هل تركيب البطارية ال70 امبير للانوس صح أم خطأ

[szrateb]

هل تركيب البطارية ال70 امبير للانوس صح أم خطأ علما بأن البطارية الأصلية 55 أمبير وايه رأيكو في بطارية Ac Delco الأمريكية الجافة وهل يعرف أحد سعرها

[tutankhamoun]

غلط جدا أنك تحط بطارية أقوى من الأصلية
بس هو غلط ليه أنا مش متأكد ............ و لكن لا يجوز ....... لا يجوز ......... لا يجوز
و أعتقد علشان قوة تحمل السلوك و ضفاير الكهرباء و اللمبات و المعدات الكهربائية الأخرى اللي راكبة في السيارة و التي تم تصميمها على أخذ تيار 55 أمبير
و الله أعلم

[mina_ramsis]

لا مفيش مشكله خالص قدام فى الامبير زود براحتك انما يبقى خطر لو زودت الفولت و طبعا كل البطاريات 12 فولت

[HESHAM AMIN]

غلط لان الدينامو الخاص بالسيارة مصمم لشحن البطارية 55 امبير
وعند وضع بطارية اعلى بتحمل حمل زائد على الدينامو ولن يعمل بالكفائة المطلوبة
وممكن يعطل كمان
لان الدينامو لية قدرة زى البطارية مثلا 55 امبير وهكذا

[tutankhamoun]

لا مفيش مشكله خالص قدام فى الامبير زود براحتك انما يبقى خطر لو زودت الفولت و طبعا كل البطاريات 12 فولت

كهربائيا و عمليا .......... كلام حضرتك غلط
لأن كل جهاز كهربي في السيارة له حمل معين و له تيار معين تم تصميمه على أن يستقبله
و الله أعلم

[ahmed1981]

توجد مشكلة بسيطة كما قال الإخوة الزملاء
المشكلة أن المدة الزمنية لشحن البطارية الأكبر من الدنمو ستكون أكبر بفترة بسيطة
أي أن هناك خلل ولكنه غير مؤثر وغير محسوس

ولكن هناك جانب إيجابي أكبر وهو أن هذه البطارية تصبح طويلة النفس في حالة الحاجة لها لو تأخرت السيارة في الدوارة مثلا أو إحتجت إضاءة مصباح والسيارة مطفأة
ستجد أن البطارية ستصمد مدة زمنية أطول حتى تفرغ شحنتها
أي أنها ستصمد معك لفترة أطول وهذا مفيد جداً

إذن في النهاية لا مانع بإذن الله

[mina_ramsis]

كهربائيا و عمليا .......... كلام حضرتك غلط
لأن كل جهاز كهربي في السيارة له حمل معين و له تيار معين تم تصميمه على أن يستقبله
و الله أعلم

لا يا سيدى حضرتك متلخبط فى فرق بين فرق الجهد و التيار فرق الجهد اذا زاد هو اللى يحرق مكونات العربية انما لو لو التيار زاد الجهاز بياخد اللى هو محتاجه بس و لما يجيب امبير اعلى بيبقى احسن لو عنده كهرباء كتيره فى العربية زى زجاج كهرباء و سنتر و الكاسيت طبعا و المرايات علشان اذا فرض و شغلهم مع بعض مايأثرش على اضاءة العربية و الكلام ده ممكن حضرتك تلاحظه بنفسك بليل يعنى انزل شغل الكاسيت و نور النور العالى و الفوج مثلا و بعديين شغل الزجاج الكهرباء هتلاقى ان الاضاءة بتاعت النور العالى قلت شويه
على فكرة انا كان عندى لانوس 1 و كانت نازله ببطارية 55 لما غيرتلها البطارية جبتلها 70
لو الدينمو عندك كويس جيب ال 70 انما لو الدينومو نص عمر هات ال 55

[noble911]

نقلا عن الميكانيكي
ان البطارية الزيادة عن حاجة السيارة لن تظهر لها اهمية الا اذا حصل مشكلة في الشحن و انت مسافر مثلا
فالبطارية ذات السعة الاكبر ستسمح لك بالسير مسافة اطول بدون الحاجة لاعادة الشحن من الدينامو حتي تجد مركز صيانة يصلح عطل الشحن

