شراء ibiza system porsche model 1993

[iBiZa]

كان نفسى حد يفتح الموضوع دة من زمان :)

انا عايز اشارك بخبراتى علاشان انا حافظ كل مسمار فيها و يعتبر مغيرة بايدى.

اولا: تاريخها:
شركة Seat كانت ذى شركة نصر عندنا و كانت بتجمع بس {علاشان كدة تلاقى 127 و 128 و ريتمو من انتاج Seat}. و شوية شوية ابتدوا يعلوا فى نسبة المكون المحلى لحد ما بقوا يعملوها لوحدهم. و تم الانفصال بعد بين شركة Fiat و شركة Seat و قررت الاخيرة انتاج عربية خاصة بها. فا استعانت بشركة Porcshe لتصمم لها المحرك ومن هنا ظهرت ال Ibiza و كانت عبارة عن شاسية Ritmo و موتور Porcshe. و انتجت من عام 1984 تقريبا الى عام 1992 حتى اشترت VW شركة Seat و تم تطوير ال Ibiza لتستخدم موتور و شاسية Golf.

ثانيا: المواتير:
900 انجكش 44 حصان
1200 انجكش 62 حصان
1500 انجكش 101 حصان
1700 انجكش 105 حصان
1700 ديزل 54 حصان

ثالثا: ميكانيكا:
نفس عفشة و كهرباء ال Ritmo يعى المساعدين ال4 و طقم البرياج Ritmo
نفس قواعد الموتور يعنى ال 2000 بتاع ال Ritmo Abarth ينزل عادى.

رابعا: قطع الغيار:
عفشة كلها Ritmo ما عدا المقصات {فا كلة هتلاقية عند اى حد بتاع Fiat فى اى حتة.
مقصات و فوانيس امامى و خلفى هتلاق جديد عند سامح ابيزا فى شارع دمشق {هو بيعرف اية الناقص لها فى السوق و يسافر يجيبة من اسبانيا}. مستعمل عند احمد الابيض فى الوكالة {و لية فرع فى غمرة و فرع فى شارع السودان فى المهندسيين} و كمان تلاقى عندة المواتير ال 1500 و حاجة التكييف الاصلى. و عند البيومى فى بورسعيد.

خامسا: الكويس فيها:
قطع غيار رخيصة علاشان Fiat
بتجرى حلو اوى 1200 او 1500
استهلاك بنزين حلو

سادسا: تخاف من اية:
شاسية Fiat فا ضعيف ذى ال 128 و ممكن تفتح علب.
اعادة بيع مش وحش بس مش اى حد هايشتريها.
اغلب اللى فى البلد مبهدل فا هتدور شوية.

* انا كانت معايا 1200 و شد مواتير كنت بطلع من واحد صاحبى معاة 1994 1300 مرتاح مش علاشان ال 1994 مش بتجرى بس علاشان ال 1992 خفيفة جدا.

[Open_Sense]

والله مية ميه يا شباب الله ينور عليكم

بس معلش سؤال اخير هية ولا البيجو 205
وكمان اية حكاية انها بتفتح شاسية صحيحة ولا...........

[iBiZa]

انا بردو كان معايا بيجو 205 و كانت هايلة. و هاقولك الى انا اعرفة عنها:

العربية ناشفة قوى - ثبات على الارض غريب حتى مع كاوتش 13\135\70 - عفشة ناعمة جدا - بتجرى حتى مع الموتور ال1100 - يا دوب تشم بنزين - انا كنت بفول كل 10 ايام مع العلم ان العربية مع ان العربية بتلف طول النهار.

هى زل منها تقريبا 2 جيل. فية فروقات بسيطة فى الشكل الخارجى و دة ما يفرقش معانا كتير. المهم الموتور, قبل سنة 1987 كان الموتور القديم على القواعد القديمة و دة سيئ جدا علاشان مقلوب فا لو هاتعمل اى حاجة فية لازم الموتور ينزل من العربية + ان قطع غيارة غالية جدا و مش موجودة.

