***سلبيات معرض اوتوماك اخبار اليوم (زيارة من الدرجة التالتة..) ***

[tutankhamoun]

ثقافة خدمة العميل غير موجودة في مصر بدرجة كبيرة
و ده راجع بالأساس لسبب مهم و بسيط

أغلب الشعب المصري .......... ( لا يحترم ما ليس ملكه ) لذلك نحن من نفعل بأنفسنا ذلك

يا راجل .......... هدي أعصابك ............ أحنا نستاهل كل اللي بيجرالنا
لما يبقى يني آدم خريج جامعة و دكتور مثلا ........... و قاعد بيأكل حاجة في العربية
و تلاقي هوبة الكيس خرج من شباك عربيته الفخمة و دخل جواه عربيتك لأنك كنت ماشي وراه
يبقى عايز بعد كدا الشركات دي تحترمهم ؟؟؟؟؟؟؟؟؟؟؟؟؟؟؟؟؟

أحنا شعب ملناش المعاملة الحسنة و الله العظيم تلاتة كمان

تديهم على دماغهم .............. كل حاجة تمشي مظبوطة
أول ما يفوق ............. تلاقي الدنيا خربت ...
فمتزعلش نفسك ................... أنت في مصر ............. و بتتعامل مع مصريين ........... يعني شعب من شعوب العالم الثالث المتخلف

( و محدش يخالفني الرأي بعد اذنكوا في موضوع العالم الثالث )
علشان أنا مش بفتري على الشعب

[دموع الثلج]

يا راجل .......... هدي أعصابك ............ أحنا نستاهل كل اللي بيجرالنا
لما يبقى يني آدم خريج جامعة و دكتور مثلا ........... و قاعد بيأكل حاجة في العربية
و تلاقي هوبة الكيس خرج من شباك عربيته الفخمة و دخل جواه عربيتك لأنك كنت ماشي وراه

حمد لله على السلامه يا استاذ توت انت كنت مختفى فين

فكرتنى بحركه غبيه حصلت معايا امبارح غسلت العربيه امبارح بره وجوه وذى الفل وجيت اركن عربيتى قدام جنينه مول فى المواقف اللى قدام المــــول على طول وقفت العربيه و هـــــــــــــب قفلت الزجاج وباخد شنطتى ونازله للمـــــــول سبحان
لله فى لمحه بصـــــــر لسا مفتحتش الباب عشان انزل لقيت العربيه كلها غرقت من بـــــــره السقف بالزجاج الامامى والشمال كله

تتوقع العربيه غرقت ايه بئه ..........................

العربيه اتغـــــــــرقت كشرى او بالاصح صلصه كشرى او شطه كشرى ده ا ناواقفه قدام مول مش محل كشرى حمدت ربنا انى اتاخرت ثانيه مكنتش فتحت الباب كنت انا اللى غرقت
اللى يغيظ نزلت عاوزه اعرف ده حصل ازاى او جا ه منين طبعا وكانى ببحث عن لغز ودمتم..........

[tutankhamoun]

المصري هايفضل مصري ............ النيل رواه و التخلف جواه

ده أنا بشوف بلازي على الطرق
إيشي كانز ............ و إيشي كشري .......... و أيشي شيبسي و بسكويت و خلافه

و و الله العظيم الحاجات بتترمي من عربيات أخر فخامة و عربيات تانية بتاعة شباب من المفروض إنه متعلم

بس مفيش فايدة ............ سعد زغلول رحمة الله عليه قالها
و طلب من مراته إنها تغطيه و تصوت ( بس مش في الإنتخابات ) نيههههههههه

و لك و لنا الله يا أختاه ( دموع الثلج )

[OlaOsman]

حمد لله على السلامه يا استاذ توت انت كنت مختفى فين

فكرتنى بحركه غبيه حصلت معايا امبارح غسلت العربيه امبارح بره وجوه وذى الفل وجيت اركن عربيتى قدام جنينه مول فى المواقف اللى قدام المــــول على طول وقفت العربيه و هـــــــــــــب قفلت الزجاج وباخد شنطتى ونازله للمـــــــول سبحان
لله فى لمحه بصـــــــر لسا مفتحتش الباب عشان انزل لقيت العربيه كلها غرقت من بـــــــره السقف بالزجاج الامامى والشمال كله

تتوقع العربيه غرقت ايه بئه ..........................

