حوار من القلب للقلب - الجزء الأول

[Hassan Khalil]

ازيك يا ايمن
اتمني انك تكون بخير و سعادة ..:k10:
نخش في الموضوع علطول ..
*شخص تفتكره بالخير في كل مرحلة من مراحل حياتك (الاعدادي / الثانوي / الجامعة ) ..(طبعا الام و الاب خارج المنافسة )

*********

* انت دلوقتي في الجامعة .. و في كلية التجارة تحديدا
- لو مكنتش دخلت تجارة .. كان نفسك تخش ايه
- حتتخصص ايه ان شاء الله .. و ليه . .. و هل ممكن ان تخصصك ده تفيد بيه بلدك مثلا .. و اللا تفكيرك حيكون علي مستواك الشخصي و الاسري بس ..
-ايه رأيك في اساتذة الجامعة و المعيدين اللي عندكم .. كويسين و عايزين يساعدوا .. و اللا معقدين و راكبهم عفريت .. تفتكر حد منهم بالخير ؟؟؟
- اجمل ذكرياتك في الكلية :k9:
- اسوأ ذكرياتك في الكلية .:k42:

*************

* ناوي تتجوز قريب .. و اللا عاوز تعيش حياتك الاول ؟؟؟ و اذا كنت ناوي .. هل لك مواصفات نعينة في الانسانة اللي حتبقي زوجتك .. و اللا زي ما تيجي و السلام ؟؟؟

**********

* انطباعاتك و شعورك نحو الاتي
- نايل موتورز
-الجين 2
- اسرائيل
- الموضوع الخفيف الظريف اللطيف العجيب الغريب اللي مفتوح في الاجتماعي بين ثلاثي اضواء المنتدي ( نهي / بوسي / دموع ):k5::k5:
-مصر
- عبده تلوث
- والدك ووالدتك
- مترو الانفاق
- الاوتوكروس
- البنطلونات ال ( لو واست / الرجالي) .
-----------
ده كان السؤال الاول ...
نلف لفة و نرجع لك تاني :)
سي يو

[نور القمر]

نهى اسئلتك حلوة ايه رأيك تساعديني في اعداد البرنامج وتسربيلي اسئلة عبر البرايفت
واذا كان على دموع وبوسي جايين جايين خصوصا بوسي يا اختشي مش هاتفلت مني
وبعدين فرضا احمد باشا عايز يكمل حلقتك وايه المانع دلوقت حسن عايز معاده حد واتنين وايمن حلقته هاتخلص الجمعه
ممكن نخلي السبت يوم مفتوح مع نهى ايه رأيكم يا جماعه
اممممم .......اغلبية ......على رأي اسمه ايه ده بتاع مجلس الشغب

[نور القمر]

بجد يا نور موضوعك هايل فعلا و افاكرك كتير حلوة قووووووووى

وشكرااااا لزوقك و اخلاقك العالية

وحقيقى انا بلتمس ان الادارة تثبت الموضوع الحبوب دة

ميرسي ليك دكتور اليشع
انتظر مفاجأة جديدة بالنسبة للموضوع وان شاء الله ناخد رأي الادارة في موضوع التثبيت

[نور القمر]

ممكن حضراتكم تعملوا ملخص للحلقات دى على هيئة لنكات لأنى ( وغيرى ) مش قادر اتابع المشاركات الكثيرة دى ... ؟ وشكرا

ان شاء الله هنزل لينكات لكل حلقة علشان يكون سهل على الاعضاء الوصول لحلقة كل ضيف
منور الموضوع دكتور محمود وشرفتنا بحضورك

[د./اليشع ثابت]

ميرسي ليك دكتور اليشع
انتظر مفاجأة جديدة بالنسبة للموضوع وان شاء الله ناخد رأي الادارة في موضوع التثبيت

هكون اول واحد يبقى سعيد بالموضوع الجديد إن شاء الله واول واحد يشكرك

ومنتظرييييييييين جديدك يا احلى نورررررررررر

[Noha.M]

نهى اسئلتك حلوة ايه رأيك تساعديني في اعداد البرنامج وتسربيلي اسئلة عبر البرايفت
واذا كان على دموع وبوسي جايين جايين خصوصا بوسي يا اختشي مش هاتفلت مني
وبعدين فرضا احمد باشا عايز يكمل حلقتك وايه المانع دلوقت حسن عايز معاده حد واتنين وايمن حلقته هاتخلص الجمعه
ممكن نخلي السبت يوم مفتوح مع نهى ايه رأيكم يا جماعه
اممممم .......اغلبية ......على رأي اسمه ايه ده بتاع مجلس الشغب

