اماكن الصيانه ومحلات قطع الغيار

[ainshoka]

شكرا جزيلا على المعلومات القيمة

[LinuxMan]

انا لسه جايب اسكورت 1600 موديل 1999- حالتها كويسه وكانت بتمشي زي الفل - قولت اوديها لمكانيكي يفحصهالي بالكامل - المهم وديتها لواحد اسمه محمد الوادي في عين شمس - الراجل شكرلي في العربيه اوي وقالي هنغير طقم بوجيهات و فلتر هواء - وبعدين هنغسل كربارتير - روحت رمسيس عشان اجيب البوجيهات والفلتر - ركنت ونزلت اشتري ورجعت العربيه مش بتلقط مارش بتقوم كهرباء بس- اتخديت وبعدين واحد جه عملي قفلة مارش دارت تمام - روحت عين شمس عملت المشكلة تاني قالي المارش بيعلق ومحتاج كهربائي - تاني يوم العربيه مبقتش تجيب كهرباء كل حاجة فيها فصلت.
انا مستغرب اوي انها كانت شغاله زي الفل 3 اسابيع - واول ما وديتهالوه باظت .. ايه رايكوا يا جماعه؟

[dodo_bdr]

بس اللى اعرفه

مركز تكنو فرود فى الحرفيين اول الطريق الدائرى ( مركز فاشل و نصيحه لوجه الله محدش يتعامل معاهم ) فاكرين نفسهم التوكيل و ابسط حاجه عندهم غيرها و طبعآ ادفع يازبون

من خلال تعاملى معهم فهم بالفعل مركز متخلف وفنياتهم ضعيفة جداا ومعظم اللى شغالين فية شوية أطفال وبالفعل معتقدين انهم توكيل بجد
وكان عندى مشكلة بسيطة جداا ورحت ليهم قابلنى واحد اسمة المهندس تامر قعد يلف حواليها لمدة يومين أم عامل حاجة تانية خالص غير اللى احنا بنتكلم فيها فذهبت بيها لصنيعى بسيط جداا مخدتش فى ايدة ربع ساعة هذا للعلم اللهم بلغت اللهم فاشهد

[dodo_bdr]

دى كانت مشاركة رائعة من المهندس محمود الجمال فى قسم الكتالوج والصيانة وأنا بأنقلها للاستفادة منها بعد اذنه واذن مشرف الامريكانى




قطع الفيار المستعمل والاستيراد :-
1- عندك القبيصى على الطريق الجديد حلف فندق سياج المريوطية الهرم دا قطع غيار امريكانى عامة وصاحبها دكتور جامعى محترم جدا اسمه د جمال 0123935545.
2- عندك زى ماقالوا لحضرتك فوزى الخواجة بس دا مغلاوانى جدا .
3- الحاج محمد عبد العزيز 0121085347 قطع غيار استيراد ومستعمل لجميع الامريكانى وانصاف كمان فى عرب المعادى (البساتين).
4- عندك عماد الاسكافى 0101278266 موجود فى شبين الكوم عند كوبرى الميتين ودول احسن ناس تشترى منهم وتركب عندهم كمان .
5- الاسطى سمير قطع غيار + تركيب 0126262362 قويسنا .

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
اما عن الصيانة والتركيبات :-
1- الحاج حسن خليفة دا راجل محترم جدا ورخيص وكان شغال فى توكيل شيفرولية موجود فى ابو النمرس مشهور جدا هناك .
2- حماده حسن ابن الحاج حسن ودا شارب الصنعة من والده وتقدر تقول اسرع وادق وارحص من ابوه برضوا فى ابو النمرس 0113731514 .
3- وليد ميكانيكى واعطال سريعة ودا تقدر تقول عليه الزئبق يعنى يصلحلك حتى لو عند بيتك وكمان عنده ورشة فى دار السلام وعمرات الاتوماتيك 0126349959.
4- بالنسبة للفورد الحاج ابراهيم محمود ودا راجل واخد دورات فى امريكا والمانيا المشكلة عنده انه بالحجز واول حجز اكيد بعد شهر او شهرين وكمان غالى بس استاااااااااااااااااااااااااااااااذ مكانه فى امبابة خلف مصنع الكراسى 0106472726 .
5- الحاج عيد ودا مكانة فى العجوزة خلف مستشفى العجوزة وامام عز العرب بتاع الشيروكى .
6- واحد اسمه رضا موجود فى شارع خيرت فى ميدان لاظوغلى بس ماجربتهموش .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ.


وممكن لو عايز تروح لاى حدي من الناس دى تقولهم انا من طرف المهندس محمود الجمال ، وهيتعمل معاك احلى واجب .