و ليس لها تاثير اخر علي السيارة بالسلب او الايجاب
و الله اعلم

[yanorany]

فعلا انا معايه النترا 2006 وكان فيها بطارية 45

غيرتها بكلوريد 70 وشغاله عشرة على عشرة

وناس كتير نصحوني بال 70

[egawady]

طالما العربية خارجة من مصنعها ببطارية 55 أمبير يبقى مفروض الواحد مايخرجش عن النص وأما ييجى يغيرها .. يغيرها برضو ببطارية 55 أمبير .......
يجيب الكبيرة ليه ؟؟؟

لو الكبيرة أحسن ... ما كان المصنع بتاعها حاطلها الكبيرة من الأول ....
ولا يعنى المصنع مش عارف ؟؟!!!!

[MMamdouh]

لا مفيش مشكله خالص قدام فى الامبير زود براحتك انما يبقى خطر لو زودت الفولت و طبعا كل البطاريات 12 فولت

مش براحتك اوى لانه فى النهاية حمل على الدينامو

MMamdouh

[MMamdouh]

غلط لان الدينامو الخاص بالسيارة مصمم لشحن البطارية 55 امبير
وعند وضع بطارية اعلى بتحمل حمل زائد على الدينامو ولن يعمل بالكفائة المطلوبة
وممكن يعطل كمان
لان الدينامو لية قدرة زى البطارية مثلا 55 امبير وهكذا

علشان كدة قولنا الزيادة مش على البحرى... يعنى 5 امبير مش حيعملوا حمل وهمى على الدينامو

MMamdouh

[MMamdouh]

كهربائيا و عمليا .......... كلام حضرتك غلط
لأن كل جهاز كهربي في السيارة له حمل معين و له تيار معين تم تصميمه على أن يستقبله
و الله أعلم

كلام صح نظريا لكن عمليا العربية و هى دايرة بتاخد تغذيتها الكهربائية من الدينامو مش من البطارية و بالتالى مش فارقة البطارية كام امبير من وجهة نظر المكونات الكهربائية

اما لو بطلت العربية فا المكونات حتاخد كهرباء من البطارية و البطارية اللى امبيرها اعلى حتاخد وقت اطول عشان تفضى شحنتها

MMamdouh

[MMamdouh]

توجد مشكلة بسيطة كما قال الإخوة الزملاء
المشكلة أن المدة الزمنية لشحن البطارية الأكبر من الدنمو ستكون أكبر بفترة بسيطة
أي أن هناك خلل ولكنه غير مؤثر وغير محسوس

ولكن هناك جانب إيجابي أكبر وهو أن هذه البطارية تصبح طويلة النفس في حالة الحاجة لها لو تأخرت السيارة في الدوارة مثلا أو إحتجت إضاءة مصباح والسيارة مطفأة
ستجد أن البطارية ستصمد مدة زمنية أطول حتى تفرغ شحنتها
أي أنها ستصمد معك لفترة أطول وهذا مفيد جداً

إذن في النهاية لا مانع بإذن الله

1+

MMamdouh

[MMamdouh]

نقلا عن الميكانيكي
ان البطارية الزيادة عن حاجة السيارة لن تظهر لها اهمية الا اذا حصل مشكلة في الشحن و انت مسافر مثلا
فالبطارية ذات السعة الاكبر ستسمح لك بالسير مسافة اطول بدون الحاجة لاعادة الشحن من الدينامو حتي تجد مركز صيانة يصلح عطل الشحن

و ليس لها تاثير اخر علي السيارة بالسلب او الايجاب
و الله اعلم

1+

بالاضافة الى ان البطارية الاكبر حتبقى انسب لادارة الموتور فى البرد خصوصا لو العربية بتاخر فى الدوارة لاى سبب... باختصار قابلية البطارية لانها تنام حتبقى اقل بزيادة الامبير

MMamdouh