كارلوس غصن في اسرائيل ! و سلمولي علي البترول !

[CryptonX]

كارولس غصن ... شخص اصبح اشهر من نار علي عالم حاليا . و هو رئيس شركة " نيسان - رينو " اليابا-فرنسية "

يصافح شاي اجاسي و شمعون بيريز ( ده اسم ده !! )

لتدشين صفقة عمل شبكة موزعين و ووكلاء باسرائيل لتسويق و صناعة سيارات كهربائية 100%
و الجدير بالذكر ان اسرائيل تمتلك احدى اكبر شركات سيارات الكهرباء في امريكا و هي ماركة " ZAP "

و بالصفقة الجديدة تتمنى اسرائيل ان تصبح 60% علي الاقل من تل ابيب سيارات كهربائية تحافظ علي البئية و توفر بترول الخليج .

السيارة الكهربائية مش لعبة ..ز
من صفر الي 100 في 13 ثانية
و اقصى سرعة لها 160 كم / ساعة
و سوف تكون بتكنولجيا نسيان اليابانية و تصميمات رينو الفرنسية .

خلي العرب بعوموا في البترول قريبا !!

---------

في انباء اخرى غصن في المغرب لاعلان مصنع رينو الجديد الذي سوف يبدأ بانتاج " داشيا لوجان " الي سمعنا عنها كتير هنا .

[memo_hefnawy]

No Comment

[MTAK]

خلي العرب بعوموا في البترول قريبا !!
.

مشكلتنا لما بنتفوق فى حاجه
بنعتقد اننا سوف نظل متفوقين بها على الدوام
و لا ننظر لابعد من اللحظه التى تفوقنا فيها
فى شتى المجالات
نجيب جون نفتكر اننا خلاص كسبنا و نكبر من اللعب
نبتكر"و ليس نخترع" نفضل نهلل و نصدع دماغ الناس
كفايه اننا الى الان بنتمسح فى الفراعنه و نقول احنا الفراعنه "طب ادونى اماره"

[tutankhamoun]

............... العرب ...............
لا تعليق

[Ahmed Anwer]

يا فرحتك يا باشمهندس فادي !!!!!!!!!!

يا عيني عليك يا برو !!!!!!!!

داتسون طلعت عميلة إمبريالية !!!!!!!!!!!!

[PRO-DRIVE]

يا جدعان لا فرحه ولا حاجه !!!

اسرائيل عاوزه تشتري التقنيه من نيسان و خلاص !!

و نيسان حتبيعهلم التقنيه و خلصنا !!!

ايه المشكله


حتي الفيات و ال128 بتتباع في اسرائيل و في موديلات من ال128 مصنوعه في اسرائيل :)

واحد قالي عليها قبل كدا و شكل الفانوس بتاعها من ورا مختلف


كانت الناس بتكسره و تركب العادي


علي فكره دا يدل علي تطور نيسان و علي تطور اليابانيين :)

اسرائيل اللي بتصنع نووي حبيبه امريكا مستعانتش بجنرال موتورز :)

اللي جنرال موتورز بتصنع Ac Delco عندها و اغلب قطع غيار جنرال موتورز
بتتصنع في اسرائيل :)

و استعانت بنيسان :)


__________________________


اكيد كل دا لا يعني اني متفق مع اللي نيسان عملته بس في الاخر دي شركات و ميهمهاش غير الربح في الاخر :)

و لو مكنوش بيقدموا تقنيه جديده و موثوق فيها مكنش اليهود لجأوا ليهم :)

و مكنوش حققوا ارباح :)

[أبو_حمزة]

كلام غير عملى و مقصود بيه دعايه عشان البترول يرخص
انهم يعملو محطات توليد كهربا من الطاقة الشمسية عشان يشحنوا البطاريات لسه لم يصل الى مستوى يكفى لتسيير 2 مليون عربية
البترول ما زال المصدر الاساسى للطاقة و سيستمر كذلك على الأقل 30 سنة كمان (ان كان ليينا عمر)
هى امريكا دخلت افغانستان و العراق و بتبهدل السودان عشان ايه

[فادى]

"اسرائيل عاوزه تشتري التقنيه من نيسان و خلاص !!"