الموديل منبعد 1987 كان الموتور الجديد و القواعد الجديدة و دة شغلة سهل لانة زى اى موتور عادى + حاجتة كلها موجودة + نفس قواع ال 405 فا لو حبيت تغير الموتور عندك حاجات كتير مكن تتحط زى 1400 و 1600 و 1800 و 2000 و الشاسية عادى يستحمل من غير شدادات ولا وجع دماغ.

بس مش اى ميكانيكى يحب يشتغل فيها غلاشان حوضها ضيق.

لو هتجيب يبقى من موديل 1988 الى 1993 و عندى كذا ميكانيكى كانوا فى التوكيل.

لو عايز اى حاجة قولى يا باشا.

[Open_Sense]

ياسلام يا iBiZa

طب انت قدامك حتة 205 موديل التسعينات 1300سي سي
ياترى هية فيها تكيف وهية كاربرتير ولا انجكشن وبور ولا حبة تفاصيل حلو كدة
الله يكرمك
واماكن الميكانيكية اللي انت عرفهم ياتري فين عشان اعرف بس هما جنبي ولا لا

معلش انا عارف اني متعب بس شرا العربية دي هم بصراحة

[mexmarine]

من الاخر اصبر شويه لغاية ما تجيب تمن ال94 عالشان الابيزا ال93 مالهاش قطع غير و غن وجدت هتبقى ناااااار

انا لسه بايع 94 و هشترى 94 بس اوبشن لان اللى كانت نعايا فاضيه

على فكره ال25 ممكن يجيبوا ستروين ax كويسه

[iBiZa]

ياسلام يا iBiZa

طب انت قدامك حتة 205 موديل التسعينات 1300سي سي
ياترى هية فيها تكيف وهية كاربرتير ولا انجكشن وبور ولا حبة تفاصيل حلو كدة
الله يكرمك
واماكن الميكانيكية اللي انت عرفهم ياتري فين عشان اعرف بس هما جنبي ولا لا

معلش انا عارف اني متعب بس شرا العربية دي هم بصراحة

ال1300 فية منة نزل بتكييف و من غير. مفيش بور علاشان دركسيون خفيف اوى.
كاربراتير مفيش انجكشن {و مع كدة بتشم بنزين}.

محمد الميكانيكى - الزاوية الحمراء - 0105479786
كيمو الميكانيكى - ارض اللواء - 0109842677
محمد عبد المنعم الكهربائى - ارض اللواء - 0123571846

من الاخر اصبر شويه لغاية ما تجيب تمن ال94 عالشان الابيزا ال93 مالهاش قطع غير و غن وجدت هتبقى ناااااار

انا لسه بايع 94 و هشترى 94 بس اوبشن لان اللى كانت نعايا فاضيه

على فكره ال25 ممكن يجيبوا ستروين ax كويسه

مشكلة ال AX انها Fiber فا انا مش بحبها بس هيا حلوة اوى و لو 1400 هتلاقى فيها سنتر و تكييف و 2 زجاج كهرباء و حاجتها موجودة.

Ibiza 94 طبعا محدش يتكلم عليها بس لازم تكون فيها بور علاشان دركسيون تقيل جدا.

[Open_Sense]

الف شكر mexmarine علي ردك وفعلا انا شوفت الستروين بس مش عارف لية مش مرتحاها


من واقع تعاملك مع السيارتان ايهما افضل اخي iBiZa
ال ابيزا 93 ولا بيجو205 موديل التسعينات
انا ادامى واحدة 205 موديل 90 1400 سي سي صاحبها مبدئيا طالب 23 الف

[iBiZa]

انا من واقع خبرتى, البيجو احسن و قطع غيارها عمرها اطول.

انا شايف ان السعر دة قليل عليها شوية علاشان المفروض تكون من 25 الى 27 فا ارفعها كويس واعرف الحالة قبل ما تشترى.

الموتورال1400 كويس و يستحمل تكييف فا اعمل حسابك علية علاشان الجو الى احنا فية. و هتلائية استيراد اصلى بتاع العربية و ممكن جديد بردة.

وبالتوفيق يا باشا.