من وحي نايل موتورز - reloaded :

[Samah AbdAllah]

بوجانى فيرن

صالون ضيق والتابلوة طويل فى عمقه ودة خنق المساحه بين الكنبه الخلفيه والكراسى الاماميه يعنى ال يجلس وراك يتخنق منك.

لو سعادتك طويل شويه راسك تلمس السقف


مافيها ريموت ويقولك بالتاتش

اماكن حمل الاكواب او زجاجه المياه هما اتنين ومزنوقه

وشوفت صورة محركها


اكيد موتورها صوته عالى جدا

لا يا اخى وش جاب البوجانى فيرون للاكسنت حرام عليك فرق بين سيارتين لا وجه مقارنه بينهما لا فى الجودة ولا التكنولوجيا ولا.....

الهيونداى سيارت غيرررررر

---

#241e1e


مع الاسف مش عامل توقيع زى نايل ستورم ياترى عرفت انت صاحب انهى مقولة فى اللى فاتوا بدون توقيع

ياترى مين ده

[Sharky]

الحكاية لها اصل كبير وليس وليد اليوم ..

بدأت في اواخر القرن العشرين الحاجه الي سيارات سريعه و زاد هذا من معدل التنافس العاملي لتلبيه هذه الحاجه
فكانت شركه بوجاتى الايطاليه المنضمه لمجموعه فيات لتشكل فرس الرهان الاول في هذا الصراع

إنها البوجاتى أو البوغاتى كما يحلو لإخوانا فى الخليج ان يطلقوا عليها ... اسم واضح عليه الأصالة الإيطالية سهل على السنتنا ويحمل طابعا رياضيا لا خلاف عليه

تتميز هذه السيارة بمحركها نفاثا لا مثيل له و لكى ندرك ما ميزة هذا المحرك يجب اولا نعرف ما فائدة المحرك
المحرك هو قلب السيارة النابض، وهو اساس إختراع السيارة

و بالنسبة للبوجاتى تتميز البوجاتى بمحرك الكترونى لكنه فى نفس الوقت حلزونى
المحرك الإلكرونى المكون من 13 سلندرات تكون تجويفات السلندرات فيه مثلثية زى الجبنة المثلثات وكلها صف واحد ، يعنى كأنهم طابور فى مدرسة او فى الجيش كل واحد فيهم مخبى اللى وراه،مما يحعل الذى ينظر الى المحرك من الأمام يحس بالجوع لو نظر اليه من الخلف ممكن ياخد ساندويتشن طعميه و يبقى كده قفلت معاه

وقد اعطاها هذا المحرك ثلاثة ميزات:
الأولى: إتساع السطح المعرض للتبريد بالهواء
الثانية:المحرك كله اسفل السيارة ولا يشغل حيز يذكر(يوجد بالسيارة فراغ خلف الكنبة الخلفية يكاد يماثل حجم شنطة اى سيارة صغيرة)
الثالثة: مركز ثقل السيارة منخفض جدا وهذا-بالإضافة الى إتساع قاعدة عجلات السيارة الغير طبيعى- يجعلها من أكثر السيارات ثباتا على الطريق على وجه الأرض

عيبها الأساسى انها بتحتاج للصيانة أكثر من بعض السيارات الأخرى فى نفس الحالة، كما ان لها مقالب و أشهرها هى :
1-إنقطاع سلك البريبئ (تمنها 10 جم من أى محل أدوات كهربائية )
2-إنكسار شوكة الدبرياج (برضة بعشرة جنيه، خلى معاك واحدة بس دى من ممكن تجيبها من الإبيارى)
3- سير الدينامو ينقطع (اول ما تشتريها هاتلها سير دينامو من نوع نضيف)
4- مابتدورش الصبح (لها سبب من 3، يا إما الكلاكس مشروخ،بيتغير ب 2.5 جنيه، يا إما الإزاز مفتوح و عايز يتقفل ، يا إما الشنطة مليان شنط ، ماتشتريش العربية بشنط جواها)
5- مروحة الردياتير مش بتشتغل والعربية بتسخن(اول ما تشترى العربية إعمللها زرار يدوى للمروحة،تكلفته 20 جنيه، ولو تعطلت رغم تشغيل الزرار بص على فيوز المروحة)