بص يا عم أنا مش هزايد لأن ده مش من عادتى, خليهم يندعقوا فى بعض شوية سفاحين مع شوية نصابين ملناش دعوة.
بس ملحوظة بس كارلوس غصن رئيس نيسان و رينو مش نيسان بس!
و عموما تحالف الشركتين ينطبق عليهم المثل القائل : اتلم المتعوس على خايب الرجا!:)

ملحوظة أخيرة بس بالنسبة لموضوع البترول, لا أعتقد أن السيارات الكهربائية يمكنها فى يوم من الأيام أن تحل محل سيارات الاحتراق الداخلى و اليك الأسباب:
- موتور الكهربا ثقيل الوزن, ووزنه أضعاف موتور البنزين لأنه صب مش مفرغ زى موتور البنزين. يعنى عربية صغيرة كهربائية ممكن وزنها يوصل 1300كيلو مثلا, بينما نفس السيارة بمحرك احتراق داخلى لن يتعدى وزنها 800-900 كيلو.
- صحيح انو محرك الكهرباء أكثر كفاءة من محرك الاحتراق الداخلى, لكن ثقل وزنه سوف يقف حائلا أمام كفاءة السيارة ككل.
- الكهرباء طاقة صعبة فى تخزينها عكس الوقود السائل, و لا يوجد وسيلة معروفة سوى البطاريات, و هى وسيلة غير عملية لأن عملية الشحن تحتاج الى ساعات, يعنى حضرتك لازم تسيب العربية فى المحطة طول الليل و انت موصلها بالكوبس!!
باختصار السيارات الكهربائية غير عملية بالمرة و الطاقة الهيدروجينية هى المرشحة لخلافه الوقود الأحفورى فى مجال المركبات المتحركة و لكن مازال أمامها الكثير.
أما فى رأيى أنا, فلا أعتقد أننا سنجد طاقة أخرى تحل محل الوقود الأحفورى بعد انتهائه, و أعتقد أن البشرية مستقبلها مظلم تماما بعد انتهاء عصر البترول.

[Ahmed Samy]

مش البشرية كلها
الجزء الشرقي منها بس
عارف أفلام الخيال العلمي اللي عن المستقبل و تلاقي فيها ناس مقشفين و هدومهم مقطعة و هايشين في برد وظلام و بيحاولوا يتسللوا للمدينة المحصنة المضيئة اللي فيها روبوتات و عربات كهربية و مدافع ليزر ؟؟؟
هو ده المستقبل بس المدينه هاتكون قارة واحدة .. أمريكا
لأنها ممكن تعزل سواحلها عن الجميع و للعلم احتياطي البترول الأمريكي ضخم للغاية (اكثر من ال 695 مليون برميل اللي بيقولو عليهم) و في ناس كتير بيدللوا على كده.

و ها هي تشتري دمنا الأسود و تحافظ عليه يجري في شرايين أرضها
وتلاعبنا و تناورنا و تحاربنا ايضا من أجله , ولكن بعد نفاذه لن نكون حتى مثل خيل الحكومة فلن نساوي الطلقة حتى.
لماذا لا نحاول تنمية السيارة الكهربية (أهو مجال ممكن ننافس فيه) و عندنا كهربا بالهبل و ممكن تزيد لأضعاف أضعافها .

[Chicco]

