد كلامى رد الاستاذ خطاب :-

بص يا باشا أنا لسة مركب ستاير كبس من أسبوع بعد فترة حيرة طويلة جدا علشان إخوانا الصهاينة بتوع المرور و تلككهم
بس في الأخر قررت بأني أشتري ستاير كبس و أستخرت ربنا و توكلت على الله و كمان الله أعلم بنيتي في سبب تركيب الستاير و هو التخفيف من الحمل على التكييف وكمان أنا بسافر كتير مع أهلي و الشمس بتكون مميته ورا عليهم طول سكه السفر
تجربتي بقى يا سعادة حضرت الباشا خلال الأسبوع ده هي مشوارين للمطار و سفر لدمياط و إسكندرية و لف في مدينة نصر و مصر الجديدة و وقفت خلال الأسبوع ده في حوالي أربع كماين كلهم بصوا على الرخص و طريق السلامة ياباشا
أرجو أني أكون أفدتك و قدرت أساعدك و تحت أمرك في أي سؤال أو أستفسار

http://www.nilemotors.net/Nile/showthread.php?t=83515

بالمناسبة كمان انا كنت دايخ على ستاير لعربيتى الجولف وكل ما اسأل يقولولى مانزلهاش لكن الحمد لله محل اوبشن فى 6 اكتوبر لما كلمته قاللى انه عنده حد بيفصل الستاير لاى نوع عربيات واى خدمة يا شباب

[ehabbasha30]

مش عارف
ممكن يكون الكلام صحيح بس تضمن منين ان كل الكماين لها نفس الاسلوب او كل الظباط يكونوا عارفين
او مش هيحصل اشتغالات على اعتبار ان الناس مش عارفة
اكيد هيحصل حاجة من دول
ولو جيت تناقشة ....طبعا النتيجة معروفة


وبعدين ازاى يسمحوا بستاير كبس ويمنعوا سبحة فى المراية لاعاقة الرؤية؟؟؟؟؟؟؟؟؟؟؟؟؟؟؟؟؟؟؟؟

[ahmad alshaaer]

طيب هو في ستاير كبس ياجماعه للجن 2
بليز لو حد يعرف يقوللي فين ورقم تليفون لو امكن


تحياتي

[MoMohsen]

بالمناسبة كمان انا كنت دايخ على ستاير لعربيتى الجولف وكل ما اسأل يقولولى مانزلهاش لكن الحمد لله محل اوبشن فى 6 اكتوبر لما كلمته قاللى انه عنده حد بيفصل الستاير لاى نوع عربيات واى خدمة يا شباب

على فكرة يا باشا سبير كار بردة بيفصل ستاير كبس و تقريبا تكلفتها 100-120 جنيه

[Rembrandt]

الكلام دة مش سليم وأكيد الظابط كان بيشتغلق جميع انواع الستائر ممنوعة والكلام دة مفروغ منة

[Morieno]

الكلام دة مش سليم وأكيد الظابط كان بيشتغلق جميع انواع الستائر ممنوعة والكلام دة مفروغ منة

++111

[M_Nabil]

كلام الضابط اللى بيقوله ده لا قانوني ولا حاجه اى معلقات او ملصقات ممنوعه وتعتبر مخالفة طبقا لمواد القانون بس هو بيقول كده على اساس انه ارحم من الفامية دى حاجه وكمان الستاير الكبس في ضباط كثير بتتسهل فيها ويقولك طب شيلها ويمشيك او يعديك وميعلقش عليها انما لو واحد غلس هيدفعك المخالفة عادى حتى لو قلتله هشلها هيقولك ما انت اول ما تعدى هتركبها ثاني يبقى احنا معملناش حاجه وبعدين مع احترامى لكل ضباط المرور في كثير منهم بيفتي وهو مش عارف القانون كويس ولسه من يومين متخانق مع ضابط منهم في كمين على الدائرى كان عاوز يفتش عربية واحد صاحبى بالعافية وشدنا جامد مع بعض لدرجة الموضوع كان هيكبر و هيقلب بضرب بس الموضوع خلص في الاخر بعد ما عرف انه غلطان وتجاوز ومالوش حق في التفتيش طلما معهوش اذن وكل الفيلم ده كان سببه امين الشرطة في الاول ، فا انت متخدش على كلام الضباط في كل حاجه يقولوها انت ترجع لي القانون في الحاجات دى

