احسب ببساطة جمرك أي سيارة حسب سعة المحرك

[مصراوي جدا]

معلومات مفيدة لقيتها في مقالة من ملحق السيارات جريدة أخبار اليوم بتشرح ببساطة طريقة حساب الجمارك على العربيات وهي كالتالي :

الجمارك على السيارات ثلاث فئات فقط لا غير كالتالي :

ـ1ـ السيارات ذات سعة المحرك أقل من 1600 سي سي (شاملة السيارات المسماة 1600 سي سي حيث أنها فعليا أقل شوية مثل اللانسر 1600 مثلا بتكون 1584 سي سي ) :

اجمالي الجمارك والضرائب (61.00 %) تفصيلها جمارك 40% من قيمة الفاتورة CIF ثم 15% ضريبة مبيعات + نولون الشحن + 1% تأمين (قيم تراكمية وليس جمع)

الخلاصة عربية سعرها من بره 100 ألف جنيه سيكون عليها جمارك وضرائب اجمالي 61000 جنيه

ـ2ـ السيارات ذات سعة المحرك أقل من 2000 سي سي (يعني شاملة السيارات 1800 سي سي و 2000 سي سي)

اجمالي الجمارك والضرائب (205.50 %) تفصيلها جمارك 135 % من قيمة الفاتورة CIF ثم 30 % ضريبة مبيعات (تراكمية)

الخلاصة عربية سعرها من بره 100 ألف جنيه سيكون عليها جمارك وضرائب اجمالي 205500 جنيه

ـ3ـ السيارات ذات سعة المحرك أكثر من 2000 سي سي (ومفتوحه الى مالا نهاية)

اجمالي الجمارك والضرائب (247.50 %) تفصيلها جمارك 135 % من قيمة الفاتورة CIF ثم 45% ضريبة مبيعات

مثال : الباجيرو 3800 سي سي في السعودية سعرها حوالي 110 ألف ريال يعني حوالي 165000 جنيه يضاف لها جمارك وضرايب 247.5 % يعني 408375 جنيه يعني يقف سعر العربية في النهاية 375 573 جنيه

أرجو تكون المعلومة مفيدة خاصة للي بيفكر ينزل عربية من الخليج او من بره عموما

____________
تم تثبيت الموضوع وتغير اللون الاحمر حيث يحظر استخدامة لغير الاغراض الادارية.

شكراً ... ادارة المنتدى

[HESHAM AMIN]

اللة يفتح عليك

[محمد المصرى]

خير الكلام ما قل و دل

شكراً على مجهودك

[boty50]

عزيزي مصراوي

كلامك صحيح 100 في 100
نفس الجمرك دة دفعتة في اوبترا السنة الماضية 61%

بس فية سؤال رفيع
عندك فكرة اذا كانت نفس النسبة تفرق بين الصالون والجيب
ولا بتعتبر كماليات تضاف علي سعر 61%

[egawady]

ألف شكر يا باشا على المعلومات القيمة
بس يا ريت تقولنا الجمارك بالنسبة للسيارات الأقل من 1000 سى سى كام ؟

واللى اعرفه ان القانون فى مصر ما بيفرقش بين السيارات الـ 4 سلندر والـ 3 سلندر الأقل من 1000 سى سى
ودى حاجة لا اعتقد انها موجودة فى أى دولة محترمة ...
فى اليابان مثلاُ السيارات الأقل من 1000 سى سى 3 سلندر بتبقى الضرائب عليها أقل ما يمكن مثلاً فى حدود 5 % لتشجيع الناس على امتلاك سيارة صغيرة واقتصادية ... وعشان كده السيارات دى هناك منتشرة قوى ..
انما فى مصر ... نادر انك تلاقى حد راكب 3 سلندر .. عشان سعر العربية حايكون عالى زائد ان نظرة الناس فى مصر للسيارات الصغيرة نظرة مش ولا بد .....
ولا اية رأيكو ؟

[rafeee2]

استفسار

I have some confusion in this point Mr. Masrawy, can you help me?

Which price do they calculate the customs on?

Example:
Nissan Tiida Egypt Price: 125,000 LE
Nissan Tiida Kuwait price (at the dealer) 3500 KWD = 70,000 LE

If I bought the car from here for only KWD3,000 (LE60,000) in a special offer, what will be the total gomrok for the car?

I mean which price do the gomrok guys use for their calculation?

[مصراوي جدا]

عندك فكرة اذا كانت نفس النسبة تفرق بين الصالون والجيب
ولا بتعتبر كماليات تضاف علي سعر 61%

آسف مش عارف - من قال (لا أعلم) فقد أفتى

بس يا ريت تقولنا الجمارك بالنسبة للسيارات الأقل من 1000 سى سى كام ؟

أعتقد يطبق عليها نفس كلام ما هو أقل من 1600 سي سي يعني برضه 61% (انما مش متأكد)

Which price do they calculate the customs on?

