انا و م/هيثم رايحين التوكيل (مشكلة الخبط فى الدركسيون)

[معاذ الشرباصى]

الاخوة الاعزاء

للاسف انا اول مرة اقرأ الموضوع ده وما دفعنى الى الوصول اليه هو ظهور نفس المشكلة عندى من كام يوم بعد صيانة الالف وطبعا قعدت متجنن من سبب التزييقة اللى ظهرت فى الطابلوه زى ما يكون مفكوك من بعضه والخبط اللى بيظهر مع المطبات خاصة صوت الشخللة اللى يشبه صوت تخبيط بين صاجتين بيرن مع المطبات زى ما يكون حديدة او صاجة متعلقة وحاجة بتخبط فيها ومكانها بالتحديد حول السماعة الشمال فى الطابلوه .

المهم بعد استنفاذ كل الطرق وبعد ما فضيت العربية خاصة انى باسمع دبة النملة فى العربية لدرجة انى فتحت الكبوت وقعدت ادور على اى حاجة سايبة فى الموتور من ناحية كرسى السائق وطبعا لم اجد شىء
انا شخصيا الصوت مضايقنى ومنرفزنى جدا !!!

واخيرا قلت ابحث فى المنتدى هنا حتى وصلت لهذا الموضوع واكتشفت انه عيب عند ناس كتير لدرجة انى قريت كلمة كلمة فى كل المشاركات لان الناس وهى بتوصف العيب حسيت انهم بيتكلموا نيابة عنى .

بينى وبينكم انا لو كنت قريت الموضوع ده من الاول مكنتش اشتريتها لانى مبحبش المشاكل دى فى عربية زيرو لكن قدر الله وما شاء فعل .

المهم يا ليت الاخوة يفيدونى باخر التطورات فى الموضوع ده وهل التوكيل وصل لحل نهائى للمشكلة ؟

وهل لسة فى المنتدى ناس بتعانى من المشكلة دى لانه لو كده يبقى ممكن نرتب ونروح كلنا للتوكيل مع بعض .

ولو التوكيل مبيحلش يبقى جهاز حماية المستهلك موجود وملناش دعوة باليابان لاننا فى مصر والمفروض لما وكيل بينزل عربية بيدرس مواءمة العربية للبلد اللى بينزل فيها واعتقد مفيش حد مسمعش جملة ( عربية بمواصفات خليجى ) دى مشهورة اوى بيننا وده لانهم بينزلهم فى الخليج عربيات بمواصفات خاصة تتوافق مع ظروف البيئة .

فلو الوكيل معملش كده يبقى ده تقصير وعيب عنده هو يتحمل عواقبه .

ولا ايه رايكم ؟

حضرتك بتعانى تقريبا من نفس اللى عندى ... انا برضه معاي ال 1.5 مو 2008

انا كنت معتقد انهم تلافوا العيب ده فى عربيات مو 2009 ... غريبة اوى انه لسه موجود

هو حضرتك متقلقش, الموضوع بيتعالج ... لكن هما بدأوا بموديلات 2007

دى تجربة م/هيثم: حل مشكلة م/هيثم

دى تجربة ابوعبدالله: حل مشكلة ابوعبدالله

المفروض قريب فى اكتر من عضو معانا هنا معاهم موديلات 2007 هيروحوا يغيروا الحاجة

و نتمنى يبدأوا يستقبلوا موديلات 2008 و 2009 فى القريب العاجل ... بس اظن ده رتبط شوية بقوة استيعاب مركز العبور المحدودة, ده غير توافر القط اللى بتتغير

لكن اللى اكيد انه مش تعديل فى حاجة ... هو فك و تركيب لحاجات جديدة مكان الحاجات البايظة

[د.محمد الشيخ]

حضرتك بتعانى تقريبا من نفس اللى عندى ... انا برضه معاي ال 1.5 مو 2008

انا كنت معتقد انهم تلافوا العيب ده فى عربيات مو 2009 ... غريبة اوى انه لسه موجود

هو حضرتك متقلقش, الموضوع بيتعالج ... لكن هما بدأوا بموديلات 2007

دى تجربة م/هيثم: حل مشكلة م/هيثم

دى تجربة ابوعبدالله: حل مشكلة ابوعبدالله

المفروض قريب فى اكتر من عضو معانا هنا معاهم موديلات 2007 هيروحوا يغيروا الحاجة

و نتمنى يبدأوا يستقبلوا موديلات 2008 و 2009 فى القريب العاجل ... بس اظن ده رتبط شوية بقوة استيعاب مركز العبور المحدودة, ده غير توافر القط اللى بتتغير

لكن اللى اكيد انه مش تعديل فى حاجة ... هو فك و تركيب لحاجات جديدة مكان الحاجات البايظة

ربنا يطمنك يا معاذ واشكرك على ذوقك واهتمامك واتمنى انهم مياجلوش حد ويخلوها باولوية الحجز بغض النظر عن سنة الموديل
وسبحان الله رب ضارة نافعة للتوكيل لانهم لو احسنوا التصرف فى الموقف ده مع كل العملاء حيتقلب الموقف لصالحهم وحتبقى دعاية مضاعفة للتوكيل بدل ما تبقى مصدر تخوف لاى عميل بيفكر يشترى العربية .
و مش عارف ليه توكيل كبير زى توكيل دايهاتسو معملش التعديل ده فى كل الشحنات اللى دخلت دون انتظار معاناة العميل ومروره بالتجربة دى !!