من فضلكم الافادة لعضوة جديدة

[narkeed]

السلام عليكم جميعا
بصراحة المنتدى باين عليه تحفة ومليان اعضاء هايلين....
لو سمحتوا انا عايزة اجيب عربية وناس قالتلى هاتى شيرى اسبرانزا وناس تانية قالتلى هاتى سوزوكى التو...........مع العلم انى مش بفهم فى العربيات خالص .......
السؤال هنا: اجيب انهى وايه مميزات وعيوب الاتنين وايه اخبار الاسعار؟؟؟؟
وهل الاسبرانزا فيه منها اتوماتيك ولا كلها نازلة مانيوال زى الالتو؟؟؟؟؟

ميرسى لكل اللى هايرد او قرأ الرسالة

[tutankhamoun]

أهلا بكي معنا في المنتدى

أنا أرشح السوزوكي الألتو .

بس لي سؤال هو ليه البنات كلهم بيستخدموا ألفاظ أجنبية زي بليز و ميرسي
فيها أيه لو نقول شكرا و لو سمحت ؟؟؟

[aboalm]

اذا كنتى مصممه على الاتوماتيك يبقى شوفى البيكانتو افضل اما اذا كنتى عايزه مانيول الافضل خليكى فى السوزوكى

[MoToRiZeR]

في الفئة السعرية دي .. الأفضل الالتو او شيفروليه سبارك
ممكن سبيرانزا لو جاهزة تاخدي المخاطرة بتاعتها لأنها عربية عاملاها بلد سمعتها وحشة في كل الصناعات و لسة مش مضمونة في السوق .. بس السبيرانزا احسن الصيني عموما و توكيلها و الضمان اللي عليها يعني يطمنوا شوية .. بس برده مش اوي .. مخاطرة كبيرة

و هي مفيش منها اوتوماتيك .. و العربيات الصغيرة الاوتوماتك بتاعها سعره يجيب سعر عربية مانيوال كبيرة .. فا خسارة

يعني البيكانتو سعر الاوتوماتك بتاعها يجيب افيو هاف اوبشن .. و سعرها 70 الف
و اقل منها بحوالي الف و نص الهيونداي اتوس برايم

[Chicco]

الأخت الفاضلة أهلا بيكي في المنتدي
بصيي يا ستي أول حاجة حددي ميزانيتك (الحدالأقصى كام و كاش ولا قسط) و بعدين شوفي إحتياجاتك (مانيوال ولا أوتوماتيك, عربية صغيرة ولا كبيرة ,لعيلة ولا لفرد واحد, جديد و لا مستعمل خصوصا لو ديه أول عربية) ساعتها ممكن نوسع دايرة الإختيار شوية

الكلام ده كله لأن سواء سبيرانزا أو ألتو الإتنين بصراحة وحشين

[mohamed ibiza]

my opinion

ana r2ii speranza l2 al 3rbya di t3tmd 3la 7zk lw 7zk 7lw ttl3lk 3rbya mn al dof3a al kwisa lw 7zk w7sh ttl3lk wa7da mliana mshakel w anti bent msh ad mshakel al twkeel w ray7 gay y3ni 3shan mttbhdlish alto shkl w7sh anma ll banat kwisa w fi spark w lw mizanitk tsm7 b 70 cash mmkn tgibi 7aga used zi golf 4 model 2000 bs al spre parts 3'alia tb3n bs 3rbya gamda 3momn ana r2ii speranza noooooooooooooooo w alto m32ola w spark msh 3ayza sh3'l kter l2nha korean w al korean mwater al 3omr al osir

[sokasoon]

طبعا سوزوكى التو ابعدى عن الصينى وبلاش المخاطرة

وخليكى فى المضمون

بالنسبة للسعر هيبقا فى حدود 55000 إلى 60000