3m armshield عازل حراري لزجاج العربيات

[amir]

أنا حضرتك أقصد أن لو الفيلم غامق بيعمل حمايه 70 فى الميه وكل ما اللون بيكون فاتح بتقل درجه الحمايه......هل أنا كده فاهم صح ولا غلط؟!!

بص الارقام و البيانات موضحه علي الصور بتاعت البروشور
(الصور اللي الفيلم ذات نفسه محطوط عليها هتلاقيني مصور التلات درجات)
البانات بتاعت حجب الشمس و كده برضو مكتوبه
بص بالبلدي كده انا هاركبه ان شاء الله
و هاجيب الدرجه ال70 دي
بس لما نشوف السعر
و اهو يا سيدي حاجه تخف حده الشمس و لو 25% احسن من مافيش و التكييف بتاع العربيه يعيش بقي مع نفسه و كأنك مشغله باليل
و ده كلو يسوا عندي خصوصا لما افتح التكييف و اقعد اعرق شويه علي بال ما التكييف يكافح شمسنا الغراء!!!

[MohamedGafar]

أنا حضرتك أقصد أن لو الفيلم غامق بيعمل حمايه 70 فى الميه وكل ما اللون بيكون فاتح بتقل درجه الحمايه......هل أنا كده فاهم صح ولا غلط؟!!

متاااااااااااااااابع بإهتماااااااااااااااااام.

[SAiF3S]

أنا حضرتك أقصد أن لو الفيلم غامق بيعمل حمايه 70 فى الميه وكل ما اللون بيكون فاتح بتقل درجه الحمايه......هل أنا كده فاهم صح ولا غلط؟!!

70% دى درجه نفاذيه الضوء المرئى المفلتر من الاشعه تحت الحمراء بنسبه 97 % و الاشعه فوق البنفسجيه بنسبه 99% و عزل حرارى بنسبه 50 % و تقليل توهج الشمس بنسبه 23 % من خلال الفيلم

[SAiF3S]

مهتم بس السعر هو اللي هيحدد
على فكرة في اكتر من شركة بتوزع منتجات 3m

ياخى ابو مريم انت قلت اكتر من اربع او خمس مرات ان فى موزعين تانين لافلام 3m للسيلرات و ماقولتش ولا مره على اسم واحد فيهم فياريت لو عندك معلومه احنا مت نعرفهاش تشاركنا بيها

[Ahmed Samy]

أنا حضرتك أقصد أن لو الفيلم غامق بيعمل حمايه 70 فى الميه وكل ما اللون بيكون فاتح بتقل درجه الحمايه......هل أنا كده فاهم صح ولا غلط؟!!

بعد اذن د. أمير هاحاول أوضح النقطة دي ...

الضوء و الحرارة المفروض انهم بيخترقوا زجاج العربية في الطبيعي و يدخلوا جوا الصالون

و بسبب انكسار الأشعة على الأجسام زي التابلوه و الكراسي فالحرارة بتتخزن في المواد دي ....و تتحول العربية الى (ساونة)

يبقى المطلوب ...ان الحرارة ماتدخلش الصالون من القزاز ...

وده بيحصل بطريقة من اتنين :

1 - عكس الحرارة للخارج ...و ده محتاج معادن غالية تعكس الأشعة تحت الحمراء و تلك رافعة الحرارة
2 - اضافة مواد لها Opacity داكنة اللون لتمتص بعض الأشعة و تخزنها في الفيلم نفسه ثم تشعه مرة أخرى عند التشبع ...

و تعمل خاصية الامتصاص على الأشعة المتبقية بعد الإنعكاس و ما لا يكفيه الانعكاس ولا الامتصاص ينتقل لداخل السيارة ..

طيب ...بما ان المواد العاكسة غالية جدا (ولا يمكن تبنيها بشكل مكثف في الأفلام المدنية لأنها هاتكون غاااالية جدا) يبقى بيكون خط الدفاع التاني هو اللي ممكن نزوده بحرية وهو التدكين لزيادة الامتصاص ...

و ده ايضا تابع للقوانين في الدول و الولايات المختلفة في كل دولة ....

و كل ما زاد الغمقان ...بيكون العزل النهائي أفضل و ممك نوصل حتى 76% عزل حرارة و ده كتيييير بس القزاز هايكون فيمية خاااالص ...

