عندى بيجو 504 عايز اظبتها حد عندة افكار؟

[atamim]

السلام عليكم ورحمه الله و بركاته

حد عندة افكار لتظبيت ال بيجو ال 504 عايز الى يشوفها يفتكرها موديل 2009 مش 79

معلومة انا من اسكندرية لو حد يعرف مكان اسعارة حلوة

[samehelrewesh]

Old Model = Old school Style

dont go 2 fiber work

just good rims,good paint & system sound

[ahmed_3omda]

سيارتك واخده جائزه بأسم سياره القرن .. بمعني انها العربيه الوحيده اللي بتتشد بترجع زيرو حافظ عليها وهاتلها اكصدمين السود واعملها لون من الالوان الجديد او اسود ميتاليك وجنط وفرش جوا نظيف يبقا نبيتي او بيج حسب اختيارك وفوانيسك الامايه يتعمل فيها رينج كبير وواحد صغير حيبقا شكلها حلو جدا وفوانيس الخليفه تبقا زي ماهيا بس تجيب الاصلي والبيجو ليها شبكه امامي جامده جدا بشوفها في التوفيقيه و توطي العربيه واكيد حتركب طاره صغيره علشان طاره البيجو كبيره جدا وتعاله نتفرج علي الصور مممكن حاجه تعجبك وتعمل زيها :-

[modux]

gamdaaaaaaaaaaaaaaaaaaaaaaaaaaaaaaaaaaaaaaaaaaaaaa a



gdnnnnnnnnnnnnnnnnnnnnnnnnnnnnnnnnnn

[الريس]

تصدق حلوة فعلا البيجو السوده المتظبطة دي
شكلها شييييك اوي

[3mr Farrag]

و رايي زي احمد عومدا علي موضوع الرنجات بس هات معاه ليدات ورا و قدام.....
و شيل موضوع النيكل اللي في الابواب و الزجاج القدام و اللي ورا و الاوكر الابواب..... و اعملها نفس لون العربيه
و هات مرايه في الجنب اجدد من اللي موجوده عندك ....بس يكون الاستيل بتاعها تكون رفيعه من الايد بتاعتها
و ممكن تظبط شكل الرفرف اللي ورا و تخليه زي نظام القدام مع ممكن حته تنفيخه بس تكون بسيطه.....
و جنوط بس يكون الكاوتش لا يزيد عن 50 في الطول علشان يبان شكل الجنط كويس
و الفوانيس اللي ورا ممكن تظبط مكانها عند سمكري بحيث متكونش بارزا مع بودي العربيه و تكون حته واحده و نفس الفكره قدام لو محتاجه....هيبقي شكلها اجمد بكتير
و ممكن تعمل فتحه الشنطه زي العربيات الجديده بحيث تكون اسهل لو بتحط حجات و شكلها بيكون اجمد.....و تقفل الشنطه من ورا و تحط النمر تحت و تحط علامه بيجو صغيره علي الشنطه....
تجيبلها ا كصدامات بس مش من عند بتوع الفيبر....يكون اكصدام استيل قديم مع تظبيطه بجناب العربيه و يكونوا علي نفس الحذا....و تظبيطه علي شكل الشنطه و الكبوت بحيث يكون ملائم مع شكلهم.....
من جوه ذي ما قال بعض الاخوه تعملها جلد.....بس لازم تعمل التبلوه كله كمان .....و حاول تظبط مسند الابواب بحيث يكون شبه ابواب السيارات الجديده .....بس كل ده مع الاستيل القديم .....لن ماينفعش تكون عربيه موديل حاجه و 70 نعملها نفس استيل عربيه في ال2000
و ذي برضوا مقال بعض الاخوه انك تهتم بموضوعلون العربيه لانه هيغير شكلها 180 درجه

دي بعض الاقتراحات و شوف ايه ممكن تقدر تعمله.....