العربيه اتغـــــــــرقت كشرى او بالاصح صلصه كشرى او شطه كشرى ده ا ناواقفه قدام مول مش محل كشرى حمدت ربنا انى اتاخرت ثانيه مكنتش فتحت الباب كنت انا اللى غرقت
اللى يغيظ نزلت عاوزه اعرف ده حصل ازاى او جا ه منين طبعا وكانى ببحث عن لغز ودمتم..........

مش ممكن يا دموع.. انتي بتحصل معاكي حاجات غريييييييييييبة :)

ربنا يسترها مع الجميع يا رب.

[goodwave]

نيهههههههههههههههههههههههههههههه :) :) :)

أنصحك يا دموع بعد كدة تخلى معاكي في العربية معلقو وشوكة وسكينه وفوطة علشان تبقى تعملي سفرة الباشا وتسترزقي من الحاجات إللي بتترمى عليكي.

المرة الجاية إبقى إركني جنب واحد بتاع كباب وكفته :)

[دموع الثلج]

بتضحكووووووووووووووووا ماشى

اللى ضحكنى السايس لما نزلت ازعق قالى حضرتك يمكن العربيه كانت جعانه

او نفسها فى الكشرى ههههههههههههههههههههه

والله وكان السماء امطرت صلصه كشرى لان مفيش فوقى عمارات ولا حتى راكن جمبى مدرعه عاليه عشان ترش على السقف هو اكيد عفريت كان جايب كشرى من شيخ البلد وحب يدوقنى ربنا ياخده

[tutankhamoun]

والله وكان السماء امطرت صلصه كشرى لان مفيش فوقى عمارات ولا حتى راكن جمبى مدرعه عاليه عشان ترش على السقف هو اكيد عفريت كان جايب كشرى من شيخ البلد وحب يدوقنى ربنا ياخده

يبقى أكيد العساكر البهوات اللي كانوا قاعدين في المدرعة هما اللي عزموا عربيتك على كشري ..........

أصلها حصلت معايا قبل كدا

[eng_mkhalaf]

ســـــــــــــــــكـــــــــــوت هنصور :)

يا جماعة أحنا خرجنا عن الموضوع الأساسى لو هتقلبوها كشرى يبقى ممكن نعمل موضوع أسمة
" دموع الثلج المسكينة وحكايتها مع علبة الكشرى اللئيمة"

:) :) :)

[som3aa]