قوليلي انتى على الضيف اللى هتستضيفيه المرة الجاية و انا ان شاء الله هسربلك كل الاسئلة كمان

بس على فكرة انا مبعرفش اسال اوى و ذهني مش حاضر حتى لو تاخدي بالك فى الاول مكنتش بعرف اسأل حد بس مشحووووونة من امبارح و عاوزة اطلع اللى حصل معايا فى الناااااس

بس ايييه يا نووووور موضوووع اليوم المفتووح بتاع يوم السبت :k20:
لا انا بقول نعمله الاول مع ابراهيييييييييييييييييييم هيبقي يوم جامد جداا بعدين نثبتها كل سبت مع ضيف مميز كدة

[Ayman_52]

ايمن باشااااااااااااااااااا

نهى هانم مشرفنا بجد الموضوع منور...وانا للاسف فاتتنى حلقتك بجد زعلت انها عدتنى...وبجد كانت دمها خفيف جدا

كيف احوالك؟؟

والله كل شىء تمام

الحوار معاك جميل بس نور كانت حونينة حبتين فانا عندي كام سؤال كدة ليك و يا رب منزهقش

لا والله دا يشرفنى بجد

انت بتقول انك قضيت معظم حياتك برة , يا تري قعدت فين و أد ايه و ما هى المميزات اللى شوفتها برة و ما هي السلبيات اللى ضايقتك فى البلاد دى؟

انا كنت قاعد فى السعوديه..بس كنت بلف فى الاجازات عالدول المجاوره(البحرين و عمان)..روحت من اخر ابتدائى للثانوى..وكنت بروح فى الاجازات ازور والدى و والدتى هناك....اكتر حاجه عاجبتنى هناك ان الناس على طبعيتها..ومافيش مصلحه وواضحين فى التعامل..اللى ضايقنى ممكن المخدرات هناك منتشره اووى من ابتدائى والمشكله انها كانت عندهم عادى جدا..وانا ماليش فى الكلام ده..وكنت كمان بتخنق ان فى اماكن بيفصلوا فيها الرجاله عن الستات(ماحدش يفهمنى غلط) اصل كنا بنلوص من غير ماما..فدايما ماكناش بنروح الاماكن دى

هل ممكن تتزوج واحدة اجنبيه في يوم من الايام؟ و يرجي تعليل الاجابة سواء نعم او لا

ماعرفش النصيب فين...بس ماعنديش اى مانع مادام هنكون متفاهمين

لو كان عندك اخت بنت و جت قالتلك يا ايمن انا معجبة بواحد و هو هيتقدملى بعد ما نخلص دراسة هيكون ايه تصرفك معاها؟

لو كــان عندى كنت بجد والله اولا هخليها تشاورلى عليه من بعيد واقعد اراقبه شويه من بعيد وكنت ممكن اتعرف عليه من غير مايعرف انا مين...ولو حسيته ان محترم وفعلا بيخاف عليها...بجد هقف معاها وهبدا اساعدها وامهد معاها الطريق لبابا وماما

المرأة بتمثل ايه فى حياة ايمن ؟ و هل وجودها فى حياته يشكل اهمية حقيقية ولا تقدر تستغني عنها؟

المراه يعنى الاحساس بالحب..واكيد المراه ماقدرش استنغى عنها ...ونفسى ربنا يرزقنى بواحده نكون متفاهمين وفيها صفات من والدتى..يـــارب ان شاء الله

ما رأيك فى ظاهرة ما يسموهم شيوخ الفضائيات؟ هل انت مع او ضد؟

بجد بتخنق منهم جدا...ممكن الوحيد اللى كنت بسمعله شويه -مصطفى حسنى-

بس كدة كفاية عليييييييك

لا بجد والله انا مستمتع بأسئله حضرتك..وانا منتظر لو فى اى اسئله تانيه

شكــــرا للحوار الجميل

[نور القمر]

ايمن معلش دكتور اليشع موصيني اكون غلسه زي منى الحسيني ومفيد فوزي
تسمح لي بئه احاورك واحرجك و اسألك
انت بتقول ممكن تتجوز اجنبية لو كنتم متفاهمين
طبعا زي منت عارف الاجانب ليهم عادات وتقاليد غيرنا خالص
والحاجات اللي عندنا تطير فيها رقاب عندهم حرية شخصية
وديما نسمع عن فشل هذه الزيجات
هل هتكون مطمئن على بيتك ونشأة وتربية ولادك مع ام اجنبية؟؟؟؟

