حوار من القلب للقلب - الجزء الأول

[mido_919]

فكرة حلوة جدا واجتماعية اوي

[Noha.M]

ايه دة بقا دة بقا دة يا نور نور :k20:

هي الحلقات بقت بتبتدى دلوقتى من غير حضور مذيعتنا الجميييييلة؟؟

لا انا هزعل كدة بجد :k30: مش كفاية موقفانى على البوفيه الحلو دة و ماسكة نفسي و مستنياكى و عاوزة استفتح و استنفع :laugh: و كمان اللقاء يبتدي من غير كوباية مية ساقعة لضيفنا العزيز باشمهندس سبعاوى

يلا معلش امسحها فيا انا بقا يا باشمهندس واجبك عندي ان شاء الله
---------------------

توت عنخ امون:وزيرالخارجية
نهى:وزيرة السياحة
كريم منير: وزير التجارة والصناعه
شيكو: وزير الثقافة
محمد ابراهيم: وزير العدل
فادى: وزير البترول والتعدين
مينا(vw-driver):وزير النقل والمواصلات

انا متابعة الحلقة من بدري في انسجام شديد :) و مكتفية بالاجابات الدسمة فقط

النهاردة و بجد فرصة جميييلة بشكرك عليها و بشكر نور عليها انها قربتنا من

حضرتك اكتر و اتعرفنا على جوانب تانبة كانت مستخبية و لا تقل جمال عن اللى

ظاهرلنا من شخصية حضرتك

و بجد ميرسيييييييييييي اوى على وزارة االسياحة

[sab3aawy]

متى و كيف :



و اخيرا .. شكرا لسعة صدرك
و لولا انى اراك ذو عقل راجح ما تكلفت عناء كتابة تلك الكلمات و انتظار ردك عليها
و تقبل خالص مودتى:)

و زى ما بيكتبو عندنا فى الامتحانات attempt all questions

متى وكيف
شعرت بالظلم ؟
اكثر مرة شعرت بالظلم كنت اعمل باحد فنادق الأقصر، كمهندس صيانة، وكان لدينا عمل هام ننجزه فى الغرف، ودخلت لاحدى الغرف لأجد مدير الهاوس كيبنج، والذى من المفروض ان يتسلم منى الغرف ليتولى النظافة النهائية لها ثم يسلمها للمكتب الامامى، وهو بالمناسبة رجل شبه أمى لكنه فى الفندق منذ يوم نشأته وله حيثية واقارب عديدين يعملون بنفس المكان، وجدته يعكى اوامر لطاقم الفنيين تحت ادارتى، فما كان منى سوى ان قلت له بأدب: يا استاذ محمود، هو مش مفروض حضرتك لو عايز حاجة تطلبها منى انا وانا مسئول عن طاقمى ، قال لى بالنص :وانا اكلمك ليه يا حمار انت انا اعرف اخلص شغلى، فما كان منى سوى ان شكوته لادارة المكان مستشهدا بعمالى ، والموضوع طبعا اتطرمخ تماما، وكان مطلوب منى اكبر دماغى ، وقتها دى كانت اكتر مرة شعرت بالظلم، انا كبرت دماغى لدرجه انى استقلت ونزلت القاهرة ادور على شغل،

شعرت بالبعد عن كل من حولك ؟

دى بتحصل لى كتير جدا، لأنى حياتى الاجتماعية محدودة جدا تنحصر فى عدد محدود من الأصدقاء، لكن عادة لما بتحصل لى مشكلة كبيرة باحس انى بعيد عن كل من حوالى وبفضل الانعزال

ابتسمت فى رضا وقلت "يا لى من عبقرى" ؟

كلما استطعت حل مشكلة فنية فى آلة ما ، وهو موقف مكرر فى حياتى، يمكن الانجاز نفسه بيكون صغير جدا لكن سعادتى به بتكون كبيرة اوى