[Xpert]

سامح الروش قالك .. اولد ستايل اولد سكول .. و انا ضد فكره انك تشيل النيكل لأن النيكل في كل الموديلات ماعدا الال و الاس ار ..
العربيه اللي احمد عمده حط صورها دي جامده فعلاً .. موردرد اوت .. بلاك اون بلاك ..
بص يا حج .. اول حاجه تقولنا لونها ايه ..
تاني حاجه .. النيكل بتاع الابواب يفضل موجود .. مرايات بتاعه عربيات امريكاني (زي البويك و الكلام ده و دول موجودين و رخاص )
عندك فيه شبكتين لل504 .. الاولانيه بتاعه الجي ال .. و دي بيبقي الريش بتاعتها كتيره .. و التانيه بتاعه الاص ار بعد 80 و دي الريش قليله عن التانيه ..
القاعده بقي .. لو عربيتك مش متاليك .. تجيب الاس ار .. لو ميتاليك .. تجيب الجي ال ..
ماتلعبش في الصاج بتاع العربيه .. خليه علي طبيعته .. بس لو العربيه متبهدله وديها لسمكري يظبط .. و رش لرشه نضيفه
الجنوط احلي جنوط فيها فيه جنطين .. الشمس (الالومونيوم الاصلي بتاع العربيه .. اللي بيبقي عامل زي الشمس كده ) و بتاع ال 505 الطياره .. و ده 15 ..
فزانيس ورا تجيب الفوانيس بتاع ال 504 الامريكاني .. و دي البرواز بتاعها بيبقي اضغر .. او ممكن تعمل فوانيس في الحرفيين اللي هيا احمر و ابيض دي .. (اعمل الفانوس كله احمر لو العربيه لونها غامق .. او اعمله احمر و في النص شريط 2 سم بطول الفانوي ابيض يركب فيه المرشليه و الاشارات)
اياك و الفيبر .. اوعي تركب فايبر في العربيه .. مش دي اللي يركبلها الفايبر ...
من جوه بتروح عند حربي .. يديك كرسيين ريكارو بتوع البي ام (مش الطياره .. لاء العادي) او كرسيين 505 الطياره .. و الكرسي هوه هوه بتاع ال505 العادي ة بتاع ال504 ال 80 .. بس اللي يفرق ان الشرايط ماشيه بالعرض مش بالطول .. اعمل الكراسي قطيفه ساده .. زي ال505 الطياره كده .. بنفس لون الفرش (يعني لو فرشك كحلي هاتعمل الكراسي قطيفه كحلي برضه ).. و لو عربيتك لونها عامق بره يكسيلك التابلوه سكري.. و لو فرشك الفرش الكحلي يكسيلك التابلوه بلو بلاك ..
الفرش ممكن تخلي السروجي يركبلك مساند ابواب بتاع 505 .. و هايحتاج يظبط فرش الابواب عليها ..
اكصدامين نيكل كده وسيب كل النواكل اللي في العربيه
الالوان المرشحه ..
. احمر بره / سكري او بيج جلد جوه
اسود بره او بلو بلاك / سكري جوه
سماوي بره / كحلي جوه ( التابلوه بلو بلاك , الفرش قطيفه ساده كحلي )
سكري بره /بني جوه
اخضر قلب الخصايه , او زيتي ميتاليك بره/ بني جوه
اديني موديل العربيه و لةنها ايه بره و جوه عشان ماتتعبناش :d
أقرا بالتفصيل و قوللي رايك

[Xpert]

law beige :


el jnoot rl 505 rl tayara

jant el 504 :


dah ba2a el 2ateefa elly ba2olak 3aleeh , farsh ateefa we la7ez el khtoot mashya bel 3ard

[Xpert]

el 2ateefa tany wel karasy tany



وبلاش الجرايد المعفنه اللي في الببان !

[hamedo0]

