باركولي على الصني ب86 - (1)=85

[princex1]

الحمد لله استلمت صني مانيوال ex Salon
كنت رايح اجيب واحده في الشرقيه 2008 فضي عامله 24 الف كيلو و الراجل أصر على 77

اتصلت بتوكيل الشرقيه (المصريه الدوليه) اتـأكد من تمنها لان الراجل صاحب العربيه يعتبر تاجر قالي انها ب 89 وكونتكت بتقول 88 فوجئت ان في تخفيض حتى 30 يونيو 86000

طبعا رحت أشوف الحكايه عجبتنا بس الفضي كمان 3 ايام
رحت العبور و بعدين غبور ثم مودرن الهايكستب نفس النظام

الوحيد اللي لقيتها عنده و استلمتها في ساعتين الســــــــبع طريق الحريه
وكمان تخفيض 1000 على الصيانه يعني ب 85000

دعواتكم و عقبالكم
اسف للاطاله

[fady_anis]

ألف ألف مبروك يا برنس ويارب تبقى الصنى وش السعد عليك

[MEDO1986]

1000-1000 مبروك يا باشا ويارب يحرسك ويباركلك فيها بس هيا مستعمله ولا جديده عشان انا مش عارف الاسعار

[princex1]

الله يبارك فيكم
دي اول عربيه باسمي و الحمدلله زيرو بس طبعا بمساعده من الوالد ربنا يشفيه و يطيل في عمره
انا استفدت جدا من تجارب و اوجيهات الاعضاء ربنا يوفقهم

[neonate]

الف مبروك يا باشا يا تري الاوتوماتيك عليه تخفيض ولا لاا وعامل كام

[Hosam_Optrawy]

الف مبروك وربنا يباركلك فيها ان شاء الله

[princex1]

العرض على كل فئات الصني 3000 كاش باك في كل الفروع و الخصم فوري عند السبع

[Haitham10]

الف مبروك وربنا يباركلك فيها
بس ممكن مواصفات الفئه الي اشتريتها والاوتوماتيك منها هيزيد كام بعد الخصم وكده

[princex1]

الصني مانيوال و اتوماتيك فئتين إي إكس صالون و سوبر صالون
89-3=86000 مانيوال اي اكس صالون دي ارخص صني

4 مرايات كهربا
سنتر ريموت و فتح الشنطه بالريموت
مصابيح شبوره
كاسيت سي دي كينوود
باور كهربا
ايرباج للسائق ده اللي فاكره

انا استلمتها عامله 17 كيلو دلوقت عامله 110 كيلو مفيش عيوب لاحظتها في التقفيل و الصناعه
لكن سحب الموتور لسه شويه مش قوي انا ما زودتش عن 90 و الار بي ام على 3
التكييف ما جربتوش على الاخر

عايز فرش جلد يكون معقول حد عنده اقتراح؟

[abou_ruqi]

ألف ألف مبروك
ربنا يباركلك فيه او يرزقك خيرها و يكفيك شرها

[bmya]

ربنا يباركلك فيها ياباشا
بس سؤال حضرتك متأكد ان الباور كهربه ؟!!!!!

[princex1]

والله هو المانيوال بيقول هيدروليك بس هو مطبوع في 2007
لكن احساسي انه كهرباء و اعتقد من خلال المنتدى شوفت حد قال انه كهربا
تعرفه ازاي من العربيه , قولي وانا ارد عليك
اشكرك على السؤال بصراحه انا قريت الدليل بعد ما كتبت المشاركه

الكماليات:
ريموت (انذار+مضاد سرقه+سنتر)
مكيف 4 سرعات
زجاج كهربا امامي و خلفي
اكصدامات بلون السياره
قضبان حمايه جانبيه (مشوفتهاش و مش عايز اشوفها)
ساعه رقميه و ساعه في الكاسيت
4 سماعات
فتح التنك و الشنطه من الداخل
مسند امامي و اماكن تخزين

4 زجاج كهربا
سنتر ريموت و فتح الشنطه بالريموت
مصابيح شبوره
كاسيت سي دي كينوود
باور (كهربا غير متأكد)
ايرباج للسائق ده اللي فاكره

كفايه علينا كده الله يرحم ال 504 ويبارك للي خدها دي عشرة 9 سنوات

[aboezz44]

بارك الله لك
اسأل الله العظيم ان يرزقك خيرها وينجيك من شرورها
منتظريين تقييمك للعربيه عما قريب

[princex1]

الباور فعلا هيدروليك و موجود خزان للزيت بتاعه شوفته بنفسي يا ا/bmya

[bmya]

ربنا يباركلك فيها ياباشا انا لسه شايف الرد بتاع حضرتك
وكنت هقولك فعلا تبص علي زيت الباور لو موجود يبقي ده باور هيدروليك لو مفيش يبقي كهربه
بالاضافه لان الكهربه بيبقي له لمبه تشيك زي الايرباج والبطاريه وبتطفي علي طول