قلت ساخطا " ما اغبانى" ؟
برضه بتحصل كتير جدا والموقف المكرر هو انى بعد ما اخبط مشوار طويل جدا اكتشف انى نسيت احضار احدى اهم مستلزمات المشوار ده من البيت(مثلا اروح الشغل واكتشف انى نسيت فطارى او التقرير اللى هسلمه النهاردة..الخ)
اتخذت قرارا مصيريا او لم تتخذه ندمت عليه بشده ؟ او- ان كان ليس من طبعك الندم- اثر عليك بالسلب ؟
هو فيه قرار انا اتخذته واحيانا اندم عليه ، وهذة الأحيان بتكون لما بقابل مشكلة هنا، لأن وبعدت ما قطعت شوط طويل جدا فى اجراءات الهجرة لاستراليا توقفت عن انهاء الاجراءات والسفر لأنى حسيت انى هتخلع من جذورى
تقربت الى ربك جدا و متى بعدت ؟
اعتقد انى اقرب ما اكون من ربى فى الوقت الحالى، لكن اكيد فيه فترات من حياتى كنت بعيد عنه، يمكن اقواها كانت الفترة التالية على وفاه والدى
ضربت بعرض الحائط القوانين ؟
هكون صريح معاك، فيما لا يقترب من المسائل المخلة بالشرف، يعنى السرقة والقتل وخيانة الامانة ...الخ، انا ازن القواعد برأسى ولو مش شايف لها منطق ممكن اكسرها، يعنى انا مثلا لو قاعد فى حتة ممنوع فيها التدخين وفى هذة اللحظة مافيهاش حد غيرى انا واللى بيعزم عليا بالسيجارة(انا لا اشترى السجائر وعداة لا ادخنها ولو مرت شهور عديدة لكنى اقبل واحدة وادخنها لو حد عزم عليا بيها )فانا مش شايف ان فيه معنى لقاعدة منع التدخين فى هذة اللحظة فبدخن، برضه مثلا كنت فى احيان كتير جدا احتاج اعمل اجراءات معقدة علشان اخرج اشياء من الشركة علشان تتصلح او تتسلم لعميل والوقت للا يتحمل هذا الهراء، فكنت بهربها من امن البوابة بحسب ما يتاح لى، كدة يعنى ، كسر للقواعد بعيد عن الاخلال بالشرف

ابتلعت اهانه بدون رد فعل ؟
مشكلتى اننى قصير الفتيل ولا اذكر اهانة لم احاول الرد عليها، لكن احيان مثلا ممكن تيجى الاهانة من انسان من الأفضل عدم الرد علية والا هنزل فى مستنقع، يعنى مثلا سائق ميكروباص او كارو فى الشارع شتمنى، هنا يكون فى منتهى الخطورة محاولة الرد عليه

