اخيرا توصيلة Aux للميجان في مصر

[ecybrarian]

لأ للأسف، لأن HU مافيش فيها إلا 3 pins للـAUX فقط. في HUs فيها 2 pins ذيادة للميكروفون (ارضي وصوت) بس اعتقد انها في الاجونا مش في الميجان وده بيتعرف من expert menu. لو لقيت (تقريبا) phone option يبقى ممكن يركب المايكروفون، غير كده صعب

خلليني ابسط لك الموضوع اكتر..كل إللي احنا محتاجينه يوصل في الكاسيت 3 اطراف فقط (شمال،يمين، ارضي)

وكل إللي احنا محتاجينه في iPhone. جاك يركب (مش مهم دلوقتي فيه كام separator اثنين او ثلاثة) لأن عرض الجاك مش ستاندرد يسموه i narrow insert.

وما المهم في الجاك ذو الثلاث شرط (فواصل). انه ممكن يركب له ميكروفون وبكده تبقى car kit سلكية. يعني وانت سايق وبتسمع الأغاني لو جتلك مكالمة الأغاني ها تقف وتسمع رن التليفون ولما ترد هاتسمع المتحدث من سماعات العربية وتتكلم من المايكروفون.

طب وفي حالة الجاك ذو الشرطتين. في الحالة دي لو جت لك مكالمة الاغاني هاتقف وهاتسمع الرن بس المتحدث مش ها يسمعك إلا لما تقرب الiPhone من فمك (مثل المكلمات العادية)

هو ده بس موضوع الـiPhone أو i-mate أو غيره من الموبيلات..لكن لو هاتستخدم الموبايل player فقط مش ها يبقى في موضوع

[chato_eg]

أنا كنت النهاردة فى EIM فرع العبور باعمل صيانة ال 25 ألف....و لقيتهم حاطين استاند للاكسسوارات و فيه كتالوج لكل الكماليات و الاكسسوارات و الإضافات....
و لقيت فيه حاجتين....الأولى ال Tune Point اللى هى بتوصل بال Aux بتاع ال Head Unit من ناحية و ليها 3 مخارج ( USB, Ipod, Audio ) من الناحية التانية و دى ميزتها التحكم الكامل فى ال IPod

http://www.renault.co.uk/ownerservices/accessories/tunepoint.aspx

http://www.digitalspy.co.uk/forums/showthread.php?t=617136

و كمان لاقيت وصلة Aux بس من الناحية التانية ليها مخرجين RCA و ده له عندى وصلة تعمل convertion لل Audio
لكن المفاجأة المؤلمة إن كل اللى فى الكتالوج بيجى بالطلب عن طريق ال DHL من فرنسا ولا توجد أسعار تقريبية متاحة و كمان بمناسبة السنة المالية فال system مش شغال على حد تعبيرهم...
أنا كان عشمى حتى و لو فى الوصلة ال RCA تكون فى مصر....شكلها محترمة أوى و هى مثبتة فى التابلوه كأنها فابريكة...

أنا بس حبيت أقول لكم على اللى شفته النهاردة

[ecybrarian]

هايل..Tune point ده بعد ما حضرتك قلت لي عليه لقيته أكثر من ممتاز..بس اعتقد بيركب في مكان CD changer مش AUX. لأن AUX مش ممكن يتحكم في iPod (على حد علمي) لأنه بيستقبل فقط على العكس من cd changer إللي له commands وبيبعت بيانات مثل track title.

كمان كان احد الأخوة في المنتدى (موضوع يخص car pc) كان قال إن DHL ممكن تجيب لك الحاجة من الإنترنت. تروح لهم بالموقع والفلوس وهما يجيبوه لك. ياريت لو عرفت سعره في EIM تبقى تقول لنا.

