تقييم اللوجان بعد 1000 كيلو

[alfa_we]

ازيك يا دكتور جلال بجد انا مش عارف اعتزرلك ازاى بس والله كنت مشغول الى كام الى فاتو مكنتش عارف ارد عليك
على فكرة انت كدة خليتنى اعرف انى حظى وحش بسبب انك مبتنزلش اليومين دول
وانا عارف والله انها مش عزومة مركبية ولا حاجة بس انا كنت بهزر معاك
بس انا عايز اعرف انت ركبيت العربيتتين الى بتتكلم عليهم ولا لسة ؟
بصراحة انا لو كنت مكانك هاختار السيدان مهما كان النوع لانك بتقول معاك مريم ( ربنا يخليهالك )
ويكرمك ان شاء الله بأبنك الى هايشرف
يعنى انت محتاج عربية عائلية دا اول سبب
تانى حاجة لو هانتكلم على اللوجان هى عربية كويسة وكل حاجة زى مانت قريت عنها وفى حاجة كمان
موضوع الصيانات مش هاتكون بعيدة عليك + توكيل محترم جدا عن تجربة
ولتانى مرة بقولك لو عايز تجرب العربية انا تحت امرك كفاية انى اتشرف بحضرتك والله
موضوع التقسيط المباشر انا سمعت عنه بصراحة بس معرفش تفاصيله
وان شاء الله تخلص الموضوع دا على خير
على فكرة اسمى احمد عاطف
وبجد انا سعيد جدا بمعرفة حضرتك

[PoweRPassioN]

شكرا على التقييم والردود

[abohalmos]

الف شكر ليك يا بو حميد

متشكر يا بوحميد على كل المجاملات الرقيقة اللى فى كلامك اللى بتعكس ذوق و انسانية حضرتك
و ده طبعا مش جديد على الصعايدة ..صح ؟؟
متشكر يا غالى على نصيحتك و انا لسه بفكر و الله المستعان ان شا ء الله.
على فكرة انا فى القاهرة اليومين دول فى شغل و مش بعرف اخش بانتظام ...
واسف لو اتاخرت عليك فى الرد .
و لو برضه فيه رزالة منى .....لو انت معدى ناحية التوكيل بتاع رينو فى الاقصر اسالى كده على موضوع التقسيط المباشر .....او لو حتى بالتليفون ....وابقى قولى بالله عليك .....
الف شكر ليك ..يا احمد
و سعيد جدا انى كسبت صديق فى ذوقك ....
و بالمناسبة انت بتشتغل و لا بتدرس ؟؟؟؟؟؟

[أبو أدم]

شكرا لك احمد باشا على التقييم والافادة و المتابعة

[modygemy86]

معلومه مفيده: توكيل رينو متعاقد مع شركه كونتاكت في التقسيط، والشركه دي عندها تقسيط اسلامي، وتقدر تتعرف علي النظام الاسلامي بتاع الشركه اكتر لودخلت علي الموقع بتاع شركه كونتاكت (كونتاكت كارز).
ربنا يقدرني واشتري انا كمان العربيه دي .... وانا بحضر مقدم الحجز اليومين دول .... دعواتكوا

[abohalmos]

اخى العزيز.... شكرا على افادتك

اخى العزيز .......شكرا على افادتك بخصوص كونتاكت كارز
انا قبل كده سمعت انهم عندهم مشكلة .....انهم عاملين تحايل على موضوع التقسيط الاسلامى
و انه الحقيقة انه مش اسلامى برضه و كان فيه بعض الاخوة كانوا خدوا العقد بتاعهم لشيخ من الناس المحترمين
و افتى انه فيه بعض بنود فى العقد لابد من تغييرها الاول و بعدين يوقع على صحة هذا العقد.....
الا انهم كما سمعت تحايلوا على الموضوع و قالوا انهم عملوا الحاجات دى و هما معملوش حاجة خالص
و تقسيطهم ربوى .......زى ماهو موجود هنا فى المنتدى فى قسم التقسيط على ما اذكر او البيع و الشراء
مش فاكر مكانه بالظبط....
ممكن الاخوة الخبراء يفيدوا اكتر منى.
نصيحتى ليك ..انك تتحرى الدقة فى الموضوع ده ......و انا معاك برضه و متابع
و لو عرفت جديد هاقولك و للاخوة برضه.....
انا عشان كده ميال للدايهاتسو سيريون وان ....لانهم فعلا محترمين و عاملين تقسيط مباشر و مقدم 5 الاف جنيه
و كمان قريت انهم هايعلنوا عن شركة للتقسيط المباشر على اخر شهر 6 ان شاء الله.
و الله المستعان ان شاء الله .