فى جملة واحدة: سيارة الجر الجانبى ذات المحلاك الحلزونى اقتصادية ومريحة وواسعة لكنها سيارة للأسفلت فقط،

هذه السيارة شاهدتها فى مصر مرة واحد و كان قائدها من عينة مودى غوارز
يقود سيارته بأسلوب يشعرنا انها ماكينة خياطة وليست سيارة، وان الذى علمه القيادة ليس مدرب قيادة وانما ترزى محترف
فعلى الطرق السريعة نجد مودى "يسرفل" الطريق بغرزة سرفلة سريعة دورانية كتلك التى يستعملها التزرى حتى لا ينسل خيط القماش ويستعملها مودى حتى يضمن عدم "تنسيل" سيارة واحدة من غزره التى يجمع بها اطراف الطريق
وفى الطرق الأقل ازدحاما ، نجد مودى يستخدم غزرة السراجة، حيث يقوم بغزر واسعة يسير خلالها فى يمين الطريق حتى ينغلق ثم يضرب الغزة الى يسار الطريق حتى ينغلق وهكذا بنفس الطريقة التى يجمع بها التزرى المحنك اطراف بنطلون جديد الى بعضها

اما فى الطرق تامة الإزدحام فنجد مودى يستخدم غزرة الزيجزاج الضيقة ، والتى تعتمد على ان يكبس على من امامه حتى يمل هذا الأخير منه فيفسح له فيقوم مودى بالمرور والكسر على ذلك الذى افسح له لكى يكبس على السائق التالى وهكذا حتى يقوم مودى بخياطة الطريق كله فى بعضه


__________________
سبعاوى
__________________________________________________ ________________

شاهدت فى اعلان تليفزيونى صورة فتاه منقبة وهى بتستلم جائزة احدى مسابقات الزيرو تسعمية!!!!! يا ترى ده يبقى اسمه ايه؟
مدونتى:سبعاويات
sab3awyat.blogspot.com

msn: sab3aawy@hotmail.com

[نور العمر]

متفكرونيش بالعربيه دي
بقي ابقي واقفه بصلح السفنتينا
و طالعه عيني فيها
و مش عارفه ابيعها و لا لأ
و الاقي دي معديه جنبي

ههههههههههههههههههههه
ضحكتوني بجد ... شكرا نايل ستورم
مكونتش اعرف
إني اتشهرت بالسفنتينا كدة

لا والتوقيع كمان ههههههههههههههه

[Nile_Storm]

العفو علي ايه يانور
الموضوع قدامك اهه قلدي الي تحبيه
خدي بتارك من الي ضايقك هههههههههه

[Samah AbdAllah]

شوف ياستاذى الفاضل بالنسبة لمشكلة الدبرياش

1-انحناء بسيط فى مجموعة وصلات (فورش ) الدبرياش.....................

2- تقل فى عمل بلية الدبرياش .........ويتم محاولة علاج هذا برش مزيل صدأ فى منطقة البليه وشوكة سحب البليه لتحرير الدبرياش.......

3- ضعف فى سوست الديسك بتاع الدبرياش ............

يتم العلاج حسب تسلسل الخطوات المذكوره عاليه والخاصه بالأسباب المحتمله..........