بصراحة انا كنت زعلان انهم قافلين العربيات بس الصراحة بعد اللى شفت ناس بتعمله فى العربيات المفتوحة فعلا رايى مفروض مش يقفلوها بس دول مفروض يغطوها كمان.
أنا شفت ناس غريبة اللى قاعد يلعب فى الفتيس و اللى بيفتح كل الادراج اللى فى العربية و ينزل و يسيبها مفتوحة و اللى يدوس على العتب و لا كاننا ناس محترمين بنتفرج فى معرض محترم.
طيب معلش شوف كدا الكورولا اللى هناك و الله يكون فى عون اللى هيضحكوا عليه و يبيعوهالو الصراحة العربية مفروض تطلع على تاجر خردة علطول ايه دا الناس مبقوش بنى ادميين خالص!!!!
أنا 100% مع قفل كل العربيات اللى فوق ال400 الف و اللى عايز يشترى يفتحوهالو فعلا و جرب روح توكيل بورش و هيفتحولك العربية فعلا لان اللى بيروح التوكيل مش بيبقى رايح يهزر , حتى ال s-500 و لا اى عربية تانية بيفتحوهم فى التوكيل انما فى المعرض فى ناس محترمين و فى ناس كتير اوى مش محترمين و قايلين انا دافع 25 جنيه يبقى اعمل اللى انا عايزه بفلوسى.
بعدين حتى اللى بيطلب فتح العربية مش معناها انه عايز يشتريها لأ ممكن اطلب فتح العربية علشان اتفرج عليها بس مش اكتر و هما هدفهم اساسا بيع العربيات مش ابهار الناس.
اللى لازم الناس تفهمه ان الشركات اللى عارضة دى مش بتاخد فلوس من اللى الناس بتدفعه فى التذكرة لأ بالعكس دول بيدفعوا كتير اوى علشان يعرضوا عربياتهم فبالتالى ليهم هدف و هو البيع بس و بعدين احنا فى مصر يعنى العربيات اللى بتتعرض دى بتتباع بعد كدا فمينفعش يبيعوا عربية قعد فيها 100000 شخص و كل واحد لعب فيها.
الكلام دا ممكن فى عربية ب 100-150 الف يعتبروها حتى اعلان او ممكن يبيعوها مستعمل بس فى عربية ب مليون و اكتر و لا حتى نص مليون صعب.
فى وجهة نظر تانية برده ان العربيات المعروضة دى مش مدفوع جمركها يعنى ال xf دى تمنها حوالى 300000 بس علشان مش متجمركة و عربية بالسعر دا مفروض تكون مفتوحة.
عموما هو موضوع يحير بس لو انا كنت فى مكان الشركات العارضة هغطى العربيات و احط صورتها بس من كتر اللى بيحصل فيها!!!!
من ناحية المعاملة فانا رايى اى حد موظف يعاملوا وحش لازم يهزا الموظف دا قدام الناس و يمرمط بكرامته الارض لا الموظف بيبص باحتكار للناس مش عارف على ايه!!!!!!!
يعنى اللى زعق للراجل علشان ابنه داش على عتب الbmw كان لازم الراجل يبهدله و يهزاه و يطلب المدير مع انى مقتنع جدا ان الراجل غلطان انه جايب ابنه الصغير و دا من اسباب اللى لازم يقفلوا العربيات علشانها.
مش معقول كل واحد داخل بابنه و لا بنته الصغيرين و داخل باكل و شرب فعلا كلام مش معقول , طيب الطفل طبيعى بيكون عايز يلعب و يطنطط مينفعش فى معرض عربيات يحصل كدا , لازم نحترم بعض يعنى شركة العربيات دافعة مبالغ ضخمة علشان تعرض عربية فخمة فى المعرض تخيل عيل صغير قام رجع (تقيأ) جوه عربية يبقى ايه النظام؟ و لا معاه لعبة قام مخربش بيها العربية؟؟ و لا طفل قعد يعيط و مشاكل طب ليه؟؟؟ ينفع تروح الشغل معاك طفل؟ لأ طبعا , طيب ليه منحترمش الناس اللى عملوا المعرض و منروحش باطفال؟ حتى علشان نقدر نتفرج كويس و زى مقال المهندس خلف ممكن يتوهوا فى الزحمة؟؟؟
على فكرة انا روحت مرتين و فى المرتين الاكورد كانت مقفولة مع ان فى مرة منهم كل العربيات البريليانس كانت مفتوحة!!! و الباسات كانت مفتوحة فى مرة و ال fj-cruiser كانت مفتوحة برده فى مرة منهم!!!
يعنى فعلا موضوع حظ امتى بيفتحوا و امتى بيقفلوا.
أنا طبعا ضد البنات اللى بيفرجوا الناس على العربيات و كدا لأن اولا دول بيهزاوا نفسهم لما بنت كبيرة كده ماسكة بلالين زى اللى فى جناح شيفروليت و كمان ولا عارفين ولا فاهمين حاجة يعنى ملهاش لزمة يجيبوا مندوبين المبيعات بتوعهم احسن.
اساسا البنات دول بيتأجروا (و انا قاصد اكتب الكلمة دى) فترة المعرض بس و بيشتغلوا فى كذا معرض و حاجات تانية طول السنة يعنى مش شغالين فى شركات العربيات اساسا فعلا تهزىء ليهم!!!!
الخلاصة فى رايى
الواحد يتفرج على العربيات المفتوحة بس لو عايز عربية مش مفتوحة و هى فى حدود امكانياته المادية يطلب فتحها ببساطة بس انا رايى الواحد ميطلبش فتح عربية مقفولة هو عارف انه مش هيشتريها دلوقتى و لا مستقبلا.
البنات اللى بيعرضوا : انا ضد الظاهرة دى اللى احنا مستوردينها من بره خصوصا اللى هنا مش فاهمين فى اى حاجة عن العربيات.
اما من ناحية سوء معاملة المندوبين دى لازم حل ليها سواء تبهدل المندوب دا و تهراوا و تمسح بكرامته الارض و تنادى المدير!!!!!!!
انا استفزنى فعلا المندوبين فى كذا شركة بيقفلوا معاك فى الكلام و ممكن واحد يسيبك و يمشى!!!