[ahmedsaeed1966]

اولا الف مبروك يا باشا
ثانيا انا لسه مشتري الفول اوبشن من يومين وبقدر اعدل فيها مستوي الدركسيون
ثالثا: ممكن اسألك شويه اسئله كده علي الماشي :) :-
1- انا قريت في المانيوال انه في التليين السرعه لا تزيد عن 120 كم وال rpm لا يزيد عن 3 , ولما سألت في التوكيل قالي انه ما ينفعش اثبت علي سرعه واحده فتره طويله ايه الاحتياطات التانيه اللي المفروض اخد بالي منها؟
2- لمبه الصالون عندي بتعلق بمعني لما تكون علي الوضع اللي في نص كانت في الاول لما الابواب تتقفل بتنطفي واحده واحده وبعدين مابقيتش بتنطفي غير لما اقفل السنتر. أعمل ايه؟

حكاية النور بتاع الصالون دي ميزة في العربية مش عيب المقصود بيها انها تنور لك لحد ما تدخل بيتك وبعدين تقفلها بالريموت
انا معايا ميجان 2009 نفس الحكاية وموجودة في الكتالوج

[mindvision]

1- انا قريت في المانيوال انه في التليين السرعه لا تزيد عن 120 كم وال rpm لا يزيد عن 3 , ولما سألت في التوكيل قالي انه ما ينفعش اثبت علي سرعه واحده فتره طويله ايه الاحتياطات التانيه اللي المفروض اخد بالي منها؟

انا سالت في خدمة العملاء عن طريق الاتصال بـ16202 بخصوص التليين وكانت الاجابة ان العربية مش محتاجة تليين وانها بتنزل متلينه جاهزة... بس السرعة فعلا قالولي انها ماتثبتش فترة طويلة في السفر... اما الحركة داخل البلد فطبيعي انها مش هاتثبت

[candydandy]

السلام عليكم ورحمه الله وبركاته

اولا مبروك يا باشا علي العربيه الجديده وربنا يبارك لك فيها ويحمك من شرها
انا معايا نفس العربيه بس فول اوبشن الشكل القديم اشتريتها شهر 4 2008 و انا عديت الـ 15 الف كيلومتر بصراحه العربيه ممتازه بس انا رايي انها عربيه اقتصاديه عائليه دا لانها موفره جدا في استلاهك البنزين بالنسبه انها 1600سي سي يعني تقريبا الصفيحه بتعمل 220 كلم في الطرق العاديه و بتزيد لغايه تقريبا 270كلم في الطرق السريعه وساعات اكتر دا بيعتمد علي سرعتك و ظروف الطريق اللي انت ماشي فيه و قطع الغيار سعرها بسيط جدا مقارنتا باللي زيها من نفس الفئه او حتي علي الاقل اقرب موديل ليها في الرينو اللي هو الـ كليو والعربيه واسعه جدا ومريحه بشكل اكتر من رائع
بس انا شايف ان من ابرز عيوبها انها محتاجه قدره حصانيه اعلى من كدا علي الاقل كانت تبقي زي الـ MCV 110 حصان وكمان العربيه تحس انها old tech كانت محتاجه اوبشن زياده واحدث من كدا وانها تكون فخمه شويه عن كدا اما موضوع الصاج دا علي ما اعتقد انه مش عيب يخصها لوحدها دا عيب كل العربيات اللي موجوده حاليا حاجه كمان زي ما انت قولت موضوع اماكن زراير الزجاج غريبه جدا خصوصا اللي ورا بس برجح ان دا آمن بالنسبه لو انت معاك اطفال ودا يريج زي ما قولت لك انها عربيه عائليه
بس في النهايه العربيه بكل عيوبها و مميزاتها بالنسبه لسعرها لما اشتريت ايامها كانت بـ 75 الف ودلوقتي بقت بـ 67 الف علي ما اعتقد انها اكتر من ممتازه وخصوصا انها مناسبا لينا كمصريين علشان الطرق الاكثر من رائعه وكمان اسعار قطع الغيار و استهلاك البنزين لما نعانيه من صعوبه بالغه في صرف الفلوس اللي معانا :)

