الى المتسائلين عن الكورولا الافريقى الاحباب اليكم فصل الخطاب

[أبو عبدالله]

انا برضه اللى اسلوبى مش لطيف ......انا مش سياستى انى اتكلم مع حد باسلوب مش كويس ولكن الفرق اللى بينى وبينك ....................انك بتتكلم بالتخيل والتصور والاعتقاد................. ولكن انا بالتجربه الشخصيه
انا مش هلومك لان فعلا ده طبع المصريين كله بيحب يعمل نفسه عارف ويقول كذا او كذا وما يقولش ما اعرفش اطلاقا
ابسط مثال لما اكون فى منطقه غريبه وبسال الناس عاوز اوصل للمكان الفلانى الاقى الناس بتوصلنى لطريق غير المقصود تماما علشان كلمة (لا اعرف لا يقولها)
ابسط حاجه .......انك لو راجعت كلامى سابقا مش هتلاقى فيه اى اساءه شخصيه او توجيه ولكن غيرت الكلام وخليته غير لطيف و (مش هينفع ارد عليك)(حشرت الالمانى فى الموضوع)
انا ممتنع الرد فى الموضوع ده............
ونصيحه اخيره......ما تاخدش كل حاجه فى الحياه كده قفش .....صدقنى هتتعب كتير

استاذ ماندو مفيش مشكلة ان شاء الله

وطبعا واضح انك متفهم وعارف
ولكن مفيش مشكلة
اخونا محمد برضه ميقصدشي حاجه والموضوع سوء تفاهم مش اكتر وجهل مننا كلنا

وارجو ان نتفهم بعض وان محدش يكذب حد لن ده فعلا بيبقى شئ مستفز للواحد
طيب تخيل كلامه طلع صح هو هيحس بأيه ساعتها وانت بتكذبه
اكيد هيضايق جدا واي واحد ف مكانه برضه هيحصله كده

روقوا يا اخواني وان شاء الله مفيش مشكلة

[abo samra]

انا عايز اسأل سؤال يا جماعه
ازاي القصوي بتاعة الكرولا 198
اذا كان انا عديت 210 بالالنترا وكانت حوالي 6.5
بيتهيقلي انها بتجيب اكتر من كده؟؟؟؟؟؟؟؟؟؟؟؟؟

انا جبت 205 و RBM كان حوالى 6000 لفه وكان فيها تجيب كمان بس الطريق ما ساعديناش اكمل

[M.Mokhtar]

للأسف يا أخي محمد
معلومات البي ام 316 غير صحيحه
فهيا من موقع بي ام ايجيبت نفسها ومن ملف البي دي اف بتاعها نفسه
الأرقام غير كده وهيا هنا
.
.
.
يعني عزم الكورولا اعلى من البي ام فعلا والتسارع اعلى كمان


ده غير ان البي ام القديمة اقل من كده كمان

فمش عارف هو شد مع مين

مع الأخذ في الأعتبار ان البي ام اثقل من الكورولا بفارق يعتبر في الشد

اولا يا ابو عبد الله انا جبت الارقام دى من ال brochure بس مش متاكد ان النسخه دى مطابقه للمواصفات اللى بتنزل مصر
ثانيا ماندو باشا مكنش بيقارنها بال 316 ده بيقارنها بال 320i موديل 2007 ؟؟!!!!
ثالثا اللى بيظلم الالمانى فرق الوزن فعلا عشان كده فى الطلعه بيبقى ابطأ الى حد ما بس على السرعه لو شاطر تجيبه
رابعا من موقع تويوتا ايجيبت انا جايب التسارع 12.1 للفتيس الجديد و 10.4 للفتيس المانيوال يعنى البى ام 316 اسرع من الكرولا بالفتيس الجديد على كلام حضرتك؟؟؟

انا برضه اللى اسلوبى مش لطيف ......انا مش سياستى انى اتكلم مع حد باسلوب مش كويس ولكن الفرق اللى بينى وبينك ....................انك بتتكلم بالتخيل والتصور والاعتقاد................. ولكن انا بالتجربه الشخصيه

التخيل والتصور والاعتقاد شئ جميل ودى مواهب مش عند اى حد
بس هتقول ايه عن اللى بيقول

البى ام دبليو 320 اخرعا اصلا 220 وموتورها 2000 سى سى

وبعدين انا شايف ان المواتير اليابانى اللى هيا 1600 سى سى كلها اقوى منا الالمانى

مع انك مرتيش على موضوع موتور VW

انا بقولك انا نفسى طلعت من الكرولا وفرقت عنها جامد بعد ال 180 تخيل بقى موتور البى ام هيعمل فيها ايه