سامح الروش قالك .. اولد ستايل اولد سكول .. و انا ضد فكره انك تشيل النيكل لأن النيكل في كل الموديلات ماعدا الال و الاس ار ..
العربيه اللي احمد عمده حط صورها دي جامده فعلاً .. موردرد اوت .. بلاك اون بلاك ..
بص يا حج .. اول حاجه تقولنا لونها ايه ..
تاني حاجه .. النيكل بتاع الابواب يفضل موجود .. مرايات بتاعه عربيات امريكاني (زي البويك و الكلام ده و دول موجودين و رخاص )
عندك فيه شبكتين لل504 .. الاولانيه بتاعه الجي ال .. و دي بيبقي الريش بتاعتها كتيره .. و التانيه بتاعه الاص ار بعد 80 و دي الريش قليله عن التانيه ..
القاعده بقي .. لو عربيتك مش متاليك .. تجيب الاس ار .. لو ميتاليك .. تجيب الجي ال ..
ماتلعبش في الصاج بتاع العربيه .. خليه علي طبيعته .. بس لو العربيه متبهدله وديها لسمكري يظبط .. و رش لرشه نضيفه
الجنوط احلي جنوط فيها فيه جنطين .. الشمس (الالومونيوم الاصلي بتاع العربيه .. اللي بيبقي عامل زي الشمس كده ) و بتاع ال 505 الطياره .. و ده 15 ..
فزانيس ورا تجيب الفوانيس بتاع ال 504 الامريكاني .. و دي البرواز بتاعها بيبقي اضغر .. او ممكن تعمل فوانيس في الحرفيين اللي هيا احمر و ابيض دي .. (اعمل الفانوس كله احمر لو العربيه لونها غامق .. او اعمله احمر و في النص شريط 2 سم بطول الفانوي ابيض يركب فيه المرشليه و الاشارات)
اياك و الفيبر .. اوعي تركب فايبر في العربيه .. مش دي اللي يركبلها الفايبر ...
من جوه بتروح عند حربي .. يديك كرسيين ريكارو بتوع البي ام (مش الطياره .. لاء العادي) او كرسيين 505 الطياره .. و الكرسي هوه هوه بتاع ال505 العادي ة بتاع ال504 ال 80 .. بس اللي يفرق ان الشرايط ماشيه بالعرض مش بالطول .. اعمل الكراسي قطيفه ساده .. زي ال505 الطياره كده .. بنفس لون الفرش (يعني لو فرشك كحلي هاتعمل الكراسي قطيفه كحلي برضه ).. و لو عربيتك لونها عامق بره يكسيلك التابلوه سكري.. و لو فرشك الفرش الكحلي يكسيلك التابلوه بلو بلاك ..
الفرش ممكن تخلي السروجي يركبلك مساند ابواب بتاع 505 .. و هايحتاج يظبط فرش الابواب عليها ..
اكصدامين نيكل كده وسيب كل النواكل اللي في العربيه
الالوان المرشحه ..
. احمر بره / سكري او بيج جلد جوه
اسود بره او بلو بلاك / سكري جوه
سماوي بره / كحلي جوه ( التابلوه بلو بلاك , الفرش قطيفه ساده كحلي )
سكري بره /بني جوه
اخضر قلب الخصايه , او زيتي ميتاليك بره/ بني جوه
اديني موديل العربيه و لةنها ايه بره و جوه عشان ماتتعبناش :d
أقرا بالتفصيل و قوللي رايك

ايه ياعم الجمال الي انت بتكلم فيه ده دا انت موسوعه ياراجل

[Xpert]

هاها .. الله يخليك يا حج .. اخنا شغالين قطع غيار و عمي متخصص في البيجو (في بني سويف) و كانو بينزلوا ال504 زيرو ..
انا اتخصصت بي ام بس ماتخفش .. احنا بتوع كله
:d

[Xpert]

اه ..كمان حركه (بس دي لبتوع البيجو اللي بيشتغلوا علي الموقف)
بتفكك التاره بتاعتك .. و ترميها في الزباله عشان بتبوظ (الشمس بتاكلها و بتتفك و تلاقيها بتلف في ايدك كده) .. و بتجيب تاره بتاعه بي ام (اي ثرتي) و بتروح لعفشجي يركبهالك.. بتركب و عاملينها في عربيه عمي ;)

[Xpert]

و ياريييته فكر يرد ...
الف شكر ...

[noble911]

ممكن سؤال
جناب الكرسي البارزة دي
من الكرسي نفسه و لا ده من الفرش اللي عليه

[Xpert]

ممكن جواب .. من الكرسي نفسه يا حج .. و ممكن تخلي سروجي يعملهالك لو كرسي مفهوش .. بس تروح لسروجي نضيف زي اونكل حربي كده