شكـــوى من فتيـــس Mmt فى الكــرولا الجنــوب أفريــقى

[sahar]

أصدقائى الاعزاء
انا ايضا مالكة لتيوتا الجديده 2008 بالنظام الجديد الاوتوماتيك و عندى نفس المشكله و كمان فى مشكله ثانيه مفيش اى حد ذكرها و هى لمل باجى ارجع بالعربيه للخلف و أجيب الفتيس على الخلف مش بترجع من اول دوسه لازم ادوس مره ثانيه ز تحس انها فهمها ثقيل فى كل حاجه ز بس هى فى السرعات العاليه ناعمه جدا للحق و هى عامله لغاية دلوقتى حوالى 5000 ك و ربنا يسهل فى الباقى !

[Sharky]

إيه دا يعنى الشكاوى زى ما قلت مازالت مستمره اهه و زى ما مهندس الإستقبال بتاع توكيل تويوتا قالى و الناس كذبتنى !!!

[midnightman_74]

تكنولوجيا تويوتا المتطورة تتجسد في "كورولا 2009"

طرحت شركة "تويوتا إيجبت" الوكيل الحصري لسيارات "تويوتا" اليابانية العريقة سيارتها الفريدة "كورولا 2009" في السوق المصري بتكنولوجيا جديدة لنقل الحركة M-MT المتطورة.

تتميز "كورولا" سيارة التاريخ كما تقول "تويوتا" بوجود ناقل للحركة متعدد الأنظمة M-MT يجمع بين الأداء القوي لناقل الحركة العادي من حيث قوة التسارع والحصول على أقصى سرعة ، وكذلك مزايا ناقل الحركة "الفيتيس" الأتوماتيك من حيث الراحة وسلاسة القيادة.

ويوجد بهذا الناقل عدة أوضاع للتشغيل والتي تختلف عن ناقل الحركة الأوتوماتيك المتعارف عليه ، حيث يوجد النقلة E لمحبي قيادة الأوتوماتيك التي توفر الراحة وتوفير استهلاك الوقود.

كما يوجد النقلة M ذات الوضع اليدوي الذي يعطي للسائق كامل السيطرة في التحكم بتغيير التقلات من خلال تغيير الترس ما بين + أو - من عصا الفتيس أو من خلال الأزرع المثبتة خلف عجلة القيادة.

وهناك النقلة Es التي تقدم الوضع الرياضي ذو المزيج بين راحة قيادة الأوتوماتيك وقوة وعزم اليدوي بتكنولوجيا السيارة في نقل التروس أوتوماتيكيا بطريقة توفر للسائق عزم وقوة أعلى من الوضع E من خلال إطالة زمن النقلة.

كما تم تجهيز "كورولا 2009" بنظام "smart key" الذي يكشف وجود مفتاح السيارة في نطاق حوالي متر من السيارة ويمكن فتح باب السائق أتوماتيكيا وتشغيل المحرك دون إدخال المفتاح.

وعندما يلمس السائق مقبض بابه فيتم فتح الباب تلقائياً ، وعند جلوسه على مقعده يمكنه تشغيل المحرك بمجرد الضغط على مفتاح التشغيل في لوحة العدادات دون الحاجة لاستخدام المفتاح.

وتتوافر "كورولا" التي تعتبر أكثر السيارات مبيعاً في العالم بمحرك 1800 سي سي من طرازDual WT-I قادر على توليد قوه تصل إلى 132 حصان عند 6000 د / د وعزم يصل إلى 128 رطل / القدم.

وهناك محرك آخر متوفر وهو بسعة 2400 سي سي ومن طرازVVT-I مع 156 حصان وعزم يصل إلى 162 رطل / القدم.

وتأتي السيارة بنظامي ABS مانع إنغلاق الفرامل VSC بنظام التحكم في الثبات.

:k41::k41::k41::k41::k41::k41::k41:

[Abo_Lina]

الموضوع من شهر خمسة و احنا قربنا على اخر السنة و المشكلة ليس لها حل حتى الان !!

يحيينا و يحييكو ربنا

[ashkar]

السلام عليكم ورحمة الله وبركاته ......
الأخوة الأعزاء اشعر من متابعتى للمنتدى ان لى اصدقاء كتير وده احساس جميل.
انا عندى كورولا 2008 اعلى فئة عملت بيها حتى الان 3800 كيلو .