[Ayman_52]

ازيك يا ايمن


تمام ...وانت ايه الاخبار ان شاء الله كل حاجه تمام


اتمني انك تكون بخير و سعادة ..:k10:


نخش في الموضوع علطول ..
*شخص تفتكره بالخير في كل مرحلة من مراحل حياتك (الاعدادي / الثانوي / الجامعة ) ..(طبعا الام و الاب خارج المنافسة )


اعدادى>>استاذ/زيد..مدرس التلاوه كنت معقده فى حياته

الثانوى>>استاذ/عسل...مدرس القواعد كان الصراحه مضبطنى فى الفصل وكان بياخد دفترى يحط منه الامتحان...واحمد العجمى...مدير المدرسه كان بيفكرنى بأسامه بن لادن(مش عارف ليه)...وكنا صاحبى محمد الضو.كان من اعز اصجابى ساعتها..الثانوى عندى مليان.

*********

* انت دلوقتي في الجامعة .. و في كلية التجارة تحديدا
- لو مكنتش دخلت تجارة .. كان نفسك تخش ايه فنــون تطبيقيه
- حتتخصص ايه ان شاء الله .محاسبه اكيد. و ليه . عشان مش فارقه معايا التخصص.. و هل ممكن ان تخصصك ده تفيد بيه بلدك مثلا .مش عارف الصراحه بس اكيد لو اشتغلت بتخصصى هاشتغل بأمانه واى معلومه عندى مش هأبخل بيها على اى حد. و اللا تفكيرك حيكون علي مستواك الشخصي و الاسري بس .بكون مبسوط جدا لما حد يطلب منى حاجه وبحب جدا انى اساعد الناس. فأظن انى مش هفكر على مستواى الشخصى بس.
-ايه رأيك في اساتذة الجامعة و المعيدين اللي عندكم .. كويسين و عايزين يساعدوا .. و اللا معقدين و راكبهم عفريت .. تفتكر حد منهم بالخير ؟؟؟

الصراحه انا من ساعة مادخلت الكليه دى ومش بروح غير ايام الامتحانات...او لما بكون عاوز اسأل على حاجه...فأنا حتى ماعرفش اسماء ولا اشكال الدكاتره اللى بيدرسوا...بس انا قضيت سنه فى علوم والصراحه لا افتكر اى حد منهم بالخير خالص خالص


- اجمل ذكرياتك في الكلية :k9:....كانت فى علوم وكانت خروجات مع صحابى وسهر فى المعامل لحد سته وسبعه بليل...كانت ايام صعبه بس حلوه

- اسوأ ذكرياتك في الكلية .:k42:....ايـــام النتايج :k41:

*************

* ناوي تتجوز قريب .. و اللا عاوز تعيش حياتك الاول ؟؟؟ و اذا كنت ناوي .. هل لك مواصفات نعينة في الانسانة اللي حتبقي زوجتك .. و اللا زي ما تيجي و السلام ؟؟؟

هو الجواز متأجل شويه..بس خايف ادب فى موضوع حب وانسى الكلام دا كله...والانسانه اللى ارتبط بيها ان شاء الله نكون متفاهمين ونستحمل بعض وربنا يكون راضى ومسهل فى الموضوع دى اهم حاجه

**********

* انطباعاتك و شعورك نحو الاتي
- نايل موتورز >>>بجد والله بدون كلام مجامله بحب جدا الاعضاء اللى فيه...وبحس انى فى ناس كتيره هنا نفس تفكيرى..من الاخر بحبكــم
-الجين 2 >>>اااه معشوقتى انت جيت على حته ....اكتر عربيه بحبها والحمد لله ربنا سهلى وهستلمها قريب ان شاء الله


- اسرائيل>> معرفش حد بالإسم ده

- الموضوع الخفيف الظريف اللطيف العجيب الغريب اللي مفتوح في الاجتماعي بين ثلاثي اضواء المنتدي ( نهي / بوسي / دموع ):k5::k5: >>>> انا لسه شايفه امبارح والصراحه عاجبنى جدا وبجد اسلوب الكلام اللى فيه ضحكنى جدابس كان ناقصه -نور القمر-وتبقى كملت...و نطلب من -نور- الانضمام الى هذه المسيره الجميله
-مصر >>بحبها ولما ابعد عنها فتره بجد بتوحشنى وبيحشونى الناس اللى فيها
- عبده تلوث >>انا سمعت اسمه بس ماعرفش هو فين اصلا؟؟؟
- والدك ووالدتك>>>انـــا بهــم اكــــون
- مترو الانفاق>>>زحمه بس بينفع وبيسعفك وقت الزنقه
- الاوتوكروس >>>ماليش فيه
- البنطلونات ال ( لو واست / الرجالي) .>>>موضه طلعت وعندى منه
-----------
ده كان السؤال الاول ...
نلف لفة و نرجع لك تاني :)
سي يو

