حوارات مجموعة فولكس و أوبل و جنرال موتورز

[M.Mokhtar]

لا ياباشا انا ناوى على BMW 320i موديل 2008 كسر زيرو ادعيلى ان شاء الله اجيبها

ماتنساش اخوك بقى بلفه بسيطه كده
300 كم ولا حاجة

[abo samra]

انت تامر ياباشا
وليك عليا يا سيدى اديك لفه مش هقول 300 خليهم 400 متر شوفت انا كريم ازاى

[KHALED AYMAN]

لا ياباشا انا ناوى على BMW 320i موديل 2008 كسر زيرو ادعيلى ان شاء الله اجيبها

ألف مبروك مقدما يا باشا بس اوعى يكون فتيسها وحش هههههههه

انت تامر ياباشا
وليك عليا يا سيدى اديك لفه مش هقول 300 خليهم 400 متر شوفت انا كريم ازاى

طيب و انا فين بقى ؟؟
هو انا مش عضو فى العصابه برده ولا ايه ؟؟
مليش دعوه انا عايز لفه سبيشيال ...
5000 كم و هبقى اعملها انا الصيانه

[ENG\AHMED]

انا عارف انى جيت متأخر اووى بس لسة شايف الموضوع حالا .. انا هعلق بس على شوية ردود ومش هقول مين احسن ومين اوحش لأن كلها فى الاخر شوية صاج وازواق !!

* تويوتا رقم واحد فى العالم
رقم واحد مبيعات ومش معنى مبيعات انها احسن عربية فى العالم يعنى .. فين مرسيدس وبى ام و.............. !!

*اوبل هتفلس وتتباع وطبعا فولكس احسن علشان مش هتفلس
مش هعيد وازيد تانى فى تقارير الناس جابتها بس هقول على حاجة صغيرة رولز رويس وبنتلى فلسوا واتباعوا , لوتس فلست واتباعت , جاجوار نفس الكلام
مش معنى كدة فولكس احسن علشان لسة مفلستش الموضوع كلة مبيعات واقتصاد شركات واحنا مش خبراء فى الاقتصاد
طيب ما جيلى وشيرى لسة مفلسوش يبقى احسن من رولز :))

*انتشار الجيتا اكتر من الفكترا ودة طبعا دليل ان الجيتا احسن
طبعا الحمد للة كلنا مصريين وعايشين فى مصر محدش مهاجر برة يعنى
لو الموضوع بالانتشار فارفع القبعة لميتسوبيشى وتويوتا انهم عملوا اعظم عربيتين فى تاريخ البشرية اللانسر والكورولا !!
واحرك القبعة (مرفعهاش كلها) لهيونداى انها عملت تالت اعظم عربية وهى الماتريكس !!
ياريت نرجع بالزمن كام سنة لورا يعنى من نصف التسعينات لأول الالفينات ونعد كام عربية فكترا A,b فى الشارع وقصادهم كام عربية فولكس من جميع الموديلات مش موديل واحد بس (على فكرة الفكترا من 94 ل 2003 كانو تجميع مصرى مش مكسيكى ولا المانى!!)
وبعدين كلنا عارفين الدماغ المصرية:
-بلاش تشترى الموديل دة اصل شكلة هيتغير بعد سنتين انما النوع التانى (اللى ممكن يكون اقل من الاولانى) لسة نازل وقدامة خمس سنين .. ماهو حتى لو قدامة 10 سنين هينزل بردو فى يوم من الايام شكل تانى!!!
-الفكترا شكلها هيتغير خلاص وهيتغير الاسم يعنى ملهاش قطع غيار ... وهو حد قالك فكترا A ملهاش قطع غيار !! بلاش ال 128 والبيتلز الناس مش لاقيالهم قطع غيار!! شركات العرربيات بتكسب فى تمن العربية مرة واحدة بس بتكسب من قطع الغيار كل يوم يعنى الناس دى مش هبل
-اوعى تشترى العربية دى اصل انا سمعت من جوز بنت اخت اللى جابوا مش عارف مين فيها مشاكل كذا وكذا وكذا وهو كان خلاص هيموووت ويجيبها بس ربنا كتبلة عمر جديد ولحق نفسة على اخر نفس .. يعنى هو لسة مشتراش العربية اصلا ولا جربها وبيقول ويعيد
طيب انا سمعت من واحد معاة لانسر (ايوة اللانسر اللى مع نص سكان مصر دى) ان فيها عيب فى الفوانيس اى لمسة بتتكسر على طول وان الموضوع دة مزهقة !! ... طيب دة حتى اسمة فانوس مش شاسية مثلا علشان لما يتخبط المفروض ميتكسرش ولما انت زهقان منها جبتها ليية ولما جبتها وعرفت انك اتدبست فيها مبعتهاش لية واهى دى بقى مش فكترا ولا جيتا علشان نقول بياعة ولا لأ دى كفاية تفتح الشباك (مش الباب حتى ) وتقول انا ببيع ياناس , مش هتروح بيها
-متشتريش لانسر اشترى كورولا اصل تويوتا رقم واحد فى العالم وكفاية انها كورولا (مع ان ممكن اللانسر فيها مميزات احسن بس تويوتا بقى هنقول اية) .. نسينا ان اللى عمل اسم كورولا فى مصر واللى شركة تويوتا نفسها معملتش بعدها اى كورولا هى كورولا من 92 الى 96 وبس ودة بشهادة اللى جربوهم
-الميجان اللى الناس كانت بتتهبل عليها اول لما نزلت راحت فين!! وغيرها كتيييييييييييييير

