بافكر اشترى بيجو بارس

[nader.elalaily]

اصدقائى الخبراء بالسيارة بيجو
ارجو افادتى حيث انىامتلك سيارة ميتسوبيشى 2007 موتور 1300 مواصفات مصرية و لااشكو من شىء فيها عدا ان الصاج خفيف جدا بالرغم ان اليابانى ماشاء اللة ناعم جدا و زيرو صيانة .
و لكن سمعت عن السيارة بيجو بارس انها سيارة بمواصفات 307 موتور 1600 و الصاج ايرانى
و انها سوف تتقفل هنا فى مصر فهل ستكون جيدة على مقام سعرها 90000 جنيها ؟
فهل ابيع سيارتى الان على اساس انها لسة 2007 ام انتظر عموما الى ان نرى الجديد من بيجو.
وهل فعلا الصاج سوف يكون مدعما من الامام و الخلف من ناحية الاكصدامات . يعنى انا رأيت سيارات مثل الكورى لانوس او نوبيرا اوالصينى اسبيرانزا بها شاسية حديد امام و خلف من داخل الاكصدام كحماية و ايضا دعامات قضيب حديد فى الابواب كحماية .
وبذلك اعانى من عدم وجود شاسية حديد بكامل الاكصدام من الامام و الخلف فى سيارتى الانسر .
ارجو افادتى تفصيليا لانى محتار جداااااااااااااااااااااااااااااااااااااااااااااااا ااااا

[Hesham A.Megid]

رأيي انك متبعش حاجه معروفه و مضمونه زي الانسر و تخاطر بعربيه مش معروفه ولا متجربه

[amr mokhtar]

ركز معايا كده فى الكلام ده..
واحد نبهنى لحاجة مكنتش واخد بالى منها قبل كده و هى ان ماينفعش تكون العربية دى بمواصفات او محرك 307 و لا حتى السمند تنفع تكون بمحرك 307 للأسباب دى:
أولآ: شكل الموتور بتاعها أعتقد انه مختلف عن شكل الموتور بتاع 307 و برضه عشان تتأكد روح اى معرض و اتفرج على موتور 307 لإنى أعتقد انه مختلف عن موتور البارس

ثانيآ: تكنولوجى 307 حديثة يعنى العربية دى مواصفاتها جديدة و عربية غالية و ليها أداء رائع فمظنش ان بيجو بهذه السذاجة انهم هيبيعوا التكنولوجيا بتاعتهم لإيران حتى لو انها هتنزل فى عربية مكتوب عليها بيجو و كمان لعربية مش بتتباع إلا فى اماكن محدودة

ثالثآ: لو ان العربيتين زى بعض بالظبط فالناس كلها هتروح تشترى البارس ب90 الف جنيه و تسيب 307 اللى بيبتدى سعرها من 118 الف جنيه ( بيجو مش هتضرب عربيتها الأصلية بعربية تانية من إيران )

انا أعتقد ان الموضوع محتاج توضيح من وجيه اباظة ذات نفسه لإنى حاسس ان موضوع موتور 307 ده فيه تلاعب بالألفاظ كتير
و على الفكرة الكلام ده كله ينطبق أكتر على السمند كمان

و فعلآ حرام تبيع عربية زى اللانسر عشان تجيب عربية مش معروف لها مستقبل فى مصر ده غير انك لو حبيت تبعها هتخسر فيها كتير بعكس اللانسر
و لو انت قلقان من موضوع الخبطات ده و عايز حاجة تستحمل هات اوبترا بصراحة عربية حمالة قسية و صاجها كويس

و انا قصدت ان أكتب الكلام ده عشان تبقى عارف كويس قوى انت بتشترى إيه دول 90 الف جنيه مش أى كلام!!!

و بالتوفيق و لو عرفت حاجة جديدة عن البارس يبقى قولنا يمكن يطلع كلامى غلط

[محمد ابراهيم 1]

بصوا يا جماعه وجيه أباظه مقالش إن موتور البارس هو موتور 307
أنا أتفق مع الآراء التى تنهاك عن بيع عربيتك ما دام مفيش فيها مشكله
لكن العربيه دى هى 405 من الداخل والخارج عربيه حلوه وعمليه وممتازه 1600 بسعر خرافى أفضل 100 مره من الأوبترا ومحركها فرنسى الصنع ولا خلاف على ذلك
العربيه دى بإذن الله سوف تنجح نجاحا مبهرا وربنا يستر على ايران بس والعربيه تبقى زى الفل

[mohaismail]

اصبر شوية طالما عربيتك مفيهاش مشاكل وخليها معاك لحد متقتنع مليون فى المية بعربية تانية وساعتها تقدر تبيعها وتستقر عليها علشان مش تتسرع وكل شوية تبيع

[د.اشرف هنداوى]

+1000000000000000000

[dr_3eshoo]

يا عم خليك في الانسر هيا زعلتك في حاجه

[tutankhamoun]

لو واحد ليس معه سيارة و رايح يشتري ماشي
إنما يبقى معاك موديل 2007 و تروح تجيب حاجة تانية ...... خسارتك هاتكون كبيرة جدا فيها
فحرام تخسر في اللانسر
مع أني معجب بالبارس قوي

[miahm]

الموتور typical بتاع ال307 hatch back وليس الsw وشوف بنفسك
الكلام ده عن السمند اللي معايا علي فكره.