[AbO_FaRaH]

السلام عليكم ورحمه الله وبركاته

اولا مبروك يا باشا علي العربيه الجديده وربنا يبارك لك فيها ويحمك من شرها
انا معايا نفس العربيه بس فول اوبشن الشكل القديم اشتريتها شهر 4 2008 و انا عديت الـ 15 الف كيلومتر بصراحه العربيه ممتازه بس انا رايي انها عربيه اقتصاديه عائليه دا لانها موفره جدا في استلاهك البنزين بالنسبه انها 1600سي سي يعني تقريبا الصفيحه بتعمل 220 كلم في الطرق العاديه و بتزيد لغايه تقريبا 270كلم في الطرق السريعه وساعات اكتر دا بيعتمد علي سرعتك و ظروف الطريق اللي انت ماشي فيه و قطع الغيار سعرها بسيط جدا مقارنتا باللي زيها من نفس الفئه او حتي علي الاقل اقرب موديل ليها في الرينو اللي هو الـ كليو والعربيه واسعه جدا ومريحه بشكل اكتر من رائع
بس انا شايف ان من ابرز عيوبها انها محتاجه قدره حصانيه اعلى من كدا علي الاقل كانت تبقي زي الـ mcv 110 حصان وكمان العربيه تحس انها old tech كانت محتاجه اوبشن زياده واحدث من كدا وانها تكون فخمه شويه عن كدا اما موضوع الصاج دا علي ما اعتقد انه مش عيب يخصها لوحدها دا عيب كل العربيات اللي موجوده حاليا حاجه كمان زي ما انت قولت موضوع اماكن زراير الزجاج غريبه جدا خصوصا اللي ورا بس برجح ان دا آمن بالنسبه لو انت معاك اطفال ودا يريج زي ما قولت لك انها عربيه عائليه
بس في النهايه العربيه بكل عيوبها و مميزاتها بالنسبه لسعرها لما اشتريت ايامها كانت بـ 75 الف ودلوقتي بقت بـ 67 الف علي ما اعتقد انها اكتر من ممتازه وخصوصا انها مناسبا لينا كمصريين علشان الطرق الاكثر من رائعه وكمان اسعار قطع الغيار و استهلاك البنزين لما نعانيه من صعوبه بالغه في صرف الفلوس اللي معانا :)

لو سمحت ممكن سوال
حضرتك قولت ان قطع الغيار سعرها كويس.....ممكن امثله لاسعار قطع الغيار
وهل قطع الغيار موجوده خارج التوكيل.....لو موجوده خارج التوكيل موجوده فين؟؟؟؟
وشكر مقدما

[Ahmed Selim]

لو سمحت ممكن سوال
حضرتك قولت ان قطع الغيار سعرها كويس.....ممكن امثله لاسعار قطع الغيار
وهل قطع الغيار موجوده خارج التوكيل.....لو موجوده خارج التوكيل موجوده فين؟؟؟؟
وشكر مقدما

حصرياً : أسعــــار الصيانات الدورية لرينو لوجــــان فى التوكيل

أسعـــــــــــــــــــــار قطع الغيار

[essam74]

انا سألت علي افول أوبشن الجديدة سوف تسام من عند محمد زكي في الفترة من 7/12 إلي 7/20 وربنا يسهل لأحسن دي اول عربية لي

[AbO_FaRaH]

السلام عليكم
دا تقييمى المتواضع البسيط عن الرينو لوجان سيدان
بعد 1000 كيلو :huh:
هاف اوبشن موديل 2009 اللون فضى
1600 سى سى 90 حصان
خمس سرعات + مرشلين مانيوال
السيارة شكلها من الخارج معروف طبعا .

