لمبة الشك نورت

[A.samy]

النهاردة وانا سايق العربية والعربية على سرعة 100 لقيت لمبة الشك نورت المهم نزلت من العربية وفتحت الكبوت وبصيت بنظرة عامة على اى مظهر غريب ملقتش حاجة بصيت على قربة المياة وعلى مستوى المياة لقيتة سليم المهم طفيت المحرك ودورت تانى لقيت اللمبة اطفت
هو دة طبيعى ولا ممكن يكون عطب مؤقت وراح لحالة
على فكرة هو الزيت المفروض يتغير اليومين دول بس مظنش ان دة سبب ان لمبة الشك تنور

[elwad_crazy]

طب لما اللمبه نورت حسيت بحاجه غريبه فى العربيه ولا محستش بحاجه ؟

[samirayad]

هو دة طبيعى ولا ممكن يكون عطب مؤقت وراح لحالة

فعلا ده عيب مؤقت وراح لحاله .............بس نعرف نجيبه برضه من ذاكرة وحدة التحكم لو حبينا بالأسكانر ......ولكن طالما كله تمام ...........فعليك مؤقتا بتأمين أتصال خرطوم نقل أشارة حساس الماب مع المتابعه

على فكرة هو الزيت المفروض يتغير اليومين دول بس مظنش ان دة سبب ان لمبة الشك تنور

مفيش علاقه بين زيت تزييت المحرك وعملية التحكم نفسها..............

[MMamdouh]

حط العربية على سكانر حيطلع ليك كود العطل اللى سبب ان المبة تشتغل... بس بشرط متفصلش البطارية او تشيل فيوز الكونترول لحد ما تحط العربية على السكانر

MMamdouh

[bob2000]

بص على فيشة حساس الماب

[blockman]

طب يا جماعة انا بردو حصلتلي مرة بس كان علي 140 ولما سئلت محمد عبده قالي حساس شكمان اية رايكو في الكلام دة

[MMamdouh]

مفيش رد قاطع الا لما العربية تتحط على السكانر... ممكن حساس الشكمان يعمل كدة فعلا و ممكن يكون الTPS

MMamdouh

[blockman]

شكرا يا محمد ربنا يخليك لينا يا باشا

[abouzaid555]

طيب انا عندى حساس الشكمان بيقرا ساعات 470 و ينزل مرة واحدة ل 8 هو الطبيعى كام على الاسكانر علشان ابقى عارف و متابع مع المهندس على الجهاز

[samirayad]