[eng_mkhalaf]

الله على الجمال يا سمعة وبس

[banboty]

صحيح اللى رايح المعرض شخص مليون فى الميه مهتم بالعربيات لكن انا بحس ان بعض الناس بيكون عندها حقد داخلى والله يعنى لو شاف عربيه ميقدرش يشتريها ممكن يركب و يقعد يلعب فيها بعنف يمكن تبوظ فيها حاجه ويقول الحمد لله العربيه دى طلعت وحشه بتتكسر بسرعه
فى دى معاهم حق احنا ينقصنا الرقى فى التعامل والذوق فى بعض الاوقات

ده برضوا نفس رايي .... ثقافة الانانية

[Mzeid]

أنا معاك يا أحمد ..
بس ساعات بعذرهم برضه لأن الشعب المصري دة شعب خروبي ..
معلش أتكلم بس في السلبيات الأول ..
1- أنا لازلت عند رأيي إن المعرضين بتوع الأهرام و أوتومك لازم يندمحوا مع بعض و يبقوا معرض دولي واحد و يكون واجهة عرض دولية و دة هيحقق مكاسب كثير سواء للأهرام أو أخبار اليوم دة بالإضافة إلى إنه هيحقق مكاسب أخرى لمصر لأن معلش يعني إيه معرض و فيه شوية عربيات بتتباع في مصر طيب ما أروح أي معرض زي المصرية و أتفرج على اللي أنا عايزه أو أروح التوكيل و أتفرج راحتي على العربية حتى الفيراري ..
2- كان فيه بعض المواقف اللي أنا شيفها بتسئ لشكل المعرض كمثال منصة عرض ال Gt-r كانت بايظة و العمال عمالين يصلحوا فيه و دة طبعاَ بيسوء شكل المعرض خصوصاَ لو فيه أجانب لأن المفروض كل حاجة تكون متراجعة و لو فيه أي حاجة تتعمل بعد أوقات الزيارة ..
3- في جناح فيات كانوا عاملين حاجة وحشة في ال 500 .. الحمراء اللي كانت فوق واحد كان بيتفرج عليها و عايز يشتريها و عمال يتفرج من تحت مش عارف ليه مفتحوش البيضاء ( قد يعتبر سوء إدارة من فيات ) بس كانوا عاملين أوفر على البرافو ال 150 كانت ناولة ب 175 يعني فيه خصم حوالي 20 ألف ..
4- معظم العربيات كانت مقفولة .. آجي أتفرج على العربية من جوة لأ معلش حضرتك دي مقفولة ..
طيب مادام العربية مقفولة و أنا بتفرج عليها من برة طيب ما أنا عندي صورها من برة يا فرحتي و لو عايز أشتري أعمل إيه ..

[wawoo]

انا لما روحت السنة اللى فاتت كانت معظم العربيات مفتوحة او ممكن تتفتح , بس حصل مشكلة كدة ان كنت عاوز ارجع من جناح على الجناح اللى قبلة , لاقيت بودى جارد طول فى عرض بيقولى , معليش يا فندم ممنوع , ممنوع ترجع كدة لو عوز تدخل الجناح لازم تلف و تدخل من اولة , ....يعنى انا الف من اول القاعة كلها عشان ارجع للشركة اللى انا عوزها و هى اخر القاعة اساسا يعنى ودنك منين يا جحة .

طبعا روحت مزعق على مستوى الغباء اللى منظمين بية المعرض , و دخلت بالعفية و حاول يمنعنى قومت مبهدلة هوة و اللى اتشددلة , يعنى اية امشى فى اتجاة واحد و ماينفعش ارجع , هوة انا فى معرض ولا مزرعة فراخ .