احب اضيف بعض المشاكل مثل

تقفيل العربيه فى منتهى الردائة وحسبى الله ونعم الوكيل
ذراع فتح الشنطة من داخل السيارة بيفتح مرة و 20 مرة لأ( التوكيل مش لاقى ليها حل )
النور الواطى (الزينون) امام السائق رامى على الأرض وكنت مسافر بيها اسكندرية على الصحراوى باليل وطلع عينى فى الرؤية ( التوكيل بيقول لأ كله تمام )
المارشيدير R بيعلق
الفرامل بها صفارة عليا جدا ( تم الكشف عليها اكتر من مرة فى التوكيل ) وبرضه كله تمام
مع ان الصفارة رجعت تانى اعلى من الاول وخصوصا عند الدوس عليها اثناء الرجوع للخلف
التوكيل هو العباسيه واشك اصلا انهم فاهمين اى حاجه فى العربيه دى .

على العموم هو مقلب وشربناه وحسبي الله ونعم الوكيل

[sahar]

أصدقائى الاعزاء
قرأت فى جريدة الاهرام أمس الجمعه 21/ 11 اعلان كبير عن تيوتا الجديده و مذكور فيه أن سواقة تيوتا الجديده ممتعه لهواه السواقه فى حاله ال ( E ) سواقة محبى الاتوماتيك و فى حالة ال ( ES ) محبى الاتوماتيك بقوة المانيوال مع ان انا سألت فى التوكيل عن مفتاح ال ( ES ) قالولى ما تستعمليهوش لان فى ناس قالولى ان احنا استعملناه فو وسط البلد و العربيه كانت احسن !!!! افيدونى
بالنسبه لموضوع الاخ ashkar انا اول ما استلمت العربيه بتاعتى و هى على الزيرو كانت الفرامل بتصفر برده و رحت التوكيل قالولى خلاص اتصلحت و انا راجعه بيها لقيتها لسه بتصفر رجعت لهم تانى يوم غيروا تيل الفرامل كله و قعدت تصفر بعدها يومين و بعدين بطلت و بالنسبه للرجوع للخلف برضه عندى بتعلق احيانا0

[ashrafE51]

Mmt

أصدقائى الاعزاء
قرأت فى جريدة الاهرام أمس الجمعه 21/ 11 اعلان كبير عن تيوتا الجديده و مذكور فيه أن سواقة تيوتا الجديده ممتعه لهواه السواقه فى حاله ال ( E ) سواقة محبى الاتوماتيك و فى حالة ال ( ES ) محبى الاتوماتيك بقوة المانيوال مع ان انا سألت فى التوكيل عن مفتاح ال ( ES ) قالولى ما تستعمليهوش لان فى ناس قالولى ان احنا استعملناه فو وسط البلد و العربيه كانت احسن !!!! افيدونى
بالنسبه لموضوع الاخ ashkar انا اول ما استلمت العربيه بتاعتى و هى على الزيرو كانت الفرامل بتصفر برده و رحت التوكيل قالولى خلاص اتصلحت و انا راجعه بيها لقيتها لسه بتصفر رجعت لهم تانى يوم غيروا تيل الفرامل كله و قعدت تصفر بعدها يومين و بعدين بطلت و بالنسبه للرجوع للخلف برضه عندى بتعلق احيانا0

=====
السادة والسيدات الافاضل .
الحمد لله معي السيارة MMt ,وهي الان عامله 3700 كيلو واستخدم وضع E دائما ولكن لايوجد صوت الصفارة بالفرامل ولكن عندما تريد الرجوع للخلف يتاخر الاستجابه لبضع ثوانيييييييييي ضعيفه جدا وهذا لايحدث كثيراً ، ام سواقه العربية فهيا سهله وسريعه جدا ولكن العيب الذي يتكلم عن الناس هو انك عندما تتحرك بالسيارة عند سرعة 30 او 20 وتضغط علي دواسة البنزين تلاحظ ان عداد الrpm يصل الي 4000 او 5000 وصوت السيارة يعلو جدا .. اولا السيارة في الفتيس مبني علي اساس انه مانيول ثم اتوماتيك وبالتالي عندما يعلو صوت الماتور فانه يطلب غيارة اعلي وبالتالي يتم الضغط علي زرا خلف الدريكسيون والعربية علي وضع E ثم يتم التحرك بها ثم يعود مره اخري الي وضع E الاتوماتيك مره اخري . وعند الضغط علي زرار ES فانه يعني الوضع الرياضي ولم استخدمه كثيراً
وسوف اركز في الفترة القادمه علي استخدامه باذن الله ...

