رابطة ومالكي عشاق الفيات 132

[Drift_Lover]

و لكن فيه مشكلة هناك على الطريق في بعض الاحيان عند استعمال الفرام تسمع صورة تصفير من السيارة

دي في الغالب مشكلة تيل...
لو انت مغير تيل قريب عرفنا غيرته بنوع ايه ولا مليته... ولو مليته مليته تيل طري ولا ناشف.

و من الامس ظهرت مشكلة جديدة و هي ان السيارة بعض الاحيان تنطفئ اثناء السير و عند القيام بتبديل السرعة

دي تبقي عاوزه تظبيط كهرباء.

[hemaf16]

انا اخوكم نذير ندا ،
اشكركم على حبكم لهذه الماكينة العظيمة فيات 132 ، شخصيا انا امتلك منذ شهرين سيارة فيات 132 جي ل اس سبيشل بمجرك 2000 سي سي مو ديل 1979 و عليها محرك سيات و عفش ارجنتا لون فضي لحد الان ماشية 92000 الف ، قمت بتغير الكربرتير بواحد مستعمل نظيف Adf 34 مع بعض التظبيط بتعمل بالتنكة 160 بالمدينة لحد الان ما جربتها على السريع و لكن فيه مشكلة هناك على الطريق في بعض الاحيان عند استعمال الفرام تسمع صورة تصفير من السيارة ، استشرت الميكانيكي فقال غير الكوليات بنوع مصنوع من الفحم و ايضا قمت بجلخ الديسك و عيرت الدواليب و مازالت المشكلة و من الامس ظهرت مشكلة جديدة و هي ان السيارة بعض الاحيان تنطفئ اثناء السير و عند القيام بتبديل السرعة ، هل من اممكن ان تفيدوني بخبرتكم مع هذه الماكينة العظيمة .

وشكر خاص لاخونا مجدي على كتالوج الفيات 132 شكرا جزيلا يا ملك.

اهلا بيك يانذير عضو معنا فى الرابطه صوت التصفير ده من التيل اكشف على التيل وبقى قولنا عملت ايه اما موضوع التبطيل ده فا ممكن كهربا او حاجه اسمها بيك السلانسيه بيكون مسدود وبيخلى العربيه تبطل فى السلانسيه يعنى وانت واقف مثلا فى اشاره وكده مش ده اللى بيحصل معاك ؟؟

[hemaf16]

بجد ربنا يعلم اد ايه الرابطة دي شجعتني اني اشتري 132 لاني بحب العربية دي من زمان .. لاني كان معايا 131 و كنت شايف الكماليات اللي في 132 كويسة .. و ده اللي زاد من حبي في الفيات ... غير طبعا ان قطع الغيار متوفرة و بسهولة ... انا كنت عايز اخد رايكم في عربية ادامي و نفسي اشتريها ... و العربية مواصفتها :

فيات 132 /2000 سى سى / موديل 1980 /مش رشة دواخل ولا حوض الموتور ما اتفكش من مكانة مرفوعة من 16 سنة / تكييف وباور وسنتر / كاربراتير بيعمل لتر ونص كل 11 كيلو /الات جر الاصلية بتعة بلادها مش محتاجة مصاريف
السعر النهائى 18000

يا جماعة ايه رايكم و هل السعر مناسب ؟؟ و لو فعلا كويسة .. هل اخدها و اتوكل علي الله ... ناس خوفتني و قالتلي ان ال 132 علي طول بحتاج شغل ؟؟

مستني ردودكم

بس يابشا بدل بتقول 2000 وموديل 80 السعرده حلو اوى عليها هوانا معايا 2000 بس موديل 79 وبيقولو دلوقتى انها تعمل 18 وانت عربيتك موديل 80

[ziours]

يسعدني ان انضم لهذه الرابطة الرائعة وانا كنت باحلم ان يكون في رابطه للعربية الجباره دي .........انا معايا 132 gls 1976 1600 هي عربية جميله جدا بس مغلاباني اليومين دول ومحتاج منكم ان تفيدوني ......انا كنت عملت اكس وباب في الكربرتير لاحظت العربية صوتها عالي في السلانسيه وسحبها تقل فا مش عارف هل الماتور يحتاج يوطى و لا الكربرتير كده اتكل ؟ وهل الاكس و الباب ده بيأثر في صرفية البنزين و لا ملوش دعوى ؟
شكرا

[hhhggg]

اولا انا قلت انه يفضل الغيار بين ال 3500 و 4000 لكن اذا لزم الامر ممكن تجاوز ال4000 لكن بعد ال5000 يقل التسارع و خصوصا على النقلات العاليه الرابع و الخامس اذا لم يكن هناك داعى فالنفل فى الحدود الى قلتها مناسب و احساسك بقوة السياره لن يخذلك اما السرعه المناسبه لكل نقله الاول من 20 الى 30 و الثانى من 50 الى 60 و الثالث من 80 الى 90 و الرابع و الخامس معاك ربنا ممكن الى 160 او 170 ده عن تجربه انا سيارتى جى ال اس 1800 اما السرعه القصوى لكل نقله حسب الكتالوج الاول 50 و الثانى 80 و الثالث 130 و الرابع و الخامس 175 مع فارق حوالى 400 لفه على الار بى ام و لكن لم اجرب ده طيلة 30 سنه استخدام لسيارتى و افضل النغيار المناسب بدون الضغط على السياره رغم انى اصل الى 160 كم \س و الار بى ام 5000 على النقله الخامسه و لكن السرعه الى بحس ان السياره مستريحه فيها هى 130 كم \س اتجاوزها لفتره قصيره و ارجع تانى ل 130 ده عن تجربه عمليه