مش عارف النظام العجيب دة ليسة موجود ولا لاء السنة دى .

المهم بعد الموضوع دة فتحو الدخول و الخروج من نفس الباب و كل الابواب الاخرى .

طبعا معاك يا استاذ احمد فى كلامك , و المفروض تكون العربيات المعروضة للبيع تكون متاحة لاى حد , و المودلات العرض فقط تكون مغلقة للكل , انما يفتحو لناس و ناس لاء يبقى كدة فى خيار و فقوس .

عموما الشركة اللى مش عاوزة تفتح عربيتها , يبقى الله الغنى عنها , يعنى مش حموت لو مدخلتش اخت البركة بتاع العربية يعنى و المودلات اكتر من الهم على القلب , و الشركة اللى مش عوزة تفتح تشبع بقى بعربيتها و تشوف مشترى فى حتة تانية , بس بكل بساطة .

[cpt_shawky]

الاستاذ som3aa

شكراً لمداخلتك القيمة وان كنت اختلف معك في بعض النقاط واسمحلى اعرضها:

بصراحة انا كنت زعلان انهم قافلين العربيات بس الصراحة بعد اللى شفت ناس بتعمله فى العربيات المفتوحة فعلا رايى مفروض مش يقفلوها بس دول مفروض يغطوها كمان.
أنا شفت ناس غريبة اللى قاعد يلعب فى الفتيس و اللى بيفتح كل الادراج اللى فى العربية و ينزل و يسيبها مفتوحة و اللى يدوس على العتب و لا كاننا ناس محترمين بنتفرج فى معرض محترم.
طيب معلش شوف كدا الكورولا اللى هناك و الله يكون فى عون اللى هيضحكوا عليه و يبيعوهالو الصراحة العربية مفروض تطلع على تاجر خردة علطول ايه دا الناس مبقوش بنى ادميين خالص!!!!
أنا 100% مع قفل كل العربيات اللى فوق ال400 الف و اللى عايز يشترى يفتحوهالو فعلا و جرب روح توكيل بورش و هيفتحولك العربية فعلا لان اللى بيروح التوكيل مش بيبقى رايح يهزر , حتى ال s-500 و لا اى عربية تانية بيفتحوهم فى التوكيل انما فى المعرض فى ناس محترمين و فى ناس كتير اوى مش محترمين و قايلين انا دافع 25 جنيه يبقى اعمل اللى انا عايزه بفلوسى.
بعدين حتى اللى بيطلب فتح العربية مش معناها انه عايز يشتريها لأ ممكن اطلب فتح العربية علشان اتفرج عليها بس مش اكتر و هما هدفهم اساسا بيع العربيات مش ابهار الناس.

ليه حضرتك متقلش أن دى غلطة توكيل كل عربية هل العمالة المصرية مش موجودة هل لو أنا عارض 10 عربيات خصصت لكل عربية 2 يعنى 20 شخص مهمتهم محددة وواضحة تقديم العربية بالأسلوب الأمثل وبكافة التفاصيل وفنفس الوقت حماية العربية من أى اساء وهى نادرة الحدوث لا يعقل ان كل من سيدخل العربية هدفه تدميرها وما أكثر الشباب الكفء والقادر على أداء هذه المهمة في بلدنا طالما وفرت له أجر مناسب......طيب والكورولا اللى بازت هنعمل فيها ايه اولاً دى مشكلة التوكيل مش مشكلتنا ثانياً لا يعقل ولا يحق مطلقاً أن التوكيل يبيع سيارات الديمو ولاحظ سيارات وليست سيارة بأى حال من الأحوال إلا اذا كانت بتخفيض حقيقي مغري.....طيب أنا ايه اللى يوديني توكيل بورش ومرسيدس عشان يفتحولى العربية واحد انتظر فترة المعرض عشان يقرر فيها وكله يبقا قدامه يبقا هى دى اخرة صبره كلام مرفوض بتاتاً واللى مش قد العرض ميدخلش العربية المعرض ولازم أى توكيل يبقا شعاره "العميل دائماً على حق"

