دعوة لمناقشة موضوع هام

[Karim_Monir]

السلام عليكم اخواني
معلش حبيت افضفض معاكم شوية النهاردة بس فضفضة ايجابية
مش عايز ادخل في مقدمات انشائية ماليش فيها
بس لقيت اننا كبلد وكشعب وكافراد
اخلاقيات وسلوكيات
دين وثقافة
كلنا على نفس المنحدر
منحدر اخلاقي وثقافي وديني وعلمي
مفيش تعليم كويس مفيش ثقافة حقيقية
بنعيش ازهى عصور الاميه في كل شيء
عشان كدة ممكن كل واحد فينا يكتب عى اسوء شيء بيعاني منه
او اسوأ كابوس حي مضايقة
بطالة-اميه دينية-مخدرات-انعدام ثقافة-قلة اخلاق-تحرش جنسي-اطفال شوارع
اي موضوع مضايقك بس يكون موضوع واحد بس تكتب عنه
اكتر شيء مضايقك فعلا
ولو عندك طرق لمكافحتة اكتبها باختصار
يا ريت نكون فعالين ونشوف اكتر واكبر مشكلة مضايقة اكبر عدد
ونشوف الطرق المقترحة لحلها ونحاول كنايل موتورز نكون ايجابيين فيها
خلينا الاول نطرح ال Mind storm بتاعنا ونشوف هاتكون اكبر قضية مضايقانا هيا ايه ؟
كريم منير

[إسلام شاهين]

والله كويس إنك فتحت الموضوع ده يا كريم علشان أنا هتجنن من حاجة مملة جداااااااااااااااااا

ألا وهي :- الروتينننننننننننننننننننننننننننننننننننننننننننن ننننننننننننننننننننن

بما إني بخلص ورق السفر مش قادر اوصفلكوا أنا يوميا بتعذب قد إيه علشان شوية توقيعات وأختام روتين ما بعده روتين ولو قعدت أحكيلكوا مش هيكفيني المنتدى كله وبلاش أحرق دمكم زي كفاية أنا .

وحسبي الله ونعم الوكيل .

[MoToRiZeR]

اكتر حاجة مضايقاني الشخصيات اللي الناس بقت واخداها

سواء من شخصيات مسطحة .. او شخصية البلطجة و خدوهم بالصوت .. او شخصية المصلحة .. او شخصية اي حاجة اشطة ..

و ده مش لإقتناع منهم بالشخصية دي .. و انما لأن هما شايفين ان دي الطريقة اللي الواحد ياخد بيها حقه و يعيش صح اليومين دول

و فيه شخصيات فوضوية نشأت في بيئة فوضوية متقدرش تلومه .. يعني واحد اتولد لقي نفسه مش لاقي ياكل و كل شوية ظابط ياكله قلمين ولا ياخده كل ما يبقي مزنوق في متهم .. ولا عارف يشتغل ولا عارف يتجوز و مكبوت كل انواع الكبت اللي في الدنيا .. تقدر تلومه انه مثلا يكسر ازاز عربيتك و يسرق الكاسيت او ياخد الموبايل منك و انت بتتكلم في الشارع و يجري ؟!

الشارع المصري بقي سيرك الصراحة .. تنزل تشوف ناس تعبانة و تصعب عليك .. و تشوف ناس لابسة اقنعة مختلفة و لكن لو نزعت عنهم الاقنعة دي هيصعبوا عليك برده .. و في النهاية لو تقدر تطلع برة جسمك و تشوف نفسك من برة .. هيصعب عليك نفسك برده !

الحل .. مش شايف حل الصراحة
هي فوضي !

[mada121977]

الظلم هو اساس كل المشاكل والاحباطات
مظلوم علشان مش عارف تحقق اهدافك فى ظل الظروف الحاليه .

مظلوم علشان بتكافح بأقصى مجهود لتحقيق طموحاتك وبالرغم من ذلك لاتستطيع تحقيق هذه الطموحات بسبب العوائق اللى بتقف قدامك .

مظلوم علشان زميلك فى الشغل اللى يقل كفاءه و خبره عنك بيأخد ترقيات ومكافأت من حقك انتا وليست من حقه هوا علشان قريب البيه المدير.

مظلوم علشان مش عارف تجيب رغيف عيش كويس تاكله .

مظلوم علشان مش عارف تشرب كوبايه ميه خاليه من الطين و البكتريا ولا تسبب الفشل الكلوى.

مظلوم علشان لما يكون عندك حته ارض صغيره عاوز تبنيها علشان توفر مسكن كويس ليك ولولادك مش عارف تبنيها علشان الارتفاع الرهيب فى اسعار مواد البناء.