[driftracer11]

واحد صاحب اخويا لسه جايبها والمارش بيعلق .

[hazem_khidr]

اللانسر افضل اكيد و خصوصا انها من بلد بالبلدي كده صف اول في العربيت مش صف تاني زي ايران و الصين مثلا.
خليك في اللانسر و ساعه الخبطه القدر مش بيفرق بين عربيه صاجها جامد و عربيه صاجها خفيف.
عيب الصاج الخفيف حاجه واحده بس و هيا البارومه و طالما عربيه لسه جديده قدامك مش اقل من 10 سنين او 15 سنه كمان مع المحافظه علي ما تبدأ البارومه تسرح فيها

[eng / AhmeD]

بلاش علشان انت معاك 2007
علي الرغم اني معجب بالبارس جدا

[SaLM!Na]

ركز معايا كده فى الكلام ده..

واحد نبهنى لحاجة مكنتش واخد بالى منها قبل كده و هى ان ماينفعش تكون العربية دى بمواصفات او محرك 307 و لا حتى السمند تنفع تكون بمحرك 307 للأسباب دى:
أولآ: شكل الموتور بتاعها أعتقد انه مختلف عن شكل الموتور بتاع 307 و برضه عشان تتأكد روح اى معرض و اتفرج على موتور 307 لإنى أعتقد انه مختلف عن موتور البارس

ثانيآ: تكنولوجى 307 حديثة يعنى العربية دى مواصفاتها جديدة و عربية غالية و ليها أداء رائع فمظنش ان بيجو بهذه السذاجة انهم هيبيعوا التكنولوجيا بتاعتهم لإيران حتى لو انها هتنزل فى عربية مكتوب عليها بيجو و كمان لعربية مش بتتباع إلا فى اماكن محدودة

ثالثآ: لو ان العربيتين زى بعض بالظبط فالناس كلها هتروح تشترى البارس ب90 الف جنيه و تسيب 307 اللى بيبتدى سعرها من 118 الف جنيه ( بيجو مش هتضرب عربيتها الأصلية بعربية تانية من إيران )

انا أعتقد ان الموضوع محتاج توضيح من وجيه اباظة ذات نفسه لإنى حاسس ان موضوع موتور 307 ده فيه تلاعب بالألفاظ كتير
و على الفكرة الكلام ده كله ينطبق أكتر على السمند كمان

و فعلآ حرام تبيع عربية زى اللانسر عشان تجيب عربية مش معروف لها مستقبل فى مصر ده غير انك لو حبيت تبعها هتخسر فيها كتير بعكس اللانسر
و لو انت قلقان من موضوع الخبطات ده و عايز حاجة تستحمل هات اوبترا بصراحة عربية حمالة قسية و صاجها كويس

و انا قصدت ان أكتب الكلام ده عشان تبقى عارف كويس قوى انت بتشترى إيه دول 90 الف جنيه مش أى كلام!!!

و بالتوفيق و لو عرفت حاجة جديدة عن البارس يبقى قولنا يمكن يطلع كلامى غلط

انا عارفة ان كلامي جاي متأخر سنة بس عشان اليومين دول بالذات العربية دخلت دماغي و حبيت اعرف عنها
بما اني مش خبيرة اوي يعني
بس هقولك يا عمرو على حاجة
ال 307 و البارس مابينهم اختلاف السما و الارض بس مش معنى ان الموتور بتاعها هو موتور ال307 يبقى تبقى زيها
في هنا بقى فرق كماليات و فرق تقفيل و فرق شكل
انا قصدي ان السعر لازم يكون اقل من ال 307 عشان في الاول و لا
في الاخر دي ايراني مش تقفيل بلدها
و بعدين في حاجة كمان هو مش ال 307 دي بتتباع هنا يعني هما مش هيدوا ايران التكنولوجيا بتاعتهم على طبق من دهب
ده هما بايعين في مصر شوف كام الف 307
عشان يضمنوا ان يبقى فيه مصداقية بين العملاء و شركة بيجو حطوا موتور بيجو عشان الناس تشتري ده من وجهة نظري
يعني مثلا انا واحدة من الناس لو سمعت عن عربية بيجو بس ايراني و و مافيهاش اي حاجة من ريحة بيجو زي الموتور مثلا و دي اهم حاجة
هدور وشي و هشوف حاجة مضمونة اكتر منها
بجد هروح التوكيل و ابص على الموتورين و أتأكد
و لو كلامي غلط ياريت تصححهولي


شكرا يا عمرو

[wawoo]

السيارة دى تقفلها سىء جدا , ابعد عنها احسن , كفاية انها تصميم قديم جدا من 20 سنة تقريبا , ولا تنخدع بالسعر او بموضوع الموتور دة, السيارة لا تصلح الا انها تكون تاكسى ليس اكتر .
و مع الاستعمال حيظهر عيوب كتير . انسى البارس دى خالص ,

ممكن تفكر فى ال206 السيدان مثلا لو بتفكر فى البيجو حتكون افضل بكتير اعتقد

[youssefmustang]

يا جدعان انا سمعت موتور الـ 405 انجليزى والكلام ده من المنتدى بس مش فاكر انهى موضوع ياريت حد يقولنا موضوع المتور