[momo10000]

والله ربنا يكون في عونكم يا جماعه ... انا مذهول من الكلام والشكاوي دي ... وافتكر السبب الرئيسي هو جنوب افريقيا في المواضيع دي ... لان عمر ما تويوتا ممكن تنتج عربية بالشكل دا .....

كان الله في العون...........

[M.Mokhtar]

بالظبط أو يجيب المانيوال .. العربية كعربية زي الفل و ممكن جداً ناس ميكونش عندها مشكلة في موضوع التعامل مع الفتيس الجديد. أما موضوع النتشة فواضح إنه سمة عامة في الستيبترونيك سواء بدرجة مزعجة أو درجة خفيفة.

الاول لازم نفرق بين حاجتين

1- فتيس استبترونك(تبترونك او ايزىترونك او او او كل شركه وليها اسم) مبنى على فتيس اوتوماتك torque converter

2- نفس الاسم بس مبنى على فتيس مانيوال

النوع الاول بيبقى نفس الفتيس الاوتوماتك بس بيديك تحكم فى معاد النقله لو عايز (عايز تأخرها شويه عايز تنقل بدرى زى ما تحب)
وده اللى موجود فى البى ام - الميجان - المازدا - هيونداى وغيرها
وده مشاكله قليله وبتتصلح عن طريق تغير برنامج الفتيس

النوع التانى ده عباره عن فتيس مانيوال خاااالص
بس الدبرياج بتاعه الكترونى يعنى فى موتور بيتحكم فيه وبينقل لما الكمبيوتر يقله انقل
وهنا بقى المشكله
ان الكمبيوتر مش ديما بيفهم صاحب العربيه عايز ايه فعشان كده مظبطين الكمبيوتر على اساسيات معينه
كل شركه وحسب البرنامج بتاعها بقى
الفتيس ده موجود فى اوبل - فولكس - تويوتا وغيرها
اللى اشتكى من فتيس اوبل قال انه بينتش فقط
يعنى لا بيأخر فى النقل ولا مش بيستجيب ولا اى حاجة
والموضوع اتظبط بالسوفت وير الجديد
وباقى الشركات التانيه ما سمعناش عنهم مشاكل

الا تويوتا طالع فيها حاجات كتير وبيقولك لازم تتعود على الفتيس عشان ده ابتكار جديد :)
واضح ان فى عيب قاتل فى الفتيس وتويوتا بتحاول تكتم على الموضوع

ربنا معاكم والموضوع يتحل والجميع يكون راضى ان شاء الله

=====
اولا السيارة في الفتيس مبني علي اساس انه مانيول ثم اتوماتيك وبالتالي عندما يعلو صوت الماتور فانه يطلب غيارة اعلي وبالتالي يتم الضغط علي زرا خلف الدريكسيون والعربية علي وضع E ثم يتم التحرك بها ثم يعود مره اخري الي وضع E الاتوماتيك مره اخري . وعند الضغط علي زرار ES فانه يعني الوضع الرياضي ولم استخدمه كثيراً
وسوف اركز في الفترة القادمه علي استخدامه باذن الله ...

مش ده المفروض اللى بيحصل مع الفتيس الاستبترونك سواء كان على اساس مانيوال او اوتوماتك
كده العربيه بتقولك انا لو غلطت صلحلى انت :)
العربيه دى بتحب التعاون مش كل حاجة ترميها عليها

[Sharky]

الاول لازم نفرق بين حاجتين

1- فتيس استبترونك(تبترونك او ايزىترونك او او او كل شركه وليها اسم) مبنى على فتيس اوتوماتك torque converter

2- نفس الاسم بس مبنى على فتيس مانيوال

النوع الاول بيبقى نفس الفتيس الاوتوماتك بس بيديك تحكم فى معاد النقله لو عايز (عايز تأخرها شويه عايز تنقل بدرى زى ما تحب)
وده اللى موجود فى البى ام - الميجان - المازدا - هيونداى وغيرها
وده مشاكله قليله وبتتصلح عن طريق تغير برنامج الفتيس

