انطباعى عن الجين 2 من اول 30 كلم

[ahmedsiyam]

الاخ الفاضل اسلام
انا متزوج و عندى ولد عنده خمس سنوات و نصف
وماعنديش مانع لو فى عروسة جديدة ماتكلفنيش مليم علشان اللى اتجوز مرة موش هايعرف يتجوز تانى
وصباح الفل و مشكور على مداخلتك

[Hassan Khalil]

السلام عليكم جميعا



عموما يا جماعة التكييف كمان موش بيعمل صوت و بس انا وقفت بره العربية امبارح و كان شغال لاحظت انه بيشتغل و بيفصل بسرعة مابيلحقش يعنى لدرجة انى هاضطر اسفا انى اقفله باليل و اشغله الصبح بس لحد لما اروح التوكيل

اخي الفاضل .. و الكريم في نفس الوقت :)
موضوع التكييف ده برضه عادي جدا .. فيه عربيات تكييفها بيشتغل و يفصل لمدد قصيرة جدا قد تكون من 10 الي 15 ثانية ..
و في عربيات تكييفها بيشتغل فترات طويلة و برضه بيفصل فترات طويلة ..

من العربيات اللي زي عربيتك اللانسر ال 99 .. تكييفها بيشتغل تقريبا 20 ثانية .. و بعدين يفصل .. و هكذا ...
و لما تروح التوكيل هيأكدولك المعلومة دي ...
و بالتوفيق :)

[Hassan Khalil]

ااااه .. و اعتقد ان اللي بيفصل و يشتغل هي مروحة التكييف مش الكومبروسر نفسه

[ahmedsiyam]

حسن ابو على

ان شاء الله يطلع الموضع ده خير و نشوف ده طبيعى و لا لأ و اتمنى حد من الاخوة الافاضل اللى راكبين العربية دى برضه يأكد على الكلام ده

[M_HaFeZ]

صحيح ياحمد ايه اخبار العزل والعفشه والاحساس بالمطبات
يعنى علشان هى رياضى هتحس بكل حاجه فى الارضه
لان الواحد بيشوف عربيات لو عديت على بريزه مرميه على الارض مش بعيد تعرف دى ملك ولا كتابه

[ahmedsiyam]

هههههههههههههههههه
جامد التعليق ده يا محمد يا حافظ

عموما العزل بتاعها حلو جدا و لما اكون مشغل التكييف و باسمع الاوديو لو مزيكا هادية حتى مابسمعش اصوات بره خالص بالعافية اخد بالى ان فى حد بينبهنى بالكلاكس

العفشة رياضية موش زيى عفشة اليابانى ناعمة بس انا شايفها ممتازة جدا و اهم حاجة انك تحافظ عليها و ده من الناس اللى استعملوا العربية بقالهم سنة و اثنين
كنت فاكرها اخشن من كده بس طلعت حلوة و ده فى الاول الناس اللى عملت كيلو متر كتير تقدر تحكم اكتر بس هو عموما انا ركب اللانسر السبورت 1600 و عفشتها زيى الجين 2 بالظبط موش انعم و لا حاجة

[amr mokhtar]

انت دواخل العربية اللى معاك فيها بيج و لا كلها اسود؟
اصل انا بشوف جين 2 دواخلها بتبقى فيها لون بيج

[m_marmoush]

أ/أحمد هو مفتاح الكونتاكت ممكن يخرج فى وضع ال N ولا لازم ال P فقط؟

سؤال تانى هو الأوتوماتيك أخباره أيه فى السحب هل تقيل ولا عادى؟

[timo_crosswind]

سؤال بس لااخ توت انت قولت العربيه دي بره 110 الف ممكن اعرف بره فين ؟ وخصوصا اني قرات مقال بيقول غير كدا خالص ولو كلامك صح اكيد الخامات والمكونات والمواصفات كلها مختلفه واكيد طبعا لافضل ومن امتي في مصر اصحاب التوكيلات بيبصو لمصلحه المشتري المصري وكلنا عارفين انهم بحققو مكاسب هايله من ورا المستهلك المصري....وبعدين انت عاوز تفهمني ان كل التوكيلات بتغلي في الاسعار بلاداعي وتوكيل بروتون مش بيغلي عشان سياسته (نحن نرضي باقل ربح وسياستنا رضاء العميل اولا)....العربيه حلوه وجميله وكل حاجه وانا بحترمها بس بلاش ندي كل حاجه اكتر من حجمها

[tutankhamoun]

سؤال بس لااخ توت انت قولت العربيه دي بره 110 الف ممكن اعرف بره فين ؟ وخصوصا اني قرات مقال بيقول غير كدا خالص ولو كلامك صح اكيد الخامات والمكونات والمواصفات كلها مختلفه واكيد طبعا لافضل ومن امتي في مصر اصحاب التوكيلات بيبصو لمصلحه المشتري المصري وكلنا عارفين انهم بحققو مكاسب هايله من ورا المستهلك المصري....وبعدين انت عاوز تفهمني ان كل التوكيلات بتغلي في الاسعار بلاداعي وتوكيل بروتون مش بيغلي عشان سياسته (نحن نرضي باقل ربح وسياستنا رضاء العميل اولا)....العربيه حلوه وجميله وكل حاجه وانا بحترمها بس بلاش ندي كل حاجه اكتر من حجمها

السلام عليكم

أنا مبديش الحاجات حجم أكتر من حجمها يا أستاذ تيمو
هذا أولا
ثانيا
أسعار الجين 2 في أنجلترا تبدأ من
9995 جنيها أسترلينيا ....... = 106000 جنيها مصريا في المتوسط على حسب سعر العملة

