الالنترا الخليجي وصلت يا جماعه

[novo]

الالنترا الخليجي وصلت يا جماعه ,شفتها عند سمير ريان ....انا مبسوط لاني كنت متضايق اوي من زياده السعر الغير مبرره للعربيه دي لمجرد ان الطلب عليها زياده حبتين,بس مفيش توكيل محترم يغير سعر العربيه 3 مرات و باجمالي 9%.
علي العموم العربيه موجوده 3 موديلات
كامله اوتوماتيك فتحه سقف و جنط سبور 15 ب115000جم
اوتوماتيك كاسيت سي دي و مرايات بلون العربيه و مقابض بلون العربيه 107000
مانيوال زي الاوتو في الكماليات 103000
الفروق بسيطه ابرزها تقفيل الموتور المصري احسن, العلامه علي المقود نيكل حتي في اقل موديل, التكييف عادي مش تتش حتي في اعلي موديل و كلهم فيهم ايرباج للسائق , و لمبه استوب خلفيه في كل الموديلات.
لا يوجد ضمان.

[Karim_Monir]

تبقي المصري احسن مع اعتراضي على غبور

[Hesham A.Megid]

كامله اوتوماتيك فتحه سقف و جنط سبور 15 ب115000جم

ممكن حضرتك تقلنا إيه كمالياتها بالضبط؟

[Hossam.Hamdy]

من راى ان العربيات ده لازم تتجاب من وكيل عشان احيانا بيحصل فيها حاجات غريبه جدا بدون مقدمات و بدون سبب

[شاهين - بنز]

أنا صحيح بحترم العربية دي جدا ونصحت صاحبي بشرائها لكن تظل كوري والواحد لازم يقلق إنه ياخدها من غير ضمان

[Sharky]

تبقي المصري احسن مع اعتراضي على غبور

فعلا كده أسعار المصرى أحسن

[limo]

هيه مش الضمان المصرى ب98 جنيه بدون اير باج ولا abs

[Hacker5]

هيه مش الضمان المصرى ب98 جنيه بدون اير باج ولا abs

فعلا بعد ما كانت بـ92000 و مفيهاش وا ايباج ولا abs
بس معاك ضمان بقى 60000 كيلو او 3 سنين
و العربية التسليم بتعها بقى من شهر و نص الى شهرين بعد ماكانت بعد 15 يوم :)

[limo]

طيب لما الخليجى توصل 103 للمانيوال والمصرى 98 هبقى المصرى اكيد احسن

[novo]

المصري علي فكره صعب جدا تلاقيها ب98000 ,سعرها في حدود 102000 تسليم فوري لو لاقيتها اساسا.
انا رأيي ان الخليجي افضل لانها فيها ايرباج,ولان الجو في مصر بقي فعلا محتاج المواصفات دي(ردياتير اكبر و تكييف افضل و دهان اعلي)

[Hacker5]

المصري علي فكره صعب جدا تلاقيها ب98000 ,سعرها في حدود 102000 تسليم فوري لو لاقيتها اساسا.
انا رأيي ان الخليجي افضل لانها فيها ايرباج,ولان الجو في مصر بقي فعلا محتاج المواصفات دي(ردياتير اكبر و تكييف افضل و دهان اعلي)

يا باشا دة سعر الحجز 98000 و الاستلام بعد شهر و نص الى شهرين و لكن فى المعارض بتبقى بـ 102000 من شهرين كان استلام العربية بعد 15 يوم بس الظاهر الاستلام اتأخر عشان فى حجز كتير على العربية :D

[limo]

بس برضو الخليجى اغلى الف جنيه فى مقابل air bag
اعتقد ان الخليجى المفروض يكون ارخص بحوالى 3 الف جنيه مش اغلى
وبعدين خلى بالك انت كده مش هتاخذ ضمان الوكيل

[احمدعبدالعزيز]

فعلا السعر الجديد مانيوال 103000 !!!!!!!!
اذا انا راى الشخصى ان الخليجى احسن ..