وده كلام حضرتك

انا مش بقول الكلام ده علشان تصدقنى لان انا مش مستنى رايك ان كنت صادق او كذاب
وكون انك مش مصدق كلامى اتمنى تحتفظ بالكلام ده لنفسك

لو انت شايف ان كلامك ده عادى اوك ولا يهمك انا اللى فهمتك غلط

انا مش هلومك لان فعلا ده طبع المصريين كله بيحب يعمل نفسه عارف ويقول كذا او كذا وما يقولش ما اعرفش اطلاقا
ابسط مثال لما اكون فى منطقه غريبه وبسال الناس عاوز اوصل للمكان الفلانى الاقى الناس بتوصلنى لطريق غير المقصود تماما علشان كلمة (لا اعرف لا يقولها)

هههههههههههه
ياما حصلتلى
بس هو انت مصرى ولا عميل؟ :)

ابسط حاجه .......انك لو راجعت كلامى سابقا مش هتلاقى فيه اى اساءه شخصيه او توجيه ولكن غيرت الكلام وخليته غير لطيف و (مش هينفع ارد عليك)(حشرت الالمانى فى الموضوع)

غير لطيف: وضحته فى الاقتباس السابق

مش هينفع ارد عليك: انت قولت احتفظ بيه لنفسك ولازم احترم رغبة حضرتك
وكمان اسلوب اخبط دماغك فى الحيطه زى "انا مش بقول الكلام ده علشان تصدقنى لان انا مش مستنى رايك" ارد عليه اقول ايه بس :(

حشرت الالمانى فى الموضوع: انت اللى قولت ان 320 وكمان موديل 2007 كان فى الشد مافرقش اوى عنك

انا ممتنع الرد فى الموضوع ده............

يا باشا الموضوع ده اعتبره محصلش من اصله
ومش عايزك تزعل منى

كل ده شويه حديد وملوش قيمه
المهم اتعرف على ناس جميله زى حضرتك

ونصيحه اخيره......ما تاخدش كل حاجه فى الحياه كده قفش .....صدقنى هتتعب كتير

ده انا؟ :k45:
شكلك متعرفنيش :)
بس اكيد هنتعرف وانا مصمم انى اتعرف بيك

انا عايز اسأل سؤال يا جماعه
ازاي القصوي بتاعة الكرولا 198
اذا كان انا عديت 210 بالالنترا وكانت حوالي 6.5
بيتهيقلي انها بتجيب اكتر من كده؟؟؟؟؟؟؟؟؟؟؟؟؟

السرعه اللى بتبقى مكتوبه على الموقع مش بتبقى الفعليه بتبقى نظريه الى حد ما
كل العربيات اللى ركبتها جابت اكتر ما الكتالوج بيقول :)

استاذ ماندو مفيش مشكلة ان شاء الله

وطبعا واضح انك متفهم وعارف
ولكن مفيش مشكلة
اخونا محمد برضه ميقصدشي حاجه والموضوع سوء تفاهم مش اكتر وجهل مننا كلنا

وارجو ان نتفهم بعض وان محدش يكذب حد لن ده فعلا بيبقى شئ مستفز للواحد
طيب تخيل كلامه طلع صح هو هيحس بأيه ساعتها وانت بتكذبه
اكيد هيضايق جدا واي واحد ف مكانه برضه هيحصله كده

روقوا يا اخواني وان شاء الله مفيش مشكلة

شكرا يا ابو عبدالله وان شاء الله مفيش مشاكل

وان شاء الله لازم اشوف ماندو بيك ونشد سوى :)
ويمكن كمان اعملها تيست درايف

على فكره انا بيبع وبفكر فى عربيه زيرو بس لسه مش عارف انهى فئة سعريه هجيب منها بس حاطط الاختيارات دى

فئة 1: لانسر ex - كورولا 2008 جنوب افريقى - هوندا سيفيك
فئة 2: جيتا - A5 - فكترا
فئة 3: باسات - 316i - فولكس ايوس
انا عارف انها عربيات ملهاش علاقه ببعض بس عاجبنى وعلى حسب الفلوس اللى هتتوفر بقى :(

بس عشان تعرف ان الكرولا من العربيات اللى بحبها ولو ماندو اقنعنى بيها هجيبها ان شاء الله
بس المهم ماندو مايزعلش منى

[rashad_79]

شكرا يا رشاد باشا. أنا لو عايز رأيى، هات الجنوب أفريقى و إنت متطمن. بالأمانه العربيه ممتازه و تويوتا هى تويوتا حتى لو معموله فى مصر.