*سخونة الاوبل
انا خلاص تعبت ومش هتكلم تانى فى الموضوع دة

*الايزى ترونيك
يانسيب اللى معاة العربية يتكلم ياما نجرب وبعدين نتكلم
طبعا اللى عايز يتكلم براحتة بس اللى اقصدة اننا بلاش نكرر الكلام على السمع كل واحد لية وجهة نظرة ومتطلباتة
يعنى مثلا من اكتر الاشاعات ظرافة اللى سمعتها فى العربيات ان كاوتش الميجان بيفرقع لو غيرتة ومعرفتوش على كمبيوتر العربية .. يعنى المفروض لما تغير كاوتش عربيتك الميجان تاخد سيديهايت التعريف من الراجل !!! طبعا كلام ميدخلش دماغ عيل صغير (نصيحة لما تطلب السى دى خليك جوة العربية واطلع اجرى وخد بالك مفيش اى حاجة حادة جنب الراجل)

*سعر الجيتا والفكترا
طبيعى سعر الفكترا يقل الشكل اتغير والراجل عايز يخلص اللى عندة وبعدين افكترا اللى موجودة دلوقتى دى برة من 2002 يعنى متعتبرش جديدة اوى
طيب لما فولفو نزلت سعر عربيتها وبى ام كمان الناس مقالتش لية عربيات تعبانة !! لما مرسيدس عملت عروض على الضمان والصيانة الناس معابتش فيها لية !! .. ببساطة فية ازمة والناس عايزة تبيع مش عايزة تخسر علشان خاطر المصريين ميقولوش عليهم انهم بيبيعوا عربات تعبانة!!!


كفاية كدة بقى لحسن تعبت من الكتابة :)))

[M.Mokhtar]

:
* تويوتا رقم واحد فى العالم
:
*اوبل هتفلس وتتباع وطبعا فولكس احسن علشان مش هتفلس
:
*انتشار الجيتا اكتر من الفكترا ودة طبعا دليل ان الجيتا احسن
:
*سخونة الاوبل
:
*الايزى ترونيك
:
*سعر الجيتا والفكترا
:
كفاية كدة بقى لحسن تعبت من الكتابة :)))

مش هقدر اقول غير الكبير كبير

روح يا شيخ ربنا مايعطلك اوبل

[ENG\AHMED]

مش هقدر اقول غير الكبير كبير

روح يا شيخ ربنا مايعطلك اوبل

ربنا مايعطل لحد فينا اوبل

[KHALED AYMAN]

بجد بجد بجد انا مش عارف اقولك ايه ؟؟
فينك يا عم من زمان ...