لا إمبريالية ولا حاجة كل واحد بيدور على مصلحته (براجماتية.. لو عايزين مصطلح حنجوري:)) الدور و الباقي على الناس التانية اللي مبيفكروش في المستقبل ......لنا الله
و الخبر لا يعيب نيسان في حاجة..... دلوني على أي شركة كبرى مالهاش علاقة بإسرائيل.... الأدهي من ذلك و للأسف الشديد بصوا على ميزانية البحث العلمي عندهم و قارنوه بينا :(
العالم كله عارف إن البترول حينضب في المستقبل القريب و الكل بيسابق الزمن عشان يبقى جاهز وقتها (ملحوظة قد تكون معروفة لناس كتير أمريكا فيها مخزون إحتياطي ضخم من البترول و ما بيجوش جانبه ....محافظين عليه للمستقبل ......حتى لما الناس بتضغط عليهم لما الاسعار بتعلى ... و سايبين الدول التانية تخلص في مخزونها)
بالمناسبة حد سمع عن عربية GM الكهربائية" EV 1"....باختصار سنة ١٩٩٦ GM أنتجت عربية كهربائية اختبارية بس اثبتت جودة عالية و فعلا وزعوا وحدات على ناس محدودة سياسيين و ممثلين و شخصيات عامة . اللي حصل بعد كده كان أقرب لفيلم اكشن.... شركات البترول و اللوبي بتاعها ضغطوا على GM لحد ما سحبوا العربيات كلها بالذوق أو بالعافية و "اعدموا " العربيات كلها عشان محدش يعرف التكنولوجيا اللي فيها انما طبعا التصميمات موجودة و الابحاث و التحسينات مستمرة
و طبعا عارفين إن محركات الهايبرد حقيقة واقعة و منها محركات أكثر كفاءة من المحركات التقليدية و غني عن الذكر إن اليابانيين و بالذات تويوتا هما ملوك التقنية ديه.......... حتى الشركات الالماني بيطوروا محركات إقتصادية (Mercedes Bluetec )
السؤال هو احنا فين من كل ده

[فادى]

"مش البشرية كلها
الجزء الشرقي منها بس
عارف أفلام الخيال العلمي اللي عن المستقبل و تلاقي فيها ناس مقشفين و هدومهم مقطعة و هايشين في برد وظلام و بيحاولوا يتسللوا للمدينة المحصنة المضيئة اللي فيها روبوتات و عربات كهربية و مدافع ليزر ؟؟؟
هو ده المستقبل بس المدينه هاتكون قارة واحدة .. أمريكا
لأنها ممكن تعزل سواحلها عن الجميع و للعلم احتياطي البترول الأمريكي ضخم للغاية (اكثر من ال 695 مليون برميل اللي بيقولو عليهم) و في ناس كتير بيدللوا على كده.

و ها هي تشتري دمنا الأسود و تحافظ عليه يجري في شرايين أرضها
وتلاعبنا و تناورنا و تحاربنا ايضا من أجله , ولكن بعد نفاذه لن نكون حتى مثل خيل الحكومة فلن نساوي الطلقة حتى.
لماذا لا نحاول تنمية السيارة الكهربية (أهو مجال ممكن ننافس فيه) و عندنا كهربا بالهبل و ممكن تزيد لأضعاف أضعافها .


حضرتك أشرت الى نقطة مهمة جدا, و أحب أضيف عليها الأتى:
هناك نظريتين فى موضوع البترول :
النظرية الأولى: و هى نظرية أوروبية, و الأقرب للمنطق, و التى تقول أن البترول فى طريقة الى النفاذ, و يقدر الجيولوجيين الوقت الذى سينفذ فيه البترول بحوالى 40 سنة. و ذلك يرجع الى عدم وجود اكتشافات بترولية جديدة من الحجم الكبير. و يوصى أصحاب هذه النظرية بالحد من استهلاك البترول كى نحافظ على المخزون الحالى لأطول وقت ممكن. و الأوروبيون قلقون جدا من موضوع نفاذ البترول, و يقولون انه ينفذ منا, و ليس عندنا خطة.
النظرية الثانية: و هى أمريكية, تقول بأننا سوف نكتشف المزيد من البترول بمجرد أن يرتفع سعره نتيجة لنفاذه, نظرا لأن سعره المنخفض نسبيا لم يسمح لطرق البحث و الاستكشاف و الحفر بالتطور, ولذا فانه و عندما يبدأ المخزون فى النفاذ, و يرتفع سعر البترول تلقائيا, سوف يمكننا تطوير طرق أكثر تقدما للبحث و الاستكشاف, و سوف نكتشف كمية كبيرة من البترول. و ليست لهذه النظرية من دلائل علمية.
و هناك نظرية ثالثة مضحكة يؤمن بها بعض الأمريكيون من اليمين المسيحى المحافظ, و تقول أن المسيح سوف يأتى قبل نفاذ البترول لأن الله لا يمكن أن يتركنا بدون بترول, لذا فاننا يجب أن نستمتع به كما نريد و لا نقلق من نفاذه!!