مع تمتياتى بعدم حدوث اعطال

[aYaBooY]

شاكرين على المجهود

[ahassanazzam]

مركز تكنو فرود فى الحرفيين اول الطريق الدائرى ( مركز فاشل و نصيحه لوجه الله محدش يتعامل معاهم )
انا رأيى معاك
تكنوفورد غيرت عندهم جوان وش سلندر ثلاث مرات فى سنه واحده عشان مكانوش عرفيين يكتشفو تقفيع بوش السلندر
ومره تانى
كانت العربيه عايزه ضبط كتينه والبهوات قالوا لازم :
اغير خرطوم bva
اغير بوجيهات
اغير خرطوم الريداتير
اغير سير الموتور

والعربيه زى ماهيه

واخيرا واحد منهم اكتشف ان الكتينه مش مضبوطه بمجرد ما ضبطها العربيه فى ثوانى رجعت كويسه

انصحكم الابتعاد عنهم

[vooooo]

انا جربت مركز تكنو فورد و ده انا قولت عليه قبل كده انه فاشل و الحمد لله ان كل الناس متفقه معايا يعنى مش بفترى عليهم
و رحت لقطب فى الضاهر بس ماخلتوش يشتغل فى العربيه علشان حسيت انه كسلان و مش هو اللى بيشتغل فيها دول الصنيعيه اللى عنه
اللى بتعامل معاه دلوقتى احمد فرج فى الجراج جسر السويس هو محترم و كويس و صديق برضه لكن ساعات بحس انه مش فاهم قوى او اى كلام و انا عن نفسى عايز اروح لحد تانى لأن عندى مشكله فى العربيه احمد فرج بيقولى دى طبيعيه و انا مش مقتنع بكلامه خالص
سمعت غن مهندس اسمه عمر فى شارع فيصل عند فندق قاعود بس ماعرفش ان كان كويس ولا لأ
فلو حد مجربه يقولى و لو حد مجرب ميكانيكى تانى برضه بيشتغل فى فورد يقول علشان انا مش من القاهره و لما بحب اعمل حاجه فى العربيه بنزل مخصوص

[aYaBooY]

بص قطب مش كسلان و مش كل حاجة بيمد ايدة و ده صحيح يعني لو الموضوع فك و تركيب و شغل عفشة بيشتغل الصنيعية الي عنده و هو بيباشر و اي حد بيعمل كدة لكن لو المشكلة ظبط موتور او ظبط فرامل او تفريغ هواء من abs محدش بيقفل الشغل غيرة و المشكلة الي انتا بتحكي فيها انا كان عندي شبهها و احمد فرج كان اصل المشكلة لما روحت له يظبطلي الموتور اول لما اخدت العربية و محدش ظبطها فعليا غير قطب علشان بيستخدم برنامج ليها مش بيظبط سماعي زي احمد فرج و برده خلي بالك ان قطب او رمضان او حمدي كانوا شغالين في التوكيل يعني متعلمين العربية ديه من الخواجة لكن احمد فرج متعلم فورد من ورشة الاسطي سيد بتاع عين شمس تقريبا او ورشة تانية

[HASBALAH]

موضوع ممتاز جدآ

[abo_zied]

مفيش جديد عايزين افادة اكتر

[aYaBooY]

اكتر من كدة ايه

[fares6600]

قال يا فرعون مين فرعنك قال ملقتش حد يلمني واغلب بتوع قطع الغيار والمكنيكية لا دين ولا اخلاق فا برجاء كل الي اتعامل مع حد مشكويس يتكلم ويقول عشان الكويس يعيش وفي النهياية احنا الي بنخليهم يفتري علينا لان اغلب الناس مابتتكلمش مع ان المكنيكي وبتاع قطع الغيار لا يملك سوى سمعتو وشكرا

[ysamerlabib]

يا جماعه انا جديد معاكم وبصراحه انا اشتريت الفيستا 99 بعد ما شفت الكلام الكويس عنها هنا .... آلمهم ان انا عندي مشكله وهي ان الشبكه الاماميه اتسرقت ???!!! والله معرفش ازاي المهم انها راحت واخدت الشر ..... حد يعرف دي موجوده جديده ولا استيراد وبكام ... العربيه شكلها وحش من غيرها .... وبصراحه دي عربية مراتي ( انا معايا ماهيندرا ) ارجو المساعده ومشكورين مقدما

[aYaBooY]

تقصد الشبكة الي في الاكصدام من تحت ولا الي بين الفوانيس
عموما هاتلاقيها عند بتوع الاستيراد في الحرفيين

[ahmedallam3000]

سلام عليكم يا جماعة ... انا بقى عندى مشكلة ها تثير ضحككوا... انا نازل اجازة من السعدية و معايا اكسبلور 2008 وللاسف اضريت اغير زيت هنا فى اسماعيلية ... وبتاع الزيت الذكى .. فتح طبة زيت الفتيس بدل زيت الماكينة .. و تصدقوا انى مش لاقى حد فى اسماعيلية عارف يرجع زيت الفتيس تانى !!!! الكمبيوتر ما بيقولش ان فى أى مشكلة رغم ان نزل اكتر من 3 لتر زيت !!! انا مش عارف هل يجوز بسبب ان فى زيت مستقل لفتيس الغرز و للفتيس العادى ؟؟؟؟؟ حد يدلنى على اقرب ورشة من اسناعيلية الله يكرمكوا