شعرت بالامان ؟
منذ وفاه ابى وانا مفتقد هذا الشعور


-عدما كادت ان تطيح بك تلك المقطوره ، ما التغير الذى حدث لك داخليا و خارجيا ؟
داخليا: اصبحت اخاف على زوجتىاكثر من ذى قبل
خارجيا : بقيت بسوق بالراحة لما تكون زوجتى معايا
-قولك انك من "يسار الوسط" فهل انك ممارس للسياسه على ارض الواقع ؟ هل لك نشاط حزبى مثلا ؟ و هل تدلى بصوتك فى الانتخابات التى نعرف-دائما- نتائجها مسبقا ؟
ارتباطى بأهل يسار الوسط هو ارتباط فكرى وليس على ارض الممارسة، يعنى زى ما انا اهلاوى بلا ممارسة فعلية ، فانا من اهل يسار الوسط بلا ممارسة فعلية
-ماذا تنصح شابا فى مقتبل العمر ان يقرا ؟ ولماذا ؟
انصح الشباب فى مقتبل العمر ان يقرأ كل ما يقع تحت يده،الوصاية الفكرية من المفروض ان تنتهى بوصول الانسان لمرحلة الشباب، بعدها يجب ان يعرف الشاب كيف يفكر العالم كله، يجب ان يعرف الأمور على حقيقتها وليس كما يراد له ان يعرفها، يقرأ كل الكتب المقدسة، يقرا كفاحى لهتلر،يقرأ شمس المعارف الكبرى(اشهر كتب السحر الصفراء فى تاريخ العرب) ،يقرأ الحرب والسلام لتولوستوى،يقرأ مجلدات ميكى، يقرأ قصص الرعب لادجار الان بو، يقرأ رجل المستحيل وما وراء الطبيعة، يقرأ البحث عن الذات لأنور السادات، يقرأ كيف تتعلم الكاراتيه فى 24 ساعة لبروسلى، يقرأ كل شئ ليكون فكرته الخاصة عن الحياه وليس ما يراد له ان تكون فكرته عن الحياه
- كلمنا عن رحلة بحثك عن الزواج ؟ و كيف انتهت بمعنى كيف استقررت على زوجتك ؟
يااااااااااااااااااااااااااااااااااه ، دى قصة طويلة اوى، بس هنقول ان فيه 6 محاولات فاشلة بعضها كان تعارف وبعضها فاتحة وبعضها شبكة، انهيت انا البعض منها وتم رفضى فى البعض الأخر
لكن اخر مرة والتى اسفرت عن الوضح الحالى، كانت صالونات، وانا كنت رايح اشوف العروسة واقول لأ علشان خاطر اسكت الأخ اللى كان فالقنى كل يوم بانه جايب لى عروسة شكل، واجلت الميعاد يومين لأن طقت فى دماغى يوم الموعد الاول انى اركي تكييف لسيارتى السابقة فى نفس يوم الموعد، من الآخر كنت مستبيع ومش هاممنى ومثقل بتجارب سابقة، ومتفهمش يا عم ايه اللى حصل يوميها بس وهم لسة على السلم انا سألت الوسيط اللى بيننا(هى وافقت وللا لأ)، طبعا حصلت مشاكل كتير فى فترة الخطوبة، يمكن اكتر بكتيييييييييير من اى خطوبة سابقة عليها بس اللى عايزه ربنا بيكون
-"الرجال من المريخ والنساء من الزهرة " ماذا تفعل عندما تسمع المراه تتكلم وتتكلم ولا تنفك ان تتكلم فى اى شىء و فى كل شىىىىىىىىىىىىىىىء ؟
لو المرأة دى انسانة عزيرة عليا(زوجتى ، اختى ، مرات عمى اللى شالت همنا بعد وفاه والدتى، خالتى..الخ) بكون حابب اسمع هى بتقول ايه ، ساعات بيكون موضوع يستاهل السماع، وساعات بيكون موضوع انا مش مهتم بيه(مش هقول مش مهم لأن كل شئ مهم فى نظر صاحبه)، لو الموضوع انا مهتم بيه باتفاعل، لو الموضوع انا مش مهتم بيه بيكون سماع صوت المراة العزيزة فى حد ذاته مريح لنفسيتى ، وكثيرا جدا ما تتحدث معى زوجتى فى موضوع وتنتبه فى منتصفه انى مش مركز فتسكت ، فتفاجأ انى بستحثها على الاكمال لأنى مطمئن نفسيا لسماع صوتها
-كانت لنا كلنا ايام الصبا اسرار او معتقدات نحميها بكل ما نستطيع من قوة و لكن عندما نكبر و ننظر لها مرة اخرى ندرك كم هى طريفة . اذكر لنا واحده او اكثر
من أكثر الأشياء التى كانت هكذا وصارت كذلك مذكراتى التى كنت اكتبها فى اثناء الثانوى وبدايات الكلية، كانت بالنسبة لى اسرار عسكرية لا اريد ان يطلع عليها احد وكنت اضع فيها كل اسرارى، وكانت تمثل خلاصة حشاشة عصارة مشاعرى انذاك، والآن فاننى احيانا ابحث عنها لنقرأها انا وزوجتى على سبيل الضحك حينما لاتكون هناك افلام مضحكة على احدى الفضائيات
- فى كلمات كيف تصف الدكتور احمد سمير ؟
جمع من المعانى الطيبة التى تنتمى الى زمن مضى دون تخلى عن مفردات العصر فى شكل انسان
- لو قلت لك ان سيارتك النيسان سيئه و قيمتها لا تساوى حتى او تقترب من سعرها . ماذا ستكون ردة فعلك
لو كنت عملت العملة دى من عشرة سنوات اعتقد انى كنت هحتار فى الاجراء المناسب للرد عليك، هل هو الكى بالنار، ام سمل العيون ام جدع الأنف، لكن حاليا كل اللى هعمله انى هقول لك: خلاص بلاش منها متجيبهاش، عندك الاوبترا والسيراتو واللانسر والماتريكس فى نفس الفئة السعرية
-اكتر بيتزا بتحبها نوعها ايه ؟ واحسن الاماكن اللى بتقدمها ؟
بحب السوبر سوبريم اللى باكلها فى لارين 6 اكتوبر، والسى فود بتاعة لاكازيتا، وطبعا اليتزا اللى انا بعملها
:k31:اصلى بحبها قوى:p

[aif]

سبعاوي باشا .... ضيفنا العزيز ....
ايه رأيك المتناقضات التالية :
- تنظيم الاسرة
...العيال بييجو برزقهم .... سيبها علي الرزاق
ولا
...إعقلها وتوكل ... لازم ناخد بالاسباب وننظم عشان نعرف نعيش و نعيشهم صح

-الانسان مسير ام مخير ...
... مسير طبعا .... هو اصلا كان اختار ميلاده ولا ابويه
ولا
... مخير اكيد .... امال ربنا ح يحاسبه علي ايه

- التفوق العرقي
.... كلنا ولاد آدم وحوا .... مافيش فرق
ولا
.... اكيد فيه اعراق افضل من اعراق.... اشمعني افريقيا كلها متخلفة واوربا كلها متحضرة

- تفتكر اوباما ح يغير شيء من موقف امريكا تجاه القضايا الدولية
.... اكيد ح يحن لأصله الافريقي المسلم .... ده بشر مش ملاك
ولا
.... زيه زي غيره .... لازم يرضي اليهود عشان يضمن اعادة انتخابه وبقاءة في السلطة .... ده لو كان القرار منه هو اساسا

- لو صلح الراعي لصلحت الرعية
.... كلام مظبوط طبعا .... الناس على دين ملوكهم
ولا
... طيب ماهو لو صلحت الرعية لصلح الراعي برضه .... ماهو في الآخر واحد منهم ... ولولا عمايلهم السودا كان ربنا سلط عليهم واحد كويس


-- ثورة يوليو 1952
.... ثورة ادت الي حكم مصر بالمصريين لأول مرة منذ الفراعنة
ولا
.... استبدال الملك الشبعان .... بـ 13 ملك جعان ... ولازم طبعا يشبعو قبل ما يفكرو في اي حاجة

..........