ُثانيا، 2008 أو 2009. برضه مش هتفرق غير فى الفتيس، بس الموتور الجنوب أفريقى ممتاز جدا و أحسن من الخليجى بمراحل. و فى حاجه تانيه: العفشه الجنوب أفريقى مناسبه لشوارعنا أكتر و العربيه أعلى نسبيا (كلام العفشه ده حد شغال فى الخليجى قاللى عليه). يبقى الفرق فى الفتيس. و ده يرجعلك.

ألفتيس ال MMT فتيس محترف أكتر. محتاج تتعلمه و تتعود عليه قبل ما تقدر تعمل بيه إللى إنت عايزه بالضبط.-كأنك بتتعلم على عربيه مانيوال لأول مره، بعد كده بتقدر تعمل بيها حاجات متتعملش بالأوتوماتيك- أما الأوتوماتيك أنا بعتبره مش فتيس إحترافى، لأن ببساطه أى حد ممكن يسوقه و مش محتاج تعود. بس القرار يرجعلك طبعا فى الأخر.

عن نفسى، أنا إستعجلت أشترى العربيه السنه دى و زنقت نفسى شويه فى الفلوس عشان سمعت إشاعة الفتيس الأوتوماتيك بتاع 2009.

أما بالنسبه للنتشه دى حقيقه بس فى الأول، دى هتروح لما تتعود عالعربيه زى ما شرحت.

أرجو أن أكون فد أفدت




ربنا يباركلك فيها يا (adibrz) انشأالله و متشكر على التوضيح ده , بس التوكيل المتخلف ده مش عايز يقولي اي حاجة عن موضوع 2009 دي مش عارف ليه , نفسي تنزل و اخلص بقى

[mohie777]

السلام عليكم ياشباب

انا كنت بقرا الموضوع الى انتوا بتتكلموا فيه

ولى معلومة يعلم الله صحتها

انا سالت على الهورس بور للسيارات الالمانى

قال انه عزم السيارة او الهورس باور بيتقاس على العجلة( يعنى على قوه الماتور التى يخرجها محمل عليها وزن السيارة والطاقة المفقودة من نقل الحركة من الماتور الى الجيربوكس الى العجلة )

اما السيارات اليابانى بتقاس الهورس بور وعزمه على الماتور بس (يعنى ليس محمل عليها وزن السيارة ولا الطاقة المفقوده من نقل الحركة من الماتور الى الجير بوكس ثم الى العجلة )

ده بس للايضاح .....والله اعلم

[adibrz22]

أنا ليا رأى فى موضوع السحب ده.

أنا جربت ال 316 2007 و معايا الكورولا 2008. الإحساس بالسحب و التجاوب كان لصالح الكورولا. و أنا فى رأيى هو ده المهم (إحساسك)

أعتقد إننا مش مقضينها شد طول النهار و الليل. لا الطرق تسمح ولا إحنا راكبين عربيات معديه ال300 حصان ولا أى حاجه. لو حد من بره جه و سمع الحوارات دى هيدحك علينا 316 إيه و كورولت إيه.

بالظبت زي محنا هندحك على حوار سخن و مولع عن مين أشد "الرمسيس موديل 60 ولا التوكتوك."

أعتقد إن أهم حاجه إن كل واحد عربيته مريحاه و شدها عاجبه و موفيه طلباته.

روقوا

[rashad_79]

ربنا يباركلك فيها يا (adibrz) انشأالله و متشكر على التوضيح ده , بس التوكيل المتخلف ده مش عايز يقولي اي حاجة عن موضوع 2009 دي مش عارف ليه , نفسي تنزل و اخلص بقى
صحيح هو انت جايب ال ADV ولا PROFE؟
و تأفيلها من جوا حلو , و هل فيها مسند في نص الكنبة في حامل اكواب؟
و نور في التابلوه و الشنطة؟

معلش انا شفتها في التوكيل بس ما اخدتش بالي من الحاجات دي

[Ahmad Allawy]

للأسف يا أخي محمد
معلومات البي ام 316 غير صحيحه
فهيا من موقع بي ام ايجيبت نفسها ومن ملف البي دي اف بتاعها نفسه
الأرقام غير كده وهيا هنا