مظلوم علشان مش عارف تلاقى شقه كويسه بسعر معقول علشان تبتدى بيها حياتك .

مظلوم علشان مش عارف تلاقى مواصلات ادميه تحفظ لك ولاسرتك ادميتكم و احساسكم انكم فى دول بتقدر مواطنيها.

مظلوم علشان مش لاقى مدرسه حكوميه تعلم ولادك كويس و تهتم بيهم زى مدارس زمان.

مظلوم علشان مش عارف تلاقى دواء مهم ليك او لاحد اقربائك الا بسعر يفوق مثيله فى اى دوله اخرى بأضعاف سعره.

مظلوم علشان كل ماتدخل فى مشروع تلاقى واحد معندوش ضمير ولا دين ولا اخلاق ينصب عليك و يأخد الى حيلتك ويهرب.

مظلوم علشان لما تيجى تبيع او تشترى عربيتك تلاقى واحد برضه معندوش لا دين ولا اخلاق ولا ضمير بينصب عليك ويحاول يلبسهالك و يكسب من وراك مكسب كبير.

اعتقد ان اى واحد مظلوم الظلم ده كله مش هيحس غير بالاحباط والاكتئاب ومش هيقدر يعيش وهوا باله مستريح.

[CryptonX]

اكتر حاجة بقيت اكرها ... الشرطة و الجيش ..
مع احترامي الكبير للكثير من المحترمين منهم ..
لكن الغالبية العظمى .. ازبل من الزبالة
و الحل للأسف .... غير موجود بهذا العصر

اذا كان من الطلبة الفاشلين و لا الرتبات العالية .. فساد علني .. عيني عينك !
بلطجة - كوسة - رشاوي - تلبيس تهم - خناقات - منظرة - سيارات بدون نمر

كله الي نفسك فيه ..
بس الي بلاحظه دايما علشان اكون صادق ان بتوع الفنية العسكرية اكثر انظباطا وده ممكن يكون عائد انهم جايبين مجاميع كويسة و متنقيين كويس مش زي ولاد ال 50% بتوع الشرطة .

اسف اذا كنت اضايقت اي حد من الشرطة و الجيش بس انتوا اكيد عارفين انا بتكلم على ايه .

[ahmedezzat78]

اكتر حاجه مدايقانى هيه حاله الفساد العامة فى البلد

فساد و صل لكل مجال و كل نشاط ولكل فرد فى المجتمع بدرجات متفاوته و الموضوع بيزيد مع السنين و بيتضخم جيل ورا جيل لفايه ما الواحد جالو احساس غير عادى بالاحباط

الفساد ممكن تلمسه على مدار يومك بكل الصور و الاشكال تحسه فى عمارتك لما تعامل الجيران وفى شغلك مع الزملاء و المديرين وفى السوق و انت بيضحك عليك وفى البنزينه لما يطلعلك نصاب بقصه وهمية وانت سايق عربيتك وبتتعامل مع سلوكيات الناس الغير محتمله وانت بتخلص ورق فى اى مصلحه حكوميه وتشوف انعدام الضمير و بيروقراطيه منقطعة النظير و تحسه مع الراس ماليه اللى بتزيد بشكل عنيف جدا............. وتحسو فى انتشار المخدرات بشكل اصبح طبيعى جدا و مالوف وتحسوه فى ارتفاع نسبه البطالة و بالتالى نسبة الجريمه و تحسو وانت بتشوف كل حاجه فى بلدك على جميع المستويات من زراعة لصتاعة وتحسوه مع ارتفااااااااااااااع الآسعار و قلة الدخل وم شباب بيتجوزوا اجانب عواجيز ليلسه من بناء مستقبل تحسوه اوى مع اى شاب بيتمنى يهج من البلد باى طرقه


الفساااااااااااد متغلغل جوانا و بيترجم لانماط جديدة غريبه من حياتنا لغايه ما بقت فوضىىىىىىىىىىىى

فعلا ما فيش غير اننا نعمل زى الصين لما أعدمو 1000 من رؤس الفساد و ابتدو على ميه بيضاء ......شوف بقو ازاى دلوقتى

[ahmedezzat78]

اكتر حاجة بقيت اكرها ... الشرطة و الجيش ..
مع احترامي الكبير للكثير من المحترمين منهم ..
لكن الغالبية العظمى .. ازبل من الزبالة
و الحل للأسف .... غير موجود بهذا العصر

اذا كان من الطلبة الفاشلين و لا الرتبات العالية .. فساد علني .. عيني عينك !
بلطجة - كوسة - رشاوي - تلبيس تهم - خناقات - منظرة - سيارات بدون نمر

كله الي نفسك فيه ..
بس الي بلاحظه دايما علشان اكون صادق ان بتوع الفنية العسكرية اكثر انظباطا وده ممكن يكون عائد انهم جايبين مجاميع كويسة و متنقيين كويس مش زي ولاد ال 50% بتوع الشرطة .