واخيرا دي هدية مني الي ... سبعاوي جونيور ... ربنا يجيبهولك بالسلامة

[sab3aawy]

سبعاوي باشا .... ضيفنا العزيز ....
ايه رأيك المتناقضات التالية :
- تنظيم الاسرة
...العيال بييجو برزقهم .... سيبها علي الرزاق
ولا
...إعقلها وتوكل ... لازم ناخد بالاسباب وننظم عشان نعرف نعيش و نعيشهم صح

-الانسان مسير ام مخير ...
... مسير طبعا .... هو اصلا كان اختار ميلاده ولا ابويه
ولا
... مخير اكيد .... امال ربنا ح يحاسبه علي ايه

- التفوق العرقي
.... كلنا ولاد آدم وحوا .... مافيش فرق
ولا
.... اكيد فيه اعراق افضل من اعراق.... اشمعني افريقيا كلها متخلفة واوربا كلها متحضرة

- تفتكر اوباما ح يغير شيء من موقف امريكا تجاه القضايا الدولية
.... اكيد ح يحن لأصله الافريقي المسلم .... ده بشر مش ملاك
ولا
.... زيه زي غيره .... لازم يرضي اليهود عشان يضمن اعادة انتخابه وبقاءة في السلطة .... ده لو كان القرار منه هو اساسا

- لو صلح الراعي لصلحت الرعية
.... كلام مظبوط طبعا .... الناس على دين ملوكهم
ولا
... طيب ماهو لو صلحت الرعية لصلح الراعي برضه .... ماهو في الآخر واحد منهم ... ولولا عمايلهم السودا كان ربنا سلط عليهم واحد كويس


-- ثورة يوليو 1952
.... ثورة ادت الي حكم مصر بالمصريين لأول مرة منذ الفراعنة
ولا
.... استبدال الملك الشبعان .... بـ 13 ملك جعان ... ولازم طبعا يشبعو قبل ما يفكرو في اي حاجة

..........

واخيرا دي هدية مني الي ... سبعاوي جونيور ... ربنا يجيبهولك بالسلامة

ايه رأيك المتناقضات التالية :
- تنظيم الاسرة
اختار:...إعقلها وتوكل ... لازم ناخد بالاسباب وننظم عشان نعرف نعيش و نعيشهم صح

-الانسان مسير ام مخير ...
... مسير طبعا .... هو اصلا كان اختار ميلاده ولا ابويه
ولا
... مخير اكيد .... امال ربنا ح يحاسبه علي ايه

طب ممكن استعين بصديق؟اصل المسألة دى حار فيها من هم اعلم مننا وقام عليها علم الكلام بحاله، لكن رأيي ببساطة ان الأنسان مخير مع سبق علم الله تعالى بحركة كل شئ فى الكون بما فيه تصرفات هذا الانسان

- التفوق العرقي
.... كلنا ولاد آدم وحوا .... مافيش فرق

- تفتكر اوباما ح يغير شيء من موقف امريكا تجاه القضايا الدولية
.... اكيد ح يحن لأصله الافريقي المسلم .... ده بشر مش ملاك
ولا
.... زيه زي غيره .... لازم يرضي اليهود عشان يضمن اعادة انتخابه وبقاءة في السلطة .... ده لو كان القرار منه هو اساسا

ممكن اجابة تالتة: اوباما هو واجهة لمؤسسة ، طبيعى ان هو له تاثير فى قراراتها لكن فى النهاية المؤسسة لا يسيرها فرد، وهو ده نظام امريكا بحالها، موسسة الرئاسة جزء من النظام الأمريكى اوباما جزء من المؤسسة واصل اوباما جزء من تكوينه ، يبقى تأثير اصل اوباما على الحراك الامريكى هو جزء من جزء من جزء، ممكن يسيب اثر لكنه لن يغير نظام بلد

- لو صلح الراعي لصلحت الرعية
اختار:.... كلام مظبوط طبعا .... الناس على دين ملوكهم

اصل احنا شعوب بتتظبط من راس الهرم مش من قاعدته، البلد اللى جت الحملة الفرنسية لقتها خرابة واطلال حضارات بائدة، استطاع محمد على فى سنوات قليلة ان يجعل منها رائدة المنطقة

-- ثورة يوليو 1952
.... ثورة ادت الي حكم مصر بالمصريين لأول مرة منذ الفراعنة
ولا
.... استبدال الملك الشبعان .... بـ 13 ملك جعان ... ولازم طبعا يشبعو قبل ما يفكرو في اي حاجة

