الاسبرانزاa516ولا النوبيرا

[rms1986]

هو انت عرفت ازاي اني في كلية طب دة انا كان لسة عندي النهاردة امتحان طفال معفن في طب القاهرة قرفني ومخليني مش عايز افوم اذاكر

انا يا سيدى احمد من اسكندرية برضة دكتور بس اكبر منك شوية اسنان دفعة2005

اهلا بالدكاتره

انت المفروض تكون sales manager!!!!!!!!!!

لا يا استاذي الفاضل ده بس العربيات ده هوايه
وانا بحب السيارات ده كل الموضوع
وبحب اتكلم من علم ودلائل ووقائع

متشكر للتحليلك للعربية

اي خدمه تاني

انا معنديش مانع

بصراحه انا بدافع عن العربيه بس نفسي حتى مش لدرجه ان فيات برافو يحطولها مواتير شيري
انا نفسي استغربت
مما يدل على جوده تلك المواتير حيث ان البرافو محترمه جدا

http://paultan.org/archives/2006/11/11/fiat-to-use-cherys-avl-designed-acteco-engines/

ومحدش منكم علق ع الخبر ده

[dramr]

جايز حاجه من اتنين . يا خبر مش صحيح, يا فيات عقلها خف

[hon]

نوبيرا بدون كلام كتير

من غير نقاش النوبيرا يعنى الكورى وبس وشكرا

[rms1986]

يا فيات عقلها خف

شكرا لذوقك

من غير نقاش

ليه يعني

مشبقولوقو تعصب وخلاص

عالعموم زي متقال اول مالكوري نزل تسيب الياباني وتركب الكورى
بيتقال دلوقتي والنتيجه باينه

وبعدين النوبيرا قربت تتلغي
يا ترى في اعاده البيع حد هيرضى يشترى موديل اتلغى الله اعلم بعد 5 سنين من دلوقتي

[ahmad--ezzat]

وبعدين النوبيرا قربت تتلغي
يا ترى في اعاده البيع حد هيرضى يشترى موديل اتلغى الله اعلم بعد 5 سنين من دلوقتي

قربت تتلغى...لية هو نزلو فى الجرنال قالو الخبر دة (المعلومة دى جت منين)...انها قربت تتلغى...وحتى لو اتلغت مصر كلها راكبة نوبيرا والناس كلها بتحب العربية دى والعربيات الدايو عموما كويسة ...

ادعى بس حضرتك ان الاسبرانزا تفضل تنزل ....زى ما النوبيرا كدة من 2001 ومن 97 بتنزل

وحتى لو انتاجها وقف ...اية المشكلة انا مش فاهم..منت عندك الاكسيل والاسبكترا والسيفيا والشوما وغيرهم وغيرهم وقفوا...سمعت عن حد مبيشتريش العربيات دى...العربيات شغالة وليها قطع غيار ...

وهو حضرتك بتتكلم من انهى منطلق ...ارجو التوضيح

[M.ABDEEN]

من 2006 وبيقلوا هيقف انتاجها ومحصلش ولو حصل يعني.... مش النهاية عربية فعلا اثبتت نفسها وانتشرت وتستحق الاحترام ....وهل في اعتقادك ان عربيات الشرطة والمباحث بعد كده ممكن تبقى اسبرانزا زي النوبيرا ؟؟؟؟؟؟؟؟؟؟
الايام جاية وان شاء الله مش هيحصل

[rms1986]

اقتباس:
يا فيات عقلها خف

شكرا لذوقك

انا اسف افتكرت حاجه تانيه وخد كمان لينك لتاكيد الخبر
http://www.edmunds.com/insideline/do/News/articleId=117428
من موقع ادموند وده سايت مشهور حى هما كابي في اخر سطر
What this means to you: More proof that Chery is on the way to international stardom.

[rms1986]

يا جماعه

السلام عليكم
وحشتوني

ازيكو ان شاء الله بخير

موضوع ان الاسبرانزا تقعد زي النوبيرا من 97 لحد 2007
ان شاء الله هيحصل

قولي ليه

ابو الفتوح اشترى الفلانشات بتاعه الموديل 113 و516
اللي بيتصنع عليها العربيه كامله ما عدا الموتور والفتيس

زي ما اشترى فلانشات الانوس والنوبيرا زمان وقعدو 10 سنين

ودول بيكلفوه جامد اوي يعني ان شاء الله صعب جدا يرميهم الا لما يستهلكهم تماما زي ما استهلك النوبيرا ولانوس