انما الأفلام الفاتحة بتنقص قدرتها على الإمتصاص و تعتمد كليا على العكس و بذلك يضطر الصانع لزيادة المعادن العاكسة للحفاظ على مستوى مناسب من العزل ...وده بيرفع من سعرها بالرغم من ان عزلها أقل من الأفلام الغامقة .....

[أشرف فتحى]

بعد اذن د. أمير هاحاول أوضح النقطة دي ...

الضوء و الحرارة المفروض انهم بيخترقوا زجاج العربية في الطبيعي و يدخلوا جوا الصالون

و بسبب انكسار الأشعة على الأجسام زي التابلوه و الكراسي فالحرارة بتتخزن في المواد دي ....و تتحول العربية الى (ساونة)

يبقى المطلوب ...ان الحرارة ماتدخلش الصالون من القزاز ...

وده بيحصل بطريقة من اتنين :

1 - عكس الحرارة للخارج ...و ده محتاج معادن غالية تعكس الأشعة تحت الحمراء و تلك رافعة الحرارة
2 - اضافة مواد لها opacity داكنة اللون لتمتص بعض الأشعة و تخزنها في الفيلم نفسه ثم تشعه مرة أخرى عند التشبع ...

و تعمل خاصية الامتصاص على الأشعة المتبقية بعد الإنعكاس و ما لا يكفيه الانعكاس ولا الامتصاص ينتقل لداخل السيارة ..

طيب ...بما ان المواد العاكسة غالية جدا (ولا يمكن تبنيها بشكل مكثف في الأفلام المدنية لأنها هاتكون غاااالية جدا) يبقى بيكون خط الدفاع التاني هو اللي ممكن نزوده بحرية وهو التدكين لزيادة الامتصاص ...

و ده ايضا تابع للقوانين في الدول و الولايات المختلفة في كل دولة ....

و كل ما زاد الغمقان ...بيكون العزل النهائي أفضل و ممك نوصل حتى 76% عزل حرارة و ده كتيييير بس القزاز هايكون فيمية خاااالص ...

انما الأفلام الفاتحة بتنقص قدرتها على الإمتصاص و تعتمد كليا على العكس و بذلك يضطر الصانع لزيادة المعادن العاكسة للحفاظ على مستوى مناسب من العزل ...وده بيرفع من سعرها بالرغم من ان عزلها أقل من الأفلام الغامقة .....

يعنى من كلام حضرتك يا دكتور احمد أفهم ان الدرجه الفاتحه من الفيلم هتكون أقل من الغامقه فى حجب الاشعه والحراره.....

يبقى احنا كده بنتكلم فى اقل درجه من الفاميه عشان مرورنا الجميل.......

وأهو برضه نص الحمايه ولا شمسنا الجميله...واهو زى ما دكتور امير قال نخف التحميل على التكييف ويبقى كأننا مشغلين الفتكييف بليل وربنا معانا...

أفتكر برضه هيبقى رحمه للى معندهومش تكييف فى العربيه........

[Ahmed Samy]

يعنى من كلام حضرتك يا دكتور احمد أفهم ان الدرجه الفاتحه من الفيلم هتكون أقل من الغامقه فى حجب الاشعه والحراره.....

يبقى احنا كده بنتكلم فى اقل درجه من الفاميه عشان مرورنا الجميل.......

وأهو برضه نص الحمايه ولا شمسنا الجميله...واهو زى ما دكتور امير قال نخف التحميل على التكييف ويبقى كأننا مشغلين الفتكييف بليل وربنا معانا...

أفتكر برضه هيبقى رحمه للى معندهومش تكييف فى العربيه........

حجب الأشعة فوق البنفسجية واحد تقريبا في كل الأفلام

و حضرتك شفت صور د.أمير فرق الأشعة عامل ازاي

الفرق في حجب الحرارة ...بس برضه احنا مانقدرش نبص للحاجات الغامقة لأننا مصريين ..

فخلينا في الفواتح ...و عزلها برضه انا شايفه كويس و مناسب جدا جدا و خصوصا مع الأسعار المناسبة

مازلنا جميعا في انتظار الأسعار يا دكتورنا .