[أحمد كمال]

يعني ايه ستاير كبس؟؟؟

[for_ever]

يعني ايه ستاير كبس؟؟؟؟؟؟؟؟؟؟؟؟؟؟؟؟

[ehabbasha30]

كلام الضابط اللى بيقوله ده لا قانوني ولا حاجه اى معلقات او ملصقات ممنوعه وتعتبر مخالفة طبقا لمواد القانون بس هو بيقول كده على اساس انه ارحم من الفامية دى حاجه وكمان الستاير الكبس في ضباط كثير بتتسهل فيها ويقولك طب شيلها ويمشيك او يعديك وميعلقش عليها انما لو واحد غلس هيدفعك المخالفة عادى حتى لو قلتله هشلها هيقولك ما انت اول ما تعدى هتركبها ثاني يبقى احنا معملناش حاجه وبعدين مع احترامى لكل ضباط المرور في كثير منهم بيفتي وهو مش عارف القانون كويس ولسه من يومين متخانق مع ضابط منهم في كمين على الدائرى كان عاوز يفتش عربية واحد صاحبى بالعافية وشدنا جامد مع بعض لدرجة الموضوع كان هيكبر و هيقلب بضرب بس الموضوع خلص في الاخر بعد ما عرف انه غلطان وتجاوز ومالوش حق في التفتيش طلما معهوش اذن وكل الفيلم ده كان سببه امين الشرطة في الاول ، فا انت متخدش على كلام الضباط في كل حاجه يقولوها انت ترجع لي القانون في الحاجات دى

دة رايى برضو


ستاير كبس يعنى متفصلة على الزجاج زى الشماسة كدة وبتركب وبتتشال بسهولة

[som3aa]

معلش انا مش فاهم ايه الستاير الكبس دى
يا ريت حد يحط صورة

[madawbs]

مش عارف
ممكن يكون الكلام صحيح بس تضمن منين ان كل الكماين لها نفس الاسلوب او كل الظباط يكونوا عارفين
او مش هيحصل اشتغالات على اعتبار ان الناس مش عارفة
اكيد هيحصل حاجة من دول
ولو جيت تناقشة ....طبعا النتيجة معروفة


وبعدين ازاى يسمحوا بستاير كبس ويمنعوا سبحة فى المراية لاعاقة الرؤية؟؟؟؟؟؟؟؟؟؟؟؟؟؟؟؟؟؟؟؟

مش عارف اضمن منين بس دا الكلام الى اتقاللى حكاية السبحة دى غريبة انا حاطط سبحتين من 5 سنين وماحدش كلمنى عليهم خالص

[madawbs]

طيب هو في ستاير كبس ياجماعه للجن 2
بليز لو حد يعرف يقوللي فين ورقم تليفون لو امكن


تحياتي

هاتلاقى فى التوفيقية او فى سبير كار وممكن تلاقى نمرة سبير كار على 140online.com

[madawbs]

على فكرة يا باشا سبير كار بردة بيفصل ستاير كبس و تقريبا تكلفتها 100-120 جنيه

كلمتهم ياباشا مش بيفصلو هم عندهم ستاير جاهزة بتاعت انواع معينة زى اللانسر واللانوس وكدة انما تفصيل ماعندهمش

[madawbs]

الكلام دة مش سليم وأكيد الظابط كان بيشتغلق جميع انواع الستائر ممنوعة والكلام دة مفروغ منة

والله انا نقلت الى اتقاللى بمنتهى الامانة وتجربة الاستاذ خطاب اكدتلى الكلام وعلى العموم انا هاستلم الستاير بكرة واجرب واقوللك ياباشا