اما فيه موديل نثلا زي ال213 اللي شكلها غبي بيستوردها بس علشان منجحتش زي التانيين ففي اي وقت هيوقف استيرادها ويجيب موديل جديد اسمه storm
عرضه في اوتوماك السنه ده

يا استاذ احمد هو انا قلت ان النوبيرا وحشه انا بس بقول ان خلاص قربت تنتهي
وكل سنه يقولو كده بس انا حاسس السنه ده والله اعلم ممكن يكون احساسي غلط
انها السنه ده
عارف ليه لما رحت اخر مره فروع ابوغالي النزهه وروكسي واماك روكسي
لقيت حاجه غريبه جديده انهم عملو تجديدات شالو تصميم وديكورات دايو تماما وحولو كل معارض ابو غالي ال speranza
على خلفيه حمراء روح شوف بنفسك ومفيش وجود لدايو حتى كنت بلاقي نوبيرا عرض مبقتش الاقي غير اسبرانزا

واديك قلت حضرتك يا استاذذ محمد ان مع الوقت الناس وثقت في الكوري
ومع الوقت هيحصل خصوصا ان ابو الفتوح محقق مبيعات حلوه قوي في 3 سنين

وان معجب بالنيو سيراتو بتاعت حضرتك بس كان نفسي الصالون بتاعها يبقى بنفس قوه الشكل الخارجي بتاعها

بس نزلت في وقت غلط ضيعو فرحه السيراتو اللي قبلها مع انها بردو حلوه انا سقتها

[rms1986]

اللينك ده في كل موديلات ابو الفتوح

http://speranza-egypt.com/

[rms1986]

وكمان احنا لسه شاريين يوم الجمعه اللي فاتت ده 113 من ابوغالي روكسي

والاستاذ اللي هناك قالي حاجه غريبه جدا

ان اسبرانزا دلوقتي تقدر تعمل ضمانها في دايو موتور اللي في جسر السويس والكلام ده مكنش بيحصل قبل كده
والمركز جنبه 2 مركز صيانه اسبرانزا
تكنوسيرفس 1 تكنو سرفس 2 + دايو 3 جنب بعض ومع ذلك الضغط شديد عليهم والدنيا زحمه عندهم

[tutankhamoun]

أبو الفتوح أستغنى عن دايو مش بمزاجه .
أبو الفتوح مُجبر ........ لأن جنرال موتورز أستحوذت على دايو بالكامل و بالتالي سحبوا الوكالة منه لأن هما عندهم مصنع في مصر و أكبر من مصنع أبو الفتوح بكتير .

العربية الأسبرانزا .... تُعتبر من أنجح العربيات الصيني اللي نزلت مصر و أنا شايفها عربية معقولة ( شكلها وحش -- ذوقي كدا ) إنما كعربية أنا شايفها معقولة .
النوبيرا ...... طبعا معروفة للناس جميعا و هي عربية حلوة و لها مميزات كثيرة منها توافر قطع الغيار ..... و سهولة اعادة البيع اللي أحسن من الأسبرانزا بكتير .

مُشكلة الصيني في العموم هو سُمعة الصين السيئة في الصناعات السيئة اللي بتعملها و ده مش بينطبق على كل حاجة ..... بس في العربيات الناس بتخاف .
إنما العربية شغالة في السوق بقالها فترة و متهيألي العربية محترمة و يعتمد عليها .
أنا أبن عمي معاه التيجو ...... و هو معجب بها و بيقول أنها عربية حلوة و على أد فلوسها .

فمعنى كدا أن الأسبرانزا عربيات معقول و كويسة للي عنده قلب جامد يشتري حاجة مش منتشرة أو سُمعتها قليلة شوية .
يعني اللي عايز عربية رخيصة ..... موتورها معقول ..... الأسبرانزا موجودة .
اللي بيفكر تفكير نمطي .... و بيفكر في اعادة البيع ..... النوبيرا موجودة .

بس أنا شايف أن الأثنين شكلا مش حلوين و لو أن النوبيرا شكلها أحلى من الأسبرانزا .

بس بقى فيه لون في الأسببرانزا ....طلع خطير فيها و مخلي شكلها أحلى من المعتاد

هو اللون الأبيض اللي نازل في التاكسي اليومين دول ......شكله حلو قوي فيها .

[mohamedadelemam]

يا جماعة..أنا مركبتش العربيتين..وأنا أساسا مبركبش غير الفرنساوى...بس فى رأيى المتواضع إن السيارات الكورية أقدم وأكيد خبرتهم أكبر من الصينى