[أبومعاذ]

ياخى ابو مريم انت قلت اكتر من اربع او خمس مرات ان فى موزعين تانين لافلام 3m للسيلرات و ماقولتش ولا مره على اسم واحد فيهم فياريت لو عندك معلومه احنا مت نعرفهاش تشاركنا بيها

انا كنت كاتب في موضوع تاني يظهر ان حضرتك مش متابعه:

3M Local Distributors

http://solutions.3m.com/wps/portal/3M/en_EG/Partners2/Suppliers/

حضرتك هتلاقي في لينك لفايل pdf فيه كل الموزعين

[koky145]

شكرا يا جماعة علي الموضوع الرائع
انا معاكم بس المشكلة اني مش بدخل علي الانترنت كتير نظرا لظروف الشعل انا معاكم وارجوا الاتصال بي عند بدء التعاقد
0103333145
مع العلم السيارة هوندا سيفك 2008

[SAiF3S]

انا كنت كاتب في موضوع تاني يظهر ان حضرتك مش متابعه:

3m local distributors

http://solutions.3m.com/wps/portal/3m/en_eg/partners2/suppliers/

حضرتك هتلاقي في لينك لفايل pdf فيه كل الموزعين

اخى اللينك ده لكل اقسام شركه 3m الممثله و ليس للافلام العازله للمبانى و السيارات حتى اسم ارم شيلد مش مدرج بها
و للعلم شركه 3m لديها حوالى 60 الف منتج مقسمه على حوالى 12 قسم و مش كل القسام دى او المنتجات موجوده او له موزع فى مصر
طبعا المعلومات دى اعرفها لانى كنت اعمل مع 3m فى الفتره من 1992 و حتى 1998 منذ ان كانت الشركه ممثله فى دبى و حتى افتتاح 3m egypt و كان مكتبهم فى شارع بيروت و للان لى علاقه جيده معهم فى قسم اخر و مكتبهم بالمعادى بجوار فندق سوفتيل

[أبومعاذ]

اخى اللينك ده لكل اقسام شركه 3m الممثله و ليس للافلام العازله للمبانى و السيارات حتى اسم ارم شيلد مش مدرج بها
و للعلم شركه 3m لديها حوالى 60 الف منتج مقسمه على حوالى 12 قسم و مش كل القسام دى او المنتجات موجوده او له موزع فى مصر
طبعا المعلومات دى اعرفها لانى كنت اعمل مع 3m فى الفتره من 1992 و حتى 1998 منذ ان كانت الشركه ممثله فى دبى و حتى افتتاح 3m egypt و كان مكتبهم فى شارع بيروت و للان لى علاقه جيده معهم فى قسم اخر و مكتبهم بالمعادى بجوار فندق سوفتيل

احنا ممكن في حالة لو فشلنا مع الناس الحاليين نتصل على باقي الموزعين و نشوف مين فيهم اللي شغال في الافلام العازلة ونحاول ناخد منه عرض ولو حضرتك ليك معرفة بيهم مفيش حد ينفع تكلمه عشان التخفيض؟

[M.Mostafa80]

محدش جاب سيره الأسعار لحد دلوقتى أنا هبقى من اول المتعاقدين بس نعرف السعر لو مناسب يبقى نتكل على الله

[michohat]

اخبار الاسعار ايه؟

[SAiF3S]

احنا ممكن في حالة لو فشلنا مع الناس الحاليين نتصل على باقي الموزعين و نشوف مين فيهم اللي شغال في الافلام العازلة ونحاول ناخد منه عرض ولو حضرتك ليك معرفة بيهم مفيش حد ينفع تكلمه عشان التخفيض؟

عزيزى ابو مريم
شركه 3m شركه ملتى ناشونال (متعدده الجنسيه) و بالاساس هى امريكيه و من الشركات ال 100 الكبرى
كل قسم فى اللينك اللى انت وضعته له موزعيين خاص به لكل منتج على حدا و كل مدير قسم لا يعرف شىء عن باقى الاقسام و لا يتدخل فى شئونها حتى لو عرف و علشان كده مقدرش اكلم حد على تخفيض او اسال مين بيوزع ايه و ممكن ارم شيلد تكون مستورد و ليست موزع للشركه و اللى انا حكيت لك عليه من مبادىء التعامل مع النوعيه دى من الشركات

[smsmzarw]

الفلم باين أبضوا عليه فى المصنفات
ايه ياجماعه هوا السعر من الاسرار الحربيه ؟؟؟؟؟
أو حنعرف السعر ........فى أخر الفلم