[mohamed_hamdi]

الحاجة الملحوظة بشدة في الحوارات الحالية محل النقاش بين الأوبل و الفولكس هي الاستماتة الشديدة من عصابة اوبل باستمرار في الدفاع عن اسم اوبل في السوق المصري بشدة و دي حاجة جميلة جدا و تحترم انما مافيش حد خارج افراد عصابة اوبل تطوع بابداء رايه في الموضوع.
باستمرار افراد العصابة الثلاثة م / مختار و فينوس و حاليا م/ احمد هما اللي بيوجهوا الحوار و بيدافعوا عن أوبل و طبيعي جدا انه اصحاب البيت يكونوا اول المدافعين عن بيتهم زي ما افراد عصابة الفولكس - عذرا لاستعارة اللقب من اوبل بيدافعوا عن اسم فولكس في السوق المصري. في انتظار اراء محايدة من خارج العصابتين ضمانا للحكم الموضوعي على هذه الحرب الشرسة و انا ان شاء الله لمنتصرون يا افراد عصابة الفولكس و سيرى الذين ظلموا أي منقلب ينقلبون.
و السلام عليكم جميعا.
محمد حمدي

[Ahmad Allawy]

ممكن تشوف اللينك دي.. فيها رأي واحد لسة محتار.. و بيقارن مقارنة بريئة.. مالهاش ادني خلفيات..

http://www.nilemotors.net/Nile/showthread.php?t=63049&page=3

و انا بصراحة شايفها موضوعيه الي حد كبير..

[mohamed_hamdi]

احمد باشا علاوي

أنا قلت ان جميع السيارات الألماني محترمة جدا و لا غبار عليها لأني عارف الألمان كويس و مش بيهزروا في الكواليتي كنترول و الكمال دائما لله وحده.
انا قرأت الموضوع بتاع صور الفيكترا المرسل من حضرتك و سؤالي تفتكر كل اصحاب المعارض وحشين و مكسبهم في العربيات الأخرى الألماني عدا الفيكترا أكبر زي فينوس ماهو مصر يقول كل مرة و لا رأي حضرتك ان الناس عادة لا تجمع ابدا على باطل؟
الفيكترا موديل 2008 تحفظي عليها الأتي :
1- الفتيس الايزي ترونيك ابو نتشة
2- التابلوه الكئيب اللي بيفكرني بعربية جدي الله يرحمه.
3- الشكل الخارجي مش شبابي خالص، مع اعترافي ان دي مسألة أذواق و لازم تحترم.
4- مرة و اتنين و عشرة - الانتشار في السوق المصري برغم عشوائيته وعدم الاقتناع بالأسلوب الخايب لهذا السوق في تقييم السيارات بدليل المرسيدس 78 التمساحة اللي لسه ليها سعر لحد النهاردة و كمان صاحبها يقولك فابريقة. و على الرغم من كده لا يمكن تغير ثقافة سوق كامل - حتى لو عشوائي و غلط - و برضه الناس لا يمكن تجتمع على غلط لأنك ممكن تقنع واحد او اتنين بوجهة نظرك انما سوق كامل ، معلش اسمحلي صعب جدا.

ثانيا : بالنسبة للجيتا فبصفتي الشخصية كأحد ملاكها المتواضعين ، فعيوبها كالتالي :
1- الارتفاع عن الأرض بس التصفيح السفلي بيقلل الأضرار الناشئة عن ذلك.
2- صوت الموتور العالي داخل مقصورة الركاب.

وزي ماتفقنا مافيش سيارة كاملة من كله.

خالص احترامي لحضرتك و لجميع افراد عصابة أوبل المخلصين قرصان قرصان.

محمد حمدي

[Ahmad Allawy]

احمد باشا علاوي

2- التابلوه الكئيب اللي بيفكرني بعربية جدي الله يرحمه.
3- الشكل الخارجي مش شبابي خالص، مع اعترافي ان دي مسألة أذواق و لازم تحترم.
محمد حمدي

انا عن نفسي مؤيد ليك ف النقطتين دول جدا..
بس هاقولك القيمة السعرية ليها.. و امكانياتها و تقفيلها.. يخليني اتغاضي عن الحاجات دي
اما الفتيس ابو نتشة ده.. فده احد اسباب اعجابي و حبي للعربية دي..



و في حاجة تانية..
في فتيس جديد فولكس عاملاه.. اسمه DSG انا عن نفسي.. لو في عربية نزل فيها و بسعر معقول.. هاجيبه حتي لو فيه عفريت.. مش نتشة بس.. ولو انه مفيهوش نتشة.. بس في المقابل.. ممكن الاداء بتاعه يبقي وحش قوي في ظروف معينة ف السواقة..
بس في المقابل حبي و اعجابي بالتكنولوجي دي.