يعني عزم الكورولا اعلى من البي ام فعلا والتسارع اعلى كمان


ده غير ان البي ام القديمة اقل من كده كمان

فمش عارف هو شد مع مين

مع الأخذ في الأعتبار ان البي ام اثقل من الكورولا بفارق يعتبر في الشد

ابو عبد الله..
ازيك يا فندم..
احب اوضح بس كام حاجة كده..
عشان محمد مختار كان ف الشغل.. و مكانش عارف يدور علي حاجة سعاتها عشان كان مشغوول..
انا بنفسي اللي دورت له علي اللينكات.. و بعتهالك بنفسي..
و كمان البروشور اللي هو جاب المعلومات منه بتاع البي ام.. ده كان من علي السايت بتاع بي ام الجلوبال.. و عندي لو حبيت ابعتهولك..و فيه كل موديلات البي ام الفئة التالتة اللي موجوده ف السوق..
الله اعلم بقي اللي بتنزل مصر دي ايه الظروف فيها.. مش عارف.. مش المفروض انها واحدة م الموديلات اللي بتنزل برة..؟؟
ولا بيتعمل حاجات اسبشال اوردر لينا هنا..
و مواصفات التويوتا انا برضه جيبتها من علي الموقع بتاع تويوتا جلوبال..
وحي ملقيتش عليه ساعتها مواصفات الكورولا ال1600.. اقل حاجة كانت ال1800.. و كانت اقل في كل حاجة من البي ام ال320 بفارق كبير كمان..
لو كان الموضوع في مقارنة بين الكورولا و البي ام ال316.. مكانش حد هيعترض.. عشان معروفة جدا موضوع الفارق الكبير جدا ف الوزن.. واشياء اخري انا ممكن ماكونش فاهم فيها اصلا..

[Ahmad Allawy]

وبعدين من المقارنة اللس سعاتك كنت باعتها بين مواصفات البي ام و الكورولا اللي كانت ف الجدول اللي مختار كان باعته..
الفرق ف العزم 7 نيوتن متر.. مع الفارق ان العزم بتاع الكورولا عند 5200 لفة تقريبا.. و البي ام عند 4750.. و التسارع البي ام برضه اعلي..
11.6 في مقابل 12.1..

عموما كلها مش هتفرق.. بس الطريقة متكونش كده.. الموضوع مش مستاهل.. و الناس تقفش علي بعضها.. و في الاول و الاخر.. الاخ الفاضل اللي كان بيقول كذا علي الكورولا وهو سايقها و قطعغ بيها بي ام.. ايه ادراه ان اللي كان سايق البي ام ده كان بيشد باقصي حاجة عنده..؟؟
ايه عرفه انه مكانش مش حريف ف السواقة و بيعرف يطلع اخر ما ف العربية زيه هو وهو سايق..؟؟
مش عشان هو عمل كده مرة او اكتر يبقي دي القاعده..
الامور ليها مقياس مختلف..

[adibrz22]

ربنا يباركلك فيها يا (adibrz) انشأالله و متشكر على التوضيح ده , بس التوكيل المتخلف ده مش عايز يقولي اي حاجة عن موضوع 2009 دي مش عارف ليه , نفسي تنزل و اخلص بقى
صحيح هو انت جايب ال ADV ولا PROFE؟
و تأفيلها من جوا حلو , و هل فيها مسند في نص الكنبة في حامل اكواب؟
و نور في التابلوه و الشنطة؟

معلش انا شفتها في التوكيل بس ما اخدتش بالي من الحاجات دي

شكرا يا رشاد باشا و آسف على التأخر فى الرد
أنا معايا ال Advanced و دى فيها كل حاجه. ألعربيه بصراحه مبهره. التقفيل بتاعها ممتاز و مفيهوش غلطه و الخامات ممتازه. بس نصيحه لو هتجيب هات الفرش الأسود مش البيج.

و ردا على أسئلتك: فيها مسند بحامل أكواب فى الخلف و أنوار فى درج التابلوه (السفلى فقط) و الشنطه.

[rashad_79]

متشكر يا باشا على الرد
هو عندك حق في موضوع الفرش عشان البيج بيتوسخ بسرعة مع انه اشيك بكتير الصراحة.
و مرة تانية ربنا يباركلك فيها يا باشا

[THELOST]

فعلا ياباشا احسن موضوع قرأتة عن الكورولا
الجديدة فى المنتدى لحد دلوقتى فعلا شكرا ياباشا
مجهود رائع

[د.اسماعيل النجار]

[quote=THELOST;502810]

فعلا ياباشا احسن موضوع قرأتة عن الكورولا

الجديدة فى المنتدى لحد دلوقتى فعلا شكرا ياباشا

مجهود رائع

--------------------------------------
لاشكر على واجب اخى الحبيب واشكرك على اعجابك بالموضوع وربنا يجعل اعمالنا جميعا لتنفع بعضنا البعض:k1:

