بيجو 207 الجديدة

[محمد عز]

ميعادنا النهارده مع عربيه اول سنة تنزل النهارده وهى العربيه بيجو 207 وهى امتداد لاسد الصغير 206 والعربيه ده حققت نجاحات كبيره جدا وجه الوقت اللى تسلم فيه الرايه لاختها الجديدة 207
فهل يا ترى هتكون على نفس المستوى والقوة ورشاقة أختها؟؟؟
السؤال ده أكيد هنقدر نرد عليها بعد ما نشوف السيارة الجديدة 207

روح بيجو

الحقيقة فيه اربع كلمات كفيلة باختصار انها تعبر عن روح بيجو

• الشكل الجمالى (وده احنا بنلمسها سواء فى الشكل الداخلى او الخارجى للسيارة البيجو عموما)
• الديناميكيه
• القيمه العاليه
• الابتكار

الاداء

الشركه زودت العربيه ب 4 محركات بنزين علشان ترضى كافة الاذواق والامكانيات

• محرك 1.4 لتر بقوة 75 حصان
• محرك 16 صمام بسعة 1.6 لتر بقوة 110 حصان
• محرك 16 صمام بسعة 1.4 لتر بقوة 90 حصان
• محرك تربو 16 صمام بسعة 1.6 لتر وبقوة 150 حصان

الحمايه

• العربيه مزوده بوسادات هوائية اماميه وجانبيه وستائرهوائيه
• ABS
• EBD & EBA
• نظام تعليق منفصل McPherson
• تحكم ديناميكى بالثبات بجانب برنامج الثبات الالكترونى
• ASR وده نظام بيؤثر على الفرامل ووحدة التحكم بالمحرك علشان يحد من انزلاق العجلات فى حال فقدان التواصل مع الطريق
• 5 نجوم فى حمايه الركاب داخل السياره
• 4 نجوم فى حمايه الاطفال داخل السياره
• 3 نجوم فى حمايه المشاه

طرازات وموديلات 207

• Urban (وده الباسيك اوبشنز)
• Trendy (نفس المديل اللى فوق بس زيادة السي دى وتحكم فى السي دى من الدركسيون)
• Permium (نفس الموديل اللى قبله وزيادة الفوج والتكييف الاوتامتيك والرنجات)
• GT
• RC
• SW Trendy
• SW Preium

ودلوقتى اسيبكوا مع الصور والمفاجاة البروشير للعربيه بالعربي بعد ما عملتله اسكان علشان خاطر عيون أعضاء نايل موتورز وهو حوالى 24 صفحة PDF وتقدر تنزله من اللينك ده

http://www.up3up.com/download.php?file=f20a152f4349ed22e7f38711b4035846

وده الطراز SW منها









العربيه مزودة بفتحة سقف مساحتها 1.1 متر مربع

[Mohamed_Hegazy]

مشكور جدا ياخ/ casberعلي المعلومات القيمة عن البيجو بس انا لااحب اى اسد غير المصرى حتى لو كان من غير شنبات

[ASD peugeot]

انا مش عارف اشكرك ازاي موضوع اكثر من رائع انا اكتر ماركه بحبها هي الاسد الفرنسي (بيجو)
ويا ريت دايمان تكتب موضوعات تاني عن موديلات بيجو لانه باين انك بتحب الماركه دي
انا هنزل البروشير بس في حاجه عاوز اعرفها صفحات Pdf هتفتح عادي عندي ولا بتكون محتاجه
برنامج و شكرا جزيلا لك
بيجو الي الابد

[volcano12]

i already saw 2 here in alexandria from 1.5 month ago :D
malaky! :D

[محمد عز]

بس انا لااحب اى اسد غير المصرى حتى لو كان من غير شنبات

يارب يبقى فيه اسود مصريه

[محمد عز]

نا مش عارف اشكرك ازاي موضوع اكثر من رائع انا اكتر ماركه بحبها هي الاسد الفرنسي (بيجو)
ويا ريت دايمان تكتب موضوعات تاني عن موديلات بيجو لانه باين انك بتحب الماركه دي
انا هنزل البروشير بس في حاجه عاوز اعرفها صفحات Pdf هتفتح عادي عندي ولا بتكون محتاجه
برنامج و شكرا جزيلا لك