__________________
مع خالص تحياتى

مهندس :

[نور القمر]

هههههههههههههههههههههههههههههههههههههههههههههههههه هههههههههههههههههههههههههههههههههه

و الله العظيم كنت قاعده متنكده و مش طايقه حالي بس هلا صوتي جايب اخر البيت من الضحك حرام عليكووووووووا:c_laugh[1]::c_laugh[1]::c_laugh[1]:

موضوع مش ممككككككككككككككككن

و ما شاء الله عليكو جايبين بعض صح

خصوصا بسكوتة عامله شغل عالي جدااااااااااا:ta_clap[1]:

مااااااااااااااشىىىىىىى يا نور

و الله العظيم ليكي يوم و بتشوفي

و انت يا نايل داخل فرحان بيها اوي و كمان متلخبط؟؟؟؟

ماشي

اذا كنت انا نفسي اتلخبطت من شوية وبقول هي بوسي عاملة توقيع زي بتاعي ليه ههههههههههههه
وكمان مشاركة شنوري الاخيره بقول انا كتبتها امته
الزهايمر بقه بالاضافة لهسهس العضاء اللي اتنقلي

[نور القمر]

بسم الله الرحمن الرحيم

الحمد لله بعد طول تفكيرة وحيرة وقلق من كل

ماهو كوري استقريت على السيراتو

وبالرغم اني تضايقت بعض الشيء بسبب

نزول العربية الجديدة نيو سيراتو بصراحة

العربية تحفة وتأسر القلب لكن عربيتي بقت

اولد سيراتو بسببها

لكن لو قارنا السيراتو بعربية نايل اجد ان

السيراتو عربية رائعة وتستحق كل تقدير

________________________
You Can't Never Ever to Keep a Nice Car in This Country....!!! S.O.S


كل شيء عن السيراتو




"لا اله الا انت سبحانك انى كنت من الظالمين"

[pro_samir]

مش عايز اقولكم انى اتحولت وافتكرت المنتدى مهيس وتوقيعات الناس دخلت فى بعضها
مكنتش واخد بالى من اللى بتعملوة

[RED_OCTOBER_IV]

انا مش قادر أمسك نفسى من الضحك

[mahmoud_magdy]

ايه رأيكم يا جماعة .... تيجو نتفرج على الفيرون ..... ( علي سبيل السجع والمحسنات البديعية )
انا مش فيروناوي .... ولا ليا في البوجاتي ناقة ولا جمل ... انا بورشه آوي
لكن لما وقع في حجري البرشور بتاع الفيرون .... شدني ... بصراحة العربية شكلها حلو ... وكمالياتها ممتازة ... وشكلها ممكن تكتسح السوق لو اتعملها دعاية صح ... ولو اهتمو بالتقفيل والتجميع .... ولو برضه استفادو من خبرتهم السابقة في الموديلات التانية

وقولت لازم برضه حبايبي الفيروناويه يشوفوه .... وانا طبعا ما اقدرش اتأخر عن حبايبي
وكمان عشان عموم الفائدة للزملاء

نعيش بقى مع الصور والمواصفات
بس بعض الصور الريزليوشن بتاعها مش كويس .... العيب من المصدر مش مني
ولا اقولكو بلاش صور احسن
السيارة يتم تجميعها في مصر
والحجز دلوقتي مفتوح والاستلام بيقولو في التوكيل بعد 4 شهور .... لكن اعتقد ان الكلام ده مش مظبوط لأن المدة دي كبيرة اوي ...
الاسعار .........تحفة :k49:

مانيوال 50000 جنيه
اوتوماتك 55000 جنيه
مانيوال فل اوبشن 65000 جنيه
الموضوع بقي عامل زي الكنافة اللي محشية طرشي ( مع الاعتذار للاستاذ اللمبي )
والعربيه شكلها تحفه جدا جدا جدا لدرجة اني جعت من كتر حلاوة العربيه
انا بس ح استعير مقطع من اغنية فيروز .... يخرب بيت عيونك يا عاليه شو حلوين

--------------------

انا جسمي عليل ودواه النبي ... وقلبي يميل لزيارة النبي
رحلة الى بيت الله الحرام
أجمل المساجد حول العالم
فيديو للكعبة الشريفة من الداخل .. رائع