اسف اذا كنت اضايقت اي حد من الشرطة و الجيش بس انتوا اكيد عارفين انا بتكلم على ايه .

اتفق معاك بسبه 100% لانى عندى احساسك من زمان و بتاكد عندى مع تكرار التعامل مع الشرطة خاصة بالرغم ان الواحد و الله شاف قمة فى الاحترام منهم لكن دول الشاذين عن الفاعدة

[mido777]

كل الكلام اللى اتقال انا موافق عليه بس برضه كل الكلام ده مرتبط بحاجة مهمة جدا وهيا اللى مضيقانى فى مصروالحاجة دية هى :-

ثـــــــــــقــــــــــافـــــــــــــة الـــمجـــــــــــتــــمــــــــع الـــــــــــمــــــصــــــــــــــرى

- لو الشعب ده عنده ثقافة حتلاقيه بيعرف ازاى يقف ويحترم الطابور
- لو الشعب ده عنده ثقافه حتلاقيه بيحترم اشارات المرور
- لو الشعب ده عنده ثقافه حتلاقيه يعرف ازاى يستخدم الات التنبيه
- ولو..............
ولو...............
ولو................
وقيس على كده كل حاجة مش عجباك فى البلد

[ahm177]

وانا مع كل اللى فات طبعااااااااااااااااااااااا

[mohamed ibiza]

I Cant Say Except A Small Example About Routine Iam In Cairo University I Go To Pay Masaref This Year And Get The Gollege Id I Was About To Die 2 Hours To Take The Money And From A Line To Line To Take The Money After He Took The Money I Waited About 30 Minutes To Y5tm Al Papers And I Went To Another Line To Give Them The Papers And Get My Id After He Took The Papers That Was After 30 Mintues I Think He Said To Me Come Again After One Week To Take Ur Id I Get Mad انا عندي التهاب مفاصل و مفاصلي اتهرت من الوقفة و مش مراعيين كمان ان الامتحانات خلاص مفيش المشكلة ان الكارنيه بيتعمل في دقيقة بس الباشا مكانش فاضي يعمل شغله ربنا يرخمنا جميعا
























Ibiiiiiiiiiiiiiiiiiiiiiiiiiiiiiiiiiiiiiiiiiiiiiiii iizzzzzzzzzzzzzzzzzzzzzzzzzzzzzaaaaaaaaaaaaaaaa For Ever

[khalid_adel]

انا اكتر حاجه حتجنني وبقت حاجه منتشره حديثا زي الوباء وجايلنا من بره(عدوي)
الا وهي السلبيه
فعلا بنسبه 90% من الناس بقت سلبيه بطريقه بشعه ولو حكيت ايه ولا ايه مش حتصدقو
بنتين ماشين في الشارع (شارع زحمه وفيه بتاع 1000 بني ادم) وصغيرين ومحترمين في لبسهم وعايلين شوارعيه ماشين وراهم وبيعاكسوهم برزاله ومد ايد وهما ماشين مرعوبين منهم وخايفين والناس ولا هنا انا نفسي دمي اتحرق وكنت عايز اموتهم بس كنت جاي من الشغل لوحدي وتعبان جدا ومعملتش حاجه بس بجد اضايقت جدا منهم ومن نفسي
واحد عطلان في الشارع وياعيني بيزق عربيته بنفسه من وسط الشارع والعربيات ماشيه زي البهايم ولا كانه بيكسر عليهم وبيعدوه بالعافيه( حاجه تحرق والله)
انا بجد والله فكرت اني اعمل نفسي بسرق عربيتي في وسط الشارع في عز الضهر ومتأكد ان مافيش حد حيكلمني واكاد اراهن على كده
الناس بقت سلبيه بطريقه تخنق كل واحد بيقول وانا مالي وهو انا ناقص دانا فيا اللي مكفيني ووووو
كان الله في عون العبد مادام العبد في عون اخيه
ولا حول ولا قوة الا بالله

[ahmedezzat78]

كل الكلام اللى اتقال انا موافق عليه بس برضه كل الكلام ده مرتبط بحاجة مهمة جدا وهيا اللى مضيقانى فى مصروالحاجة دية هى :-

ثـــــــــــقــــــــــافـــــــــــــة الـــمجـــــــــــتــــمــــــــع الـــــــــــمــــــصــــــــــــــرى

