اللي عاوز عربيات من اوروبا انا ممكن اساعده بس يقوللي هتدخل مصر من الجمرك ازاي؟؟؟؟؟

[akram2025]

طب ياجماعة أنا عندي شركة استيراد و تصدير!! هل ممكن اننا نجيب سيارات زيرو من بره و ندفع جماركها عادي و طبعا بما إن السعر بره نزل حوالي 40% هتكون في الأخر أرخص بكتير من سعر الوكيل في مصر..
لو حد عندوا فكرة ايه الإجراءات أنا مستعد أعمل طلبيه لكل الراغبين في سيارة و نجيب شحنة كبيرة لينا و ده برضه هينزل في سعر الشحن جامد و مش عاوز أي مكسب !!!

[goofy_in_love]

كلام جميل قوي انا قريت امبارح في اهرام السيارات واحد كان بيسال كام الجمارك علي هيونداي النترا 1600 سي سي كامله اوتوماتيك موديل 2009 هيجيبها من دبي و كان رد الخبير ان جماركها 48 الف جنيه تقريبا و دا الرد بتاعه بالظبط : تقدر الضرائب و الرسوم الجمركيه ب 48 الف جنيه تقريبا حيث تخضع السياره للفئه 40% من القيمه سيف وارد و 15% ضريبه مبيعات و 3% رسم تنميه

ممكن بقي اعرف العربيه دي في اوربا عامله كام دلوقتي عشان اقدر احسب الفرق بين الاتنين و اذا كان يستاهل الحوارات دي كلها و الا لا ؟



شكراااا


علي فكره يا شابا مينفعش تنزل عربيات مستعمله الا اذا كان اللي نازل بيها المالك الاول ليها و معاه اوراق تثبت كدا غير كدا لازم تبقي زيرووو

[king_de_egypt]

طب ازاى مينفعش عربيات تيجى مستعمله من بره وواحد صحبى جاب عربيه بورا من الامارات مستعمله مو 2003 ؟؟؟؟؟ و دخلت عااادى جدا من السويس و خدت جمرك السويس و راحت على بورسعيد و خلص ودفع الجمارك فى بورسعيد و خلص كل حاجه و خدها ؟؟

[akram2025]

طب ازاى مينفعش عربيات تيجى مستعمله من بره وواحد صحبى جاب عربيه بورا من الامارات مستعمله مو 2003 ؟؟؟؟؟ و دخلت عااادى جدا من السويس و خدت جمرك السويس و راحت على بورسعيد و خلص ودفع الجمارك فى بورسعيد و خلص كل حاجه و خدها ؟؟

يبقى هو أول مالك للعربية.. مفيش حل غير كده

[د-احمد عبد اللطيف]

بس يا جماعه انا شوفت بعيني وانا في مصر واحد مدخل عربيه تويوتا كورولا من المانيا بس مدخلها مقسومه نصين والسمكري بيلحمها واتباعت بعد كده علي ما اظن ب 40.000 يعني بنص سعرها لان اختها كانت بتتباع ب 80.000 فا ازاي دخلت دي واتباعت ازاي واترخصت ازاي ؟؟؟؟؟؟ كلمت الميكانيكي قبل كده قاللي ده كان زبون طياري ولما العربيه خلصت اخدها ومعرفش عنه حاجه ومعرفتش اوصل للراجل ده فلو حد عنده اراء تانيه احب اسمعها

لازم يكون لها ملف في المرور
او ملف سيارة اخرى عاملة حادثة و يتم استخدامة لهذه السيارة لازم تكون نفس الموديل و سنة قريبة
دة طبعا بعد تظبيط الناس

[king_de_egypt]

يبقى هو أول مالك للعربية.. مفيش حل غير كده

لا لان بباه اشتراها هناك من واحد و بعتهالو فا هسالو و هقولكو عملها ازاى اشتراها هناك ب 10000 درهم و جابها مصر دفعلها 45 الف جمارك

[king_de_egypt]

لازم يكون لها ملف في المرور
او ملف سيارة اخرى عاملة حادثة و يتم استخدامة لهذه السيارة لازم تكون نفس الموديل و سنة قريبة
دة طبعا بعد تظبيط الناس