[seko_66]

انا مش عارف اشكر حضرتك ازاى يا استاذ hhhggg والف شكر كمان مرة

[kayson]

يا رجالة ال 132 انا عايز اشترى 132 بس كنت عايز اعرف ضريبة 1600 كام و 1800كام و بيض المقصات هو نفس بيض المقاصات الى فى ال لادا بنفس المشاكل و تنصحونى اعمل ايه لما اشترى يعنى اهم حاجة اشوفها و لازم تكون سليمة او موجوده فى العربية ايه كان فيه اخ كريم فى الرابطة كتب قبل كده عن الفرق بين 132 الايطالى و الالمانى و ازاى تشترى 132 ياريت لو حد شاف الموضوع ده يدلنى و انصحونى اعمل ايه قبل مايسبق السيف العزل مع خالص الشكر للرابطة الى خالتنى احب الوحش

[x100]

هو اللى يغيب مفيش حد يسأل عنة شكرا يا رجالة

[kayson]

مفيش حد رد عليا انا عرفت دلوقتى شعور الفنان محمد صبحى فى فيلم ادم بدون غطاء شكرا لعدم الرد و اسف لانى سالت عن حاجة

[seko_66]

انا هرد على بعض الحاجات اللى حضرتك سألت عليها يا استاذ kayson ضريبة 1600 200 جنيه تقريبا وبيض المقصات مش زى بتاع الادا خاااااااااااااااااااااااااالص يعنى العجلة مبطتلعش زى الادا واحسن حاجة انك تاخد حد فاهم معاك وربنا يوفققك وإن شاء الله محدش هيبخل عليك بحاجة فى المنتدى

[hemaf16]

مفيش حد رد عليا انا عرفت دلوقتى شعور الفنان محمد صبحى فى فيلم ادم بدون غطاء شكرا لعدم الرد و اسف لانى سالت عن حاجة

ماللك بس ياستاذ kayson احنا كلنا بنرد على كل حاجه يابشا وادى الاخ seko رد عليك بس هى مسالت وقت هههههههه بص ياسيدى الضريبه معرفش بصراحه وموضوع البيض مش زى الادا طبعا يعنى عمرك ماتشوف عربيه 132 وقفه فى وسط الشارع والعجله بتعتها خارجه كده واما الموضوع بتاع الفرق بينهم موضوع جميل وانا شخصيا بحhttp://www.nilemotors.net/Nile/showthread.php?t=168بو خد ياعم رابط الموضوع وادعلناواى حاجه عايز تسال عنها إن شاء الله هتلاقى اجبتك هنا

[mohammedlotfyyy]

م مساء الخير يا اخ كبسون يا فنان بالنسبة لضريبة السيارات وسعة مواتيرها س\س بتاعها عندك اهو كل الفئات جدول التالى يوضح القيمة المطلوبة لرسوم تجديد أو إستخراج رخص تسيير السيارات الملاكى شاملة قيمة التأمين الإجبارى عن عام واحد فقط أولاً : نوع الوقود بنزين عدد السلندرات السعه اللترية القيمة 4 سلندر فأقل 100 سم3 فأقل 77.6 4 سلندر فأقل 1001سم3 : 1300 سم3 98.5 4 سلندر فأقل 1301 سم3 : 1500 سم3 101.65 4 سلندر فأقل 1501 سم3 : 1600 سم3 105.65 4 سلندر فأقل 1601 : 2000 سم3 217.60 4 سلندر فأقل 2001 : 2500 سم3 420.65 أكثر من 4 سلندر 2001 سم3 : 2500 سم3 423.60 أكثر من 4 سلندر قبل عام 1979 2501 سم3 : 3000 سم3 523.6 من عام 1980 2501 سم3 : 3000 سم3 673.79

[mohammedlotfyyy]

يعنى 1600 ب 105.65 1800 ب 217.60 ضريبة لسنة واحدة فقط شاملة قيمة التامين الاجبارى

[mohammedlotfyyy]

الى الاخ x100 انا عرفتك من خلال قريتى لمشركاتك فى الرابطة لانى لما دخلت الرابطة قريتها من الصفحة الاولى وعلى فكرة انتة من ابرز اعضاء هذة الرابطة ومن يوم ما انتة بطلت تيجى ((بئالك فترة كبيرة بتاع اسبوعين )) مش كدة ؟ والرابطة مالهاش روح والاهى ما مجملة لانك متحمس ونشيط شكلك كدة .. وعلى العموم ليك وحشة والالهى وحمد الله على السلامة ي .. اتمنى ان المانع خير

[mohammedlotfyyy]

ووبعدين يا x100 انتة فى اخر مشاركاتك كنت بتتواعد اللى مش هيدخل لمدة 24 ساعة هتعلقوا من رجلو مش كدة طب انتة بئالك بتاع حاجة وشوية ساعة نعمل فيك اية ؟؟؟؟؟؟؟؟؟؟؟؟؟!!!!!!