اوبل استرا استيشن 2008

[M.Mokhtar]

يا جماعه عايزين تقييم لاوبل استرا استيشن
خصوصا التسارع بتاعها عشان حاسس ان ماتور 1600 صغير اوى على العربيه دى

[شاهين - بنز]

سعرها مبالغ في جدا 160 ألف كتيير أوي بتمنها الواحد يجيب أختها الكبيرة الفكترا
وبالنسبة لل 1600 فحلو أوي عليها لأن الإستيشن يزيد عن وزن الهاتشباك حاجة بسيطة

[M.Mokhtar]

بس متنساش ان اختها الكبيره عوره
فتيس منيوال بس
لكن الفتيس الجويستيك جامد مووت

[شاهين - بنز]

بس متنساش ان اختها الكبيره عوره
فتيس منيوال بس
لكن الفتيس الجويستيك جامد مووت

فعلا أنا نسيت خالص حكايت المنيوال دي وفعلا فتيس الآسترا تحفة بجد بس سمعت إشاعات والله اعلم إن الفكترا حتنزل بنفس فتيس الآسترا (إيزي ترونك) في يناير 2008 بسعر 175 ألف بس أنا مش متأكد من صحة الخبرده

[M.Mokhtar]

يبقى كده اكيد يبقى الاسترا ارخص وشكلها تحفه وفخم جدا الاستيشن بتاعتها

[شاهين - بنز]

فعلا مع إنه الآسترا الستيشن نازلة من فترة بسيطة لكن الإقبال واضح عليها لأني بدأت وفها في الشارع بتزايد مستمر وإللي عاجبني أكتر إن شكلها مميز عن الآسترا الهاتبشاك تحس إن لكل واحده منهم شخصيتها المستقلة بس أنا بردو شايف إنهم مبالغين شوية في فرق ال 10 آلاف بينها وبين الهاتشباك

[M.Mokhtar]

الزياده 10 الاف جنيه عشان فرق الحجم وكمان فيها مثبت سرعه مش موجود فى الهاتش باك
واكيد فى اختلافات تانيه

[M.Mokhtar]

مكتوب على الموقع الرسمى ان التسارع بتاعها 13 ثانيه الفتيس الجويستيك
اعتقد كده التسارع بتاعها كويس؟؟؟!!

[Ahmad Allawy]

السلام عليكم..
والله يا جماعه انا اللي سمعته عن فتيس العربية دي انه مانيوال اصلا.. اقصد التكنولوجي بتاعته يعني..
الجديد فيه انهم عملوا وحدة الكترونية كومبيوتر يعني بيقوم بدور الدبرياج تقريبا..
وبالتالي الفتيس هيبقي معمر جدا زي المنيوال بالظبط..

[TAG_Turbo0]

رأى لو مش فارئة معاك حكاية الفتيس المانيول هات الفكترا
الفيكترا فئة تانية خالص وليها برستيج وتحس فعلا انك راكب عربية محترمه