بص ، علشان مانغلطش فى حد هكتفى بالقول ان اللى يقرا تاريخ الملك فاروق وتاريخ اللى حصل بعده هيعرف قد ايه فاروق كان مصرى ابن مصرى وكان اكثر وطنية من كتير من اللى ابعدوه-الله يرحمه

[bee]

عودة لأبو السباع

مين أقرب صديق لأبو السباع (مش على المنتدى)؟؟

إيه عربية أحلامك ؟؟ نوعها وموديلها يعني ؟؟

لو تختار بلد تعيش فيها تختار إيه .. قصدي جوه مصر على فكره :) ؟؟

اتعرفت على الكمبيوتر إزاي ؟؟؟

علاقتك بجيرانك إيه ؟؟

هل عندك أفكار لتطوير المنتدى ؟؟؟

حضرتك من هواة توضيب السيارات ؟؟ اكسسوارات أم ميكانيكا لو الاجابة نعم؟

بي رايت بااااااااااااك :D

[wesam_salom]

-- ثورة يوليو 1952
.... ثورة ادت الي حكم مصر بالمصريين لأول مرة منذ الفراعنة
ولا
.... استبدال الملك الشبعان .... بـ 13 ملك جعان ... ولازم طبعا يشبعو قبل ما يفكرو في اي حاجة

بص ، علشان مانغلطش فى حد هكتفى بالقول ان اللى يقرا تاريخ الملك فاروق وتاريخ اللى حصل بعده هيعرف قد ايه فاروق كان مصرى ابن مصرى وكان اكثر وطنية من كتير من اللى ابعدوه-الله يرحمه

هوبااااااااااااااااااااااااااااا
وجون وجون وجون وجون
ابو السباع خرج من عرينه
ده كلام يودى ******** مشوار بعيد قوى

خد بالك يا ابو السباع
ده مش حوار من القلب للقلب
ده حوار من النت لابو غريب
الناس دى بتجرجرك على مكان بعيد قوى
بس متقولش انى صاحبك ولا اعرفك

[Noha.M]

هوبااااااااااااااااااااااااااااا
وجون وجون وجون وجون
ابو السباع خرج من عرينه
ده كلام يودى ******** مشوار بعيد قوى

خد بالك يا ابو السباع
ده مش حوار من القلب للقلب
ده حوار من النت لابو غريب
الناس دى بتجرجرك على مكان بعيد قوى
بس متقولش انى صاحبك ولا اعرفك

تودى لبعيد فعلا بس اجابة رائعة و تستاهل

[ams]

-من من القادة العرب حاليا يحوز احترامك ؟
-بمناسبة السادات -على الرغم من حبى وتقديرى له- يقول معارضيه انه افسد قيمنا بانفتاح لسنا مستعدون له ؟ و هلى يوجد شىء يسمى "انه كان اذكى من اللازم" ؟
-الامور معدة تماما للتوريث فهل تقبل ام ترفض ؟
-هل من صفات الشخصية المصرية الخنوع بعد تعرضه المستمر للقهر و الاحتلال ؟
-نعيش فى بلدننا وكاننا مواطنين من الدرجة الثانية و المشكلة الاكبر اننا فى اى بلد اخر سنعيش مواطنين من الدرجة الثانية . ما هو الحل؟

-ما هو الشىء المعنوى الذى اذا تجسد لك لقتلته ؟ و ما الذى اذا تجسد لك عانقته ؟
-كيف تحب ان يصفك الناس ؟
-ما الكمية التى تكفيك من المال التى اذا حصلت عليها لن يكون كسب العيش هم لك ؟ و ماذا ستفعل بعدها ؟ (تغير عملك ، تحصل على درجة علمية ،............)
-كيف تواجه كذب الاخرين و خصوصا لو كان غبى ؟
-هل انت مدير جيد ؟
-تقول انك كنت تريد ان تصبح مهندس سيارات . ما يمنعك الان ؟
-من تحب من كتاب الروايات ؟ و السياسة ؟
-ما هو حجم الرياضة فى حياتك ؟ ام انك تكتفى بالرياضة الذهنية ؟
-ماذا تعرف عن الموسيقى ؟ و مالذى اكسبك تعلمها ؟ و لما تعلمتها ؟
-كم بعدا للكون ؟
و اخيرا ...
"ربنا عرفوه بالعقل و عبدوه بالشرع " و ( لو كان الشرع بالعقل لكان مسح اسفل الكعب اولى من اعلاه-عند الوضوء)
اعمال العقل و العمل بامر الله . كيف تحقق تلك المعادله ؟
و عند اصطدام العاطفة بالعقل ماذا تغلِّب ؟ و كيف ؟ و ما موقفك من القتل الرحيم ؟