صحيح نتوقع اى حاجه تحصل فى مصر ادام مفيش زمه و ضمير بس على فكره ممكن تكون مش حرام لان الحكومه تعتبر عمله جبايه علينا بلضرايب و الجمارك صح وله انا غلطان

[M.Elwan]

كلام جميل قوي انا قريت امبارح في اهرام السيارات واحد كان بيسال كام الجمارك علي هيونداي النترا 1600 سي سي كامله اوتوماتيك موديل 2009 هيجيبها من دبي و كان رد الخبير ان جماركها 48 الف جنيه تقريبا و دا الرد بتاعه بالظبط : تقدر الضرائب و الرسوم الجمركيه ب 48 الف جنيه تقريبا حيث تخضع السياره للفئه 40% من القيمه سيف وارد و 15% ضريبه مبيعات و 3% رسم تنميه

ممكن بقي اعرف العربيه دي في اوربا عامله كام دلوقتي عشان اقدر احسب الفرق بين الاتنين و اذا كان يستاهل الحوارات دي كلها و الا لا ؟



شكراااا


علي فكره يا شابا مينفعش تنزل عربيات مستعمله الا اذا كان اللي نازل بيها المالك الاول ليها و معاه اوراق تثبت كدا غير كدا لازم تبقي زيرووو

الاسعار فى امريكا لموديل 2009 لموديل 2000 cc بس طبعا مش لاقى 1600 تقريبا مش عارفينها اساسا او متنزلش غير فى مصر بس
اسعارها من 14 ل 17 الف دولار و دى الاسعار قبل التخفيضات بعد التخفيض يتوصل 12 الف دولار على Carsdirect.com

http://www.carsdirect.com/build/options?zipcode=10001&acode=USB80HYC021A0&restore=false

يعنى لو ال2000 بتبدأ 12 الف دولار يبقى بالمنطق كده نفترض ان 1600 تبقى ب7 الاف دولار مثلا يعنى 38 الف جنيه + 48 جمارك= 86

طبعا الموضوع محتاج بحث احسن من كده عشان نعرف الاسعار فى الامارت او السعوديه مثلا وتكاليف الشحن بتفاصيل اكبر

2009 Hyundai Elantra Drivetrain Engine Trans. Fuel Econ. MSRP
2009 Hyundai Elantra Sedan
GLS FWD 2.0L I4 Manual N/A $14,120
GLS FWD 2.0L I4 Auto N/A $15,120
GLS PZEV FWD 2.0L I4 Auto N/A $15,120
SE FWD 2.0L I4 Manual N/A $17,020
SE FWD 2.0L I4 Auto N/A $17,820
SE PZEV FWD 2.0L I4 Auto N/A $17,820

[beautiful0mind]

انهارة على قناة دريم اتكلمة عن العروض اللى معموله فى اوربا انك تشترى عربية وتاخد التانية هدية


يعنى لو اتنين من الاعضاء اتفقه وعمله الموضوع ده او مجموعه من الشباب فكره فيها هتبقى ضربه جميلة اوى للتجار والحرمية بتوع التوكيلات ........ولو حسبنها هتبقى ارخص بكتير من العربيات التقفيل المصرى وارخص كمان

[hazembarakat]

يا جدعان و أنا ببحث هن سيارات مستعملة عل نت لقيت واحد شكاه شغال في الخمارك منزل عربيات كتير بالعبيط من أوروبا مستعمل :ماتريكس و نوبيرا و بيجو 406 و حاجات كتيرة
و كاتب إنها ماينفعش تنزل غير الاهل بورسعيد كالاقام منطقة حرة و معاقيين بس هوا بيظيط ورقها و يعديه و يخلصه
انا مش فاكر اسمه كان اه بس فكر نمرة موبيله0105196455 و الاعلان ده كان قديم فشهر عشرة مش فاكر الموقع اه كمان لو واحد ممكن يكاموا و يفهم لو هوا ممكن يدخانا عربيات حيدخلها إزاي و حيدخلها زيرو والا مستعملة و حتبقى فيحدود كام ؟

[hishamanilka]