- لو الشعب ده عنده ثقافة حتلاقيه بيعرف ازاى يقف ويحترم الطابور
- لو الشعب ده عنده ثقافه حتلاقيه بيحترم اشارات المرور
- لو الشعب ده عنده ثقافه حتلاقيه يعرف ازاى يستخدم الات التنبيه
- ولو..............
ولو...............
ولو................
وقيس على كده كل حاجة مش عجباك فى البلد

ماهو الفساد وصل للثقافة كمان ............... لكل حاجه كل حاجه

[ahmedezzat78]

انا اكتر حاجه حتجنني وبقت حاجه منتشره حديثا زي الوباء وجايلنا من بره(عدوي)
الا وهي السلبيه
فعلا بنسبه 90% من الناس بقت سلبيه بطريقه بشعه ولو حكيت ايه ولا ايه مش حتصدقو
بنتين ماشين في الشارع (شارع زحمه وفيه بتاع 1000 بني ادم) وصغيرين ومحترمين في لبسهم وعايلين شوارعيه ماشين وراهم وبيعاكسوهم برزاله ومد ايد وهما ماشين مرعوبين منهم وخايفين والناس ولا هنا انا نفسي دمي اتحرق وكنت عايز اموتهم بس كنت جاي من الشغل لوحدي وتعبان جدا ومعملتش حاجه بس بجد اضايقت جدا منهم ومن نفسي
واحد عطلان في الشارع وياعيني بيزق عربيته بنفسه من وسط الشارع والعربيات ماشيه زي البهايم ولا كانه بيكسر عليهم وبيعدوه بالعافيه( حاجه تحرق والله)
انا بجد والله فكرت اني اعمل نفسي بسرق عربيتي في وسط الشارع في عز الضهر ومتأكد ان مافيش حد حيكلمني واكاد اراهن على كده
الناس بقت سلبيه بطريقه تخنق كل واحد بيقول وانا مالي وهو انا ناقص دانا فيا اللي مكفيني ووووو
كان الله في عون العبد مادام العبد في عون اخيه
ولا حول ولا قوة الا بالله

وده برضو فساد فى السلوكيات

[hamedo0]

الظلم هو اساس كل المشاكل والاحباطات
مظلوم علشان مش عارف تحقق اهدافك فى ظل الظروف الحاليه .

مظلوم علشان بتكافح بأقصى مجهود لتحقيق طموحاتك وبالرغم من ذلك لاتستطيع تحقيق هذه الطموحات بسبب العوائق اللى بتقف قدامك .

مظلوم علشان زميلك فى الشغل اللى يقل كفاءه و خبره عنك بيأخد ترقيات ومكافأت من حقك انتا وليست من حقه هوا علشان قريب البيه المدير.

مظلوم علشان مش عارف تجيب رغيف عيش كويس تاكله .

مظلوم علشان مش عارف تشرب كوبايه ميه خاليه من الطين و البكتريا ولا تسبب الفشل الكلوى.

مظلوم علشان لما يكون عندك حته ارض صغيره عاوز تبنيها علشان توفر مسكن كويس ليك ولولادك مش عارف تبنيها علشان الارتفاع الرهيب فى اسعار مواد البناء.

مظلوم علشان مش عارف تلاقى شقه كويسه بسعر معقول علشان تبتدى بيها حياتك .

مظلوم علشان مش عارف تلاقى مواصلات ادميه تحفظ لك ولاسرتك ادميتكم و احساسكم انكم فى دول بتقدر مواطنيها.

مظلوم علشان مش لاقى مدرسه حكوميه تعلم ولادك كويس و تهتم بيهم زى مدارس زمان.

مظلوم علشان مش عارف تلاقى دواء مهم ليك او لاحد اقربائك الا بسعر يفوق مثيله فى اى دوله اخرى بأضعاف سعره.

مظلوم علشان كل ماتدخل فى مشروع تلاقى واحد معندوش ضمير ولا دين ولا اخلاق ينصب عليك و يأخد الى حيلتك ويهرب.

مظلوم علشان لما تيجى تبيع او تشترى عربيتك تلاقى واحد برضه معندوش لا دين ولا اخلاق ولا ضمير بينصب عليك ويحاول يلبسهالك و يكسب من وراك مكسب كبير.

اعتقد ان اى واحد مظلوم الظلم ده كله مش هيحس غير بالاحباط والاكتئاب ومش هيقدر يعيش وهوا باله مستريح.

ياعم حرام عليك دا انت مسبتش حاجه اقولها

[tmz9111]

الكوســـــــــــــــــــــــــــــــــــــــــــــ ــــــــــــــــــة هى ألحاجة اللى بتجننى