أسعار الجين 2 في استراليا بتبدأ من
17000 دولار كندي .......... = 87000 جنيها مصريا و ده راجع لإتفاقات التجارة الحرة بين البلدين و قُرب المسافة بينهما و مع ذلك هو أغلى من مصر بحوالي 4000 جنيها مصريا

أسعار الجين 2 في جنوب أفريقيا بتبدأ
146000 راند جنوب أفريقي ........ = 103000 جنيها مصريا


و أنا لم أقول أن عز العرب أحسن وكيل في مصر
و لكن بما أن بروتون ليس لها شهرتها مثل السيارات الياباني الأخرى التي يُغالي أصحاب التوكيلات في تسعيرها
فلذلك هو مضطر لتقليل أرباحه حتى تنتشر السيارة و بعدين سيتبع نفس سياسة الوكلاء الأخرين بمجرد وجود طلب عالي على السيارة

و مرة أخرى الأمور في حجمها الطبيعي يا أخي الكريم



********لاحظ كلمة بتبدأ في الأسعار ( أي أن هذه بداية الأسعار )

[timo_crosswind]

وعليكم السلام ياخي العزيز بس ممكن سؤال بروتون عموما بقلها كام سنه في مصر ...وليه انت قارنتها بالسيارات اليابانيه بس ليه موضعتش الكوري في الحسبان علي اعتبار انها حققت نجاح في مصر والعالم ...علي فكره انا بحترم كلامك جدا وانا بحبها اوي وخصوصا لما شوفت ثباتها المحترم بس ليه محققتش علي الاقل نجاح الكوري وانتشاره؟

[timo_crosswind]

وازاي باي حال من الاحوال عربيه زيرو فتيسها يقشر من اول يوم دي معناه ايه؟وياتري العربيه دي بنفس الخامات والتقفيل اللي بتنزل مصر هيا هيا اللي بتنزل في الدول اللي انت ذكرتها قبل كدا ؟

[tutankhamoun]

وعليكم السلام ياخي العزيز بس ممكن سؤال بروتون عموما بقلها كام سنه في مصر ...وليه انت قارنتها بالسيارات اليابانيه بس ليه موضعتش الكوري في الحسبان علي اعتبار انها حققت نجاح في مصر والعالم ...علي فكره انا بحترم كلامك جدا وانا بحبها اوي وخصوصا لما شوفت ثباتها المحترم بس ليه محققتش علي الاقل نجاح الكوري وانتشاره؟

أنا لم أقارن بالكوري علشان أغلب الكوري أسعاره معقوله و ليس مُبالغ فيها لو قارنت الكوري بالياباني ( و مش كل الياباني ) هما ماركتين على الأغلب وواخدين شهرة زيادة عن اللزوم و ده جعل التوكيل يسعر بمزاجه و برضه الناس بتشجع التوكيل و بتشتري ......... و هي دي مصر

و ليه محققتش النجاح زي الكوري ( لأنها حققت نجاح عادي زي السوباروا بل و تتغلب على السوباروا مثلا و لكن هذا لا يعني إن السوباروا ماركة وحشة بل على العكس أعتقد أنها مع هوندا من أفضل السيارات الياباني ) و في ماركات كتير أحسن من الكوري و أحسن من بروتون و لم تُحقق نفس النجاح .

و أ سباب إنتشار الكوري
إن أغلب الكوري الذي يتم بيعه في مصر هو تجميع محلي من غبور و أبو الفتوح و ووليد توفيق زمان ....... و الشركة العربية الأمريكية لصناعة السيارات التي كانت تجُمع الكيا و الجيب شيروكي

و طبعا كلنا عارفين إن الصناعة المحلية لها تشجيع خاص و برضه فيه ناس جامدة واقفة وراها

ثانيا إن أغلب الكوري بينزل بأسعار رخيصة تناسب فئة كبيرة من السوق المصري

وازاي باي حال من الاحوال عربيه زيرو فتيسها يقشر من اول يوم دي معناه ايه؟وياتري العربيه دي بنفس الخامات والتقفيل اللي بتنزل مصر هيا هيا اللي بتنزل في الدول اللي انت ذكرتها قبل كدا ؟

و أنا مقلتش إن الفتيس المقشر ده حاجة حلوة و لكني نصحته بتغييره و الشكوى للتوكيل و الشركة الأم إن لم يستجيبوا
و في عربية ياباني و ثمنها في مصر مثل ثمنها خارج مصر مرة و نصف و نزلت و فيها عيوب و حدش قال عليها كلمة و كل ده علشان ياباني !!!!!!!! و برضه هي دي مصر

و على فكرة أغلب المنتجات الموجودة في مصر و خصوصا السيارات متساوية في الجودة مع السيارات التي تُباع في أوروبا و الكلام ده شوفته بعني و جربته بنفسي
يعني أنا كان معايا عربيات بونتو كتير برة و هي هي زي البونتو اللي في مصر
و نفس الكلام على بروتون
كل عربيات بروتون التي تُباع في مصر مثل التي تُباع في انجلترا و الكلام ده عن تجربة يا حبيب قلبي

[fahd_628]

على فكرة تقشير الفتيس دة مش عيب او كارثة فى بروتون عاوزك كدة تبص على الأوبل استرا كدة موديلات 2000 بص على الفتيس حتلاقية متقشر برضة فا دية مش معضلة يعنى و مش دية الى حتخلى العربية خامتها سيئة

[timo_crosswind]

اكيد بعد اللي قولته نبقي احنا اكيد في مصر:):):)...وياتري العربيه دي محققه نجاح في انجلترا والدول التانيه؟ووضعها ايه في دول الخليج علي اعتبار ان الناس دي بتحب العربيات الرياضيه؟