الاستاذ اللي بيتكلم في النوبيرا ؟؟؟؟؟؟؟؟ بقوللك اوروبا يا باشا يعني الكوري ده الواحد بياخدها هديه مع العربيه الزيرو اللي بيشتريها من هنا مدام عاوز زيرو اطلع لفوق بقي مش تقوللي كوري وبتاع .
انا عايش في اوروبا واسعار المستعمل هنا في الارض مقارنه بمصر والزيرو كمان بس الزيرو صعب دخوله مصر ومع الجمارك العاليه في مصر ربنا يهدوهم هتوصل السياره لسعرها اللي في مصر يبقي انتا معملتش حاجه يا باشا انا رايي خاليك في المستعمل بس المشكله هتدخل ازاي مصر وعموما اكتبلي نوع العربيه اللي انتا عاوزها وسنه الصنع وانا هقوللك علي اسعارها وفيه كمان عربيات الحوادث هنا سكه حلوه جدا ممكن تدخل مصر خرده وتتشد وترجع احسن من الزيرو في مصر اصل حوادثهم هنا عبيطه قوي يعني علي سبيل المثال واحد بيرجع لوراه ريح علي عربيه يوديها خرده والتامين يجيبله واحده جديده او واحد خبطك في الشنطه من وراه والشنطه اتردت بسيط تروح خرده علي طول لان هنا سعر الميكانيكي حسابه بالساعه فعلشان يصلح دي هتقف عليك باكتر من تمن العربيه هترميها وتجيب غيرها شوف بقي لو نزلت مصر واتشدت ؟؟؟؟
صدقني انا شوفت عربيات هنا اتحولت خرده اتحسرت عليهم واتحسرت علي حال بلدنا لان العربيات دي انضف بكتير من عربيات مصر يكفي ان سيارات الستينيات بتجري في شوارع مصر لسه ومع احترامي لحضرتك العربيه الخرده هنا انضف من عربيه سعادتك لان العربيات هنا لسبب بسيط متهانتش شوارع زاي السجاده وقطع غيار اصليه مش صيني ويوغسلافي وبوسني وتركي والكلام الفارغ ده والصيانه عند التوكيل مش في الحرفيين والسرعات العاليه هنا ممنوعه وعقوبات صارمه عليها يبقي تقدر تقوللي العربيه اتهانت في ايه ؟؟؟؟؟؟

[goofy_in_love]

طيب موضوع العربيه الهديه دا لو كدا انا دايس في اني اشتري عربيه من هناك و يكون حد عنده النيه و نتقاسم ثمن العربيه و واحد مننا ياخدها و التاني ياخد العربيه الهديه و نحاول نظبط موضوع الجمارك دا بس الموضوع فعلا محتاج شويه دراسه عشان مصاريف الشحن و الجمارك بالظبط و تمن العربيه نفسه


لو حد علي استعداد للموضوع دا يقولي و ربنا يسهلها ان شاء الله

[ahm3d ham>ed]

ياجماعة عايزين نفكر فى الموضوع دة ونوصل لحل المرسيدس العيونe240عاملة 13الف كيلو ب100000الف جنية

هنا بربع مليون جنية250000 وعاملة قدهم كيلو متر!!!!

[ahm3d ham>ed]

طيب موضوع العربيه الهديه دا لو كدا انا دايس في اني اشتري عربيه من هناك و يكون حد عنده النيه و نتقاسم ثمن العربيه و واحد مننا ياخدها و التاني ياخد العربيه الهديه و نحاول نظبط موضوع الجمارك دا بس الموضوع فعلا محتاج شويه دراسه عشان مصاريف الشحن و الجمارك بالظبط و تمن العربيه نفسه


لو حد علي استعداد للموضوع دا يقولي و ربنا يسهلها ان شاء الله

انا معاك .............

[king_de_egypt]

طيب موضوع العربيه الهديه دا لو كدا انا دايس في اني اشتري عربيه من هناك و يكون حد عنده النيه و نتقاسم ثمن العربيه و واحد مننا ياخدها و التاني ياخد العربيه الهديه و نحاول نظبط موضوع الجمارك دا بس الموضوع فعلا محتاج شويه دراسه عشان مصاريف الشحن و الجمارك بالظبط و تمن العربيه نفسه


لو حد علي استعداد للموضوع دا يقولي و ربنا يسهلها ان شاء الله

انا معاااااااااااااااااااااااااااااااااااااااااااااااا اااااااااااااااااااااااااااااااااااك