احمد ابراهيم

[nabaster]

السلام عليكم ورحمة الله وبركاته
من خبرتي اقدر اقول ان السوست ال abs الي مركبهم عندي في الميجان احسن من مليون بوجاتي خصوصا مع تيل الفرامل الارجواني الي عندي برضه في الميجان

بغض النظر عن السعر المبالغ والمغالي فيه
ــــــــــــــــــــــــــــــــــــــــــــــــــ ــــــــ

Ahmed A.Maksoud
أهلاوى.............مانشستراوى.........برشلوناوى
و طبعاً طبعاً.......ميجاناوى
زمامير زمامير زمامير....مبنسمعش لبعض كتير
سامعين أو مش سامعين....والله ما فرقتش كتير

بلالين بلالين بلالين......منفوخين منفوخين منفوخين
طب على مين على مين على مين....والله مافرقتش كتير

[nabaster]

كلنا بقينا عايشين في غابه
يعني ايه واحد ينزل واحد تاني من عربيته بالاكتريك ؟
والتاني استسلم ليه عادي ليه بقينا كده ؟
برضه البوجاتي مش هتبقي احلي من السريون بتاعتي
عموما انا هستني شويه لغاية 6 في الشغل واروح يكون الشوارع بقيت فاضيه
ـــــــــــــــــــــــــــــــــــــــــــــ
مطلوب كسر زيرو في حدود ال100 ألف

[Ahmed Selim]

شكراً يا جماعة على كل ردودكم الجميلة دى و بجد بجد شرفتو موضوعى و نورتوه

هى فعلاً عربية 909
و الراجل ده أسمه جونى تريبيانى و كان سواق تريلات قديم بس ربنا تاب عليه و ليه عروض تانية كتير مذهلة و رهيبة و فظيعة بنفس العربية الجميلة القوية المفترية.

على فكرة يا تيتو.....أنا متابعك من زمان و متابع تصميماتك الخزعبلية فى التريسكلات......ربنا معاك فى أمتحانات أبتدائى

مشرفنى يا بو حسين و الله....و أنت من الأعضاء المحترمين اللى أنا متابعهم على طول و شكراً مرة تانية لتشريفك موضوع المتواضع

و بشكر مرة تانية كل من سولت له نفس الرد على موضوعى الصوغنن

و نشكر السيد المشرف و أعضاء مجلس أدارة نايل موتوز والسيد المحافظ و السيد نائب الوزير و السيد الوزير و السيد أبن خالة الوزير و السيد الرئيس و سيد أبو دومة

حجاب يصون ... أو ... تنهشك عيون

[Ahmed Selim]

شو هالحلا......و الله موتونى على روحى من الضحك

شخباركم ؟
شحالكم ؟
شلونكم ؟

أنا كنت لسه راجعة من السودان ( أصلى صارلى 9 سنين عايشة هناك بس نزلت على مصر صايرلى 14 سنة ) و لما رجعت شفت الموضوع و قلت شو حالهم ها الزلامت شو مسويين و لا المنتدى اللى اتخربط و لا خرب و مانى بقيت عارفة شو صاير.

ثانكس كتير لألكم على ها الموضوع الهايل و التعليقات المنيحة اللى كتير حلوة عن جد.

يعطيكم ألف عافية

il n’est pire aveugle que celui qui ne veut pas voir

[Sharky]

النهاردة في كان في مهرجان البوجاتى !
XD
13 سيارات بوجاتى مشغلين الانتظار بمنتهى العنطظة تحت اليت عندى !

محدش يشتم للاسف ملحقتش اخد صور ( كنت سايق )
LOL

طبعا مشفتهاش من جوا و معرفش اذا كانت نزلت باسم تانى كالعادة فى مصر ولأ

و كان في واحدة منهم مترخصة كمان بالنمر الجديدة ؟
XD

حد يعرف اخبارها و اسعارها ايه ؟ خصوصا بعد نزول السيراتو الجديدة !