[momo10000]

يا جماعة والله العظيم حرام عليكم ... انا بحس اني عبيط ومش فاهم

اي حاجة في الدنيا كل اما اشوف التوبيك دا ... عموما لو اي حد عندة

معلومة ل Tuner List يفيدني بيها.... ( العلم نور )

[chato_eg]

یا أيمن أنا ما أقدرش على زعلك أبدا...بس أنا مش عارف إنت زعلان من إيه ؟؟؟......هل فى حاجة مش فاهمها و لا مستغلى الحاجة و لا علشان ال tuner List مافيهوش Aux ؟؟

على كل بمناسبة ال tuner list فرع العبور مليان head Units شغالة tuner list و فى منها حاجات بتشغل شرائك cassette مش CDs .....

يا وحوش .....لو فى حاجة من الكلام اللى احنا بنقوله هنا مش واضحة......أنا ممكن أشرح على قد معرفتى من النهاردة للصبح

[chato_eg]

هايل..Tune point ده بعد ما حضرتك قلت لي عليه لقيته أكثر من ممتاز..بس اعتقد بيركب في مكان CD changer مش AUX. لأن AUX مش ممكن يتحكم في iPod (على حد علمي) لأنه بيستقبل فقط على العكس من cd changer إللي له commands وبيبعت بيانات مثل track title.

كمان كان احد الأخوة في المنتدى (موضوع يخص car pc) كان قال إن DHL ممكن تجيب لك الحاجة من الإنترنت. تروح لهم بالموقع والفلوس وهما يجيبوه لك. ياريت لو عرفت سعره في EIM تبقى تقول لنا.

أكيد يكون بيركب على الsocket بتاعت ال cd changer...لأنه بيبعت و يستقبل و ممكن تتحكم من ال controls ورا الدركسيون لحد تغيير ال tracks كمان

كل شركات الشحن أمثال Aramex and DHL هتلاقى عندهم الكلام ده بس ما تسألش عن التكلفة.....

هى الميزة فى حالة EIM إن الضمان عليهم و التركيب على إيديهم...بس أكيد التكلفة خيالية
ال tune point لوحده ب 80 جنيه استرلينى و هى ما يعادل 650 جنيه...ده غير مصاريف الشحن و الجمارك و الله أعلم إيه تانى فى السكة

لو عرفت أى جديد فى الموضوع ....هتلاقى الخبر هنا على طول

[Amr_Moh]

http://www.incarexpress.co.uk/view_product.php?partno=CTVRNX001

أنا لايت حاجة أرخص من 80 جنيه استرلينى هل ده نفس الكونكشن??

[chato_eg]

ابسط يا عم أيمن......أهو عمرو عبد الخالق لقى لك حل بديل علشان ال tuner List .....
دى ممكن تركب على مكان ال cd changer فى الكاسيت ال tuner list .....

بس هى مش رخيصة و شكلها معقد حبتين و على فكرة أنا شفت وصلة فى كتالوج الاكسسوار فى التوكيل بيكون الخارج منها RCA برضه...
لكن أنا شفتها فى الصورة راكبة فعلا فى العربية...
أعتقد إن شكلها فى الصفحة إللى الوحش عمرو عبد الخالق بعتها هو شكلها قبل التركيب.....

على فكرة يا عمرو باشا.....إللى ب 80 جنيه استرلينى ده اسمه tune point و ده عبارة عن جهاز بيتركب مكان ال socket بتاعت ال cd changer من ناحية و من الناحية التانية له 3 مخارج ( audio, USB, IPod )....ده ميزته التانية إنه ممكن من خلاله تتحكم فى وظائف ال IPod من خلال ال controls اللى وراء الدركسيون.....بخلاف الوصلات الأخرى اللى بس بتاخد الصوت الخارج من أى MP3 player و تدخله على ال sound system بتاع العربية...فعلشان كده ال tune point غالى

على فكرة فى حاجة كده لل IPOD و بس..لكن غالية موت...

http://www.renault.co.uk/OwnerServices/Accessories/id/37/category/1/accessoriespopup.aspx