بجد بجد بجد بجد اسئلتك حلوه جدا جدا....وشامله ...الصراحه عاجبنى ممكن اسبيشال اوردر كمان

الف شكر حسن باشا عالحوار الجميل ...وانا على انتظــار اى اسئله اخرى

[Noha.M]

حوار هادى و جميل مع شخص صريح و باين من كلامه انه شخص طيب القلب و يستاهل كل خير بجد

عندي بقا كام سؤال بحق المقدمة دى

ايمن انت اهلاوى ولا زملكاوى؟

ما هو لونك المفضل؟

لو كان معاك 20 الف جنيه كمان على تمن الجين 2 هل كنت هتجيب جين 2 برده؟

ايه اكتر موقف محرج او مضحك عمرك ما هتنساه فى حياتك؟

هل خسرت صديق قبل كدة؟ و ليه خسرته لو حصل؟

يا تري ايه مميزات ايمن من وجهه نظره الشخصية. و ايه عيوبه اللى نفسه

يتخلص منها؟

لو حصلت حادثة قدام عينك و انت ماشي فى الشارع و واحد خبط واحدة بنت

قدامك و جري , ايه هيكون موقفك؟

يا رب يجعل اسئلتى خفيفة عليك

[Ayman_52]

ايمن معلش دكتور اليشع موصيني اكون غلسه زي منى الحسيني ومفيد فوزي>>>اتفضلى يافندم ولا يهمك


تسمح لي بئه احاورك واحرجك و اسألك >>>اسمحلك ومالو


انت بتقول ممكن تتجوز اجنبية لو كنتم متفاهمين
طبعا زي منت عارف الاجانب ليهم عادات وتقاليد غيرنا خالص
والحاجات اللي عندنا تطير فيها رقاب عندهم حرية شخصية
وديما نسمع عن فشل هذه الزيجات
هل هتكون مطمئن على بيتك ونشأة وتربية ولادك مع ام اجنبية؟؟؟؟

انا بصفه عامه مش بأخد بالظاهر انا مقتنع ان الانسان هو الانسان فى كل انحاء العالم... بيختلف بس فى حاجات حسب النشأه ...يعنى هتلاقى ناس بطبيعتها عاوزه تكون محترمه وناس عادى وناس ايزى خالص والكلام ده موجود فى كل حته بس ممكن هنا عشان محكومين شويه فالكلام ده مش باين....بس اكيد فى ناس اجانب محترمين جدا واكيد الانسانه اللى اختارها وهيكون بينا تفاهم واحبها....اكيد هأكون واثق فيها وان شاء الله ربنا يوفقنى فى انسانه تقدر الثقه دى سواء بقى مصريه او غير ذلك...

بقولك يانور لو تعرفى واحده تركيه...ابقى قوليلى ونبى نتعرف باردوا:D:D<<<انا بهزر اكيد

انا بجد مبسوط والله...والف شكر يانور عالحوار الجميل

وعلى انتظـــار اى اسئله من الاعضاء الكـــــــــــرام

[Ayman_52]

حوار هادى و جميل مع شخص صريح و باين من كلامه انه شخص طيب القلب و يستاهل كل خير بجد>>>>ربنا يكرمك دا من ذوقك والله يا استاذه/نهـــى