العربية من جوا :

التابلومعقول اوى ومش قديم برضواالوانه مريحة للعين ومتوافق مع لون الكاسيت والتكييف .
العربية واسعة جدا من جوا خصوصا الكنبة الخلفية والشنطة بحر زى ما قال عليها بعض الاعضاء وسقفها عالى.
باور ستيرنج معقول اوى
فيها سنتر لوك 2 زجاج كهرباء الى وراء يدوى المرايا الجانبية يدوى 2 سماعة فى الابواب من قدام ( هاف اوبشن ) .
الكاسيت سى دى وصوته جميل جدا ونقى ومفهوش اى مشاكل لا بيعلق ولا بيهنج .
تكييف ممتاز على الدرجة التانية او التالتة فى بعض الاحيان فتحات التكيف تشبه فتحات الافيو .
درج فى التابلو اما م الراكب الايمين وفـ اخره مخرج كهرباء مش عارف اسمه ايه
اماكن للتخزين فى الابواب الامامية و2 حامل اكواب قدام الفتيس
تحكم فى ارتفاع النور عن الارض,طفاية السجاير متنقلة ممكن تتحط فى اى مكان اكواب .
اريال راديو قابل للفك فى نص السقف من قدام
ارتفاع الكراسى مناسب وطبعا فيها امكانية تعديل مستويات الظهر
مسافة مناسبة اوى بين الكراسة الامامية والكنبة برجع الكرسى والى وراء بيكون قاعد مرتاح .
ابعاد العربية من قدام كويسة بس وراء مش بتقدر تحددها من غير المرايا الجانبية
ارتفاع العربية عن الارض مناسب للشوارع مصر
عزل الصوت 10 على 10 مفهوش اى مشكلة
الصاج الخارجى مش خفيف اوى

بالنسبة لأداءالعربية :

تسارع العربية حلو اوى بس بيضعف مع تشغيل التكييف فى الغيرات الاولى بس لو على طريق سريع مبتفرقش كتير .
العربية ناعمة جدا فى المطبات انعم من الافيو والفيرنا (عن تجربة ) .
ثبات العربية كويس لحد 130/140 بعد كدة مجربتش .
استهلاك البنزين كويس اوى بصراحة قولت احسب الاستهلاك بعد التليين .

فى شوية عيوب شايفها فى العربية

صوت العربية عالى شوية مش عارف دا عيب ولا هى فى الاصل كدة
مكان الكلاكس مش مريحنى خالص
ومكان زراير الزجاج برضوا مش عارف ليه حاسس انهم فكروا يشغلوا الفراغ الى فى التبلو وخلاص
دواسة البنزين مرخية يعنى لما ارجع مرشلين بسمع صوت غريب بس بقيت ارفعها برجلى عشان مسمعش الصوت دا
وبحس بهزا بسيطة فى الدوسات لما بقرص بالعربية
مفهاش فتح تنك البنزين ولا الشنطة من الداخل ....

بكدة اكون خلصت تقيمى بعد 1000 كيلو
ولو اى حد عنده استفسار او ملاحظات انا موجود .

بتستعمل بنزين كم يا مان 90 ولا 92

[mindvision]

بتستعمل بنزين كم يا مان 90 ولا 92

تانك اللوجان 2010 مكتوب عليه بنزين 91-93-95.....
وبالتالي فالمناسب في مصر سيكون 92 كحد ادني

[alfa_we]

بستعمل بنزين 90