[KING_LEDO]

السلام عليكم و رحمة الله و بركاته
انا عربيتى النترا 2007 و كنت مسافر القاهرة من الغردقة من حوالى 20 يوم و بعد كمين راس غارب ظهرت عربية تويوتا 2008 بالزينون في عينى الساعة 3 الفجر الكلام ده فعداني انا كنت بنعس و داخل راس غارب احدف يمين و شمال قلت حلو اصحصح على ده اخذت اطارده لحد ما العداد و صل 200 و لسه محصلتهوش و بعد على 210 او 205 بالكاد عاديته و هو شوية و عاداني و اخذنة 100ك حتى الزعفرانة في 33 دقيقة و الملفات السخنة من 160 الى 180 و الشديدة المنحنى كنا ببنزل لل90-120 و كدة بس حسيت انه منافس
و لكن من 3 ايام كنت راجع من القاهرة حوالى الساعة 1:30 صباحا و على طريق الجيش فوجئت بصاروخ بي ام 523 موديلات 2003 و طالع كنت بنعس و سايق 2 يوم متصل بأرهاق سبته شوية و لقيت 2 لانسر واحدة بوما وواحدة شارك بيشدوا مع بعض واحدة ملاكي اسكندرية(شارك) و جيزة(بوما) و بعد كدة بيجو 7 راكب قلت عيب كدة زودت لحد 200ك 205 و مرات 210 و مسبتش ولا عربية تعدي النتيجة
البوما هي تقاوم لحد 170 180 و تفيص
الشارك ضعيفة جدا اخرها 160 170 و السحب ضعيف
ما احزني فعلا ال بى ام صاحبها كان بيعيط كنت اهديلة و اول ما يقرب منى بكل سرعتة ازود بس اعدي منة بكل بساطة و فرق كبيييييييييييييييييييييييييييييييييير و هو حاول معايةممكن 7 مرات كنت بغيظة و اهديلة و ادوسلة فرام و يشوف و اول مايعدينى اطير منة (عربيتى 51000 ك)
فعلا ال بي ام انا زعلت ضعيفة
البيجو كان النكتة طبعا

[وائل عطية]

السلام عليكم و رحمة الله و بركاته
انا عربيتى النترا 2007 و كنت مسافر القاهرة من الغردقة من حوالى 20 يوم و بعد كمين راس غارب ظهرت عربية تويوتا 2008 بالزينون في عينى الساعة 3 الفجر الكلام ده فعداني انا كنت بنعس و داخل راس غارب احدف يمين و شمال قلت حلو اصحصح على ده اخذت اطارده لحد ما العداد و صل 200 و لسه محصلتهوش و بعد على 210 او 205 بالكاد عاديته و هو شوية و عاداني و اخذنة 100ك حتى الزعفرانة في 33 دقيقة و الملفات السخنة من 160 الى 180 و الشديدة المنحنى كنا ببنزل لل90-120 و كدة بس حسيت انه منافس
و لكن من 3 ايام كنت راجع من القاهرة حوالى الساعة 1:30 صباحا و على طريق الجيش فوجئت بصاروخ بي ام 523 موديلات 2003 و طالع كنت بنعس و سايق 2 يوم متصل بأرهاق سبته شوية و لقيت 2 لانسر واحدة بوما وواحدة شارك بيشدوا مع بعض واحدة ملاكي اسكندرية(شارك) و جيزة(بوما) و بعد كدة بيجو 7 راكب قلت عيب كدة زودت لحد 200ك 205 و مرات 210 و مسبتش ولا عربية تعدي النتيجة
البوما هي تقاوم لحد 170 180 و تفيص
الشارك ضعيفة جدا اخرها 160 170 و السحب ضعيف
ما احزني فعلا ال بى ام صاحبها كان بيعيط كنت اهديلة و اول ما يقرب منى بكل سرعتة ازود بس اعدي منة بكل بساطة و فرق كبيييييييييييييييييييييييييييييييييير و هو حاول معايةممكن 7 مرات كنت بغيظة و اهديلة و ادوسلة فرام و يشوف و اول مايعدينى اطير منة (عربيتى 51000 ك)
فعلا ال بي ام انا زعلت ضعيفة
البيجو كان النكتة طبعا

ماشاء الله ..دا إيه الجمال دا
وعديت كل العربيات دي ..بما فيها البي إم ؟
يعني متوسط سيرك 200 كم/ساعة..
على كده بقى الإلنترا دي حاجة جامدة قوي !!