يا رب تكون اسئلتى خفيفه عليك . اتفضل :

[sab3aawy]

عودة لأبو السباع

بي رايت بااااااااااااك :D

مين أقرب صديق لأبو السباع (مش على المنتدى)؟؟
زميل سايق لى فى العمل اسمه حسام كمال
إيه عربية أحلامك ؟؟ نوعها وموديلها يعني ؟؟
مرسيدس سى كلاس سوادء اللوان
لو تختار بلد تعيش فيها تختار إيه .. قصدي جوه مصر على فكره :) ؟؟
اسكندرية او بورسعيد

اتعرفت على الكمبيوتر إزاي ؟؟؟
دى حكاية قديمة اوى ، لكن الفضل فيها لوالدى الله يرحمة ، هو كان مهتم اننا نبقى على احتكاك بكل مفردات العصر، كان فيه حاجة وقتها اسمها كومبيوتر صخر 150، ميوعاش عليه غير اللى من سنى ، جابهولنا بمبلغ باهظ وقتها(750 من بتاعة سنة 1986، تقابل 7500 جنيه ديلوقتى) ودى كانت بداية احتكاكى بالمذكور، تلاها طبعا الانتقال الى الpc فى معامل الكلية، كان وقتها الpc At 8086 (طبعا انا بتكلم فى ديناصورات وحفريات اللى سمع عنها منكم المهمتمين بالآثار فقط) وبعدين 8088 وبعدين 286 وبعدين 386 (وده كان تانى كومبيوتر اشتريه) وبعدين 486 فى الشغل، وبعدين بينتيام 133 فى الشغل(وده كان اول نوتبوك اشتغل عليه) وبعدين بينتيام 200 MMX وبعدين قفزة الى بينتيام 3(وده كان تالت جهاز اشتريه ، وبعدين نوتبوك P4 وحاليا كور 2 ديو

علاقتك بجيرانك إيه ؟؟
لى جيران حميمين جدا الى الدرجة اللى ممكن اقف ارغى معاهم فى الشارع لمده 5 دقائق، لكن الباقى علاقتى بهم لا تتعدى صباح الخير وابتسامة عريضة من الودن للودن اكسب بيها ثواب وافتح نفسهم للحياه

هل عندك أفكار لتطوير المنتدى ؟؟؟
كانت لى بعض الأفكار اللى اتنفذت فعلا، يعنى ساحة المنتدى الاجتماعى كانت اصلا من اقتراحى ، لكن اللى بفكر فيه حاليا هو دور اجتماعى للمنتدى فى حياتنا العامة، زى مثلا حملات توعية بقواعد المرور ، او حملات للتحذيز من اماكن عبور المشه كثيرة الحوادث، الخ، يعنى نحاول يكون للمنتدى دور خارج اطار السايبر

حضرتك من هواة توضيب السيارات ؟؟ اكسسوارات أم ميكانيكا لو الاجابة نعم؟

انا ميال للميكانيكا اكتر ولى فيها مشوار طويل بس معظمه ينحصر فى اعادة احياء الآلات المتهالكة اكثر منه فى مجال اضافات رفع القدرة

[sab3aawy]

-من من القادة العرب حاليا يحوز احترامك ؟
-بمناسبة السادات -على الرغم من حبى وتقديرى له- يقول معارضيه انه افسد قيمنا بانفتاح لسنا مستعدون له ؟ و هلى يوجد شىء يسمى "انه كان اذكى من اللازم" ؟
-الامور معدة تماما للتوريث فهل تقبل ام ترفض ؟
-هل من صفات الشخصية المصرية الخنوع بعد تعرضه المستمر للقهر و الاحتلال ؟
-نعيش فى بلدننا وكاننا مواطنين من الدرجة الثانية و المشكلة الاكبر اننا فى اى بلد اخر سنعيش مواطنين من الدرجة الثانية . ما هو الحل؟

-ما هو الشىء المعنوى الذى اذا تجسد لك لقتلته ؟ و ما الذى اذا تجسد لك عانقته ؟
-كيف تحب ان يصفك الناس ؟
-ما الكمية التى تكفيك من المال التى اذا حصلت عليها لن يكون كسب العيش هم لك ؟ و ماذا ستفعل بعدها ؟ (تغير عملك ، تحصل على درجة علمية ،............)
-كيف تواجه كذب الاخرين و خصوصا لو كان غبى ؟
-هل انت مدير جيد ؟
-تقول انك كنت تريد ان تصبح مهندس سيارات . ما يمنعك الان ؟
-من تحب من كتاب الروايات ؟ و السياسة ؟
-ما هو حجم الرياضة فى حياتك ؟ ام انك تكتفى بالرياضة الذهنية ؟
-ماذا تعرف عن الموسيقى ؟ و مالذى اكسبك تعلمها ؟ و لما تعلمتها ؟
-كم بعدا للكون ؟
و اخيرا ...
"ربنا عرفوه بالعقل و عبدوه بالشرع " و ( لو كان الشرع بالعقل لكان مسح اسفل الكعب اولى من اعلاه-عند الوضوء)
اعمال العقل و العمل بامر الله . كيف تحقق تلك المعادله ؟
و عند اصطدام العاطفة بالعقل ماذا تغلِّب ؟ و كيف ؟ و ما موقفك من القتل الرحيم ؟