بعد شهر
بقالنا من 2005 بنسمع عن البوجاتى ام 1000 حصان .. و حتنزل و حتكسر الدنيا و سعرها حيبقى متهاود جدا .. و و و .

و اهى نزلت نزلت مصر - بتبدا من 4 مليون و المزيد من الجشع المصاحب ليها ...

في جيبوتى البوجاتى بتدأ بما يعادل 3 الاف جنيه مصري !!

و سؤال غبي يطرح نفسه .. اذا كان الجين 2 بـ 80 الف و FRV بـ 75 الف ... اجيب البوجاتى ليه ؟

حتقولوا الـ FRV صينى و الجين 2 ماليزى ..

حقلك علي الاقل " معروفة " . LOL

و الذ حاجة ان البوجاتى شكلها عبارة عن جين 2... قديمة ! XD

دى اساسا شركة صحابها شوية حرامية في بعض

سارقة تصاميم ... سارقة مواتير و ربنا يعلم اذا كانوا فعلا حاطين موتور و لا لأ !

ده حتى اللوجو بتاعهم

نبص بصة ؟؟
سارقينه من اللوجو بتاع شبراوى الفول و الطعمية بتاعنا !!!

التو من جوة
فيرنا من برة
و سيتي من وراء
و لانوس من قدام
ياريس من ورا

ماشي ممكن نعديها .. اهم على الأقل مزجوا كم عربية ناجحة في بعض . XD

بجد انا مشفتش حقارة او سرقة بالشكل ده قبل كدة , و الي يسمح لنفسه انه يشتري سيارة من شركة زي دي !!! حتى لو كانت معجزة ... مش عارف اقوله ليه !!


بعد 6 شهور
يا جماعة انا لسة شايف موقع بوجاتى في بوركينافاسو .. و كالعادة ... توكيل بوجاتى ايجيبت اتبع سياسة الفطيم في سيفيك و تويوتا فى الكرولا و السكينة فى الحلاوة هي الغش و الخداع بالالفاظ !!

نقلا من الموقع : www. Bogatii fassoo .wc
Max. power (kW @ r/min)

500 @ 12000


ال 6000 500 كيلووات بتساوي = 999 حصان بالظبط

بالتالى ال1600 عادي جدا .. زي السيفيك الجديدة و الكرولا و كل حاجة تانية XD

وده على فكرة القدرة الحصانية القصوى !! يعني مفيش بعد كدة !! XD

منين بقى ال1000 حصان دووووووووووووووووووووووول !!!!

ده حتى يا جدعان ال 1200 سي سي بتاع الباليو بتاعتى بطلع 70 حصان يبقى جابوا منين الـ 1000 حصان و لا يكون قدهم 1000 حمااااااااااااااار LOL


كذب و خداع تسويقي !!

بعد سنة
ياجماعة لو تفتكروا من سنة كنت عملت موضوع عن البوجاتى فيرون لما شوفتها فى الشارع
كان في واحد صاحبي ساكن جنب التوكيل قالي ان فرع عرق البلح بمدينة نصر ممكن يعملي test drive للسيارة .. انشغلت بصراحة جدا علشان عقبال عندكم بجهز في الكشك بتاعى و كدة ..

فضيت من كام يوم خطفت رجلي و سبت بقية جسمى .. لقيت التوكيل قافل الدكانه بالقفل .. كنت رايح متاخر شوية عقبال ماخطفت رجلى بقى و كده , قلت احسن حاجة تاني يوم الصبح اتصل بالتلفون احجز test drive في نفس اليوم

المهم جه انهاردة .. اتصلت بعرق البلح .

حسيبكم مع ملخص للمكالمة و انتم الحكم :
- مساء الخير .
.... مساء النور عرق البلح - ( اسمها ) معاك يا باشا .