النوع التانى ده عباره عن فتيس مانيوال خاااالص
بس الدبرياج بتاعه الكترونى يعنى فى موتور بيتحكم فيه وبينقل لما الكمبيوتر يقله انقل
وهنا بقى المشكله
ان الكمبيوتر مش ديما بيفهم صاحب العربيه عايز ايه فعشان كده مظبطين الكمبيوتر على اساسيات معينه
كل شركه وحسب البرنامج بتاعها بقى
الفتيس ده موجود فى اوبل - فولكس - تويوتا وغيرها
اللى اشتكى من فتيس اوبل قال انه بينتش فقط
يعنى لا بيأخر فى النقل ولا مش بيستجيب ولا اى حاجة
والموضوع اتظبط بالسوفت وير الجديد
وباقى الشركات التانيه ما سمعناش عنهم مشاكل

الا تويوتا طالع فيها حاجات كتير وبيقولك لازم تتعود على الفتيس عشان ده ابتكار جديد :)
واضح ان فى عيب قاتل فى الفتيس وتويوتا بتحاول تكتم على الموضوع

ربنا معاكم والموضوع يتحل والجميع يكون راضى ان شاء الله

كلام منطقى و مظبوط جدا

مش ده المفروض اللى بيحصل مع الفتيس الاستبترونك سواء كان على اساس مانيوال او اوتوماتك
كده العربيه بتقولك انا لو غلطت صلحلى انت :)
العربيه دى بتحب التعاون مش كل حاجة ترميها عليها

أفهم من كده إن نظـام الكرولا الجنــوب أفريقى
حبة عليه و حبه عليــك

[Ahmed Samy]

حبة عليه و حبه عليــك

ايوة كده

تويوتا اعلاناتها المفروض تكون كده
(الصانع رقم 1 في العالم- حبة علينا ...وحبة عليك)

[ashkar]

أنا معاكوا ان شاء الله أحمد الأشقر 0106011159 وتقريبا عندى نفس المشاكل الخاصة بالكورولا 2008 mmt بالاضافة الى مشكلة عدم امكانية فتح الشنطة من داخل السيارة

[abo samra]

على فكره موضوع ان الفتيس بيعلق ومش بينقل من الاول للتانى واحد زميل لينا فى المنتدى اشتكى من النقطه دى ليا اول ما استلم العربيه وواحد صديقى اشتكى من نفس النقطه ان احيانا الفتيس مش بينقل من الاول للتانى مع العلم الكلام ده بيحصل فى نظام
E فقط والحل هو تضغط ضغطه على + فى Paddel shaft اللى فى الدريكسيون فتنقل العربيه للتانى وعلى فكره الموضوع ده للامانه عمره ما حصل فى عربيتى اطلاقا وده يدل انه موجود فى بعض العربيات مش كله
وعلى فكره انا لم اعد استخدم e اطلاقا اللى هو مصمم لتوفير البنزين وبصراحه شايف ان e ملهوش لازمه فى العربيه يعنى احيانا بيعلق من الاول للتانى على حسب ما ظهرت فى بعض السيارات وبينقل على الخامس وانت لسه على 60 او 70 وبطىء قوى فى السحب وبياخد وقت كتير فى النقلات بيتاخر يعنى عند النقل من التانى للتالت او التالت للرابع وهكذا
علشان كدا انصح محدش يستخدم e اطلاقا اوصى باستخدام (ES) (EASY SPORT)
لانه ده بيقلل احساس النقل بشكل كبير +تسارع اعلى
طبعا اللى عاوز يستفيد بكل امكانيات الموتور يستخدم نظام M المانيوال واتفرج على السحب بحق
انتظروا تقريرى قريب جدا ان شاء الله بعد ما الحمد لله كملت 10000 كم بس اليومين دول مشغول شويه
بالنسبه لموضوع التقفيل سىء وتيل الفرامل وموضوع ان الشنطه بتعلق عند الفتح بصراحه ما ظهرش عندى اى حاجه من الحاجات دى ولا شفتها فى اى عربيه تويوتا كورولا 2008 والعربيات كانت فى التوكيل كلها زى الفل ومحدش اشتكى من حاجه ومحدش كمان اشتكى من الفتيس الا هنا فى المنتدى وتقبلوا تحياتى

[Sharky]

موضوع الفتيس و التقفيل فيه العديد من الشكاوى منها فى التوكيل من كلام مهندس الإستقبال و كنت ذكرته قبل كده فى موضوع صيانة الـ 15 للياريس

[momo10000]

مش ممكن الكلام اللي الواحد بيسمعة علي الكورولا ... بس الخليج وليبيا مفيهاش المشاكل دي مطلقا ... واضح ان جنوب افريقيا شغالة علي السوق المصري.