مرسيى اوى على ذوقك
وعلشان تقدر تفتح وتشوف اى ملف PDF لازم يكون عندك برنامج adobe acrobat وده برنامج مجانى تقدر تنزله من اللينك ده

http://www.adobe.com/products/acrobat/readstep2.html

وان شاء الله قريب هعمل مواضيع مشابها على بعض العربيات الجديدة و308 الجديدة لما تنزل ان شاء الله

[CryptonX]

فعلا شكر علي المجهود .. بس دي سيارة نارلة علشان تفشل ( في مصر عللا للأقل )
و مش حتنتشر تهائي زي ال 206

تمنها كان مش عارف 95 الف لل 1400
شكلها جميل فعلا .. بس مش مبرر لسعرها خالص .

[محمد عز]

فعلا شكر علي المجهود .. بس دي سيارة نارلة علشان تفشل ( في مصر عللا للأقل )
و مش حتنتشر تهائي زي ال 206

تمنها كان مش عارف 95 الف لل 1400
شكلها جميل فعلا .. بس مش مبرر لسعرها خالص .

هوا فعلا سعرها لو نزل من 10 ل 15 الف هتبفى تحفه
لكن كل العربيات بقت غاليه فى 2008

[محمد عز]

وده صور تانية لبيجو 207

صورة بتوضح اماكن التخزين فى العربيه


صورة داخليه والعربيه بقت اوسع من بيجو 206



صورة للتابلوه بس صغيره



اللون الاحمر فيها جامد جدا




يارب يكون الموضوع عاجبكم

[emadsabry]

رائع يا بشمهندس محمد ياريت تعملنا مواضيع تانيه زى كده

[محمد عز]

رائع يا بشمهندس محمد ياريت تعملنا مواضيع تانيه زى كده

متشكر على ردك الجميل وأهلا بيك فى المنتدي

[محمد عز]

وده الاسعار الموجوده فى كونتكت كار
1.6 مانيوال فول اوبشن ب 107 الف
1.6 اوتوماتيك فول اوبشن ب 123 الف
1.4 مانيوال فول اوبشن ب 99.5 الف

ومن واقع الأسعار ده نقدر نقول ان العربيه 308 اكيد هتنزل اغلى من كده يعنى هتبقى ازيد من 10 ل 20 الف

والسؤال هنا هل يقدر الاسد الفرنسي يسترجع عرشه المفقود فى مصر مع وجود منافسه قوية جدا من خلال اللانسر Ex والتويوتا الجديدة وطبعا هيواندى اللى بستاثر بنسبه مبيعات حوالى 20 %( انا بكلم انه نسبته فى السوق المصرى تعتبر قليلة نسبيا )
السؤال ده اكيد هنقدر نجاوب عليه ان شاء الله بنهايه 2008

[ASD peugeot]

دلوقتي في نوعين من 207 انا عاوز اعرف

• Urban
• Trendy
• اي نوع فيهم 3 ابواب والتاني 5ابواب ولا هما النوعين واحد لاني شفت ليها صور 3ابواب 5ابواب برده ارجو الرد وشكرا ليك

[bimmeraddict]

البيجو ال207 سعرها كويس,لأنة ببساطة الموتور ال1600 بتاعها هو نفس موتور الميني كوبر ال1600.
وكمان لو حد عرف يجيب ال207gti يبقى تحفة السيارة دي نفس موتور الميني كوبر اس الي هو 1600 تربو.

[محمد عز]

دلوقتي في نوعين من 207 انا عاوز اعرف

• Urban
• Trendy
• اي نوع فيهم 3 ابواب والتاني 5ابواب ولا هما النوعين واحد لاني شفت ليها صور 3ابواب 5ابواب برده ارجو الرد وشكرا ليك

ال 3 أبواب مش موجودين غير فى العربية الاسبور GT