اللى لازم الناس تفهمه ان الشركات اللى عارضة دى مش بتاخد فلوس من اللى الناس بتدفعه فى التذكرة لأ بالعكس دول بيدفعوا كتير اوى علشان يعرضوا عربياتهم فبالتالى ليهم هدف و هو البيع بس و بعدين احنا فى مصر يعنى العربيات اللى بتتعرض دى بتتباع بعد كدا فمينفعش يبيعوا عربية قعد فيها 100000 شخص و كل واحد لعب فيها.
الكلام دا ممكن فى عربية ب 100-150 الف يعتبروها حتى اعلان او ممكن يبيعوها مستعمل بس فى عربية ب مليون و اكتر و لا حتى نص مليون صعب.
فى وجهة نظر تانية برده ان العربيات المعروضة دى مش مدفوع جمركها يعنى ال xf دى تمنها حوالى 300000 بس علشان مش متجمركة و عربية بالسعر دا مفروض تكون مفتوحة.
عموما هو موضوع يحير بس لو انا كنت فى مكان الشركات العارضة هغطى العربيات و احط صورتها بس من كتر اللى بيحصل فيها!!!!

أحب أفكرك تانى دي سيارات ديمو يعنى بتمثل التوكيل والمصنع وليست مخصصة للبيع ومحسوب انها مفقودة بالكامل يعنى لا توجد اى مشكلة دى دعاية ومفيش أى خسارة للتوكيل لو حدث لها شئ لا قدر الله....وبعدين ياراجل تغطي العربيات وتحط صورها بس انت معاهم ولا إيييييييييييييه
خليك معانا تكسب

من ناحية المعاملة فانا رايى اى حد موظف يعاملوا وحش لازم يهزا الموظف دا قدام الناس و يمرمط بكرامته الارض لا الموظف بيبص باحتكار للناس مش عارف على ايه!!!!!!!
يعنى اللى زعق للراجل علشان ابنه داش على عتب الbmw كان لازم الراجل يبهدله و يهزاه و يطلب المدير مع انى مقتنع جدا ان الراجل غلطان انه جايب ابنه الصغير و دا من اسباب اللى لازم يقفلوا العربيات علشانها.
مش معقول كل واحد داخل بابنه و لا بنته الصغيرين و داخل باكل و شرب فعلا كلام مش معقول , طيب الطفل طبيعى بيكون عايز يلعب و يطنطط مينفعش فى معرض عربيات يحصل كدا , لازم نحترم بعض يعنى شركة العربيات دافعة مبالغ ضخمة علشان تعرض عربية فخمة فى المعرض تخيل عيل صغير قام رجع (تقيأ) جوه عربية يبقى ايه النظام؟ و لا معاه لعبة قام مخربش بيها العربية؟؟ و لا طفل قعد يعيط و مشاكل طب ليه؟؟؟ ينفع تروح الشغل معاك طفل؟ لأ طبعا , طيب ليه منحترمش الناس اللى عملوا المعرض و منروحش باطفال؟ حتى علشان نقدر نتفرج كويس و زى مقال المهندس خلف ممكن يتوهوا فى الزحمة؟؟؟

أى موظف زى كده تديله على قفاه علطول لأنه مش محترم وللى زعق ده حضرتك متاكد هو زعق للراجل ولا للموظف اللى عنده في كلا الحالتين فهو مدير متخلف زي أى مدير أو مشرف غبي العربيات دى جاية للعرض يعني لو حصل فيها ما يحصل ده معرض وطالما الشركة العارضة وافقت على عمل الاستاند بتاعها بالتصميم ده يعنى معتمد من مجلس إدارة التوكيل وما لذلك ومسئولية الخسائر ترجعلهم لأن التصميم مسموح فيه للزوار بمشاهدة السيارات وزى مقلنا سابقاً لو الهدف منع الناس من لمس السيارات متعرضهاش اساساً أو زود العمالة بما يجعل فرص حدوث اى تلفيات تكاد تكون منعدمة و 2 لكل سيارة كافي جداً واحد جوة بيقدم السيارة وواحد برة بيقدمها......طيب والأطفال والأكل لأ معلش دى بقا غلطة كل التوكييلات فى اتفاقها مع ادارة معرض اوتوماك أنا خايف مالأطفال أحط فالتعاقد ممنوع دخول الأطفال نهائيا فالقاعة خلاص الموضوع انتهى محدش هيدخل قاعة بطفل ممكن يستنى برة مع أى حد من ذويه وتدخل تتفرج براحتك صعبة دى ؟