يا رب تكون اسئلتى خفيفه عليك . اتفضل :

من من القادة العرب حاليا يحوز احترامك ؟

حاكم الامارات العربية المتحدة

-بمناسبة السادات -على الرغم من حبى وتقديرى له- يقول معارضيه انه افسد قيمنا بانفتاح لسنا مستعدون له ؟ و هلى يوجد شىء يسمى "انه كان اذكى من اللازم" ؟
السادات ربما كان من الأنسب ان يقوم بسياسة الانفتاح تدريجيا، لكن احنا اصلا كنا فى حالة انفتاح قبل الثورة المجيدة وكانت البلد بخير، لم يكن السادات "اذكى من اللازم" لكنه كان-على حد تعبير الامريكيين-Unpredictable لا يمكن توقع تصرفاته ، وهذا ما جعل دوره ينتهى فى لحظة معينة فى نظر امريكا مما دفعها للعبث باصابعها لاغتياله سياسية فيما عرف ب"ثورة الحرامية" قبل اغتياله جسديا
-الامور معدة تماما للتوريث فهل تقبل ام ترفض ؟
طيب مافيش اختيارات؟ وماذا يفيد قبولى او رفضى ، السؤال الأوقع هو، هل سيستطيع الحاكم التالى ان يستمر؟
-هل من صفات الشخصية المصرية الخنوع بعد تعرضه المستمر للقهر و الاحتلال ؟
الصفة الأوقع هى"لؤم الفلاحين" والذى يتلخص فى"طاطى لحد ما الريح تعدى"
-نعيش فى بلدننا وكاننا مواطنين من الدرجة الثانية و المشكلة الاكبر اننا فى اى بلد اخر سنعيش مواطنين من الدرجة الثانية . ما هو الحل؟
طالما كدة تانية وكدة تانية يبقى بلدى اللى فيها اكل عيشى

-ما هو الشىء المعنوى الذى اذا تجسد لك لقتلته ؟ و ما الذى اذا تجسد لك عانقته ؟
لو تجسد لى الجهل رجلا لقتلته جزاء له على كل ما قتل من اشياء جميلة فى مجتمعنا،ولو تجسد لى الاحساس بالأمان لعانقته
-كيف تحب ان يصفك الناس ؟
مبتكر
-ما الكمية التى تكفيك من المال التى اذا حصلت عليها لن يكون كسب العيش هم لك ؟ و ماذا ستفعل بعدها ؟ (تغير عملك ، تحصل على درجة علمية ،............)
مش هكون طماع وهكتفى بخمسة ملايين مصرى ، او قيمتها من عملة العم سام ، وساعتها افكر اخد ماجستير ودكتوراه
-كيف تواجه كذب الاخرين و خصوصا لو كان غبى ؟
غالبا بفضحه قدام نفسه برغم ان ده بيؤدى لثورات كثيرة جدا من المفضوح لأنه مش بيستحمل صورته قدام نفسه
-هل انت مدير جيد ؟
اعتقد ذلك
-تقول انك كنت تريد ان تصبح مهندس سيارات . ما يمنعك الان ؟
لم اجد من يعرض على وظيفة فى مجال السيارات وليس لدى المال الكفى لاقيم عملا خاصا فى هذا المجال
-من تحب من كتاب الروايات ؟ و السياسة ؟
من المصريين بعشق كتابات يوسف السباعى، يليه يوسف ادريس ،اما الكتاب العالميين فحبيت جدا اعمال جول فيرن وهيربرت جورج ويلز وتشارلز ديكنز، ناهيك عن اعمال فردية لكثيرين ، وطبعا من الجيل الجديد من المصريين بحب جدا احمد خالد توفيق، فى مجال السياية لازلت ارى ان مصر لم تنجب بعد من هو بقدر محمد حسنين هيكل
-ما هو حجم الرياضة فى حياتك ؟ ام انك تكتفى بالرياضة الذهنية ؟
كان زمان ومضى، كنت بلعب باكست بول فى الكلية والنادى، وكنت بركب دراجات حتى سنوات قليلة مضت، لكن الاصابة منعتنى من اى شئ سوى المشى واحيانا تنطيط كرة باكست فى النادى ومحاولة التسديد بها من تحت السلة
-ماذا تعرف عن الموسيقى ؟ و مالذى اكسبك تعلمها ؟ و لما تعلمتها ؟
الموسيقى عالم لوحدها، انا امارس بعض العزف على الأورج اظن ان عندى اذن موسيقية ، تعلمها اكسبنى على المستوى العضلى العصبى الكثير من دقة الحركة وسرعة الاستجابة، وعلى المتسوى الذهنى اكسبنى قدرا من صفاء الرؤية للأمور المختلفة، واتعلمتها لأنى بحبها وباستمتع بيها
-كم بعدا للكون ؟