Example:
Nissan Tiida Egypt Price: 125,000 LE
Nissan Tiida Kuwait price (at the dealer) 3500 KWD = 70,000 LE

If I bought the car from here for only KWD3,000 (LE60,000) in a special offer, what will be the total gomrok for the car?

I mean which price do the gomrok guys use for their calculation?

أهو ده سؤال جميل جدا وانا عارف اجابته

ان الجمارك بيكون عندها سعر العربية CIF لمعظم العربيات المشهورة ولو حد جابها من بره بقيمة أقل بيحاسبك على البيان اللي عنده انما لو جبت له عربية معندوش بيان عنها بيضطر يقبل فاتورتك اللي انت جايبها انما طبعا لازم يكون السعر فيها معقول مش مثلا فيراري وتقول شاريها في عرض خاص بـ 100 ألف
يعني في حالة حضرتك اكيد هتتحاسب على ال 70000 جنيه (وربما البيان عنده اكتر شوية) ويكون الاجمالي مقارب للسعر في مصر ومتنساش ان العربية من بره معليهاش ضمان الوكيل في مصر

[rafeee2]

يعني في حالة حضرتك اكيد هتتحاسب على ال 70000 جنيه (وربما البيان عنده اكتر شوية) ويكون الاجمالي مقارب للسعر في مصر ومتنساش ان العربية من بره معليهاش ضمان الوكيل في مصر

أولا متشكر على الاجابة السريعة، انت عايش على ال Forum ولا ايه؟ :)

تانى حاجة موضوع أسعار البيان ديه مفيش طريقة الواحد يعرفها قبل ما يشترى؟ ولا الأسعار ديه مفيش حد يعرفها غير الجمارك؟

[eng_mkhalaf]

ومتنساش ان العربية من بره معليهاش ضمان الوكيل في مصر

لاة حلوة الحتة دية - شغل تسويق يا باشا
مشكور

[rafeee2]

And by the way I was just checking now and found this link that says that the total custom percentage is 58% not 61%

http://www.akhbarelyom.org.eg/sayarat/issues/118/1600.html

[Dr_Smart]

الف شكر يا باشا على المعلومات المفيدة

بس هل الجمارك بتفرق بين عربية ياباني او كوري ... الخ ؟؟؟

هل بتفرق في الاوبشنز ؟ يعني لو فيه سي دي زود كام الف .. ولو فيه سنتر وزجاج كهربا زود برضو ؟؟؟ ولا النسبة بتبقى على سعر العربية اللي المفروض شامل لكل الكماليات اللي فيها ؟؟؟؟

السؤال لأي حد عنده خبرة في الموضوع ده

[مصراوي جدا]

الموقع بيقول:
وتخضع لفئات التعريفة 40 % من القيمة سيف رسم وارد و15 % من جملة القيمة سيف ورسم الوارد ضريبة مبيعات و3 % من اجمالي القيمة والوارد والضريبة رسم تنمية

انا جبت الرقم 61% من مقالة الجرنال

بس لما حسبتها لقيتها اكثر من 61 % مش أقل

يعني لو افترضنا عربية 1600 سي سي قيمتها سيف 100 ألف جنيه

عليها جمارك 40 % يعني 40000 جنيه

يصبح المجموع 000 140 عليهم ضريبة مبيعات 15 % يعني 000 21 جنيه

يصبح المجموع 000 161 جنيه وعليهم 3 % رسم تنمية يعني 4830 جنيه

يصبح المجموع 830 165 جنيه ولسه كمان مقولناش نولون ولا 1% تأمين

يبقى أسلم حل مراسلة الجمارك من خلال اخبار اليوم بتفاصيل العربية اللي عايز تجبها علشان تاخد الرقم بوضوح ويوم النزول بالعربية تروح الجمرك ومعاك الجرنال وتحلف ما انت دافع غير المكتوب فيه

[MTAK]

يبقى أسلم حل مراسلة الجمارك من خلال اخبار اليوم بتفاصيل العربية اللي عايز تجبها علشان تاخد الرقم بوضوح ويوم النزول بالعربية تروح الجمرك ومعاك الجرنال وتحلف ما انت دافع غير المكتوب فيه

:D:D

[rafeee2]

الموقع بيقول:
وتخضع لفئات التعريفة 40 % من القيمة سيف رسم وارد و15 % من جملة القيمة سيف ورسم الوارد ضريبة مبيعات و3 % من اجمالي القيمة والوارد والضريبة رسم تنمية

انا جبت الرقم 61% من مقالة الجرنال

بس لما حسبتها لقيتها اكثر من 61 % مش أقل

It seems to be really 61%

http://www.customs.gov.eg/passengers/7.html

[ASD peugeot]

بجد نظام الجمارك يعقد اللهم انت علي كل ظالم و فاسد