على فكرة انا روحت مرتين و فى المرتين الاكورد كانت مقفولة مع ان فى مرة منهم كل العربيات البريليانس كانت مفتوحة!!! و الباسات كانت مفتوحة فى مرة و ال fj-cruiser كانت مفتوحة برده فى مرة منهم!!!
يعنى فعلا موضوع حظ امتى بيفتحوا و امتى بيقفلوا.

الموضوع مش حظوظ الموضوع قلة أدب من بعض الموظفين بيبقا واقف فالاستاند وراكن الريموتات قدامه وقاعد يتفرج عالزوار كأنه فمعمل وبيتفرج على حيوانات بيعمل عليها تجارب العربية مفتوحة ويقرب الزائر منها يدوس يقفلها ونظرة الحقارة فعنيه طبعاً كلها أخطاء فنية من التوكيلات فعدم اختيار ممثليها فيما عدا بعض التوكيلات المحترمة والتى ينبع نجاحها من قدرتها على احترام العميل وتقديم المنتج فأفضل صورة ليه.

أنا طبعا ضد البنات اللى بيفرجوا الناس على العربيات و كدا لأن اولا دول بيهزاوا نفسهم لما بنت كبيرة كده ماسكة بلالين زى اللى فى جناح شيفروليت و كمان ولا عارفين ولا فاهمين حاجة يعنى ملهاش لزمة يجيبوا مندوبين المبيعات بتوعهم احسن.
اساسا البنات دول بيتأجروا (و انا قاصد اكتب الكلمة دى) فترة المعرض بس و بيشتغلوا فى كذا معرض و حاجات تانية طول السنة يعنى مش شغالين فى شركات العربيات اساسا فعلا تهزىء ليهم!!!!

لأ مع احترامى ليك البنات دى بغض النظر عن عدم معرفتهم بالسيارة وهى مازلت أؤكد غلطة التوكيل مينفعش تقول عليهم بيتأجروا بهدف الإساء لهم مش معنا ان بنت بتشتغل حتى لو هى فعلا مبتفهمش حاجة ودى مش غلطتها ومش من حق أى حد ان يسئ إليهم هما متعاقدين مع التوكيل لأداء المهمة دي واللوم عالتوكيل فقط.

[quote=som3aa;303221]
الخلاصة فى رايى
الواحد يتفرج على العربيات المفتوحة بس لو عايز عربية مش مفتوحة و هى فى حدود امكانياته المادية يطلب فتحها ببساطة بس انا رايى الواحد ميطلبش فتح عربية مقفولة هو عارف انه مش هيشتريها دلوقتى و لا مستقبلا.
quote]

الخلاصة في رأيي الواحد يتفرج عالعربيات اللى هو عاوز يشوفها فعلاً لهدف محدد سواء كان شراء أو التأكيد على معلومة قرأها أو سمعها أو شافها وبس مش من باب العلم بالشئ

حتى لو اضطر انه ...طبعا مضطرين لحين وجود قيادات واعية للتوكيلات المصرية


وشكراً على مداخلتك

سلام عليكم:)

[MoToRiZeR]

مش عارف النظام العجيب دة ليسة موجود ولا لاء السنة دى

هو النظام ده معمول بيه في المعرض السنة دي برده حضرتك
و لكن غرضه ان يبقي فيه سلاسة في حركة دخول الناس للمعرض
بحيث ميحصلش تكدسات للناس .. و هو بكدة يبقي ضامن انك تاخد مسارك جوة المعرض مرة واحدة و تمشي و غيرك يخش
بدل ما تدخل و ترجع و تدخل تاني و الناس مستمرة في الدخول فا يتسبب في الزحام