أنا مش عارف رقم 8 ده جاى منين يا أبوزيد باشا .....بس شوف الجزئيه دى فى التعليق على عمل حساس الأكسجين .....معروف فى دواير التحكم الألكترونى أن حساس الأكسجين هى اللى بيدخل عملية التحكم فى أستهلاك البنزين الخاصه بالمحرك فى دورة تحكم مغلقه closed loop .....لما العادم بيسخن ويبدأ الحساس يشتغل بعد مرحلة السلانسيه والتسخين اللى بعد الدواره .....أشارة الحساس بتروح لوحدة التحكم فى صورة فولت كهربى .....الفولت ده بيعبر عن حالة الحريق اللى بيمر بيها المحرك .....وبكده وحدة التحكم بتبدأ تعمل تصحيح لحالة الخليط بتاع الهواء والبنزين بالتحكم فى فترة ضخ البنزين ولرفع كفاءة وعمل علبة البيئه أيضا .........وبناءا عليه لما بتكون أشارة الحساس للوحده أكبر من 450 مللى فولت ......بيتقال أو بتعرف الوحده أن نسبة الهواء للبنزين داخل غرف الحريق غنيه RICH MIXTURE ........وكده فيه حيود عن القيمه المعياريه أو المثاليه .....اللى وحدة التحكم حتظبط الخليط اليها ....اللى هى 14.7 :1 (يعنى كل 14.7 جرام من الهواء بيلزم لهم ا جرام فقط من البنزين لحرقهم حرق مثالى ).....طيب أيه اللى بيحصل بيقه من سيناريو بين الوحده والحساس علشان نغمة الحريق يبقى العزف بتاعها تمام .......لما الوحده بتوصلها الأشاره بتاعة خليط غنى اللى قولنا عليها فوق 450 مللى فولت ........بتروح متحكمه فى الآداء بتاع حقن البنزين بتقليل نبضة الحقن أو مدته PULSE WIDITH .....فبتروح مقلله عملية الحقن ....وبتستمر عملية التقليل لحد ماتوصل أشاره من الحساس للوحده .....وتروح الأشاره قايللها ....بس لحد هنا كفايه تقليل فى البنزين.....وصلنا لحالة الفقر LEAN MIXTURE ....فى حالة الفقر دى بتكون أشارة الحساس أأقل من 450 مللى فولت مش أكبر ولا تساويها ......بتبدا وحدة التحكم تاخد أجراءات تانيه بتزويد فترة الحقن ........أدى السيناريو اللى بيتم .......يعنى اللعب كله حوالين ال 450 فولت ............وعاوز أأقولك أن العمليه بتاعة عملية ضبط الخليط دى بتستمر تعلى وتنزل وهكذا دواليك من خلال التحكم فى ال PULSE WIDITH ..........مع ملاحظة أن كفاءة الأنتقال من دورة حريق غنى الى فقير والعكس بتعتمد فى الأول والآخر على كفاءة ومدى أستجابة الحساس فى توليد أشاره صحيحه .........وكل مازادت كفاءة الحساس فى توليد الأشاره .....والتفاعل مع المتغيرات الحادثه فى دورة الحريق ......كل ماكان الوصول لنسبة الحريق المثالى (14.7 الى 1 ) أسرع وأفضل وأوفر فى البنزين )..................وعلشان كده فى وقت السلانسيه فأن سريان العادم خلال فرن الشكمان بتكون قليله وبالتالى بيكون فيه شوية كسل فى أشارة الحساس ........طيب لما الحرق بيزداد والعادم الخارج من الغرف ورايح لمشترك الشسكمان (الفرن ) بيزيد بتزيد كفاءة الحساس لما بيكون سليم طبعا ......وعملية شغل الحساس نفسها بتسمى فى عملية التحكم switching frequancy ....يعنى مفتاح وعملية تردد شغله بين الغنى والفقر بتعرفه على حالة الحريق ..........أما الشغل اللى بتعمله وحدة التحكم لتهذيب عملية الحريق بالتحكم فى نبضة الحقن أى فترة ضخ البنزين بتسمى fuel trim ( يعنى تسوية دورات الحريق نحو الأتجاه المثالى ) على فكره حتة trim دى جايه من الحلاقه للشعر بتاع الرأس ......يعنى تسوية الشعر .......فى النهايه عاوز أأقولك أن الحساس بيبعث من عدد 8 فيما فوق من الأشارات فى خلال 10 ثوانى لوحدة التحكم لما تكون المكنه شغاله على عدد لفات 2500 لفه /ق ...........عزرا على الأطاله ..........ومتروك هذا التعليق للأضافه من قبل الزملاء .....وفى الحقيقه ده اللى عرفته لحد دلوقتى من معلومات جديده عن كيفية عمل هذا الحساس ....

[A.samy]

الموضوع اتطور ياجماعة واللمبة بقت تنور من حين لاخر وبعدين حصل حاجة غريبة قوى اول مرة تحصل معايا بعد ماشغلت التكيف اجى ادوس بنزين كأنى مش دايس وبعدين افضل اشيل رجلى وانزلها تانى على دواسة البنزين لحد لما العربية القيها فجأة سحبت ورجعت طبيعية زى مايكون كأنى مكنتش بدوس بنزين وبعدين الموضوع اتقرر بعد ما طفيت التكيف مرة واحدة بس بيبان اقوى وبيتكرر كتير لما بشغل التكيف علما ان لما حصل الكلام دة لمبة التشك مكنتش منورة وان اللمبة بتنور ومبكزنش حاسس بأى تغير فى آداء العربية

[samirayad]

حط العربيه على الأسكانر للتأكد من أن العيب ده بسبب فصل مؤقت لفيشه حساس الماب ولا فيشة الtps .......وممكن برضه تجرب تنظف الفيشتين كويس جدا بمزيل الصدأ أو بمنظف ألكتروكلينر وتقفل الفيشتين كويس لأحكام الأتصال وتجرب ( الألكتروكلينر بحوالى 8ج )..............لأن موضوع حدوث العيب مع دوسك للبنزين ده يشككنا فى الأثنين ( واحد مع البوابه tPS وواحد مع التخلخل اللى بيحصل مع الدوسه برضه اللى هو الماب )

[A.samy]

النهاردة فتحت كبوت العربية وقلت اعمل زى استاذى الاستاذ سمير ما قال وانظف فيشة حساس الماب وحساس tps المهم ببص على حساس الشكمان بالمرة لقيت السلك بتاعة داخل على سير الدينمو وفى ذى فيشة محشورة فى سير الدينمو شديت السلك لقيتة مقطوع ومتهربد المهم لحمت السلك وعزلتة كويس وربطة عشان ميروحش ناحية منطقة السيور تانى والحمد لله العطب اختفى ولمبة التشك اطفت ومبقتش تنور تانى شكرا الى اخى الكبير سمير عياد والى كل الاخوة الذين لم يبخلو بالمشاركة

[samirayad]

ألف مبروك يا أبو حميد.............وهو ده المهم (الوصول لسبب العطل )