سؤال للوحوش التكنولوجيين....ينفع يبقى mini iso 8-way connector راكب على وصلة من ناحية علشان يدخل فى ال cd changer و من الناحية التانية jack audio 3.5 mm ؟؟

لو ينفع ممكن يحل الوضع بتاع ال Head Units ال tuner list و لو كده أروح أسأل الناس بتوع كلاريون...يمكن يكون عندهم حاجة بديلة...بس أنا حبيت أسأل الأول قبل ما أروح علشان ما يقعدوش يفتوا و يألفوا على خصوصا إنى مش جامد زى الوحوش التكنولوجيين

[chato_eg]

لمزيدا من الاحباطات يرجى مراجعة هذا اللينك

http://www.renault.co.uk/OwnerServices/Accessories/id/107/category/1/accessoriespopup.aspx

يبدو إن ده سعر ال TunePoint عند رينو.....مش عارف هل فيه اختلاف بين ال megane II و ال megane III و لا لأ

[ecybrarian]

سؤال للوحوش التكنولوجيين....ينفع يبقى mini iso 8-way connector راكب على وصلة من ناحية علشان يدخل فى ال cd changer و من الناحية التانية jack audio 3.5 mm ؟؟

لو ينفع ممكن يحل الوضع بتاع ال Head Units ال tuner list و لو كده أروح أسأل الناس بتوع كلاريون...يمكن يكون عندهم حاجة بديلة...بس أنا حبيت أسأل الأول قبل ما أروح علشان ما يقعدوش يفتوا و يألفوا على خصوصا إنى مش جامد زى الوحوش التكنولوجيين

الحقيقة أنا قعدت ادرس Tuner List علشان الوحش ايمن بس ملقتيش حل. الفكرة بتاعتك وجيهة بس مش هاتنفع. لأن زي ما حضرتك قلت cd changer له commands يبقى احنا محتاجين نحاكي emulate اوامر الـcd changer. ويتم محاكة اوامره بعمل دائرة كهربائية ترسل أمر خروج الصوت من HU باستخدام برتوكولات معينة. يوجد على النت بعض النماذج لتلك الدوائر لكن المشكلة إن ما فيش معي Tuner list اجرب فيه وطبعا مش هاجرب في HU بتاع حد تاني

[chato_eg]

شكرا جزيلا يا باشمهندس هشام....

و الله يا أيمن ما أنا عارف أعمل إيه فى موضوع ال tuner List

طيب يا أيمن انت ما تعرفش تجيب من مصادرك الخاصة Head Unit تكون Update List أو حتى تخلص نفسك بالموديل اللى بيشغل MP3 CD ..

لاحظ إن الوصلة شكلها مش عاطفى...كابل طالع من التابلوه...و إن كان صوتها نقى أوى بصراحة لدرجة أنا لم أكن متصورها...مادام مصدر الصوت جيد

[momo10000]

هاني باشا وهشام باشا ... وعمرو باشا طبعا....

والله ان محرج من ذوقكم الجميل ... وربنا بياركلكم.

في حد في التوكيل حيعمل محاولة تركيب UPdated list عندي..

واختصر الحوار... ربنا يسهل ... وانا متشكر ليكم قوي يا وحوووووووووش.

[chato_eg]

يا باشا محرج من إيه بس...احنا اخوات
طيب يا أيمن لو كده...ما تشوف ال Mp3 Cd على طول.....
بس خاللى بالك ممكن يكون فرق السعر جامد....
و ابقى طمننا على آخر التطورات

[momo10000]

إن شاء الله دا الهـــــــــــــــــــدف .....

[heema78]

السلام عليكم

معلش سؤال صغير هو المفروض الكابل بتاع الوصلة ديه يطلع منين بالضبط؟؟

يعني منين في التابلوه او الكاسيت هيكون الكابل خارج؟ وايه افضل مكان (او المكان الصح يعني )

يا ريت الي عمل الوصله يفيدنا

شكرا