- لو سمحت كنت بسال عن ال test drive للبلح بتاعكم
.... ايه يافندم ؟

- test drive ... Test drive
.... معلش مش فاهمة يا باشا ..

- قصدي يعني اشترى كيلو بلح من عندكم ..
.... اه . طيب ممكن احولك علي حد من التجار

- ياريت شكرا جزاكي الله خير
( فات 3 ايام علي الانتظار )

- الو ؟
.... ايوا يا بيه

- لو سمحتي كنت بسال عن ال test drive للبلح بتاعكم .
.... .....

- الو ؟
.... ايوا يا بيه ما قلتلك معاك

- لو سمحتي كنت بسال عن ال test drive للبلح بتاعكم
.... اه يا باشا . تمر و لا عجوه يا باشا ؟

- تمر و لا عجوه ؟
.... يا بيه عايز أد إيه تمر و لا عجوه

-.... لا حضرتك فهمتيني غلط انا عايز أعمله test Drive بس
.... اه مش فاهمة معلش .

- يعني عايز حضرتكت تبعتولى كيلو بلح ببلااااااااش و ان شاء الله لو عجبنى حشترى بلحتين ان شاء الله

.... ( باللفظ و الله العظيم ) : اااااااااااااااه .. نبعت لك كيلو علشان لو عجبك تشترى بلحتين تشتريه ..

- في حاجة انا قلتها غلط ؟
.... لا يابا ثواني بس ..

( صوتها بتكلم واحد تاني .. واحد عايز كيلو بلح من عندنا و لو عجبه حيشترى بلحتين اقولوا ايه ...
صوت اخر : قوليله ربنا يسهلك ؟؟ و لا اقوليك حوليه على مش عارف مين .. )

- الو ... ( صوت موسيقى )
.... الو ؟

- ايوا لو سمحت انا كنت بسال علي انى اعمل Test Drive البلح بتاعكم
.... اهلا وسهلا ! ممكن اتشرف باسم البيه ؟

- مع حضرتك المهندس كامل كمال
.... مهندس كامل ؟

- مهندس كامل كمال..
.... اه .. حضرتك بتشحت فين ؟

- يا سيدي انا مش بشحت انا واحد بفكر اشتري بلح و عايز أدوقه قبل ما أشتريه ؟
.... ايوا ايوا انا فهمت .. معلش ان اسف اصل مافيش بلح متوفرة حاليا ..

- مافيش بلح ؟ هو انا جاى اشحت ؟ انا عايز أعمل Test drive
.... لا يا بيه للاسف مافيش .

-طب منتم كاتبين كدة علي الموقع !! سبحان الله , طب افرد انا عايز اشتري حالا ؟
.... ساعتها نبقى نتكلم !


بصراحة عمري ماعملتها في حد ! رحت رازع السماعة في و شى !
و كرهت ال 20 دقيقية ( اه 20 دقيقية !! ) الي تكلمت فيها و كرهت عرق البلح على البوجاتى علي كل حاجة من غير أدوق البلح اصلا !!

بصراحة حاجة تكسف !
LOL


بعد كذا سنة
السيارة شوفتها امبارح فى التوكيل اللى اسمه عرق البلح تقفيلها الداخلي اقل مايوصف انه " زبالة " و لا يرتفي حتى بالفيات القردة نهائي .. و طز يعني ايه 6000 سى سى ! طب مالصيني موجود و فيه منه كمان 1300 .XD

السيارة شكلها سيء جدا .. جدا جدا .. دنا كنت كاره التوك توك .. دي طلعت اسوء الف مرة ..

دوروا علي النت علي الصور الطبيعية بتاعة التابلوه و انت تعرف ليه تمن السيارة مبيعديش 500 يورو في بلدها ...
LOL


على فكرة الصور متاخدة بموبايلي السامسونج ال 3.2 ميجابكسل XD



__________________
DON'T CLICK HERE