عندي بقا كام سؤال بحق المقدمة دى>>اتفضلى واسئلى كل الى فى نفسك

ايمن انت اهلاوى ولا زملكاوى؟

ماليش فى الكره وبكره التعصب

ما هو لونك المفضل؟

بحب الالوان الفاقعه(يعنى اخضر /برتقالى/اصفر) الوان فوط المطبخ بصفه عامه

لو كان معاك 20 الف جنيه كمان على تمن الجين 2 هل كنت هتجيب جين 2 برده؟

جيـــــــــن 2

ايه اكتر موقف محرج او مضحك عمرك ما هتنساه فى حياتك؟

اوكى وانا فى اولى ثانوى فى السعوديه...ماشاء الله طول عمرى فاشل فاشل فاشل فاشل فى حاجه اسمها لغه عربيه بكل فروعها خصوصا القواعد والإنشاء...وكنت دايما فى الانشاء اخد الموضوع فى المدرسه واروح البيت اخلى والدى يكتبه... الكلام دا كان طول حياتى لا ازود اسبوع ولا انقص...وفى يوم استاذ الانشاء ا/عســل..قال ياجماعه اكتبوا الموضوع ده وانا اخر الحصه هصححه ..قولت ايه الوقعه دى دا اسلوبى زباله وكانوا واخدين عنى فكره انى ممتاز وبقفل كل المواد..المهم قعدت اكتب وفى اخر الحصه استاذ/عسل ساب الفصل كله وبدا بدفترى عشان يصصح ولقيته عمال يقرا ومطول ..قولت يادى الفضايح..والراجل الصراحه كان احول فى عنيه فامتعرفش من نظرات عينه هل اعجاب ولا اشمئزاز...المهم خلص قرايه قولت الحمد لله....والمفاجأه

الاقيه يمسك الدفتر وفى وسط الفصل ..شفتم الناس المجتهده والاسلوب الراقى (على الموضوع الل كاتبه)وبدا يقرا الموضوع على الملا وانا الصراحه كنت ولازلت اسلوبى ركيك كده ويضحك اللى يقراه...المهم قعد يقرا وكل جمله يفسرها ويقول شفتوا الافكار وانا ماكنتش اقصد الكلام دا خالص..ودا كان موقف محرج ساعتها وبيضحكنى دلوقتى....

هل خسرت صديق قبل كدة؟ و ليه خسرته لو حصل؟

اه اكيد...عادى اختلاف فى وجهات النظر

يا تري ايه مميزات ايمن من وجهه نظره الشخصية. و ايه عيوبه اللى نفسه يتخلص منها؟

العيوب : متسرع , مش من النوع اللى بحاسب حد لما يغلط فيا واسكتله بس لما بقفل من حد بيبقى صعب جدا انى ارجع تانى حتى لو الشخص اتغير بس انا بكون خلاص قفلت, عنيد, بحب النوم ,عصبيتى قليله بس لما بتحصل ..لسه كاسر كوبايه من شويه

مميزات ممكن اكون صريح مع نفسى وبحب اواجه نفسى باى حاجه اول بأول..شخصيه عمليه


لو حصلت حادثة قدام عينك و انت ماشي فى الشارع و واحد خبط واحدة بنت
قدامك و جري , ايه هيكون موقفك؟

لو هى لسه عايشه ...وشكلها محترم مش من الناس اللى بترمى نفسها عالعربيات...لو مافيش حد كان موجود هفضل معاها وهنقلها على اقرب مستشفى واحاول اخد رقم العربيه اللى خبطاها...او اخلى حد معاها واحاول اجرى مع ناس واحاول اوقف العربيه...والصراحه دا كلام بس مش عارف لو حصلت حاجه زى كده قدامى هعمل ايه

يا رب يجعل اسئلتى خفيفة عليك>>>اكيد اسئله خفيفه وجميله مش حضرتك اللى سألها.

بجد اسئله ممتعه جدا ....انا بجد استمتعت جدا وانا بجاوب

ممكن تــــانى

الف شكر يا ا/ نهـــــــــى بجد عالحوار الممتع

وعلى انتظـــــــار باقى اسئله الاعضاء...وفين بـــــودى

[Mohd_Adel_Amin]

أيمن باشا ... معلش والله انا مخي مهنج ومش مجمع خالص علشان اسأل .
بس ربنا يسهل واقدر على بكرة افوق واشوفلك سؤالين حلوين .

بس قوللي بقى انتا كنت فين في السعودية لأني وأنا في أولى ثانوي درسني استاذ كان اسمه عسل وكان بتاع لغة عربية برضه ..

[Ayman_52]

أيمن باشا ... معلش والله انا مخي مهنج ومش مجمع خالص علشان اسأل .
بس ربنا يسهل واقدر على بكرة افوق واشوفلك سؤالين حلوين .

بس قوللي بقى انتا كنت فين في السعودية لأني وأنا في أولى ثانوي درسني استاذ كان اسمه عسل وكان بتاع لغة عربية برضه ..

محمد بــــاشـــا...هابقى استنى اسئلة حضرتك بكره ان شا ء الله

انا ياباشا كنت قاعد فى الرياض فى شارع الخزان...بس نقلنا سنتين على محافظه الخرج وكنت ساعتها فى مدرسه ثانويه الخرج....لو طلعت زمل تبقى احلى صدفه والله

تحيـــــــــــــاتــــــــــى

[Mohd_Adel_Amin]

يا خبر مش فايت .....
انا هبعثلك على الخاص علشان مشغلش البرنامج ..