توصيل السيارة باللاب توب

[KarimAbulEla]

لكل من يسعى الى استعمال مهارات الشخصية فى التعامل مع السيارة يمكنه توصيل اللاب توب بالسيارة بواسطة جهاز صغير يتصل عن طريق فتحة الى OBD II الموجود فى معظم السيارات الحديثة تقريبا و الغرض من التوصيل هو معرفة معلومات عن حالة السيارة من خلال البرنامج الذى يتم تحميله مجانا من الانترنت و الجهاز مفيد ايضا فى الكشف و ازالة الاعطال التى تظهر فى السيارة و التى ممكن القيادة معها ( طبعا فيه اعطال تستلزم نقل السيارة الى التوكيل )

الرابط التالى به موقع الشركة التى تبيع هذا الجهاز

https://www.scantool.net

سعر الجهاز تقريبا 50 دولار شامل الكابل من السيارة الى الجهاز+ الكابل من الجهاز الى الكمبيوتر
و فى اعتقادى انه افضل من الجهاز الذى يباع منفردا لقراءة اعطال السيارة - حيث ان البرنامج المزود مع الجهاز الاولانى يتيح مميزات كثيرة جدا و تغطى كل ما يمكن التعامل معه فى السيارة !!!!

تحياتى

[KarimAbulEla]

[Anti_virus_abdo]

شكرااااا يا باشا علي المعلومه الجميله ديه و فعلا فكره جامده
بس ممكن تقولي فتحة الobd Ii بتبقي فين بالظبط في معظم العربيات ؟؟

[KarimAbulEla]

يا باشا العفو

انا عندى فى اللانوس موجودة خلف كاسيت السيارة و بتبقى واضحة لو نظرت من ناحية كرسى السائق

[ahmedezzat78]

جميل جدا
يعنى دى بيعمل كل حاجة زى الاسكنر بالضبط

[Anti_virus_abdo]

شكرا يا باشا علي ردك السريع :)

[KarimAbulEla]

مكتوب فى الموقع انه يوجد نوعان من منافذ التوصيل داخل السيارة يعنى سيارتك ممكن تكون بتستخدم احدهم

الاول هو


اما الثانى فهو




و للحصول عن معلومات كاملة عن هذه الجزئية بالذات يمكن الاطلاع على الرابط التالى

http://www.scantool.net/support/index.php?_m=knowledgebase&_a=viewarticle&kbarticleid=3&nav=0

[KarimAbulEla]

اما الصورة التالية فهى بالتاكيد هو ما كنت ابحث عنه و هو عند استخدام الجهاز المذكور يمكنك الحصول على قراءة عداد RPM و العديد من العدادت الاخرى التى تظهر من خلال شاشة اللاب توب اثناء قيادة السيارة لمن يفتقد هذه العدادات فى سيارته حيث لن تجد كل هذه القراءات فى اى سيارة مهما كان موديلها ، انا عن نفسى معندش اصلا ار بى ام ، بالتأكيد هذا بجانب الوظائف الرئيسية السابق ذكرها للجهاز




الجميل فى الموضوع هو قدرة النظام على التعامل مع اجهزة البوكت بى سى ، يعنى اى واحد عنده موبايل بوكت بى سى ممكن يستغنى عن اللاب توب و يستخدم الموبايل بتاعة فى الحصول على نفس الوظائف

[cpt_shawky]

ايه الابداع ده........حد جابه ؟؟؟؟

هل ينفع مع الفيرنا والصنى ؟؟؟

[Santino]

موضوع جميل فعلاً ,

و إيه هي الحاجات اللي ممكن نتحكم فيها في العربية ؟ يعني إيه ال settings اللي ممكن نغيرها؟
و بيتوصل بالبوكيت بي سي إزاي ؟

شكرا

[HNaga]

ايه الابداع ده........حد جابه ؟؟؟؟

هل ينفع مع الفيرنا والصنى ؟؟؟

انا إشتريته بس لسه ماجربتوش الحقيقة

كنت عايز أركب كمبيوتر فى العربية الأول عشان يقرا على طول بس المشروع تم تأجيله الى أجل غير مسمى

[HNaga]

موضوع جميل فعلاً ,

و إيه هي الحاجات اللي ممكن نتحكم فيها في العربية ؟ يعني إيه ال settings اللي ممكن نغيرها؟
و بيتوصل بالبوكيت بي سي إزاي ؟

شكرا

ده قراية بس ماينفعش تكتب على الكونترول يوننيت

الكتابة بتكون بأجهزة أعلى وأغلى بكتيييييير

[farahat]

انا إشتريته بس لسه ماجربتوش الحقيقة

كنت عايز أركب كمبيوتر فى العربية الأول عشان يقرا على طول بس المشروع تم تأجيله الى أجل غير مسمى

طيب بعد إذن حضرتك هو كلفك كام بالكامل لحد ما وصل هنا ؟

[tmz9111]

موضوع جميل فعلاً

[Khalid_Mostafa]

يا شباب ...اغلب الأجهزة الي موجودة علي النت (إن مكنش كلها) مجرد قراءة فقط .يعني بتقرأ البيانات من كومبيوتر العربية وفيه مودين (هم حوالي 9 مود بس المستخدم غالباً المود الأول و الثاني) .. واحد مستمر يعني بيعطي قراءات اونلاين و التاني بيسجل لقطة معينة ويعطيك قراءات ليها ..ومن ضمن القراءات ارقام الأعطال وطبعاً مش كل امكانيات البرنامج حتلاقيها في سيارتك .وتوجد برامج كثيرة في الإنترنت تقوم بنفس الموضوع بعضها مجاني و الأخر بفلوس و لكن كلهم لا يعيدوا الكتابة علي كومبيوتر السيارة ..فقط القراءة منه لمعرفة العطل او الخلل

وبقي ان نقول انه من عام 1996 اصبحت السيارت بتتعامل بهذا النظام وفيه تلات بروتوكلات في هذا الموضوع
1-سيارات بتعمل ببروتوكول ISO 9141-2 و دي اغلب السيارات
2-سيارات بتعمل ببروتوكول j1850 VPW بعض سيارات فورد و جينرال موتورز
3-سيارات بتعمل ببروتوكول j1850 pwm بعض السيارت الأخري

وتعرف العربيات علي اي نظام من الكونيتور بتاع الـ obd2 نفسه حيث انك ستجد البن رقم 7 فيه معدن اما لو وجدت البن رقم 10 فيه معدن يبقي علي النظام 3 اما النظام الأول يميزه عدم وجود معدن في بن 7 ولا 10 فقط بن 16 و 5 و 4 و2


وانا قائم هذه الأيام علي عمل دائرة Interface السابق ذكرها ويبقي الـ Software فقط

مكان الكونيكتور قانوناً المفروض يكون علي بعد لا يزيد عن 3 قدم من السائق .وفي اغلب الأحيان بيكون اما تحت فتحة التابلوه واما تحت عامود عجلة القيادة مباشرة (يمكن الإحساس به لو وضعت يدك تحت التابلوه تحن عامود عجلة القيادة بالضبط)

ولو فيه اي سؤال في هذا الموضوع انا تحت امركم