حد سمع عن اللاد الأوكا

[baher]

قدامي عربيه لادا موديل اسمه أوكا وهيا بعشره تلاف جنيه فقط واتنين سلندر موديل سنه 2000 انا بفكر اشتريها علشان اعمل بيها المشاوير الخفيفه حد سمع عنها او يعرف عنها اي حاجه ياريت تفيدوني

[sab3aawy]

زى ما انت قلت هى عربية 2 سلندر، اداءها مش بطال، يعنى احسن مثلا من السيات 133 واقل من 127، الى حد ما تشبه فى اداءها الماروتى، بس صغيرة جدا، وفى نفس الوقت قطع غيارها مش معروف مكانها،

رأييى اسأل على قطع الغيار بتتباع فين قبل ما تتوط فى العربية

بص على الرابط ده

http://en.wikipedia.org/wiki/Lada_Oka

[baher]

الف شكر ليك وعلى نصايحك الغاليه

[bannawy]

بيتهيألي كمان ان السعر ده كتير عليها والا ايه ؟

[hofo]

لاوكا دية عربيتى ومش عايز اى حد يغلط فيها

بص يا باشا اولا السعر اللى انت كتبه قليل عليها وسعرها الطبيعى فى حدود 15 الى 18 الف عشان كده لازم تكشف عليها كويس اوى لان شكلها فيها عيب

المهم العربية معايا بقالها 7 سنين وهى ممتازة جدا على تمنها وحجم الصالون اد ال 127 بالظبط ومش صغير ومينفعش تحكم على حجم الصالو بالنظر من بره بس الصراحة شنطة العربية صغيرة

الموتور فعلا 2 سلندر وهى 750 سىسى والمتالوج يتاعها مكتوب فيه انها 35 حصان بس الصراحة بمجرد انك تحط رجلك على دواسة البنزين العربية تجرى على طول وسحبها ممتاز جدا واقوى بكتير من ال 127 بس وانت على الاول او التانى
ده لان عزم الوتور جامد لكن فى السرعات العالية مابتسحبش خالص يعنى مثلا بعد ال 80 سحب العربية بيزيد ببطىء شديد(ملحوظة الميكروباص السوزوكى ال 8 راكب) يملك موتور 1000 سىسى فقط (لكن الموتور عومه جامد) نفس الحكاية فى الاوكا

قصى سرعة جبتها بالعربية كانت 120 وبعد كده لما ازود بنزين السرعة لاتزيد الا فى المنحدرات و معرفش ليه السرعة بتسبت عند ال 120

تانك البنزين 25 لتر فقط وطبعا العربية جر امامى

خلال ال 7 سنين لم اجد بيها اى مشاكل نهائى الا المارش فقط قمت بتغييره بالكامل ولكن هذا عيب استعمال منى لانى كنت بدور العربية غلط (المارش جبته استعمال الخارج ب 500 جنيه و دخت عليه السبع دوخات عقبال ما جبته)
انا ذهبت بيها قبل كده انا وصحابى الى مطروح وكانت زى الفل

صدقنى العربية جميلة جدا جدا ومافيهاش اى عيوب ميكانيكا او كهربا من ساعت ما جبتها وانا كان عندى قبلها فيورا وطلعت عينى من كتر مشاكلها وصرفت عليها اكتر من تمنها فى الصيانة

بس خد بالك لانى مستغرب اوى من اللى عايز يبعها ب 10 الاف جنيه اكيد العربية دية فيها حاجة

ملحوظة اخيرة عربيتى انا جايبها على الزيرو ب 15 الف وهى موديل 2000
واى سؤال عنها انا فى الخدمة

[hofo]

فيديو للاوكا

http://www.youtube.com/watch?v=9UaLXp0iDuU

[baher]

hofo

الف مليون شكر بس سؤال اخير قطع الغيار كلها صعبه ولا المارش بس وهيا لسه بينزل منها زيرو

[hofo]

قطع الغيار زى فلتر الزيت و الحجات اللى بتتغير بصفة دورية متوفرة واسعارها رخيصة وصيانة العربية سهلة وكل الميكانيكية بيفهموا فيها

فى مصر مبئاش ينزل منها زيرو لكن برة الله اعلم

لاشكر على واجب احنا هنا عشان نخدم بعض

[norislam2004]