تحياتي يافندم..

[mohamed_hamdi]

يا أحمد باشا علاوي
ده يحصلنا عظيم الشرف لو تنضم لأسرة الفولكس حتى لو علشان الفتيس DSG الجديد بس ده معناه تغيير جذري في سياسة عصابة أوبل باعتبار حضرتك الربان الكبير فيها بمعنى هل أعتبر ده اعتراف منك بالأفضلية اللي في سيارات فولكس على أوبل ؟.
احترامي.
محمد

[Ahmad Allawy]

يا أحمد باشا علاوي
ده يحصلنا عظيم الشرف لو تنضم لأسرة الفولكس حتى لو علشان الفتيس DSG الجديد بس ده معناه تغيير جذري في سياسة عصابة أوبل باعتبار حضرتك الربان الكبير فيها بمعنى هل أعتبر ده اعتراف منك بالأفضلية اللي في سيارات فولكس على أوبل ؟.
احترامي.
محمد

لأ ده مش اعتراف بافضلية مطلقة..
بس انا من النوع اللي بيحب التكنولوجي الجديدة اللي ابقي متكيف كده منها.. و فاهمها ولو حتي علي خفيف.. و حاسس باللي بيحصل فيها ايه..
باقدر الجمال.. يعني و باستمتع بالتكنولوجي اللي الناس بتبقي خايفة منها.. و مش مستوعبة في ايه ابداع ف الحاجة دي..
زي الايزي ترونيك اول ما نزل عندنا هنا في مصر.. عشان هو موجود برة من سنة 2003 تقريبا.. بس مكناش نسمع عنه اصلا.. و الDSG الممتع جدا اللي تقريبا والله اعلم لسة موصلش هنا مصر..

[KHALED AYMAN]

محمد باشا حمدى :
ازيك يا باشا عامل ايه ؟؟

انا بس فى كام نقطه عايز اعلق عليها :
1-انا لما قلت للراجل الى عايز يجيب فيكترا ان ممكن يكون المعرض مكسبه فى الفيكترا اقل من الجيتا و الاوكتافيا مكنتش اقصد كده بالظبط لالالا
اانا كان قصدى انى اوضحله انه ميعتمدش على كلام المعرض لان المعرض عايز يبيع و يخلص و لما يحصل حاجه فى العربيه لا قدر الله ميعرفكش ...
فأنا كنت بقوله مثال للحاجات الى ممكن تخلى المعرض يرجحله عربيه على عربيه و لم اكن اقصد الجيتا و الاوكتافيا و الفيكترا تحديدا ...
انا ذكرت اساميهم لمجرد المثال فقط لا غير ....

2-تعالى بقى هنا انت عايز تاخد علاوى مننا ؟؟
هههههههههه نعمل ايه احنا من غيره ؟؟
ولا هو علشان انتو معندكوش حد زيه ههههههههه

على فكره انا منتظر ال Dsg علشان اطلع فيه القطط الفاطسه ههههههههههه

بهظر طبعا متزعلش و طبعا ال Dsj انا مقدرش اتكلم عليه لانى مجربتوش بس انا عندى ثقه كامله فى اى شىء المانى و علشان كده انا مطمن من ناحيته هو و الايزى ترونيك (ابو نتشه ههههههه)

تقبل تحياتى يا محمد باشا ...

[mohamed_hamdi]

أحرجتني بذوقك و الله يافينوس يا بني ، افتكرتك مدي عمولة لكل معارض مصر المحروسة علشان يزودوا مبيعات الفيكترا الجديدة شوية
الحمد لله ان الموضوع ده اتنقل للأوروبي العام أحسن كنت حاسس اني مخنوق بين افراد عصابة أوبل اللي بيشقطوني لبعض من علاوي باشا لمختار باشا للمعلم ذو الحماس الدائم خالد باشا أيمن الشهير بفينوس و مش عاوزين يستسلموا خالص.
ان شاء الله هأقنع الزميل العزيزأسامة موسى بالاشتراك في الموضوع ده معايا علشان يخفف الضغط شوية عني و لله الأمر من قبل و من بعد .
خالص احترامي للجميع
محمد