حسب فهمنا القديم للأمور 3 ، وحسب ما علمه لنا اينشاتين 4، لكن بحسب ما يقدمه لنا العلم حاليا كمعادلة واحدة تحل كل مسائل الكون الفيزيائية فيما يعرف باسم معادلة "الأوتار الفائقة" فان للكون ابعادا يرى بعض المنظرين انها 10، ويرى آخرون انها 11 ويرى فريق ثالث انها 26

للمزيد ممكن تبص على الرابط ده

http://en.wikipedia.org/wiki/Superstring_theory

و اخيرا ...
"ربنا عرفوه بالعقل و عبدوه بالشرع " و ( لو كان الشرع بالعقل لكان مسح اسفل الكعب اولى من اعلاه-عند الوضوء)
اعمال العقل و العمل بامر الله . كيف تحقق تلك المعادله ؟
الموضوع بسيط"الحلال بين والحرام بين" ودى ما فيهاش مشكلة، اما الأمور المتشابهة فاعمال العقل فيها ربما ادى الى اختلاف العلماء، وفى اختلافهم رحمة لنا لأن اخذنا برأى ايهم صحيح،
و عند اصطدام العاطفة بالعقل ماذا تغلِّب ؟
العقل فى 80% من الحالات والعاطفة فى 20%
و كيف ؟
باخد القرارات التى يرجح الحساب العقلى صحتها،حتى لو مكانتش على هوايا
و ما موقفك من القتل الرحيم ؟
الروح ملك لله تعالى وليست ملكا لصاحبها او من حوله حتى يتصرفون بها، لكن لو ان انسان يتعذب من الالم ولا سبيل لراحته سوى قتله ولا مجال لتخديره فهنا ربما يكون القتل من المحظورات التى تبيحها الضرورات، لكنى لست بعالم فى الدين حتى ادعى ان رأيي فى هذة المسألة يمكن ان يؤخد به

[marsguy]

بصراحه أنا مش عارف إيه نظام الموضوع ده، يعني مش عارف مين اللي ليه حق يسأل؟ ومين اللي بيجاوب وإمتى ....

بس انا هافترض إن الأستاذ سبعاوي هو الضيف دلوقت وأنا هافترض إني ممكن أسأل.

إيه هو أسعد يوم مر عليك حتى الآن؟

هل تشعر بإنك متحكم في حياتك أم حياتك هي المتحكمه فيك؟
يعني مين فيكو اللي ممشي التاني؟

هل إنت متفائل بمستقيل مصر أم إنك من أنصار مقولة "ما فيش فايده"؟

هل إنت متخيل كوكب الأرض بعد 100 سنه ممكن يكون عامل إزاي؟

ما هي أحسن صفه في شخصيتك وما هي أسوأ صفه في شخصيتك؟

لو عندك آلة زمن وقدامك تختار تعيش في أي زمن ... ها تختار تعيش في أي فتره؟ مع العلم إن آلة الزمن دية صالحه لمره واحده بس، يعني مش هاتعرف ترجع لزمنك تاني.

صوتك العالي دليل على ضعف موقفك .... صواب أم خطأ؟

لو كل الستات قعدوا في البيوت البلد دية حالها هاينصلح ... هل أنت مؤمن بهذه المقوله؟

المصريين مش مستعدين للديموقراطيه والدليل على كده أحزاب المعارضه واللي بيعملوه في بعض وهم أول المنادين بالديموقراطيه ... صواب أم خطأ؟

إيه هو أكتر شئ مجنون عملته في حياتك؟

بس كفايه كده

[Miss_Pharma]

اسئلة شيقة جدا .. وردود اكثر تشويق :)

[hanystar]

أستاذ / خالد أو سبعاوى
أستمتعت جدا جدا بردودك الواعية المثقفة
والتى تنم عن شخصية ندر تواجدها فى هذه الأيام
أما عن أسئلتى مش هطول عليك
- ما هى طموحاتك المستقبلية وأحلامك التى تود تحقيقها .
- كيف تتعامل مع المهندسين اللى أصغر منك فى العمل .
- ما رأيك فى عمل المرأة .
- وأخيرا هل أستقريت على إسم المولود الجديد أم لا .
( ييجى بالسلامة إن شاء الله )

[Ahmed_Elkhateb]

انا جاهز يا نور القمر