تسلم على ردك الجميل بس عايز اعرف حضرتك جبتها زيرو منين وقطع الغيار الاقيها فين وبكام وعاملة اية العربية مع المطبات والشوارع المكسرة فى وجود اربع اشخاص فيها وشكرا

[hamadaalo2002]

قطع الغيار اية الكلام ؟؟وصناعتها روسي ولا اية ؟

[tarekmomo]

انا عندى عربية اوكا وهى عربية ماتينة ومصفحة من تحت واليكترونى وهى افضل بكتييييييييييييييييييييييييييير من 127 وهى بتجرى وبتجيب سرعغات اكترمن100 والى بيقول انها 2 سلندر وضعيفة اقولة ان السلندرين بتوعها بيطلعوا وينزلوا مع بعض يعنى بنفس قوة 4 سلندر

[hamadaalo2002]

اسعار 5قطع الغيار اية الكلام ؟؟وصناعتها روسي ولا اية ؟

[tarekmomo]

قطع الغيار موجودة عند حمدى ومحمد لادا انا لسة جايب جوان وش السلندر ب12 جنية ولو فى حاجة مش متوفرة الميكانيكى بيوفقهلها وهى صناعتها رووووووووووووووووووووووووووووووووسى

[saber_edrees]

قطع غيارها غير منتشرة
الماروتي احسن بكتير
والفيورا احسن منها

[tito1982]

السلام عليكم

لاوكا دية عربيتى ومش عايز اى حد يغلط فيها

بص يا باشا اولا السعر اللى انت كتبه قليل عليها وسعرها الطبيعى فى حدود 15 الى 18 الف عشان كده لازم تكشف عليها كويس اوى لان شكلها فيها عيب

المهم العربية معايا بقالها 7 سنين وهى ممتازة جدا على تمنها وحجم الصالون اد ال 127 بالظبط ومش صغير ومينفعش تحكم على حجم الصالو بالنظر من بره بس الصراحة شنطة العربية صغيرة

الموتور فعلا 2 سلندر وهى 750 سىسى والمتالوج يتاعها مكتوب فيه انها 35 حصان بس الصراحة بمجرد انك تحط رجلك على دواسة البنزين العربية تجرى على طول وسحبها ممتاز جدا واقوى بكتير من ال 127 بس وانت على الاول او التانى
ده لان عزم الوتور جامد لكن فى السرعات العالية مابتسحبش خالص يعنى مثلا بعد ال 80 سحب العربية بيزيد ببطىء شديد(ملحوظة الميكروباص السوزوكى ال 8 راكب) يملك موتور 1000 سىسى فقط (لكن الموتور عومه جامد) نفس الحكاية فى الاوكا

قصى سرعة جبتها بالعربية كانت 120 وبعد كده لما ازود بنزين السرعة لاتزيد الا فى المنحدرات و معرفش ليه السرعة بتسبت عند ال 120

تانك البنزين 25 لتر فقط وطبعا العربية جر امامى

خلال ال 7 سنين لم اجد بيها اى مشاكل نهائى الا المارش فقط قمت بتغييره بالكامل ولكن هذا عيب استعمال منى لانى كنت بدور العربية غلط (المارش جبته استعمال الخارج ب 500 جنيه و دخت عليه السبع دوخات عقبال ما جبته)
انا ذهبت بيها قبل كده انا وصحابى الى مطروح وكانت زى الفل

صدقنى العربية جميلة جدا جدا ومافيهاش اى عيوب ميكانيكا او كهربا من ساعت ما جبتها وانا كان عندى قبلها فيورا وطلعت عينى من كتر مشاكلها وصرفت عليها اكتر من تمنها فى الصيانة

بس خد بالك لانى مستغرب اوى من اللى عايز يبعها ب 10 الاف جنيه اكيد العربية دية فيها حاجة

ملحوظة اخيرة عربيتى انا جايبها على الزيرو ب 15 الف وهى موديل 2000
واى سؤال عنها انا فى الخدمة

شكراً على معلوماتك عن الأوكا وأنا بفكر اجيب واحدة ان شاء الله انت تنصحني بيها بما انك مجربها وكان ليا سؤال إزاي حضرتك جايبها سنة 2000 زيرو بـ 15000 جنيه وبتقول سعرها لازم يكون دلوقتي من 15000 لـ 18000 جنيه !!!!!!!
ما الطبيعي انها في سنة 2009-2010 تتباع بـ 10000 مستعمل لأن العربيات لما تقدم سعرها ينزل ده الطبيعي مش يثبت أو يعلى.